فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

[<<أم مصعب>>]

فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

ايه الكلام دا

ألغاز ولا ايه؟؟

ولا ألغاز ولا حاجة الكلام واضح خالص!!

فاكرين رمضــــــــــــان؟؟

رمضـــــــــــــــــــــــــــــــــــان !!!

طيب مستعدين لرمضان؟؟

تاني!! رمضــــــــــــــــــان!!



أيـــــــــــــــــــوة رمضـــــــــــــــــان


رمضــــــــــــان......!!!!!!!!!!

رمضان إيه دلوقتي...

آه رمضان خلاص على الأبواب

أبواب إيه بس ربنا يرضى عنك احنا لسة بنقول يا هادي وجمادى الآخرة لسة هيهل علينا

يعني جمادى==> رجب==> شعبان==> رمضان

لســــــــــة بدري ...




بدري من عمرك

طيب إيه رأيك ان اللي عايزين يضيعوا صيامنا استعدوا من زماااان ولسة بيستعدوا كمان!!

يضيعوا صيامنا!! استعدوا؟؟ هما مين دول اللي عايزين يفسدوا صيامنا؟؟ واستعدوا ازاي؟؟ ..

أقوللك

للأسف كتير أوي عايزين يفسدوا علينا رمضان اللي هو أكبر فرصة شحن لينا واللي ممكن نعيش عليه بقية السنة

عايزين يضيعوا علينا رمضان اللي هو أكبر فرصة للعتق من النار!!

ياااااااااااااه العتق من النار... اللهم أعتق رقابنا

آمين

رمضان اللي هو الفرصة الحقيقية لحياة قلوبنا وإننا نصلح علاقتنا بربنا


رمضان والقرآن والتراويح والقيام ياااااااااااااه

عايزين يضيعوه مننا!! هنسيبهوم؟؟

مش نعرف هما مين الأول واستعدوا ازاي!!

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

أولهم وبلا منازع.... الشيطان

طبعا الشيطان عارف انه هيتقيد في شهر رمضان

يعني هيبقى خالي شغل

طبعاً متجيش!!

يقوم بقى يعمل ايه؟؟

يشد حيله ويجتهد (ونركز أوي في يجتهد دي) عشان يضيعنا قبل ما نوصل رمضان بحيث ندخل واحنا مش مستعدين فعلى ما نبدأ نشد نلاقينا في آخر رمضان!!

أو زي ما حصلت مننا كتير إن الايام تجري ونلاقي نفسنا فجأة في رمضان!! والغفلة دي مصيبة

الله المستعان

وطبعاً الشيطان مش لوحده

مش لازم الصحبة ولا ايه!!

فيبدأ يشغل جنوده من شياطين الانس ودول بقى مصيبة!!

مصيبة؟؟!!!

آه طبعاً لأن دول شغالين قبل رمضان وفي رمضان مفيش تقييد!!

دول بقى أهل الفجور!! اللي بيسموهم نجوم!!

تلاقي المسلسلات جاهزة قبل رمضان بشهور

ورمضان مايعديش من غير برامج تستضيف الفنانين والفنانات

أومال مش لازم نستفاد منهم في قضايا الأمة!!

وخد عندك فوازير رمضان!!

والخيبة الرمضانية!! آه والله وأي خيبة!!

يعني تتسحر وتتبسط.. من وجهة نظرهم

سحور وإفطار على أنغام الموسيقى والاستعراضات

واسمع بقى أغاني رمضان

من قبله بكام يوم وحوي يا وحوي ورمضان جانا..

وعلى العشر الأواخر والله لسة بدري يا شهر الصيام

وقبل العيد يا ليلة العيد آنستينا!!

اومال مهو برضه لكل مقام مقال

الناس دي ما بتلعبش

وخد عندك الدورات الرمضانيه

قال كمان لازم كورة في رمضان!!

وعزومات رمضان وخروجات رمضان وليالي رمضان

لما غير المسلمين نفسهم بقوا يستنوا رمضان عشان التليفزيون!!

شوفت وصلونا لإيه؟؟

بدل ما يبقى رمضان مرتبط عندنا بالطاعة والقرآن والعبادات والاجتهاد والاعتكاف

بقى عند العوام وغيرهم مرتبط بالأكل!! واللعب!! والتليفزيون!!

الله المستعان

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

المرة دي بقى لا مش هنسمح لهم

المرة دي هنقوللهم :

إلا رمضان

أيوة إلا رمضان

إحنا ضيعنا كتير أوي

كام رمضان عدى وخرجنا منه زي ما دخلنا!!

كام رمضان عاهدنا ربنا قبله إنه هيكون المرة دي غير

وأخلفنا عهدنا معاه وبرحمته وكرمه سبحانه يمهلنا ويعطينا فرصة ورا فرصة

ياااااااااااااااااه يارب ودود أوي

نعم الرب أنت وبئس العبيد نحن

كام واحد وواحدة يا جماعة كانوا معانا في رمضان اللي قبل اللي فات وفارقونا قبل رمضان الماضي واحنا ربنا أمهلنا؟؟

فاكر صاحبك فلان اللي ربنا توفاه قبل رمضان؟؟

فاكرة صاحبتك فلانه؟؟

وقرايبنا وجيرانا

وناس ننعاهم أول ليلة في رمضان..

طيب وأدينا السنادي يارب بلغنا رمضان

فاكرين فلان اللي توفي أهو قبل رمضان يا عالم كان في نيته إنه يجتهد إن أدرك رمضان؟؟

ياااااااااااااه ناس كتير أوي فارقناهم أهو قبل رمضان

والله أعلم مين تاني هيسيبنا قبل رمضان

يمكن أنا أو انت يا أخي أو انتِ يا أختي

والله ممكن!!

الله المستعان

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

علشان كدا لازم نُري الله من أنفسنا خيراً

ناويين يارب نشتغل في رمضان وإن شاء الله نكون من المعتوقين

المرة دي يارب احنا مشتااااقين أوي لرمضان

وحشتنا أيامه .. الصيام .. التراويح .. القرآن... كل حاجة في رمضان وحشتنا يارب

يارب قلوبنا محتاااجه رمضان عشان يطهرها

نفوسنا محتاجه رمضان عشان يزكيها

احنا محتاجين رمضان عشان نتغير

ونفسنا يكون بجد غِير

علشان كدا

احنا كمان هنجتهد

مش معقول يا شباب يكون أهل الباطل أحرص على الباطل من أهل الحق على الحق!!

يا جماعة الناس دي استعدت من شهور فاتت

قولولي كدا :

ينفع ممثل من دول يبدأ في فيلم دلوقتي وينزله في رمضان!!

لا طبعا هيسخروا منه

والله بجد

هيقولولوا فات الوقت!! ماعادش ينفع دا رمضان على الأبواب!!

احنا بقى عايزين بس الأيام دي

مش زي الصحابة قبله بست شهور

لا احنا الفترة دي عايزين نبدأ بالراحة ونعلى في الطاعات بحيث ندخل رمضان واحنا في مستوى يأهلنا بعد رحمة ربنا طبعا إننا نكون من المعتوقين

ربنا شكور.. والله شكور

مش معقول هيلاقيك بتستعد وصادق وهيحرمك

ما اتعودناش على كدا... احنا اتعودنا على كرم ربنا ورحمته وحسن ظننا فيه إنه هيبلغنا ومش هيحرمنا إن شاء الله

وإن قدر سبحانه انقضاء الأجل قبل رمضان يبقى نموت على طاعة ونية صالحة

يبقى قولنا هنبدأ إن شاء الله في الاستعداد

كلنا عارفين إن في الماتش لما يكون في تغيير المدرب بيقول للاعب إيه؟؟؟

؟

تمام

بيقول له : سخن يا ابني عشان تنزل

ياترى ليه؟ طيب ما ينزل يلعب على طول!!

ليه؟؟؟

تمام

عشان يتجنب الكرامبات اللي ممكن تحصل (دا اللي احنا شاطرين فيه )

فهمتوا بقى احنا هنعمل ايه؟؟

احنا هنسخن قبل رمضان

عشان لما ييجي رمضان أول حاجة ميكونش مفاجئة ونتاخد على غفلة

وتاني حاجة عشان الكرامبات!!

كرامباااات؟؟؟!!

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

أيوة كرامبات يعني شد عضلي

كرامبات ايه!! هو احنا هنلعب!!؟؟

لا طبعا مش هنلعب احنا هنشتغل ان شاء الله

بس عشان كرمبات الطاعة

؟؟

أسهلهالك

لما أكون أنا مش متعود على صلاة القيام (اللهم ارزقنا ولا تحرمنا بذنوبنا)

يعني يوم ما بصلي بوتر وأناااااااام (وأنام قرير العين منا صليت بقى )

ييجي رمضان وانا على الحال دا

طبعا هصلي تراويح وعايزين تهجد وعايزين وعايزين.. دا رمضان

الناس تبقى واقفة بتتفكر في الأيات وأنا بفكر في........

في رجليا طبعا اللي اتكسرت

منا مش متعود!!

نفس الحال مع القرآن

أبقى يوم ما بقرأ بجيب جزء والواحد يبقى اييييييييه

أجي في رمضان لا مينفعش

أشد في الاول وأمشي وبعد كد ا كرررااااامب وكسل وتيجي الختمة بطلوع الروح

وتعالوا لأهم حاجة اللي لازم نفكر فيها

رمضان جاي في الصيييييييييييف!!

يعني عايز ناس بتحب صيام الهواجر

وأدينا شايفين الحر عاملة ازاي واحنا عاملين ازاي!!

فلو ما اتعودناش من دلوقتي على الصيام في الحر على الأقل الاثنين والخميس والأيام البيض

يبقى ان شاء الله النهار نوم بسبب الحر ويضيع القرآن لان مفيش وقت للورد المطلوب واللي نفسك فيه!!

يعني لاااااازم ندخل رمضان واحنا على أهبة الاستعداد

السنة دي عايزين فرسااااااااااااااان رمضان

فرسان صيام فرسان قيام فرسان قرآن فرسان بر فرسان صدقة....

فرسان رمضان

مين يا جماعة هيدخل بشعار (رمضان السنادي غِير)

أيوة غِير ...

أيوة يارب إن شاء الله بحولك وقوتك هيكون غِير

احنا فرطنا كتير أوي يارب ... وعايزين نبدأ عهد جديد

طيب ونبدأ ازاااااااي؟؟؟

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

هنبدأ ازااااااااااي؟؟؟

يللا يا شباب نجدد التوبة!!

أيوة لااازم البداية تكون توبة

توبة من كل حاجة عملناها مترضيش ربنا

توبة من كل معصية ارتكبناها في سر أو علن بعلم أو بدون علم

توبة من الغفلة وتوبة من التقصير

توبة شاملة وإن شاء الله تكون نصوح

ونبدأ بيها صفحة جديدة مع ربنا

ويقيننا يارب إنك هتقبلنا ومش بس كدا



هتفرح بينا كمان

أيوة دا يقيننا لأنه أخبرنا بيه حبيبنا الصادق صلى الله عليه وسلم

هنبدأ صفحة جديدة يارب عنوانها ( منايا أوصلك) (حاجتي أنت)

أيوة مش عايزين غير رضاك يارب مش عايزين غير حبك

يارب حِبّنَا يارب

يبقى دي أول خطوة يا شباب عشان نبدأ إن شاء الله


التـــــــــــــــــــــــــــــــــــــــــوبــــ ـــــــــــــــــــــة


وإن شاء الله ناخد بإيدين بعض ونوصل للجنة سوا اللهم آمين


يبقى كلنا لازم نعلنها توبة خالصة لله عز وجل


طيب وبعد التوبة؟؟؟

أعلن التوبة الأول وبعدين كمل الموضوع...


ربنا يتوب علينا جميعاً



...

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

بعد التوبة

أولا مبرووووووووك

أيوة مبروك يا أخي مبروك يا اختي ومبروك يا أنا

أيوة لازم نفرح بخير يوم مر علينا منذ ولدتنا أمهاتنا

مش دا كلام النبي صلى الله عليه وسلم لسيدنا كعب بن مالك بعد توبته


مبروووووووووووووووك لأن ربنا عز وجل


اللــــــــــــــه يفرح بتوبتك


قال رسول الله صلى الله عليه وسلم: لله أفرح بتوبة عبده من أحدكم سقط على بعيره وقد أضله في أرض فلاة متفق عليه .
وفي رواية لمسلم لله أشد فرحاً بتوبة عبده حين يتوب إليه من أحدكم كان على راحلته بأرض فلاة، فانفلتت منه وعليها طعامه وشرابه فأيس منها، فأتى شجرة فاضطجع في ظلها، وقد أيس من راحلته، فبينما هو كذلك إذ هو بها قائمة عنده، فأخذ بخطامها ثم قال من شدة الفرح: اللهم أنت عبدي وأنا ربك، أخطأ من شدة الفرح

ياااااااااااااااااااااااه تفرح بيا أنا يارب!!
أيوة فعلاً دا أجمل أيام عمرنا لما نتوب صح وتخرج من قلبنا بصدق راااااجعين لك يااااارب

راااااااجعين بحب وأملنا تثبتنا وترضى عنا

ولو وقعنا يارب هنقف تاني بين يديك ونجدد التوبة والأوبة وهنترجى تاني وندعي تاني لأننا ملناش غيرك

بعد التوبة يا شباب

أو ل حاجة التائب دا شكله إيه؟؟

هيكون شكله ايه يعني بعد ما كان محمد هيبقى عادل ولا ازاي!! j

بصوا بقى التائب دا واحد تاني خالص يعني بعد التوبة غير بعد التوبة

يعني تبت من الأغاني لااازم أعلق قلبي من القرآن

طيب انا مكنتش بسمع أصلا بس كنت هاجر للقرآن مليش ورد ولا بسمع ولا..

يبقى بعد التوبة يكون ليا ورد ولو صفحة وجه واحد المهم يبقى القرآن على لساني وفي قلبي

عايزين نعيش الفترة دي بالقرآن لأن دا دوانا وهو هيكون المنشط بتاعنا طول طريقنا لربنا

يبقى ببساطة التوبة تغييييير

ودي قصة توبة سيدنا كعب ابن مالك بيحكيها الدكتور حازم شومان ربنا يرضى عنه وينفع بيه في درس تائب رغم كل شئ

http://www.way2allah.com/modules.php...les&khid=10295

http://www.way2allah.com/modules.php...557&khid=10295

عايزين نسمعها ونشوف الوقفات والعبر اللي الشيخ قالها عشان نتعلم

نرجع نقول بعد التوبة!!

هنبدأ بقى الاستعداد

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

هنبدأ بقى الاستعداد

عايزين نبدأ نشد في الطاعات بحيث نستدرك اللي فاتنا وخصوصا اننا في فترة امتحانات

يعني ناس بدأت وناس لسة هتبدأ وناس هتمتحن في رمضان وما أدراكم ما امتحانات رمضان

(لا اطمنوا بجد ممتازة لو احتسبتوا وقت المذاكرة طاعة هيكون أكتر رمضان عبدتوا فيه ربنا بس طبعا من غير تفريط في بقية العبادات مش معقول هتكون الطاعة كلها مذاكرة )

يعني ببساطة

رمضان احنا عايزين أكتر حاجة نجتهد فيها ايه؟؟

صيام + قرآن + قيام

(دول يعني أبرز العبادات وداخل في القيام الدعاء وفي صدقات بقى وأعمال البر بس دول زي ما قولت أبرز العبادات )

عشان كدا هنركز عليهم

يعني هنبدأ نثبت ورد قرآن للي ملوش ورد واللي له ورد ثابت يبدأ يزود فيه شوية بشويه

عندنا القيام نبدأ برضه نتعود على الوقوف بين يدي الله والناس نيام ونتعلم بقى الدعاء والمناجاة وندووووق القرب

والصيام زي ما قلنا نزود شوية بحيث ندخل رمضان واحنا متعودين على صيام الحر

وعندنا ملاحظتين نركز فيهم

NB


صحصحوا...

أول حاجة:

العبادة بتمر مع الإنسان بـ 3 مراحل:

المجاهدة ثم الاعتياد ثم التلذذ

نجيب مثل زي قيام الليل (اللهم ارزقناه)

في الأول هجاهد نفسي عشان أقوم أصلي بالليل وياااه لو في الثلث الأخير

المهم دي أو حاجة وهي مرحلة شاااقة وهتكلف فيها الطاعة وهتعب فيها

بعد فترة تيجي مرحلة الاعتياد يعني تبقى عادة

خلاص أنا اتعودت لااازم كل يوم أقوم أصلي ركعتين قيام مينفعش يومي يعدي من غيرهم

بعدها تيجي مرحلة التلذذ (اللهم أذقناها)


أنا مستمتع بالعبادة وفرحاااااااان إني بعملها


دي بقى حاجة تانية خالص يعني هتقوم الليل بحب وبقلب

هتعبد بحب وبقلب يقظ مدرك متعلق بالله عز وجل ودي بقى اللي نقول عنها:

" من ذاق عرف ومن عرف اغترف "

والخاسر من ذاق وفرط (اللهم ردني إليك ردا جميلا ولا تحرمني)

ربنا يتوب علينا

كان أحد السلف بيقول إيه..؟؟

" كابدت قيام الليل عشرين سنة وتلذذت به عشرين أخرى حتى إني لأدخل الصلاة وأنا أحمل هم الخروج منها"

ياااااااااااااااااااااااااااااااااااه دي الناس اللي عرفت ربنا وعرفت يعني ايه قرب

شايفين عشرييييييييييين سنة

مش احنا اللي مستكترين 3 شهور !!

دي أول ملاحظة والهدف ايه؟؟

عايزين ندخل رمضان واحنا بنتلذذ بالطاعة عايزين نتذوق القرآن نسمعه بأذن القلب ونمرره على قلوبنا بدل المرة 100

عايزين نصبر يا شباب الموضوع مش بين يوم وليلة هنجاهد هنتعود وربنا شكور وهيرزقنا اللذة

وما ننسااااااااااااش الدعاااااااااااااااء

اللهم ارزقنا لذة الأنس بقربك

والله لحظة أنس واحدة واحساس بالقرب من الله عز وجل خير من الدنيا وما فيها

ومن ذاق عرف

طيب

تاني ملاحظة:
!!

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

تاني ملاحظة بقى:

عايزين نتعلم سياسة النفس!!

يعني ايه؟؟

يعني الموضوع مش أفش!!

مش من أول يوم وأنا بتعلم قيام هقوم 11 ركعة وبجزء!!

مش هبدأ بورد 10 أجزاء!!

مش هبدأ بصيام كل يوم!!

لا سياسة النفس دي فن التعامل معاها

يعني بالراحة

هبدأ بركعتين قيام

ركعتين بس؟؟

آه بس

همشي عليهم لإمته؟؟؟

لحد ما تبقى روحي فيهم بمعنى مش هسيبهم لو إيه حصل يومي مينفعش من غيرهم ولو فاتوني هقضيهم وأعاقب نفسي عليهم

نقول مثلا أسبوع أو 10 أيام

كدا خلاص بقيت لااااااااازم أصلي ركعتين كل يوم لاااااااازم

بعدها أبدأ أزود.. أخليهم أربعة

وأمشي على كدا كمان أسبوعين أو 3 وبعدين أزود

فاهمين؟؟

بكدا أدخل رمضان وأنا خلاص نفسي مهيأة إنها تزود وتشتغل ويكون الـ 11 ركعة بتوع التراويح بإذن الله أيسر ما يكون ونتدبر الآيات بقى..

وكذلك في القرآن لحد ما أوصل لمرادي من الورد

ولا حول ولا قوة إلا بالله مش شطارة مننا!!

دا كله محض منه وفضل من الكريم سبحانه

يبقى نستعين بالله ونبدأ نشتغل وبلاش شغل الكسل والشماعات

واللي عايز يتغير وصادق والله ربنا هيعينه وهيتغير واللي هيدور على مبرر للتقاعس هيلاقي بدل المبرر 10 و100
وإن شاء الله نتابع مع شيوخنا ربنا يجزيهم عنا كل خير
طيب وبعدين؟؟
واللي عايز يتغير وصادق والله ربنا هيعينه وهيتغير واللي هيدور على مبرر للتقاعس هيلاقي بدل المبرر 10 و100
وإن شاء الله نتابع مع شيوخنا ربنا يجزيهم عنا كل خير
طيب وبعدين؟؟

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

وبعدين؟؟

زي ما قولنا

هنتابع مع شيوخنا ربنا يحفظهم ونسمع دروس مرتبطة برمضان

والله يا جماعة مافي وقت بيضيع بالطاعة بل بالعكس بركة الوقت بنكتسبها من الطاعة

يعني مش هتأثر على مذاكرة ولا عمل ولا شئ

فبلاش نبخل بوقتنا على ربنا اللي وهبنا الوقت دا!!


آدي سلسلة إصلاحات قبل رمضان 4 دروس بسسسسسسس للدكتور حازم شومان ربنا يرضى عنه

إصلاحات قبل رمضان





من دلوقتي!! مش لسسسسة بــ....

ب إيه؟؟؟

مش قولنا بقى مفيش حاجة اسمها بدري

**** طيب والمفاجأة والهدية هي دورة الاستعداد لرمضان مع الشيخ المربي

*** الشيخ هاني حلمي ***


جزاه الله عنا خيرا ونفع به



وهتكون بعنوان فك قيدك إن شاء الله عشاااااااان نتحرر من قيودنا يا شباب

احنا مش هنمشي تاني

احنا هنطير عشان نوصل لربنا


فك قيدك


أيوة مفيش شهوة هتقيدني ولا ذنب هيبعدني عنك يارب


مفيش عادة هتقطعني عنك لاااااااااا أنا هغير عاداتي



مفيش عائق خارجي هيوقفني في رحلتي ليك يارب لاااااااااااا هزيل العوائق


مفيش عالق فاسد هيحجب قلبي عنك يارب لااااااااااا هطهر قلبي


وكله بعونك يارب وتوفيقك لأني أصل كل عيب وعورة وخطيئة


ودي إعلانات الدورة عايزين نشر على نطاق واسع ورونا الهمة


لأن الدورة هتبدأ إن شاء الله أول شهر جمادى الآخرة

وياااااااارب ربنا يرزقنا القبول ونشارك فيها إن شاء الله وننتفع بيها

تصميمات نشر - مشروع الإستعداد لرمضان-1431-2010

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

أنتظروا المشروع الإيماني للاستعداد لرمضان
فك قيدك

لفضيلة الشيخ
هاني حلمي

ابتداءً من أول جمادي الآخرة بمشيئة الله

رجاء نشر هذه التصميمات قدر الإمكان
قبل بدء المشروع
والدال على الخير كفاعله















ورقة الإعلان الجاهزة للطباعة
300 resolution
لحفظ الصورة اضغط هنا

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

وبعد؛؛

فهذا ما تيسر لي وأسأل الله ألا يجعل حظي من ديني قولي

فكم من داع إلى الله وهو فار من الله


وكم من مقرب إلى الله وهو بعيد عن الله


وكم من مذكر بالله وهو ناسٍ لله


وكم من مخوف من الله وهو جرئ على الله


وكم من تالٍ لكتاب الله وهو ينسخ آياته

اللهم إني أعلم أني لست أهلا لرحمتك ولكن يقيني أن رحمتك أهل لأن تصل للعصاة من أمثالي


اللهم إن رحمتك وسعت كل شئ وأنا شئ فلتسعني رحمتك

أعوذ بالله أن أذكركم به وأنساه أو أوجهكم إليه وأتوجه إلى سواه
ولا أسألكم الا الدعاء

اللهم اغفر لي ما كان من ذنوبي وثبتني فيما بقى ولا تتوفني إلا وأنت راضٍ عني

سبحانك اللهم ربنا وبحمدك أشهد أن لا إله إلا أنت أستغفرك وأتوب إليك

وجزاكم الله خيراً

ربـــــــي


أتُراكَ مُعذبي وأنت قرةُ عيني؟؟!!

[ام نظام]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

ماشاء الله أختي أم مصعب موضوع رااائع وجاء في وقته
ربنا يكرمك ويفتح عليكِ
وبعدين وبعد التوية ايه ؟؟؟
أكملي جزاكِ الله خيراً ونفع الله بكِ

[<<أم مصعب>>]

رد: فاكرين؟؟؟؟ طيب ياترى مستعدين؟؟؟ تعالوا نستعد من دلوقتي

ماشاء الله أختي أم مصعب موضوع رااائع وجاء في وقته
ربنا يكرمك ويفتح عليكِ
وبعدين وبعد التوية ايه ؟؟؟
أكملي جزاكِ الله خيراً ونفع الله بكِ

اللهم آمين

جزاني وإياكِ كل خير أختي الفاضلة

بعد التوبة:

إن التائب إنسان جديد خااااااالص ووضعت رابط درس تائب رغم كل شئ للدكتور حازم ربنا يحفظه رااااااااااائع جدااااااااا

بعد التوبة بقى يبدأ الاستعداد يعني بعد ما نفتح صفحة جديدة

ربنا يبلغنا وإياكم ولا يجعلنا من المحرومين

تنبيـــــــــــــــــــه

تم تأجيل بدء دورة (فكّ قيدك) للاستعداد لرمضان تحت إشراف الشيخ الفاضل هاني حلمي حفظه الله إلى أول شهر رجــــــــــــب إن شاء الله

فلنستعد بارك الله فيكم

ولنجدد التوبة والنيه