ارجوكم ساعدونى

[محبه خديجه]

بسم الله الرحمن الرحيم
اخواتى الغاليات اقسم بالله واتمنى منكم المساعده
انا فعلا محتاجه منك انكم تساعدونى
انا نفسى اكون ملتزمه بجد انا حاسه ان فى حاجات كتير نقصانى وطلبه منكم المساعده انا نفسى اثبت واستمر فى اى عمل يقربنى من ربنا بس كل مامشى خطوه برجع تانى بس مش زى الاول طبعا وانا انضميت للموقع ده وعندى امل انى اتغير للاحسن طبعا قولولى اعمل ايه يخلينى اثبت ومرجعش انا عارفه ان فى اخوات هيقولوا ان الامر فى ايدى انا حاولت كتير بس اكيد فيا حاجه غلط بس انا بدات بحفظ القران الكريم عايزه اعرف اعمل ايه بعد كده انا عندى امل كبير انكم تقدروا تساعدونى

[كيف أحزن وربي الرحمن]

رد: ارجوكم ساعدونى

السلام عليكم ورحمه الله وبركاته

ازيك يا محبه خديجه طيب ده حتي اسمك لاحب امهات المؤمنين الي قلبي ربنا يجمعنا معاها يارب هي و امهات المؤمنين يارب
بصي مش هاقولك الامر بايديك ولا اي كلام تاني بس هاقولك حاجه وحده ( اصدقي الله يصدقك ) نيتك انك تقربي تكون من قلبك من جوووووواه قلبك اخلصيها لربنا
وخليكي صادقه فيها وخلي عندك يقين وايمان بربنا ... اذا انتي عاوزه فعلا تقربي ... ربنا مش بيقفل باب التوبه في وش عباده باب التوبه مفتوح ليل نهار بيغفر للي بيستغفر ويستجيب للي بيدعي

عارفه اقولك علي حاجه صومي يوم لله تعالي وخلي دعواتك طول اليوم ان ربنا يهديكي لطريقه ويعينك علي طاعته وادعي ربنا وانتي ساجده كتير وادعي من قلبك والله ربنا هايقربك منه صحيح الموضوع مش هاتحسيه في الاول اكيد طبعا كنتي بعيده فتره بس والله والله كام يوم وهتلاقي قلبك وجوارحك هي اللي بتتحرك لوحده وبتسعي لطاعه ربنا
كمان اقولك علي حاجه حلو انك تحفظي قران حلو قوي علي فكره انا كمان زيك لسه بدأت احفظ قران بس عارفه الصحابه كانو بيعملو ايه كانو لما بيحفظو حاجه من القران كانو بيفهموها ويعملو بيها وبعدين يحفظو الجديد يعني في راي مش مهم كم الحفظ اد مهم انتي بتفهميه وتعيشيه في قلبك وتعملي بيه
مش عاوزه اكون طولت عليكي ويارب اكون قدرت اساعدك باي حاجه

[المنتقبة السعيدة]

رد: ارجوكم ساعدونى

على قدر حبك للطريق الله عز وجل
الله عز وجل هيوفقك
والله عز وجل لا يقفل فى باب احد
واليك طريقه مجربه
قبل الفجر صلى ركعتين
وادعى كثيييييييييييييييييييير
هذا الوقت ان شاء الله لا يرد سائل
وشوفى لو فى معصيه كده عاملها بطليها
وصلى نوافل كثير
وادعى كثيييير

[ام نظام]

رد: ارجوكم ساعدونى

ماشاء الله كلامك جميل أختي كيف أحزن وربي الرحمن
واضيف لأختي الفاضلة مُحبة خديجة
ااقولك عن تجربة أهم حاجة بعد الألتزام الصحبة الصالحة والرفقة الطيبة
عارفة أنا معرفتش اثبت واصلب طولي زى مابيقولوا إلا لما دخلت للمنتدى هنا وتعرفت على أخوات لا أُزكيهم على الله نعم الأخوااااات
عشان كده بقولك لالالازم من شروط الرحلة والسفر إلى الدار الأخر
أن يكون لكِ أخت في الله تعينك على دينك وتشجعك وتشجعيها
وتنصحك وتنصحيها
الأخوة في الله ديه حاجة جميلة اوووى وأحد أهم أسباب الثبات هي الصحبة الصالحة
الصحبة الصالحة تلاقيها في المسجد أو في المدرسة واحسني الأختياااار
ولا تنسي التضرع والدعاااء بين يدي الله
ردكِ الله إليه رداً جميلاً
وجعلكِ من الصالحات الداعيات المتفقهاااات

["بنت الإسلام"]

رد: ارجوكم ساعدونى

يسر الله لكِ الأمر كله أخيتى
وأهلاً بكِ بيننا
ونسأل الله أن يرزقنا جميعاً الثبات على الحق إنه جواد كريم
أخيتى بدأتى بداية صحيحة بالفعل -الحمد لله-
فالقرآن حياتنا وبه تستقيم أمورنا
أيضاً اجعلى لكِ ورد للقراءة فى القرآن ولا تكتفى بالحفظ والتدبر
ود/حازم شومان -حفظه الله ورعاه- كان مرة قال إننا نسمع شريط يومياً رقائق
حتلاقى قلبك رق كتييييييييير
وإليكِ هذه الدروس مجملة تحت مسمى
سنة أولى إلتزام
وأيضاً يمكنكِ زيارة هذا القسم عندنا بالمنتدى سيفيدكِ -إن شاء الله- كثيراًُ
( ألف ... باء ) التزام
وعليكِ بالدعاء والتضرع بين يدى الملك
وإياااكِ واليأس
وتعلمى الإصرار والعزيمة
وكلما شعرتى أنكِ ابتعدى عن الطريق ....ارجعى أقوى مما كنتى ولا تقنطى ولا تيأسى
من رحمة اللــــــــــــــــــــــــه
دمتى فى حفظ الرحمن أخيتى

[صخرة الاسلام]

رد: ارجوكم ساعدونى

ربنا يرزقني وأياكي الالتزام ,ويرزقنا توبة صادقة ,

ربنا يثبتنا ع حفظ القران ,انا حالي حالك ,وباحاول أبتعد عد الذنوب ربنا يثبتنا ,

بس تعالي نكثر من الدعااااااااااء

الدعاء الدعاء الدعاء

وساكتب موضوع ,أسمه هدية من رسول اللله لكل الامة ,اقرأية ,ويا رب يفيد معي ومعك ومع كل المسلمين

[محبه خديجه]

رد: ارجوكم ساعدونى


اخوات سبحان الله بشكركم على النصائح الغاليه جدا وان شاء الله هامشى عليها وربنا يثبتنى واياكم
جزاكم الله خير الجزاء وبارك لكم وفيكم