المدارس جت ، ولكن ,

[يمامة المسجد]

المدارس جت

المشهد الأول :

كلنا جبنا ملابس وشنط ورحنا أول يوم سعداء بلبسنا الجديد

أحمد طالب في الجامعة أمه جابته بنطلون جينس شيك ... ثمنه لا يقل عن مائة جنية ، وقميص تحفة ، ومش بس كدة حذاء ثمنه مثل ثمن البنطلون ... يعني راح كليته بيلمع وبيبرأ من الملابس الجديدة ... وماشي بثقة .... محدش أده ... ماهو لابس جديد في جديد

أما كريم بأه ... فرايح الإعدادية السنادي .... وطبعا ً هو كمان لابس لبس تحفة ... وشنطته رائعة وجديدة

وآية طالبة في المدرسة في أولى إبتدائي .... أمها جابتلها مريلة رائعة .... وشنطة جميلة عليها رسمة حلوة أوي , عجبتها .... ولونها رائع كمان ، وشراب شيك وملون وعليه رسمة هو كمان رائع .... يظهر إنه غار من الشنطة ... وعليه كوتشي ... بجد روعة ... طبعا ً راحت المدرسة وهي سعيدة جدا ً .... وبتتنطط من الفرحة

وكلهم لبسوا وراحوا المدرسة ... وسعداء وفرحانين

وبعد أول يوم دراسي

أحمد رجع وقال : انا عايز 3 دفاتر سلك كبار

وكريم : قال عايز كشكولين للعربي و4 كراريس ولازم يتجلدوا بأخضر ... وكشولين للحساب مربعات ... وكشوكلين دراسات وعلوم وجه وجه ... وطبعا ً لازم يتجلدوا ولازم تكت كمان

أية بأه كانت صغننة وطلباتها على أدها ... عايزة كشكول كبير للأنشطة ويتجلد بأزرق ... و كشكولين للدين وكشكول عربي .... وكراريس كمان ... وطبعا ً لازم يتجلدوا ولازم تكت كمان

طبعا ً طنط أم أحمد كانت محضرة دست دست كشاكيل قبل الدراسة يمكن بشهر

وجابتلهم كل إلي هما عايزينه

وكريم أعد جنب آية وفضلم يجهزوا حاجتهم ويجلدوا ويحطوا التكت ... وبعدين كتبوا أساميهم

وهما فرحااااااااااااااااااااااانين جدا ً

------------------------

المشهد الثاني :

البنت : امي أريد كراسة أكتب فيها الواجب

الأم : مش معي فلوس والله يابنتي أجيبلك

البنت بتبكي : الأبلة هتضربني

الام وهي حزينة : طيب أعمل إيه يابنتي ... طيب هخرج أشوفلك يمكن ألاقي كراسة قديمة عند حد يعطهالك

----------------
طبعا ً أكيد البنت هذه لم يأت لها بحقيبة أو شراب أو حذاء جديد

وأكيد الفرحة إلي انت و انت و انت حاسس بيها بلبس الحاجات الجديدة ... هما بدل منك قلبهم بيتقطع لأنهم شايفين ده كله ... وللأسف مش قادرين يجيبوا العشر

------------------
ممكن حد يقولي إني مزودة الموضوع حبيتين على شوية حساسية ، وإن مافي شخص هكذا

هقوله يا أخي إن حضرتك أساسا الذي لا تعرف الناس ولا تدرك كيف حالهم

------------------
اما قصة البنت فهي واقعية وليست من محض خيالي

البنت فعلا ً كانت تسكن بجوار أحد أخواتي في الله وأمها تعمل في البيوت ... وأم اختي قامت بالواجب مع بنتها

------------
الفكرة يا جماعة إن فيه أمثال كثيرة جدا ً وقريبة مننا جدا ً

والناس بتقول هو لسة في حد فقير !!!!!!!!!!!!!!!!

يعني إنت لو بصيت للناس إلي جنبك والله لو كنت ساكن فين !!! هتلاقي جنبك محتاج

---------------
إيه المشكلة إنك لما امك تجيب حقيبة مدارس لك ... تقولها تجيب واحدة كمان وتطلعها لجارك الفقير
وشوف الرسمة إلي هتترسم على وجهه
:(ضحك):

ولما تجيب بنطلون شيك

ليه ماتجبش واحد لابن جارك الفقير او لصاحبك الفقير ولا تقول لي إن مافي في المدرسة حد فقير

وترسم رسمة جميلة على وجهه
:(ضحك):

إيه المشكلة تجيبي شراب لبنت جارتك وهو حاجة قليلة جدا ً وترسمي البسمة على وجهها

وليه من الكشاكيل والكراريس الكثيرة إلي شارينها والأقلام والجلاد والتكت

نعطي منها لجارنا أو قريبنا أو صاحبنا الفقير
:(ضحك):

كل إلي إنت أحتاجته في دراستك ، جيبله زيك

ياجماعة انا أعرف ناس واخدة مع ابنها صاحبه مثلا ً

وبتجيبله زي مابتجيب لإبنها كأنهم تؤأم

ليه لا نقترح على امنا وآبينا

واحد زميلنا ، وتجبله مثلنا

صدقوني لو كل أسرة تبنت حاجات واحد فقط

الناس هتتغير مستواها

والعيد جاي

وكل الناس هتلبس جديد برضة في جديد

عايزين نشعر بغيرنا

ونحس بيهم ونرسم بسمة على وجههم

صدقوني ... كدة هنحافظ على أشيائنا وحياتنا أكثر منهم

لأنهم بعد كدة بيطلعوا شاعرين بظلم وإطهاد في المجتمع

ويمكن يخرج منهم السارق ووووووو

وفي الآخر إحنا السبب

إحنا في رقبتنا مسؤلية لجيل كامل

لازم نستشعر تلك المسؤلية

لازم نراعي الناس زينا بالظبط

وتخيل يا أخي أنك في مكانك مع أمك إلي بتجيبلك كل طلباتك

مش بمزاجك

ربنا وضعك في المكان ده

إحمد ربنا وأشكر نعمته وتفكر

وأشكر هذه النعمة إلي وهبها لك

وتذكر إنك كنت بسهولة جدا ً تتولد ابن البواب بتاعكم

أو بنت هذه السيدة إلي حكينا قصتها فوق

أنا مش هكلم أكثر من كدة

لكن آخر كلامي هقولكم أني أعرف أخت فاتحة بيتها في شارع 10

لكل محتاج

ومسكنة في بيتها ناس اساسا مش لاقية مكان تجلس فيه

وبتجمع ليهم تبرعات

تخيل ثواب الأخت دي

لأنها حست بإنسان مثلها

بيشعر وبيتألم ويحس

ولم تعش في الدنيا هذه همها يلا نفسي

وجازكم ربي خيرا ً

[dr_karmen]

جزاك الله خيرا يا يمامة
ربنا يكرمك يا يمامة
ممكن الخط يكبر؟ فعلا مش شايفة كلام كتير

[أبوسليمان المصري]

جزاكم الله خيرا أوضوع أهم
إكذا تكون الإخوة _إخوة الدين_
ئوالله إناك حالات أصعب أما ذكرتي
ئمع ذلك تحسبهم أغنياء أن التعفف

[dr_Muslim]

جزاك ربي خيرا أختاه ونفع بك

والله أني أعلم أحد الأشخاص كان يجلس في بيته وقبل الفطار بنصف ساعه
وإذا جرس البيت يرن فيرفع السماعه ليرى من تحت
فإذا به يسمع صوت ينزل على أذنه كالصاعقة أنها بنت لم تتجاوز الأربع سنين
تقول عموا أنا جاعانه وأخواتي كمااااااااان وبقالنا كتير ما كالناش وأنا هاموت من الجوع
فينزل ليرى فيجدها فعلا بنت صغيرة تبكي من شدة الجوع................
فما كان منه إلا أن بكى عليها وأطعمها من فضل الله وذهب معها الى بيتها ولكن هل كان لهم بيت بل والدتها غفيرة نعم غفيره لأحدى البيوت التي ستبني
وإذا لها أخوات أكبر واحده عندها 13 سنه وهم أربعه
فأعطاهم من فضل الله وقال لهم كل شهر تمروا علينا وإذا أحسستم بانتهاء ما معكم فمروا علينا والله المستعان

وأنت نعم أنت ماذا كنت ستفعل ؟؟
هل كنت ستعطيها جنية مثلا وتقول لها مع السلامه
ولا كنت هاتديها أكل وتمشيها
ولا كنت هاتعمل ذي ما عمل الأخ جزاه الله خيرا وهو كده كفل أسرة بفضل الله
أنزل ودور وأنت أكيد عارف مكانهم إبحث عنهم إسأل عنهم وبإذن الله ستجدهم
فكن لهم عونا في الدنيا يكن الله لك عونا في الآخرة

[احمدبحيرى]

السلام عليكم ورحمة الله وبركاته
اختى المشرفة الفاضلة / يمامة المسجد
اظنك دخلتى كل بيت من بيوت الطبقة الفقيرة وايضا المتوسطة الان
وانتى مش مزودة الموضوع ولا حاجة لأنى اعرف ناس كدة واشد من كدا
والحمد لله تقوم الجمعيات الخيرية بما تستطيع تجاههم
ولو أن كل فرد فى الأمة أدى دوره وأخرج زكاة ماله ما أصبح هذا حال المسلمين
وجزاكى الله خيرا
كنت هنا وقلمى فلا تنسونى من الدعاء

[يمامة المسجد]

اختي كارمن ... حاضر هكبر الخط

أخي أبو سلام المصري جزانا وإياك

[يمامة المسجد]

أخي الفاضل دكتور مسلم : والله يا أخي الله المستعان في هذا

لكن واجب كل من أن يكون له دور

وحتى لا يكون هناك فرق شاسع بين طبقات المجتمع وهذا الذي بدا يحدث في بلادنا

فقراء جدا ً .... وأغنياء جدا ً

اما الفقراء فهم منتشرون ... وآخر ما وصل لي أن أسر كاملة تبيت في الشارع عند الشيخ حسنين ولا حول ولاقوة إلا بالله

عموما ً شعور أمثال هؤلاء الناس هو الحقد على كل من في مكانة عالية ويستطيع المساعدة ولا يمد يده

ووالله , إن هذا لأن معظم الناس لا تخرج زكاة مالها وكم أود أن نعمل حملة ننصح الناس بأهمية تلك الزكاة

والله المستعان

[يمامة المسجد]

أخي الفاضل أحمد البحيري

طيب هو الدور فقط على الجمعيات

وحتى : كان دكتور حازم بيقول أن أغلى شنطة ب 100 جنية

طيب دي هتقضي أد ايه

الله المستعان

[samaka.vet]

جزاك الله كل الخير أختى فى الله يمامة المسجد على احياء هذه المشاعر الوفية المخلصة الصادقة وانا من قلبى أتمنى اساعد بأى حاجة لكن للاسف مش عارفة ابتدى منين يعنى لو ينفع مثلا تقترحى حاجة ونفذها مع بعض يكون اسهل وشكرا ليكى مرة تانية

[احمدبحيرى]

السلام عليكم ورحمة الله وبركاته
الأخت المشرفة الفاضلة/ جزاكى الله خيرا
انا اقصد الجمعيات الخيرية اللى احنا بنعملها الشباب اللى زينا يكونوا جمعية ويساعدوا بها المحتاجين
وفى شباب ميعرفوش يعملوا جمعيات بيعملوا حاجة اسمها( صندوق مساعدة ) خاص بكل شارع او حارة او منطقة وبيعملوا اللى ربنا يقدرهم عليه ودى افكار بسيطة بس تدوم
دمتى بحفظ الله

[حفيدة السلف]

السلام عليكم ئرحمة الله ئبركاته
موضوع جميل جداا ما شاءالله ربنا يجعلة في ميزان حسناتك بجد الموضوع دة حسس الواحد اد اية هو مقصر في حق الناس دي ومشغول بنفسة وحياتة وبس ولكن يا يمامة الواحد عندة استعداد يبدا يعمل حاجة بس مش عارف يبدا ازاي او يروح فين فلو ينفع تقترحي علينا وسائل اواي حاجة نساعد بيها يبقي جزاكي الله خيرا واسفة علي التاخير في الرد

[muslim girl]

السلام عليكم ورحمة الله وبركاته
جزاكي الله خيرا يا يمامة علي الموضوع الجميل بتاعك وطبعا فكرة الناس الفقراء او الايتام دي حاجة موجودة علي طول والمشكلة
فعلا في الناس اللي مشغولة في نفسها اوي وفي حاجات ذي ما انتي ما قولتي
معلش هطول عليكي يا يمامة عايزة احكي حاجة حصلتلي في الموضوع دع
ان ليا ابن عمي مشترك في جمعية خيرية بس ليه دور كبير فيها يعني بتهتم بمحو الامية وكفالة اليتيم ودروس تقوية للاطفال حاجات ذي كده يعني .
المهم يا جماعة انه كان جبلي ورق بتاع اشتركات للجمعية ليا والبنات صحابي وقاللي علي موضوع جمع تبرعات للا يتام و الفقراء بصفة عامة يعني .
والله يا جماعة وحياة ربنا انا كنت واخدة ورق كان مدهولي علشان اوريه للناس اللي عايزة تشترك او تتبرع باي حاجة موش فلوس كتير يعني ولا حاجة حتي لو جنيه علشان يتاكدوا الفلوس دي هتروح فين وكانت ممضي عليها من رئيس الجمعية وحاجات كده يعني
المهم اني كنت متحمسة اوي واول ماروحت الكلية وشوفت البنات عمالة اخطط وهعمل ايه وهقول ايه وماصدقت وصلت الكلية ولسي بتكلم معاهم وبطلع الورق وهبتدي اتكلم راحوا واخدين الورق مني وحطوه في الشنطة بتاعتي اللي هو اسكتي بقي انتي ايه اللي انتي جاية تقوليه ولا تعمليه ده .
وواحدة تانية قالتلي اه صح احنا مابنفكرش غير في نفسينا وكلام جميل انا هتبرع وبعدين يوم واتنين ولا كان في حاجة والرد ايه هو بالعافية ...................................فاهمين قصدي
بس يا يمامة هو ده اللي كنت عايزة اقوله موش عايزة اقول ان كل الناس كده لان ابن عمي فعلا جمع تبرعات كتير جدا من الجامعة بتاعته هي اول مرة كانت 11 جنيه .
وبعد كده والله يا جماعة كان بيبقوا معاهم فلوس ماشاء الله كتير لدرجة انهم عملوا مشاريع لناس ايتام علشان يعيشوا منها علي اساس انها تجيبلهم رزق علي طول علشان موش مضمون ان الناس هتساعد علي طول وكانوا جابوا حاجات للبنات اللي هتتجوز الايتام قصدي . يعني موش قصدي احباط في مسلمين بخير برضه
معلشي يا يمامة لو كنت طولت عليكي
جزاك الله خيرا والجنة
اللهم ارنا الحق حقا وارزقنا اتباعه وارنا الباطل باطل وارزقنا اجتنابه.

[يمامة المسجد]

بصي يامسلمة لازم تتبعي نظام طول البال

إبدأي وأبدا ً ماتضايقي إنك وحدك

ألا كفيكي أن الله معك ِ ,

المهم ابدأي وهاتي إنتي ووديه

وصدقيني الي بيصلح الي بينه وبين ربه

الله وحده يصلح لك ما بينك وبين الناس دون حتى طلب

فياستي ابدأي يعني شوفي حد جارك فقير

حد تعرفيه في عيلتكم

أي حد

واعطيه أو اشتركي في مشروع دكتور حازم

او اعطي لجمعية البر والإحسان في الموضوع

والله المستعان

[muslim girl]

السلام عليكم ئرحمة الله ئبركاته
صح حا حمامة ئالله انتي عندك حق ءازم طبعا طولة البال دي اول كلمة اتقلتلي
ئدايما الله المستعان.
ئانا ان شاء الله إعمل ذي انتي أاقولتي ان شاء الله
اللهم ارنا الحق حقا ئارزقنا اتباعه ئارنا الباطل باطل ئارزقنا اجتنابه

[يمامة المسجد]

حمامة أن ........... بمزح

حفيدة السلف انا أش إقترح شئ

ربنا أرسلنا الوسيله ... أشروع دكتور حازم بارك الله فيكم ئنفع بكم