Tweet
أعوذ بالله السميع العليم من الشيطان الرجيم بسم الله الرحمن الرحيم إن الحمد لله نحمده و نستعينه ونستغفره ونعوذ بالله من شرور أنفسنا وسيئات أعمالنا من يهده الله تعالى فلا مضل له ومن يضلل فلا هادي له وأشهد أن لا إله إلا الله وحده لاشريك له وأشهد أن محمدا عبده ورسوله اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد وبارك على محمد وعلى آل محمد كما باركت على ابراهيم وآل ابراهيم انك حميد مجيد،، أما بعد فإني أسأل الله تعالى أن يجعل جمعنا هذا جمعا مرحوما وأن يجعل التفرق من بعده تفرقا معصوما وأن لا يجعل منا ولا بيننا ولا حولنا شقيا ولا محروما اللهم اغفر وارحم واعف عما تعلم و اهدنا وتكرم سبحانك الأعز الأكرم اللهم اجعل عملنا كله صالحا ولجهك خالص ولا تجعل فيه لغيرك شيئا.....
نفســـــــــــك تتـــــــــــــــوب
؟؟
منتا عارف الدنيا واللي فيها وعارف احنا عايشين في ايه، ليل نهار المعاصي والذنوب من كل ناحية .
يعني في بينك وبين ربنا ذنب خايف تقابله بيه، فيه بينك وبين ربنا سد نفسك يتهد بتضعف قدام شهوات نفسك عشان كدة بتغلبك عالمعاصي،، من جواك ومن غير لف ولا دوران مرتاح البال؟؟ حاسس بطعم السعادة ؟؟مفيش مرة حسيت انك مخنوق؟؟
يا جماعة فين ربنا في حياتنا؟؟ فين ربنا في حياتك؟؟ بتفكر فيه اد ايه؟؟ بييجي على بالك في اليوم اد ايه؟؟ عايز اسألك وتجاوبني من جوة قلبك بلاش الاجابات الفورية اللي ملهاش وزن في القلب احنا عايزين ربنا؟؟ احنابنحب ربنا؟؟ منفسكش تتوب؟؟ ياعم نفسي.
يبقى لازم من جواك الشعور دة انك تتغسل من أثر الذنوب والمعاصي ،نفسك تقابل ربنا تعتق من النار، نفسك تبقى في رفقة النبي محمد صلى الله عليه وسلم في الجنة. الخطوة دي مفيش حد فينا ميحتجهاش ربنا سبحانه وتعالى بيقول
{ وتوبوا إلى الله جميعا أيها المؤمنون لعلكم تفلحون } [النور/31]
دول مؤمنين هيتوبوا من ايه؟؟ والنبي صلى الله عليه وسلم بيقول"إنهليغانعلىقلبي . وإني لأستغفر الله ، في اليوم ، مائة مرة" ليغان :تحس كدة ان صدري قافل شوية "وإني لأستغفر الله واتوب اليه في اليوم والليلة مائة مرة."
النبي بيستغفر من ايه ياعم؟ النبي بيتوب من ايه ياعم؟
طب يعني ايه الاول التوبة عشان نفهم لأن ممكن تكون فاهم التوبة ان انت تقعد تقول استغفر الله العظيم، يارب تب علينا، الحمد لله كدة تماما اوي .
لاااا التوبة معناها اول حاجة انك تبقى نادم عاللي فات اللي فات نفسك يكون خلاص مات ندمان عليه بس مش راكنه لما تيجي تفتكر الذنب الفلاني تقول دي كانت ايام ، دة انت تفتكرها تبقى كارهها وهي دي حلاوة الايمان "ثلاث من كن فيه وجد حلاوةالإيمان:أن يكون الله ورسوله أحبإليهمما سواهما ،وأن يحب المرء لا يحبه إلا لله ،
وأن يكره أن يعود في الكفر كما يكره أن يقذف في النار"
يعود بقى الى الصفحات السودا "كما يكره احدكم ان يقذف في النار"
ندمان والنبي يقول في الحديث "الندم توبة" يعني اصل التوبة ندم.
ندمان والنبي يقول في الحديث "الندم توبة" يعني اصل التوبة ندم.
واحد يقولك الكلام دة تمام وزي الفل نتكلم بصراحة موضوع التوبة اصله شائع وكل الناس بتتكلم فيه ،، بس اسمعها معايا المرة دي وخد معايا نية من اول الكلام نية صادقة يمكن لما تخلص ربنا سبحانه وتعالى يمتن عليك بتوبة صحيحة.
لحظة صدق.. المشكلة فين؟ المشكلة في الاخلاص والناس لما تقعد تقرأ في قصص التوبة والناس اللي ريبنا فتح عليهم جت ازاي البداية فتحت ازاي لحظة صدق حقيقية
بجد مر عليا انا واحد كان بيتعاطى مخدرات فالمهم مرة من المرات وهو بيعدي مسطول فجت العربية كانت هتدهسه وهما بيقوموه راح زعق وقعد يقول يارب تب عليا يارب تب عليا بقى ...والله هوة دة اللي حصل الفجر كان معانا بيصلي واستمر عالكلام دة خمس صلوات في المسجد لمدة اسبوع......... ومات
لحظة صدق لحظة بجد تقول خلاص هقفلها المرة دي بجد لو كانت كدة من صدق الله لصدقه الله يستحيل ان تقبل على الله فيعرض الله عنك ،،قولي اه ضعيف ومش قادر لسه الذنب جوايا ومش قادر هقولك تعمل ايه هقولك تستعين على نفسك بإيه بس ميكونش جواك محبة لشيء ربنا يبغضه.
واحد تاني يقول ياعم توبة ايه اه التوبة دي شيء جميل بس ليه محسسني اني مقصر ومذنب وعاصي ياعم انا مبعملش حاجة غلط لا بسرق ولا بازني .
اقولك اول حاجة قلت ان التوبة وظيفة العمر ان احنا كلنا لازم نتوب
تاني حاجة الانبياء كلهم وارد عنهم انهم كانوا بيتوبوا لربنا سيدنا آدم
{ قالا ربنا ظلمنا أنفسنا وإن لم تغفر لنا وترحمنا لنكونن من الخاسرين } [الأعراف/23]
سيدنا نوح { قال رب إني أعوذ بك أن أسألك ما ليس لي به علم وإلا تغفر لي وترحمني أكن من الخاسرين } [هود/47]
سيدنا ابراهيم ربنا يوصفه ويقول { إن إبراهيم لحليم أواه منيب } [هود/75] منيب يعين كثير الرجوع اليَّ.
سيدنا موسى { قال رب إني ظلمت نفسي فاغفر لي فغفر له إنه هو الغفور الرحيم } [البقرة/54]
سيدك وحبيبك محمد يقول "إني لأتوب إلى الله تعالى فيا ليوم سبعين مرة"
بعدين مش عايزين نضحك على بعض يعين كلنا كلنا بنقول احنا اصحاب ذنوب ومعاصي انا مبعملش حاجة تقيلة يعني بتعمل ذنوب ولا مبتعملش ؟ حكاية صغيرة وكبيرة دي مشكلة تانية لأنك بتنظر الى صغر الذنب ولاتنظر الى عظم من اذنبت في حقه دي كلمة دي نظرة { وتحسبونه هينا وهو عند الله عظيم }
طيب ايه بقى الذنوب الكبيرة لحسن احنا انهاردة يقولك انا بزني واسرق يعين هي دي الذنوب وبعد شوية لما الدنيا الناس تتعود على ذنب معين ياعم انت خلاص مقفلها ليه الناس كلها بتعمل كدة السلم بيبقى كدة في الاول تبقى خايفة تنزل بالشكل دة انها تلبس بالملابس دي الناس تقول عليها ايه بعد كدة كله يلبسها يبقى مفيش مشاكل ايه اللي خلاها حرام مدام الناس اجتمعت على حاجة يبقى مفيش مشاكل هي دايما في الاول كدة.
واحد قاللي كدة ياعم الشيخ انا معملتش حاجة حتى الزنا معملتش الا مرة واحدة والله كدة مرة قبل الجواز الحمد لله!!!!!!!!!!!!!!!!!!
الحكاية دي بتيجي ازاي بيروح يتفرج على فيلم بيدور على ان البطل بيحب البطلة والبطل بيعمل كذا مع البطلة ومفيش اي مشاكل ودة تحت اسم الحب والغرام والهيام وطالما احنا الاتنين تمام وقلبنا لقلب بعض متقولش بقى ورقة متكبرهاش، دي حاجة كبيرة اوي اسمها الحب فأنت قاعد تتفرج وتقول والله صح مبيخرجش يقول فيه زنا متقولش زنا ايه الالفاظ بتاعتكوا دي!!! قول حب شوية شوية الذنوب دي توصل لقلبك وبتتعودها
لما الرسول يقول "زنا العين النظر زنا اللسان النظق النفس تتمنى وتشتهي والفرج يصدق ذلك او يكذبه" لما يسمي النظرة دي زنا لأنها تؤدي إليها ويبقى ذنبها عند ربنا بمقام زنا ياه لو وقفت قدام ربنا واتكتب في صحيفة اليوم زنا اليوم بعينه يبقى وشك عامل ايه ؟؟فالنبي شدد في موضوع الاستخفاف بالمعاصي الحديث رواه النسائي وصححه الشيخ الاباني من حديث عائشة رضي الله عنها ان الرسول قال " اياكي ومحقرات الذنوب فإن لها من الله طالبا"
وروى الطبراني في الكبير عن ابن مسعود ايضا "ان الشيطان قد يئس ان تعبد الاصنام في ارض العرب ولكنه سيرضى منكم بدون ذلك" هو بيخش عليك بست ابواب اول باب الشرك { إذ قال للإنسان اكفر فلما كفر قال إني بريء منك إني أخاف الله رب العالمين } [الحشر/16]
لا منفعتش معاك قعد يقولك ربنا يعني انت مش حاسس اشمعنى انت ظلمك لا اعوذ بالله بس اه ساب حاجة تخدش ،يبتدي يسخطك على قدرك فيدخلك حتة في ا لشرك تبدي تكون مش راضي.
منفعتش معاه في دي يدخلك في البدع يخليك تقع في حاجات ما أتى بها النبي،
منفعتش في دي يخش عليك في الكبائر والموبقات تخلي ايمانك في الحضيض يقولك خليك في الصغيرة دي حاجة بسيطة وبعدين يكترها عشان تبقى كبيرة او تحقرها وتبقى كبيرة،
منفعتش في دول يخليك الحاجة اللي بتعملها مباحة بتاكل بتشرب بتنام بتخرج يخليها لك اقل مافيها تاخد فيها نية سيئة او مفيش خالص عشان متاخدش عليها حسنات.
اخر باب الفاضل والمفضول ان انت انهاردة لو قعدت قعدة الذكر دي ولا تقرأ القرآن؟؟ على حسب ممكن في وقت قراءة القرآن هي الأولى او حضور درس العلم هو الأولى،، فاضل ومفضول حاجة أحسن واللي احسن منها .
وبعدين أكيد كلنا مقصرين في الحيدث الذي رواه الترمذي وابن ماجه وحسنه الالباني عن أنس رضي الله عنه ان النبي قال:"كل ابن آدم خطاء وخير الخطائين التوابون" انا بقولك كدة ليه لأنك لو حسيت بالخطأ هتتوب انما طول مانت حاسس ان الموضوع مش مستاهل اوي الكلام اللي بتقول عليه من الصبح مش هنتحرك.
انا انهاردة هاقولك 12 خطوة عملية انقشهم على قلبك وحطهم قدام عينك وكلها حااجت عمليه لما تبقى في المشكلة الفلانية خطوة بخطوة عشان تبقى علاج عملي لقضية الذنوب والمعاصي..........
1- أول حاجة لازم في الأول تعترف بالذنوب والمعاصي عشان تتوب منها النبي صلى الله عليه وسلم قال في الحديث في الصحيحين" إن العبد إذا اعترف بذنبه ثم تاب إلى الله تاب الله عليه" طيب مليش وش.. عملتها تاني "إن الله لا يمل حتى تملوا " حتى لو عملتوا كل يوم وارجع فيه تاني أه الحديث حسنه الألباني " ما من مؤمن إلا وله ذنب يعتاده الفينة بعد الفينة" يعني يسيبه و يرجعله، " إن المؤمن خلق مفتنا نسيا " يعني يقع في الفتنة وينسى، لكن الشرط عشان فرق بين المسلم والفاجر أنه إذا ذكر تذكر لما يتقال له اتق الله تب إلى ربنا يارب توب عليا .
طب ينفع اتوب توبة مجملة؟؟ ينفع. يعني ايه يارب تب عليا من كل الذنوب والمعاصي ا للي بقع فيها اللي اعرفها ومعرفهاش أه ينفع بس خلي بالك أنا بقولك خد بالك من الذنوب دي ليه لأن في حاجات انت مش عارف ان دي ذنوب ومعاصي أو مش مكبرها هاضربلك أمثلة للذنوب اللي بيقع فيهابعض الناس وعظم قدرها عند الله اسمع الحديث " إذا رأيت الله يعطي العبد من الدنيا على معاصيه فاعلم أنه استدراج " بيحبني ولو مكنش بيحبني مكنش اداني فلوس يا خيباااااااااان هي الفلوس عند ربنا تسوى حاجة ولا الدنيا كلها!!!
انظر الى الجزء الايجابي في حياتك ثق إن أي حد يسمع الكلام دة جواه نور وخير والشطارة انه ينميه ويكبره،، وعنده جزء مظلم عشان كده بمد ايدي عشان تتخلص منه وكلنا فينا آفات وناخد بإيد بعض للجنة.
نكمل الذنوب اللي الناس مش واخدة بالها منها، محصلش انك قعدت بينك وبين نفسك عالنت كلمتها وظبطت نفسك ،الذنوب دي اسمها ذنوب السر اسمع الحديث في سنن ابن ماجه عن ثوبان قال الرسول صلى الله عليه وسلم " لأعلمن أقوامامن أمتي يأتون يوم القيامة بحسنات أمثال جبال تهامة بيضا فيجعلها الله عز وجل هباء منثورا قال ثوبان يا رسول الله صفهم لنا جلهم لنا أن لا نكون منهم ونحن لا نعلم قال أما إنهم إخوانكم ومن جلدتكم ويأخذون من الليل كما تأخذون ولكنهم أقوام إذا خلوا بمحارم الله انتهكوها "
دي مصيبة كبيرة كل ما يتقفل عليك باب ذنوب ومعاصي شوفت خطورة ذنوب السر يمكن بعض الناس تترك الصلاة تكاسلا وتهاونا والنبي صلى الله عليه وسلم في الحديث في المسند:" العهد الذي بيننا وبينهم الصلاة فمن تركها فقد كفر" بتصلي في أوقات الصلاة لكن بتأخرها " الحديث في صحيح مسلم " لا يزال قوم يتأخرون حتى يؤخرهم الله "
تهاون الكثير في أمر الزكاة ، وعدم التفريق بينها وبين الصدقة أهو يطلع فلوس وخلاص ،، تأخير الحج مع الاستطاعة المادية ،، التعامل بالربا ،دي كلها ذنوب الناس مش واخدة بالها منها .
2- تعرف فضل التوبة عشان نفسك تبقى عايزها :
1- لو توبت بجد ربنا يحبك ها تفرق معاك ؟ عارف لو ربنا حبك كل مشاكلك هتتحل عايز تتجوز ؟ عايز فلوس ؟ البيت ؟ الشغل ؟ لأن الله في الحديث ث القدسي في صيحيح البخاري قال "فإذا أحببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي بها ولئن سألني لأعطينه ولئن استعاذني لأعيذنه "
" إن الله يحب التوابين"
2- يفرح بيك : اذا كان ادخال السرور في قلب المؤمن من افضل الاعمال متبقاش سعيد ان ربنا فرحان بيك " لله أفرح بتوبة أحدكم بضالته إذا وجدها"
3- يبدل الله السيئات حسنات " إلا من تاب وآمن وعمل عملا صالحا فأولئك يبدل الله سيئات حسنات "
4- يمتعك متاعا حسنا " وان استغفروا ثم توبوا إليه يمتعكم متاعا حسنا إلى أجل مسمى ويؤتي كل ذي فضل فضله "
5- سبب للنصرة والفوز والفلاح في الدنيا والآخرة يسدد خطاك وتبقى ماشي صح " وتوبوا إلى الله جميعا أيها المؤمنون لعلكم تفلحون"
3- تعرف ربك:
1- أكثر من قراءة القرآن بس تقرا ازاي ، اعمل لنفسك ورد ميعديش يوم الا وتقرا ولو وعشر آيات النبي صلى الله عليه وسلم يقول " أبشروا أبشروا أليس تشهدون أن لا إله إلا الله واني رسول الله قالوا نعم فإن هذا القرآن سبب طرفه بيد الله وطرفه بأيديكم فتمسكوا به فإنكم لن تضلوا ولن تهلكوا بعده أبدا "
النبي صلى الله عليه وسلم قال " من سره أن يحب الله فليقرأ في المصحف "
2- تقعد تتأمل في صفات ربنا وتتأمل حكمة ربنا في الأمور. هنا حكمة ،،وهنا رحمة،، ووهنا انتقام،، وهنا عزة،، ومدى رحمته عليه الله أرحم بك منك ربنا مش عايزك تمشي في سكة النار وتحس بقربه منك فتستحي منه قال الله تعالى : " ولقد خلقنا الإنسان ونعلم ما توسوس به نفسه ونحن أقرب إليه من حبل الوريد" و قلا تعالى " واعلموا أن الله يعلم ما في أنفسكم فاحذروه " .
..إن الله ناظر إليَّ.. إن الله مُطَّلِع عليَّ..
رب هذا وصفه كيف لا ترجع إليه؟؟ كيف لا تتمنى قربه؟؟ تصرخ تستغيث تلوذ ببابه ،،وتضع خدك على ثرى أعتابه وتقول: ياااااااااااااارب تب عليَّ
يااااااااااااااااااااااااااااااااااااااااااااااااا ااارب .
3- عليك بالإكثار من الدعاء"ماعلى الأرضمسلميدعواللهتعالى بدعوة إلا آتاهاللهإياها أو صرف عنهمنالسوء مثلهامالم يدعبمأثمأو قطيعة رحم فقال رجلمنالقوم إذا نكثر قالاللهأكثر"
" من سره أن يستجيب الله له عند الشدائد فليكثر من الدعاء في الرخاء".
4- أحكم إغلاق أبواب الشيطان:
للشيطان أربع ابواب تعالى نعرفهم ونعرف ازاي نقفلهم ......
1- الخاطرة : نقفل الباب دة عن طريق : 1- الإكثار من الاستعاذة 2- مرر الآية " واعلموا أن الله يعلم ما في أنفسكم فاحذروه"
2- النظرة سهم إبليس المسموم :عارف انه صعب بس لما تعرف انك لما تغض بصرك ربنا يبدلك بيها حلاوة إيمان،ربك شكور يعني يشكر على طاعته، تاخد سكينة وطمأنينة ، وغض البصر طريق الجنة .
3- اللفظة( الكلمة) أحد أسلحة الشيطان النبي صلى الله عليه وسلم قال :" لا يستقيم إيمان عبد ولا يستقيم قلبه حتى يستقيم لسانه ولا يدخل الجنة حتى يأمن جاره بوائقه"
4-الخطوات : تمشي عكس الاتجاه قال الله تعالى : "وعباد الرحمن الذين يمشون على الأرض هونا" تمهل في خطواتك.
خلاصة الكلام دة كله أكثر من هذا الذكر"
من قال : لا إله إلا الله وحده لا شريك له ، له الملك وله الحمد وهو على كل شيء قدير ، في يوم ، مائة مرة . كانت له عدل عشر رقاب . وكتبت له مائة حسنة . ومحيت عنه مائة سيئة . وكانت له حرزا من الشيطان، يومه ذلك ، حتى يمسي . ولم يأت أحد أفضل مما جاء به إلا أحد عمل أكثرمن ذلك".
خمس جوايز:
1-مائة حسنة....
2- مائة سيئة يروحوا....
3- حرز من الشيطان...
4-عتق عشر رقاب ....
5- ولم يأت أحد بمثل ما جاء به إلا أحد زاد.
2- مائة سيئة يروحوا....
3- حرز من الشيطان...
4-عتق عشر رقاب ....
5- ولم يأت أحد بمثل ما جاء به إلا أحد زاد.
5- ارميها في البحر
ارمي أسباب المعصية في البحر،كلمة من صديق سوء ،نظرة، مجلة ، خد قرار بشجاعة
خليك راجل مع ربنا واللي يتردد على خطر عظيم لأن التردد من صفات المنافقين "
{ إنما يستأذنك الذين لا يؤمنون بالله واليوم الآخر وارتابت قلوبهم فهم في ريبهم يترددون } [التوبة/45] "
{ مذبذبين بين ذلك لا إلى هؤلاء ولا إلى هؤلاء ومن يضلل الله فلن تجد له سبيلا } [النساء/143]"
امسح نمر الموبايل واتخلص منها بص على سيدنا يوسف "قال ربي السجن أحب إلي مما يدعونني إليه وإلا تصرف عني كيدهن أصب إليهن وأكن من الجاهلين " أحب السجن عن مكان فيه فتن .
6- لازم تغيرالشلة
ومتقولش اصحابي كويسين وعايز ادعوهم. لا لا مش هتقدر على دي في الأول، حديث رواه ابو داوود والترمذي وحسنه الألباني النبي صلى الله عليه وسلم بيقول " الرجل على دين خليله فلينظر أحدكم من يخالل " قال تعالى" ويوم يعض الظالم على يديه يقول يا ليتني اتخذت مع الرسول سبيلا يا ويلتى ليتني لم أتخذ فلانا خليلا * لقد أضلني عن الذكر بعد إذ جاءني وكان الشيطان للإنسان خذولا " ياريتني ماكنت اعرف فلان دة ويعض على يديه من الندم ، ويوم القيامة قال الله تعالى " وقال الذين كفروا ربنا أرنا الذين أضلانا من الجن والإنس نجعلهما تحت أقدامنا ليكونا من الأسفلين "
إنما صحبة الخير تحط نفسك في المسجد وشوف الخير اللي ينالك دنيا وآخرة قال الله تعالى " واصبر نفسك مع الذين يدعون ربهم بالغداة والعشي يريدون وجهه" خليك مع جلسات الخير " هم القوم لا يشقى بهم جليسهم " النبي صلى الله عليه وسلم يقول " لا تصاحب إلا مؤمنا ولا يأكل طعامك إلا تقي " دة الكلب ذكر في القرآن بسبب صحبة أهل الخير في قصة أصحاب الكهف .
في الصحيحين من حديث أبي سعيد الخدري النبي صلى الله عليه وسلم قال
" فو الذي نفسي بيده ما من أحد منكم بأشد مناشدة للهفياستيفاء الحقمن المؤمنين لله يوم القيامة لإخوانهم الذينفيالنار ، يقولون : ربنا كانوا يصومون معنا ، ويصلون ، ويحجون ،فيقاللهم : أخرجوا من عرفتم ، فتحرم صورهم على النار ،فيخرجونخلقا كثيرا ، قد أخذت النار إلى نصف ساقه ، وإلى ركبتيه ،فيقولون: ربنا ما بقيفيهاأحد ممن أمرتنا به ،فيقولالله عز وجل : ارجعوا ، فمن وجدتمفيقلبه مثقال نصف دينار من خير فأخرجوه ،فيخرجونخلقا كثيرا ، ثم يقولون : ربنا لم نذر فيهاممن أمرتنا أحدا ، ثم يقول : ارجعوا ، فمن وجدتمفيقلبه مثقال ذرة من خير فأخرجوه ،فيخرجونخلقا كثيرا ، ثم يقولون : ربنا !
لم نذرفيها خيرا" شفت شفاعة المؤمنين دي فايدة انك تجالس الصالحين.
لم نذرفيها خيرا" شفت شفاعة المؤمنين دي فايدة انك تجالس الصالحين.
7- انسى الذنب
خلاص اللي فات مااااات خلاص " غفرتها له ولا أبالي " بس افتكرها لما تشم نفسك شوية قال الله تعالى " كذلك كنتم من قبل فمن الله عليكم "
8-أوعى تعَيَّر حد بذنب لأن ساعات نقول بص فلان دة مش هيورد على جنة .. ملكش دعوة بغيرك ولا تكثر الشماتة بأخيك فيرحمه الله ويبتليك.
9- الأعمال الصالحة المتدرجة لا بد لك من أعمال صالحة متدرجة تحل محل أوقات الذنوب والمعاصي العين .. تنظر إلى المصحف ، اللسان .. الذكر قال الله تعالى"وإني لغفار لمن تاب وآمن وعمل صالحا ثم اهتدى " و "وأقم الصلاة طرفي النهار وزلفا من الليل إن الحسنات يذهبن السيئات " شوف كلام ابن للقيم ( لا يزال العبد يعاني الطاعة ويألفها ويحبها ويؤثرها حتى يرسل الله سبحانه برحمته عليها ملائكة تحرضه على الطاعة وتزعجه عن فراشه ومجلسه، ولا يزال يألف المعاصي ويحبها ويؤثرها حتى يرسل الله الشياطين فتؤزه أزا فهؤلاء جند الطاعة وهؤلاء جند المعصية ولكل أعوان "
ابتدي بالحاجات دي:
1- الصلاة على وقتها والمحافظة عليها في الجماعة ابن مسعود يقول " من سره أن يلقى الله غدا مسلما فليحافظ على هذه الصلوات حيث ينادى بهن فإن الله شرع لنبيه صلى الله عليه وسلم سنن الهدى وإنهن من سنن الهدى ولو أنكم صليتم في بيوتكم كما يصلي هذا المتخلف في بيته لتركتم سنة نبيكم ولو تركتم سنة نبيكم لهلكتم وما من رجل يتطهر فيحسن الطهور ثم يعمد إلى المسجد إلا كتب الله له كل خطوة يخطوها حسنة ويرفعه بها درجة ويحط عنه بها سيئة، ولقد رأيتنا وما يتخلف عنها إلا منافق معلوم النفاق ولقد كان الرجل يؤتى به يهادى بين الرجلين حتى يقام في الصف"
2- صلاة 12 ركعة في اليوم والليلة، 2 قبل الفجر، اربعة قبل الظهر واتنين بعد، العصر ملوش سنة راتبة، بعد المغرب ركعتين، وبعد العشاء ركعتين.
ليييييييييييييه ؟ النبي صلى الله عليه وسلم قال "من صلى في اليوم والليلة اثنتي عشرة ركعة تطوعا بنى الله له بيتا في الجنة "
3-صلاة الضحى حديث في مسند الإمام أحمد وصححه الشيخ الألباني النبي صلى الله عليه وسلم يخبر عن رب العزة في حديث قدسي: " قال الله ابن ادم صلي لي اربع ركعات من اول النهار أكفك آخره ."
4- قيام الليل ابتدي بركعتين بعد العشا ركعتين تقرأ عشر آيات عشان النبي صلى الله عليه وسلم قال "من قرأ عشر آيات لم يكتب من الغافلين".. ارفع نفسك شوية خليهم مائة آية بلاش تبقى حافظ اقرا من المصحف حلو كدة "من قرأ مائة آية كتب من القانتين"... اعلى شوية خالص "من قرأ بألف آية كتب من المقنطرين " جبل حسنات.
5-الصيام اهم شيء تصوم ثلاث أيام من كل شهر عربي حديث رواه النسائي وصححه الألباني النبي صلى الله عليه وسلم قال " ألا أخبركم بما يذهب وَحَر الصدر صوم ثلاث أيام من كل شهر".
6- الصدقة حديث رواه البيهقي وصححه الألباني النبي صلى الله عليه وسلم قال " صدقة السر تطفيء غضب الرب. "
7- داوم على الاستغفار قال الله تعالى "وما كان الله معذبهم وهم يستغفرون " حديث في المسند حسنه الألباني قال النبي صلى الله عليه وسلم "قال الشيطان وعزتك يا رب لا ابرح أغوي عبادك مادامت أرواحهم في أجسادهم فقال الرب وعزتي وجلالي لا أزال اغفر لهم ما استغفروني ". الاستغفار بيدي قوة إيمان قال الله تعالى " ويا قوم استغفروا ربكم ثم توبوا إليه يرسل السماء عليكم مدرار ويزدكم قوة إلى قوتكم "
خد كنز من كنوز الحسنات روى الطبراني وحسنه الألباني عن عُبادة أن الرسول صلى الله عليه وسلم قال :" من استغفر للمؤمنين والمؤمنات كتب الله له بكل مؤمن ومؤمنة حسنة أحياءا وأموات"
كيف أتخلص من الذنوب؟؟؟ قال الرسول صلى الله عليه وسلم " من قال استغفر الله الذي لا إله إلا هو الحي القيوم وأتوب إليه غفر له وإن كان من فر من الزحف. " بر الوالدين وصلة الرحم تكفر الذنوب العظام.
10- أوعى تتعدى الخطوط الحمراء لا تجاهر بمعصية أبدا عشان ربنا يستر عليك يوم القيامة .
11-عش حياة الصالحين في خيالك واستبدل أحلام اليقظة الحرام ، أدمن سماع دروس العلم والقرآن.
12- أحسن الظن بالله. النبي صلى الله عليه وسلم قال :" لا يموتن أحدكم إلا وهو يحسن الظن بالله " توبوا إلى الله وانتم موقنون بأن الله يتوب عليكم.
وأختم بنداء الله لك " يا ابن آدم انك ما دعوتني ورجوتني غفرت لك ماكان منك ولا ابلي يا بان ادم لو بلغت ذنوبك عنان السماء ثم استغفرتني غفرت لك ولا أبالي يا ابن آدم لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة "
فهل تجيب داعي الله؟؟
إن الله يبسط يده بالليل ليتوب مسيئوا النهار ويبسط يده بالنهار ليتوب مسيئوا الليل، ان الله يبسط يده فهل ترد يد سيدك ومولاك؟؟
ربنا مادد لك ايده اوعى ترد ايده
اللهم اغفر وارحم واعف عما تعلم واهدنا واتكرم انك انت الاعز الاكرم
جزاه الله خيراً
منقول
نسألكم الدعاء بظهرالغيب
منقول
نسألكم الدعاء بظهرالغيب
تعليق