Tweet
لحظة من فضلك هذه محاولة انقاذ
بسم الله الرحمن الرحيم
لحظة من فضلك الموضوع بجد محتاج وقفه , ايه اللي بيحصل دلوقتي ده من علاقات بين الشباب والفتيات
زمان كانوا بيحذرونا ندي صورنا لبنت او ولد يعملوا بيها حاجة ممكن تضرنا دلوقتي هما اللي بينزلوا صورهم على النتتتتتتتتتتتتتتتتت بنفسهم يعني بدل ماتكون مع واحد ولا اتنين بقت مع ناس هما حتى عمرهم ماشافوهم , طيب فين الاهل ؟؟ ازاي مابيخدوش بالهم من حاجة زي ديه ولو الاهل بسطا مش عارفين يراقبوا حاجة زي ديه فين الاقارب من المتعلمين ؟؟ فين المعلمين ؟؟؟
عارفين لما حاولت اتكلم مع حد منهم رد عليا احد اولياء الامور وقالي ايه ؟؟؟ قالي ده سن مراهقة طبيعي جدا اللي بيمروا بيه ده هو سنهم ؟؟ طيب ماهو كان ايام الصحابة والرسول في برده اطفال بس عمرنا ماسمعنا عن مشاكل المراهقة بتاعة اليومين دول , الغريبة انكم ممكن تلاقوا احد اولياء الامور بيسألك هو انتم مش مريتوا بنفس المرحلة وحصل معاكم كده زيهم طيب ايه المانع انهم يجربوا زيكم عشان يتعلموا زيكم , هو يا ناس يا متحضرة مادام احنا وقعنا في غلط لازم اللي بعدنا يقعوا فيه ؟؟ مش المفروض نوصلهم نتيجة الغلط ونبعدهم عنه على الاقل علشان حبنا ليهم وخوفنا عليهم .
ياجماعة انا بجد محتاجة مساعدتكم احاول ننقذ الاطفال دول , ايدينا في ايد بعض حاولوا تقولوا نعمل ايه ؟؟ فكروا معايا ؟ لو معندكمش حد تخافوا عليه على الاقل خافوا على اطفال المسلمين , انا بناشدكم نحاول نوصل لطريقة ننقذهم بيها وبجد نوصلهم وناخد بايديهم
قولولي افكاروا , انضموا معايا نحاول نعمل حاجة صدقوني انا وانتم لما نحاول كلنا مع بعض هنوصل لحل , حتى لو غلطنا مرة نتعلم ومدام كلنا هنحاول يبقى هنقدر نوصل , لو قدرنا نوصل لطفل منهم ممكن ننقذ جيل كامل من المسلمين مين معايا ارجوكم شاركوني بجد المحاولة ديه نحاول ننقذ ما يمكن انقاذه على الاقل نبرء زمتنا قدام الله ورسوله صلى الله عيه وسلم يوم السؤال
تعليق