كنت هاقع فى معصيه ..بس الحمد لله ربنا ستر

[last_breath]

لو فكرنا كويس ..
هنلاقى الجمله دى فى حياة كل واحد منا..
كل يوم بتعرض علينا فتنه شكل
وخلاص الواحد ممكن يكون خلاص كان هايقع فيها
لكن ربنا ستر



تبقى قاعده فى حالك كده وفى أوضتك وبتحفظى فى المصحف..تلاقى جارك قام مشغله أغنيه والصوت أااااااااد كده
بدل ماتضايقى ولا تستغفريولا تدعيله يتوب عليه ..تلاقى نفسك بتفتكري الاغنيه او المطرب..اللى كنتى بتسمعيه زمان قبل ماربنا يتوب عليكى ولسه يادوب هاتبدأى تدندنى ..تلاقى صوت جواكى يقولك..
أتقى الله
ياااااااااه..ربنا ستر




تبقى ماشيه فى الشارع الحمد لله بحجابك ونقابك وزى الفل..
وماشيه تستغفري لحد ماتوصلى مشوارك
تعدى جنبك بنت بقى ايه..ميكاب ايه وجينز ايه وبدي ايه وبرفان ايه..
ياااااااااااااه فين الايام دى
أيام ماكنت احلى منها واشيك منها ..دانا بقيت دلوقتى عفريته
وتسمعى صوت جواكى يقولك << فوقى بسرعه واستغفري
ياااااااه
أيه الى انا بقوله ده ..الشيطان ضحك عليه ولا ايه دانا فى نعمه والله ياريت كل البنات تبقى فيها
الحمد لله ربنا ستر



وصلتى الدار اللى بتحفظى فيها..وقعدتى جنب صاحبتك ..ودخلت فجأه أخت بتحفظ معاكم سلمت عليكم ..وقعدت مكانها..وعلى لسانك خلاص انك تغتابيها مع صحبتك..
والكلمه يدوب على طرف لسانك
تلاقى صوت يقولك<<أتقى الله انتى جايه لله وتاخدى ثواب ولا ترجعى بذنوب

ياااااااه..أيه الى كنت هاقوله ده
دانا كنت هاغتبها
يااااااااااااااه بس ربنا ستر


انتى بس الى التزمتى فى بيتك ..وهما لسه بيتفرجوا على افلام
وسمعتى اختك بتقول النهارده جاي فيلم..... بتاع........ و.......
وانتى تسمعى الاسم ياااااه دانا كان نفسى اشوفه اوى..كله كان بيقول عليه فيلم جامد
كلهم هايتجمعوا دلوقتى يتفرجوا وانا هاقعد لوحدى كده
فيييييين أيام زمان
وفجاه<<أيه الى انتى بتقوليه ده فوقى يابنتى انتى ربنا تاب عليكي..أنتى لسه فى قلبك كلام من ده
يااااااه..أيه الى قلته ده...دانا كنت هاقع فى معصيه كبيره اوى..
الحمد لله ربنا ستر




بيتهيألى مفيش واحده فينا متعرضتش لموقف من دول..او على الاقل موقف شبيه
بس المصيبه بقى لا يجي اليوم الى صوت ضميرك يمووووت
وتبقى من الى قال فيهم ربنا
((كلا بل ران على قلوبهم ماكانوا يكسبون.كلا إنهم عن ربهم يومئذ لمحجوبون))

أيااااااااااااكى يااختى
أحذرى ..لو لقيتى نفسك هاتقعى فى ذنب توبى بسرعه تانى جددى توبتك..أستغفري تصدقى ..فكرى نفسك باول ايام الالتزام..
أول دمعه بكتيها من قلبك اوى فى صلاه التراويح
أول درس سمعتيه وتبتى بسببه
أفتكري صحبه المسجد
أفتكري لذة الطاعه

أوعى تسيبى الشيطان يخدعك









أخت بتحكى
اول مالتزمت كنت بخرج بالنقاب أسود فى اسود ومبسوطه اوى
وكانوا اصحابى دايما يحاولو يعقدونى..أيه الى انتى لبساه ده..طب ماهى فلانه منتقبه وبتلون ..أيه الى انتى عملاه فى نفسك ده
فجأه لقيت كلامهم كل شويه يتردد فى دماغى..أستعيذ واقول لا انا صح هما الى غلط الله يهديهم
وفى يوم نازله اشتري اسدال
وانا فى الشارع الكلام يتعاد فى دماغى..أستغفر شويه ويتعاد..ويتعاد
لحد معرفتش اسكته
قمت رايحه على محل عبيات اشتريت عبايه بنى قعدت اقنع نفسى مفيهاش حاجه اهو..مش ضيقه اوى يعنى..الشغل الى فيها هادى يعنى..مش مبهرجه ولا حاجه
وفعلا اشتريتها..وبدأت الالوان مع الوقت تكتر..والعبايات تكتر والكحل تحت النقاب
ياااااااااااااه ايه كل ده
مفوقتش غير لما روحت درس بيتكلم عن الزى الشرعى ..وتبت من اول وجديد
ورجعت للاسدال الاسود





واخت تانيه بتقول
ألتزمت ولبست حجاب شرعى..وكل ماكنت اتعزم على فرح فيه اغانى ارفض طبعا
وفى يوم عدت عليا واحده صحبتى قالتلى ده فرح فلانه صحبتنا..هاتزعل اوى لو مجتيش..طب تعالى واقعدى بعيد ياستى ولا تسقفى ولاحاجه..دى قاعه منفصله حتى..أه فيها اغانى ياستى بس ملكيش دعوه متسمعيش..
وطبعا وافقت وروحت..أول الفرح قعدت بعيد فعلا ..شويه وتيجي صاحبتى تقولى تعالى شوفى ..تعالى اتفرجى ..متقعديش كده..لا لا لا
وبعدين مقدرتش..حنيت لصوت الاغانى..
قعد الشيطان يقولى مفيش رجاله يعنى عادى ..اقفى مع البنات وافرحى بصحبتك..وده الى حصل
رجعت وهم على قلبى..اجى اصلى قيام ((فين قلبى))
أحفظ قرأن(( مش عارفه))
ياخبر ايه الى اناا فيه ده
فجأه فوقت اه دى المعصيه..وبسرعه توبت واستغفرت وعمري ماهحضر افراح من دى تانى






والله يااختى محدش فينا اكبر من المعصيه
حاولى تتجنبى خالص الاماكن والاصحاب الى بيفكروكى بالمعصيه
جددى دايما توبتك
وادعى دايما ان ربنا يثبتك
أسأل الله الاخلاص
أحبكم فى الله

[,,,سجود,,,]

رد: كنت هاقع فى معصيه ..بس الحمد لله ربنا ستر

اختي ربنا يحفظنا من الفتن ما ظهر منها وما بطن ابليس اللعين لن يترك للانسان طريق خير مفروش بالورد ربنا يعيذنا شره وشر انفسنا
:a3:

[zz_189]

رد: كنت هاقع فى معصيه ..بس الحمد لله ربنا ستر

صدقتى والله يا اختى كثيرا ما يوسوس الشيطان الى الانسان بفعل ذنب ومعصية .اسأل الله ان يثبتنا جميعا على الايمان ويرزقنا التقى والاخلاص فى القول والعمل . وجزاكى الله خير اختى على هذه التذكره .

[ام براء]

رد: كنت هاقع فى معصيه ..بس الحمد لله ربنا ستر

جزاك الله خيرا على التذكره

[ام الشهداء م]

رد: كنت هاقع فى معصيه ..بس الحمد لله ربنا ستر

جزاكى الله خيرا

فعلا والله لولا ستر الله كنت انتكست من زمااااااااااااااان
بس اللى ربنا نفعنى بيه انى ما بستجيبش للشيطان -بفضل ربنا و توفيقه طبعا- لما يقولى"انتى جواكى عايزة المعصية ماتستهبليش وتعملى نفسك بريئة .....مش فاكرة لما كنتى بتعملى كذا وكذا وكنتى مستمتعة"

يااااااااااااااه والحمد لله .ده بيكون ف كل مرة السبب انى اجدد توبتى واخاف من الانتكاس
اللهم اغفر لى
اللهم اغفر لى
اللهم اغفر لى

["بنت الإسلام"]

رد: كنت هاقع فى معصيه ..بس الحمد لله ربنا ستر

جزاكِ ربى خير الجزاء أخيتى
موضوع راائع
سلمت يمينكِ
تذكرت قصة صحابى عندا كانت غزوة بدر كان يحارب النبى وكان فى صفوف المشركين ثم دخل الإسلام فأخذ بعد إسلامه يقسم ويقول
((لا والذى لم يميتنى فى بدر))
يقصد أن يمجد الله الرؤف الرحيم بعباده أن نجاه من الموت على هذه المعصية
فالحمد لله الذى رزقنا طريق الإلتزام ولنعلم أن الطريق ليس مفروش بالورود
((الدنيا سجن المؤمن))
مينفعش نعيش نفس الحياة اللى كانت قبل الإلتزام
وإلا تأتى النكسة
ولنجعل بيننا وبين الحرام شىء حلال
عشان منقعش فى الحرام
نسأل الله أن يرزقنا الثبات على الحق حتى الممات
والحمد له وحده أنه لم يمتنى على المعاصى ونسأله حسن الخاتمة
ننتظر جديد إبداعاتك
دمتى بخير أخيتى

[راجية حب الرحمن]

رد: كنت هاقع فى معصيه ..بس الحمد لله ربنا ستر

موضوعك رائع واعتقد انه يحدث مع الجميع ولن يتوقف لكن المهم كما ذكرتي ان نفيق سريعا ونستغفر الله عز وجل

[متمنية ظل الرحمن]

رد: كنت هاقع فى معصيه ..بس الحمد لله ربنا ستر

جد موضوع رائع جدااااااااااااااااا
ربنا يباركلك يا اختى
واطلب من كل اخت تقرا الموضوع ده انت تدعو لى
ان يرزقنى الله الزى الشرعى الذى يرضى به الله عنى يوم القاه
وان يحبب الله هذا الزى الى قلب كل من يعترضون علىان ارتديه

[راجية الزوج الصالح]

رد: كنت هاقع فى معصيه ..بس الحمد لله ربنا ستر

الموضوع عجبنى اوى والله فعلا اغلب المواقف دى حصلت لى وبالذات التلفزيون والافلام عندنا فى البيت مفيش حد ملتزم غيرى وفى الاجازه 24 ساعه افلام ومسلسلات متتخيلوش تعبت قد ايه اصبر اصبر اصبر واقع فى معصيه واتفرج على فيلم او اشوف حلقه بس الحمد لله الذى لم يقنط العاصين من رحمته كنت بتوب ربن يثبت كل طائع ويتقبل توبت كل عاثر ويهدى كل عاصى

[صحوة قلب]

رد: كنت هاقع فى معصيه ..بس الحمد لله ربنا ستر

جزاك الله الجنة أختي last_breath
موضوع رااااائع وعرض أروع
وليمحص الله الذين آمنوا
أحسب الناس أيتركوا أن يقولوا آمنا وهم لا يفتنون

[ريحانة الجنة1]

رد: كنت هاقع فى معصيه ..بس الحمد لله ربنا ستر

بارك الله فيكي
موضوع رائع ومفيد

[last_breath]

رد: كنت هاقع فى معصيه ..بس الحمد لله ربنا ستر

جزاكِ ربى خير الجزاء أخيتى

موضوع راائع
سلمت يمينكِ
تذكرت قصة صحابى عندا كانت غزوة بدر كان يحارب النبى وكان فى صفوف المشركين ثم دخل الإسلام فأخذ بعد إسلامه يقسم ويقول
((لا والذى لم يميتنى فى بدر))
يقصد أن يمجد الله الرؤف الرحيم بعباده أن نجاه من الموت على هذه المعصية
فالحمد لله الذى رزقنا طريق الإلتزام ولنعلم أن الطريق ليس مفروش بالورود
((الدنيا سجن المؤمن))
مينفعش نعيش نفس الحياة اللى كانت قبل الإلتزام
وإلا تأتى النكسة
ولنجعل بيننا وبين الحرام شىء حلال
عشان منقعش فى الحرام
نسأل الله أن يرزقنا الثبات على الحق حتى الممات
والحمد له وحده أنه لم يمتنى على المعاصى ونسأله حسن الخاتمة
ننتظر جديد إبداعاتك

دمتى بخير أخيتى

بارك الله فيكِ أختى الغاليه
والله كنت بدور على الحكايه دى لانى سمعتها من شيخ بس مكنتش فاكراها اوى
ربنا يجزيكِ خير ياحبيبتى

[last_breath]

رد: كنت هاقع فى معصيه ..بس الحمد لله ربنا ستر

جد موضوع رائع جدااااااااااااااااا
ربنا يباركلك يا اختى
واطلب من كل اخت تقرا الموضوع ده انت تدعو لى
ان يرزقنى الله الزى الشرعى الذى يرضى به الله عنى يوم القاه
وان يحبب الله هذا الزى الى قلب كل من يعترضون علىان ارتديه

يااااااااااااااارب أرزق متمنية ظل الرحمن الزى الشرعى عااااااجلا
وكل بنات المسلمين اللهم زينهن بالحجاب والعفاف والطهر
جزاكِ الله خيرا اختى على هذا الرد الطيب

[last_breath]

رد: كنت هاقع فى معصيه ..بس الحمد لله ربنا ستر

جزاكن الله خيرا يااخوات
بارك الله فيكم
أسعدنى جدا ردكم
بارك الله فيكم

[واسلاماة]

رد: كنت هاقع فى معصيه ..بس الحمد لله ربنا ستر

جزاكي الله خيراااااا