كيف نتصرف فى المحن والأزمات؟

[أم شريك]

بسم الله الرحمن الرحيم

***************

عايزة اكلمكم عن موضوع مهم جدا

عن المحن والإبتلاءات لأهل الدين التى كثرت فى هذا الزمن !!

وإزاى نقدر نتغلب عليها ؟!

وياريت تشاركوا معايا حتى لايكون مجرد كلام نظرى

وموضوعنا حيكون فيه :

كيف نحرس الطاعات؟

ثمرات المحن

واجبنا فى المحن

اسأل الله أن ينفعنا بهذا الموضوع ويجعله سبب فى ثباتنا




>


<


>


<

انتظرونا

[فله]

رد: كيف نتصرف فى المحن والأزمات؟

اللهم بارك
موضوع مفيد جدا
متابعة معاك إن شاء الله

[راجية حب الرحمن]

رد: كيف نتصرف فى المحن والأزمات؟

باذن الله متابعة معاكي لعلنا نقدر على التغير للاحسن

[لؤلؤه بنقابى]

رد: كيف نتصرف فى المحن والأزمات؟

متابعين اختى ان شاء الله

[أم شريك]

رد: كيف نتصرف فى المحن والأزمات؟

بسم الله والصلاة والسلام على رسول الله صلى الله عليه وسلم

**********


ابدأ معكم اخواتى هذا الموضوع، ولكن الأول أحب أن ابدأ ب

وقفة

فالعبد أول ما يسلك طريق الله يوطن نفسه أنه دخل طريق كله محن

وإبتلاءات،ممكن فى البداية ربنا يسخر للعبد من يسهله الطريق لكن

أول ما يصدق ويمشى بجد فى الطريق ينتقل لمرحلة متميزة بها

بعض الإبتلاءات وهذا درب الصادقين

وكلنا نتمنى أن نكون من الصادقين وطلما أنى تمنيت ذلك فالمفروض

أوطن نفسى على ذلك الأمر(درب الصادقين)

ماتقوليش إنى كئيبة أو كلامى كله يأس لا والله ..

فى شعر بيقول:

<

>

>

يرون بى الشوك من كل جانب .... ولكنى أرى الورد والموردا

وكلنا عارفين أن المرء يبتلى على قدر دينه فالطريق أكيد فيه ابتلاءات

وعقبات لكن زى ما الشعر بيقول إن الناس شايفين الشوك حول

الملتزم

من كل جانب لكن الحقيقة أنه بيكون مستمتع بحياته ويرى الورد

والموردا لأن الناس مش عارفه أنه بيكون فى معية الله وكل

الإبتلاءات دى ربنا بيهونها عليه



فالوقفة دى مهمة جدا علشان لو حصل محنة أو واجهتك عقبة تكونى

عارفة أنه عادى لأن البعض لما يقابل أى عقبة يقول ياريت ماكنت

عملت أو ياريت ما كنت دخلت الطريق ده أصلا

المولى سبحانه وتعالى يقول فى سورة الحج :( وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ)


يعنى واحد دخل زمرة الملتزمين ومش عارف شكل الطريق ده أزاى..


هو عجبه شكل الملتزمين وكلامهم وخلاص فإن اصابه خير ولقى

الجو جميل والأمور متيسرة والكل يعطيه شرائط و دروس ويثبته

على الطاعة

يقول : أنا كده صح


وإن جاءت فتنة انقلب على وجهه.. كل حياته تنقلب وجها على وجه ،

واهتماماته تتغير...

خسر الدنيا والآخرة

علشان كده عايزين نأخذ تطعيم ضد هذا الإنقلاب لإن فى فعلا

فتن موجودة

(فالمرض موجود فعلا) فلازم نأخذ تطعيم

فى ناس بتهرب من الفتن مباشرة ، وفى ناس بتقول أنا قوية وتقف

امامها وطبعا الاتنين غلط

لازم يكون معاياحصن...

لازم نقف وقفة فيها حكمة

فلا اتزحزح عن الدرب ولا أقف فى الوجه فهذا غرور

لأن كل فترةتأتى فتنة (تغربل) الملتزمين

فتظهر مجموعة ترتقى جدا ومجموعة.....بالسلامة

فالفتن مش بتخرج حد فى النص

إما الثبات والوصول إلى القمة أو ....... والعياذ بالله

فهذه سنة الله عز وجل التى لم و لن تتغير

اسأل الله الثبات لنا جميعا ولجميع المسلمين

ومع موضوعنا حنعرف إزاى نحصن نفسنا؟

بالرجوع لعهد السلف

السلف عليهم رحمة الله كان تصرفهم فى المحن


***حراسة الأعمال ***

يعنى لو فى حرب على طلب العلم.. يبقى حراسة لطلب العلم

لو فى حرب على النقاب.. يبقى حراسة للنقاب

وهكذا

وبهذه الوقفة يحرص هذا العمل مهما كانت الحرب شرسة عليه

معلش طولت عليكم لكن الموضوع فعلا مهم

كفاية كده النهاردة وإن شاء الله نكمل بكرة ومستنيةمشاركاتكم

معايا

لأننا زى ما اتفقنا مش عايزينه مجرد كلام نظرى

>

<

>

<


انتظرونا

[فله]

رد: كيف نتصرف فى المحن والأزمات؟

اللهم بارك
موضوع رائع أختى
منتظرين الحلقة القادمة بشوق

[محبه خديجه]

رد: كيف نتصرف فى المحن والأزمات؟

موضوع جميل واحنا معاكى ان شاء الله
ربنا يثبتنا واياكم على الحق

[boosy cat]

رد: كيف نتصرف فى المحن والأزمات؟

ما شاء الله بارك الله فيكي موضوع اكثر من رائع

[أم شريك]

رد: كيف نتصرف فى المحن والأزمات؟

جزاكى الله خيراً أختنا لؤلؤة بنقابى على

التعديلات وربنا يجعله فى ميزان حسناتك

[راجية حب الرحمن]

رد: كيف نتصرف فى المحن والأزمات؟

معاكي حق فعلا كل واحد فينا بيبتلى على قدر ايمانه انا لما ابتديت اصلي مات خطيبي وابويا وجدتي

[أم شريك]

رد: كيف نتصرف فى المحن والأزمات؟

راجية رضا الرحمن...

وهل رأيتى حبيبا يعذب حبيبه أو يؤثر هجره؟؟

يضعك فى إختبار لحظة لتستحقى النعيم

فى دار الخلد


وافتكرى

(وجعلنا منهم آئمة يدعون بأمرنا لما صبروا)

[راجية حب الرحمن]

رد: كيف نتصرف فى المحن والأزمات؟

انا عارفة ان كل اللي بيحصل ابتلاء من ربنا بس خايفة يكون كل ده غضب من الرحمن انا متاكدة انه رحيم وتواب وغفور بس خايفة يكون ربنا شايف اني مستحقيش رضاه وابقى خسرت دنيا واخرة انا مش عايزة حاجة في الدنيا بس بتمنى ماخسرش الاخرة لانها املي في الامان والراحة ورؤية الاحبة ومن ضمنهم الانسان اللي بتمني اشاركه الجنه

[أم شريك]

رد: كيف نتصرف فى المحن والأزمات؟

اختى.. وأين حسن ظنك بالله

ربنا بيقول فى سورة النساء :(مايفعل الله بعذابكم إن شكرتم

وآمنتم وكان الله شاكراً عليماً)

ربنا أكرم مما تتصورى وأعظم مما تتخيلى

ومش بعد ما يدلك على الطريق ويفتحلك بابه حيقفله

فى وشك تانى ده ربنا أرحم بينا من أمهاتنا

أنا مرة سمعت د.حازم شومان بيقول: تخيل لو أب

كان مسافر فترة طوييييييييييييلة وبعدين رجع وابنه طلع

جرى عليه علشان يترمى فى حضنه الأب حيعمل

ايه؟؟؟

حيضربه بالكف على وشه؟!!

ولا حياخده فى حضنه؟؟

ولله المثل الأعلى ... إحنا بعيد عن ربنا من زمان

ولما نحب نقرب له ،ربنا حيفتحلنا أبوابه ولا حيقفلها

فى وشنا؟

وكمان ربنا بيدخَّل عبيده الجنة برحمته مش بأعمالهم

شوفى سيدنا محمد صلى الله عليه وسلم بيقول إيه:

(إذا سألتم الله فسألوه الفردوس الأعلى)

خلى عندك حسن ظن بالله وبصى

لفوووووووووووووووق للفردوس مش للجنة بس

واسألى ربنا أنه يرزقك عمل أهل الفردوس

ربنا يجعلنا وإياكى منهم

[أم شريك]

رد: كيف نتصرف فى المحن والأزمات؟

بسم الله والصلاة والسلام على رسول الله صلى الله عليه وسلم
**********

أكمل معكم أخواتى موضوعنا بإذن الله

إحنا اتفقنا المرة إللى فاتت إن دورنا لما يكون فى
حرب على طاعة معينة إننا نعمل للطاعة دى

حراسة

بس قبل مانتكلم عن حراسة الطاعات عايزة الأول
أكلمكم عن ثمرات المحن لإنى قلتلكم إن الملتزم

فى وسط المحن بيشوف الورد والموردا فتعالوا

نشوف الورد ده إيه؟

ثمرات المحن

*********

بدايةً كده لازم نعرف إن كل شىء ربنا بيقدره
بيكون لحكمة بليغة جداً ، سواء عرفنا هذه الحكمة
أو لم نعرف، فالله عز وجل تنزه عن العبث أو عن
عمل أى شىء بدون حكمة

ولما نعرف ثمرات المحن سنثبت إن شاء الله أمامها

-1- الفوز بالجنة:

-(أمْ حَسِبتُمْ أن تَدخُلُوا الْجَنَّة ولمَّايَعلَم ِاللهُ الَّذِينَجَاهدُواْ مِنكُمْ ويَعْلَمَ الصَّابرينَ)

المجاهدة والصبر...

الجهاد مع العدو بيكون إزاى؟

دفاع وقتال و ...........

هو ده الجهاد فعلا فالطاعة لما يكون فيها جاهد

زى ده وصبر تُنال الجنة

(أمْ حَسِبتُم أن تَدخُلُوا ْ الجنَّة ولمَّا يَأتِكم ُمثلُ الَّذينَ خَلَوْا مِن قَبْلِكُم

مسَّتهُمُ البَأسَاءُ والضرَّاءُ وزُلزِلُوا حتى يقُولَ الرَّسُولُ و الَّذين
آمَنوُا مَعَهُ مَتَى نصرُ الله ألا إنَّ نصرَ اللهِ قريب)

فالبأساء والضراء والزلزلة كانت للصالحين وكانت
بسبب دينهم ، فمن تتعرض لذلك فهى تسير على
نفس الطريق

يبقى لدخول الجنة : - السير على نفس المنهج
ودرب الصالحين

-الصبر على البلاء

-2- تمييز الخبيث من الطيب :

و ده من عدل ربنا أنه يرسل كل فترة إختبار

للصفصفة ، فالكل فى البداية بيدخل الطريق
لكن الله تعالى يعلم إن فى ناس مش صادقة

فيرسل الله هذا الإختبار ليرى الناس حقيقتهم

فى الدنيا قبل الآخرة فيثبت الصادقين ويقع

الباقى

( ما كَانَ اللهُ ليَذَر المؤمنينَ عَلى ما أنتُمْ عليهِ حتَّى يَميزَ

الخبيثَ منَ الطيَّب وما كانَ اللهُ ليُطلعَكُمْ على الغيبِ و لكنَّ

يَجتَبى منْ رسُلهِ منْ يشاءَ فآمِنُوا باللهِ ورُسُلهِ وإن تُؤمنُوا
وتتَّقَوا فلكمُ أجرٌ عَظيمٌ )

-3- تربية النفس وترويضها على عبادة الله فى
السراء والضراء :

لما تحققى النقطة دى فعلا ساعتها تقدرى

تقولى:أنا ملتزمة

أصل فى ناس متعودة تعبد ربنا فى وضع

معين وغير كده تسيب الطاعة

زى بالضبط واحد متعود يقعد فى التكييف
فبتكون صحته كويسه لكن أول ما يخرج للهواء
يمرض فده إنسان مريض فى الحقيقة لكنه

فى معظم الوقت ظاهر إنه سليم لإنه قاعد

فى التكييف

فى برضه وسطنا ناس ظاهره إنها كويسه وإنها
الأخت الملتزمة لأنها وسط الصحبة والدروس

والجو الحلو ده لكن أول ما تخرج من الجو ده
(التكييف) وتتقفل الدروس أو تبعد عن الصحبة

تكتشفى إنها إنسانة( مريضة)

فسالك الطريق إلى الله لازم يروض نفسه على
العبادة فى كل الأجواء... لازم أتحط فى كل
الأجواء وأثبت لله أنى معبدة له فى كل هذه

الظروف

والمحن هى إللى بتدربنا على ده

فهذه المحن رحمة من الله للعبد الذى

سيستغلها فى التدرب على العبادة فى كل

زمان ومكان

وعقوبة لمن لم يستغلها

-4- التدرب على تحمل المشاق والتضحية فى
سبيل الله عز وجل:

لما بنسمع إن الصحابة ضحوا وعملوا بنظن إننا
لو مكانهم حنعمل زيّهم ، فربنا بيضعنا فى هذه
المواقف لنثبت له هل لو كنت معاهم كنت
عملت زيهم ولا لأ ؟

فالمحن والإبتلاءات هى التى تدرب العبد على
ذلك

فأوقات الشدة هى التى تثمر فعلا لذلك.
الخلفاء الراشدين كلهم كانوا من المهاجرين
لأنهم رأوا الاضطهادات والتعذيب ومروا بمحن
أكثر ولم يكن لهم نصير ولامعين حتى النبى
صلى الله عليه وسلم لم يكن يستطيع دفع
الأذى عنهم... كان يمر على عمار وسميه

عليهما رضوان الله ولا يقول لهم إلا : صبرا آل
ياسر

فخرج منهم أبى طلحة الذى قال عنه النبى
صلى الله عليه وسلم (لصوت أبى طلحة فى
الجيش خير من ألف مقاتل) ، وغيره من
الصحابة.....

فعلا المحن هى التى تشكل العبد الملتزم صح

فالمحن هى نِعْم المُربى

خاصة فى هذا الزمن عايزين ناس متميزة
تنصر دين ربنا بالحقيقة يعنى تكون ملتزمة قلبا
وقالبا

-5- إتقان الطاعات القلبية :

ساعات فى وقت الرخاء يكون العبد معتمد

على الطاعات بالجوارح أما فى أوقات المحن

تزداد عبادات القلب زى الصبر والتوكل

والإنكسار والإفتقار

الثمار دى عايزين نحسها ونستشعرها للنجو من
المحن

ولو استشعرتهم بجد وطبقتهم قد استمتع

بالمحن

ومش أى حد ممكن يستفيد من الثمرات دى إلا

إللى يعرف دوره وواجبه فى هذه المحن فلما

أعرف دورى فى المحن سأكون أهلاً فعلاً لأنال

هذه الثمرات

طب إيه بقى دورى وواجبى فى المحن علشان
أفوز بالثمرات دى؟؟

حنعرف ده المره الجايه إن شاء الله

مستنيه رأيكم ومشاركتكم

<

>

<

>

انتظرونا

[أم شريك]

رد: كيف نتصرف فى المحن والأزمات؟

معذرة أخواتى على صغر الخط وإن شاء الله لن تتكر


كنت أود أن اسأل أختنا لؤلؤة بنقابى عن سبب حذف كلمة

(حبيبتى) فى ردى على أختنا راجية حب الرحمن؟

فأنا تعودت على هذه الكلمة من معلمتى بحكم أنكم جميعا



حبيباتى فى الله ...


:a3: