Tweet
الحمد الله رجعت بعد الامتحانات بقالى شهر ونصف تقريبا مدخلتش على المنتدى انا حبيت ادخل على قلبكم السرور واقلوكم ان محنه النقاب اللى مخلتنيش انام ليالى الحمد لله عدت على خير والحمد لله .
كنت شياله هم ازاى هكشف نقابى فى اللجنه وكنت خايفه اموت فيها بس والله ربنا كريم الحمد لله .الشئ اللى مفرحنى ان الناس كلها ما شاء الله نفسها تغطيكى وكانت وكيلة الكليه وهى اصلا كشفه شعرها تيجى تطبطب علينا والدكاتره رغم ان فيهم متبرجات جدا يجوا يعتذروا وبفضل الله كنا بنرفعه حوالى عشر دقايق وكتا خللهم بتلبس الكمامه وبنحط فوقها طرحه سوده او انا عن نفسى كنت بحط الملحفه بدبسها ذى النقاب بالظبط والنقاب اصلا بيبقى مدارى فوق عينى يعتى الحمد لله مفيش ظفر بان مننا الحمد لله
واحنا اصلا عندنا 4امتحانات 2منهم مرفعتهوش خالص فالحمد لله . الجميل ان زميلتنا ومتبرجات جدا كانوا بيقولولنا لو عملوا حاجه فيكم كلنا مش هنسكت واحنا وراكم متخفوش واصلا محدش عرف من زميلنا ان احنا كشفنا النقاب وسبحان الله عدت الامتحانات والولاد اللى جنبى فى اللجنه ميعرفوش بالموضوع اصلا اسالكم الدعاء ان ربنا يديم ستره علينا ويرزقنا الالتزام ظاهرا وباطنامعلش طولت عليكوا ولكن اعلموا ان لو الاعلام مهما قال علينا بس الحمد لله فيه ناس كتير حتى لو مش ملنزمين بالمره بس المنتقبه عندهم رمز الدين سبحانك اللهم وبحمدك اشهد ان لا اله الا انت استغفرك واتوب اليك 
تعليق