ممكن المنتقبات يدخلوا ؟

[عين تسنيم]

بسم الله الرحمن الرحيم

السلام عليكم ورحمة الله وبركاته


انا من اشد الناس المعجبين بالمنتدى وكنت بدخل كتير بس من غير ما اسجل
وملقتش افضل من المنتدى ده وفى وسط الاخوات المنتقبات عشان اطلع اللى جوايا

انا مخنووووووقة ومتضايقة جدا من اللى بيعملوه مع المنتقبات فى الامتحان

انا كنت قلقانة قبل الامتحان احسن يقولولى ارفعى النقاب
انا من طنطا ودخلت اول امتحان عادى ومحدش كلم المنتقبات ولا قالهم حاجة
بس بتضايق اوى كل اما اسمع اللى بيحصل فى جامعات القاهرة وغيرها


بجد حرام عليهم
مش كفاية ضغط الامتحان

انا عايزة اعرف الاخوات المنتقبات هنا عملوا ايه فى الامتحانات
هل لبسوا الكمامة ؟ ولا اتصرفوا ازاى؟؟

برغم انى دخلت اول امتحان ومحدش قال حاجة على النقاب بس مازلت قلقانة احسن يعملوا اى حاجة فى الامتحان الجاى

عايزة اخلص بقا من القلق ده

حسبى الله ونعم الوكيل فيهم

السلام عليكم ورحمة الله وبركاته

[محبة السلف]

رد: ممكن المنتقبات يدخلوا ؟

وعليكم السلام ورحمة الله وبركاته
أولا مرحبا بكِ أختي الفاضلة

أما بالنسبة لأمر الامتحان فأظن أن جامعة طنطا أيسر من غيرها ولله الحمد ولا يشددون في الامتحانات وإن شاء الله الإمتحانات كلها ستكون مثل امتحانك السابق فلا تخافي واجتهدي
ولا ننسى أن ندعوا لنا ولأخواتنا في الجامعات الآخرى بالثبات وتيسير الأمور لهن
وما يحدث أختي إنما هو امتحان وابتلاء ليتبين الصادق في عزمه وهكذا أمر المؤمن من سار على الطريق الصحيح
فالجنه حفت بالمكاره والنار حفت بالشهوات
فاللهم ثبتنا في زمن الفتن ..
وأختم لنا بقول لا إله إلا الله ترضي بها عنا ..

[صحوة قلب]

رد: ممكن المنتقبات يدخلوا ؟

مرحبا بك أختنا
سلي للاخوات الثبات

[aya]

رد: ممكن المنتقبات يدخلوا ؟

لا اختى الحمد لله الاخوات كسبوا القضية ودخلوا الامتحانات عادي بفضل الله

وابتلاء ربنا علامة حب للاخوات
ربنا يثبتهم يارب

ولو لم يبتلينا الله لشعرنا ان ربنا غير راضي عنا

وان شاء الله الامر ده يكون سبب في ثبات الاخوات اكتررر واكترررر ده غير الثواب العظييييييييييم جداا جداااااا بفضل الله
وان شاء الله السنة دي كل أوائل الدفعات يكونوا منتقبات

ياااااااااااااااارب
آميييييييين

[جنات النعيم]

رد: ممكن المنتقبات يدخلوا ؟

السلام عليكم و رحمة الله و بركاته/
أنا قانون بلدي يمنع منعا باتا لبس النقاب في أي مجال حكومي سواء التدريس أو التوظيف و عندنا الاختلاط بيخلي الملتزمة لا تطلب تعليم و لا خروج من البيت ولا بحث عن عمل حتى لو كانت محتاجة للعمل ، الله يثبتكن و يرزق جميع بنات المسلمين لبس النقاب آآآمين.

[ام نظام]

رد: ممكن المنتقبات يدخلوا ؟

جزاكِ الله خيراً أختي ونفع الله بكِ
متخفيش يا أختي ربنا معاكم
وهو سبحانه الذي حماكِ وحفظكِ في المرة الأولي
قادر سبحانه أن يحفظك في المرة الثانية
خلى عندك ثقة بالله
ويقين بإن الله لن يتركك
وسيحفظكِ من كل سوء
مادمتِ في طاعته
اكثرى من الدعاء
في السراء والضراء

[ليكون نضال 3]

رد: ممكن المنتقبات يدخلوا ؟

جزاكِ الله خيرااا اختى الغالية

[حفيدة حليمة السعدية]

رد: ممكن المنتقبات يدخلوا ؟

الله يثبتكم أخواتي انا من السعودية ودائما نتابع أخباركن وندعوالكن وأوصيكن بالصبر هذه حال المؤمن في الدنيا وما عند الله خير وأبقى لأهل الصبر