أخبار النقاب فى الجامعات ((متجدد بإذن الله))

[حاجتى ربى]

السلام عليكم و رحمة الله و بركاته
امبارح كنت مع الأستاذ نزار غراب المحامى (المتولى قضية إلغاء قرار منع النقاب فى الامتحانات) و قاللى إن لو أى بنت منعت من دخول الامتحان لازم تثبت الواقعة دى عشان تقدر بعد كدة تجيب حقها و عشان هو يقدر يساعدها
إنما لو البنت مشيت و خلاص فممكن الجامعة تنكر أصلا إنها جت و يقولوا إن هى اللى تغيبت عن حضور الامتحان و محدش منعها و لا حاجة
فبالنسبة للبنات اللى هتستخدم الكمامة كمحاولة أخيرة لتجاوز هذه المحنة إلى أن يحكم الله لنا ، لو منعت أى من دخول الامتحان بالكمامة تتوجه لأقرب قسم شرطة و تحرر محضر بالواقعة بس يكون معاها والدها أو أخوها أو تكلم الأستاذ نزار و هو لو يقدر هيروح معاها أو يبعت معاها محامى ، و لو القسم رفض تتوجه للنيابة.
و الأستاذ نزار ادانى نص الكلام اللى هنكتبه فى المحضر
و إليكم النص
السيد الأستاذ رئيس نيابة / …..............................
تحية طيبة و بعد
مقدمة لسيادتكم /..........................
طالبة /........................
مقيمة /........................................
الموضوع
توجهت لأداء امتحان مادة…...... بكلية…..... بالفرقة............ جامعة........... اليوم........ الموافق../../.... و أنا ملتزمة بتعليمات وزارة الصحة بارتداء كمامة الوقاية من وباء انفلونزا الخنازير
و فوجئت بمنعى من أداء الامتحان لهذا السبب
توجهت لقسم شرطة …........ لعمل محضر إثبات حالة فرفض القسم عمل المحضر
لذلك
أتقدم لسيادتكم بهذا البلاغ لاتخاذ اللازم قانوناً تجاه عمل محضر إثبات حالة و أطلب إصدار قرار بتمكينى من أداء الامتحان
__________________________________________________ _

ياريت يا جماعة ما نتهاونش بموضوع المحضر دة عشان لما نقابل ربنا نبقى عملنا اللى علينا و أخذنا بالأسباب لآخر لحظة .
و أوصيكن بالدعاء لإن إن شاء الله يوم الاتنين القادم المحكمة الإدارية العليا هتنظر فى أول طعن فى الحكم الصادر من مجلس الدولة.
جزاكم الله خيرا يا جماعة و ثبتكن الله أخواتى الحبيبات و رزقكن الإخلاص و القبول.
السلام عليكم و رحمة الله و بركاته

["بنت الإسلام"]

رد: بخصوص منع النقاب فى الامتحانات (عاجل)

جزااااااء الله أخيتى
لكن
أنا كده بدافع عن الكمامة وعن الصحة
واتحولت القضية من النقاب والشرع والدين
للصحة والكمامة
أخواتى الكمامة إهانة
اثبتن
ياأخواتى خايفين على شهادة ومش خايفين على دينكم
نرقع دنيانا بتمزيق ديننا
فلا الدين يبقى ولا ما نرقع
أنا مش حقدر أعمل اللى أنتى كتباه يعنى ليست عندى الجرءة إلى أن أذهب لقسم الشرطة وأبلغ لأنى كمان مش حلبس كمامة
وحروح الأمتحان ولو منعت حقول حسبنا الله ونعم الوكيل
وحقول كمان
أذيت فى الله وما أوذى أحد
وحقول كمان
من وجد الله فماذا فقد
وحقول كمان
تهون الحياة وكلٌ يهون ولكن إسلامنا لايهون
وحقول كمان
نقابى عزتى ووقارى
اثبتن يا حفيدات الزهراء وعائشة
اشتكوا أمركن إلى من بيده الملكوت
حسبنا الله ونعم الوكيل نعم المولى ونعم النصير

[عطر الجنان]

رد: بخصوص منع النقاب فى الامتحانات (عاجل)

حسبنا الله ونعم الوكيل

اثبتن على النقاب اخواتى

فالله لن يخذلكن بحوله وقوته

فلتذهب الامتحانات والشهادات الى الجحيم

لا تتنازلن عن النقاب

وتمسكن به

اعانكن الله واثابكن

[حياء يفوق الحوراء]

رد: بخصوص منع النقاب فى الامتحانات (عاجل)

ما شاء الله
ربنا يثبتكن يا اخوات يااااااااارب
بوركتن اخيتاي
بنت الاسلام
عطر الجنان

[في الجنة الملتقى]

رد: بخصوص منع النقاب فى الامتحانات (عاجل)

جزاك الله خيرا.

الاخت الفاضلة بنت الاسلام اسكندرية : هل سمعت تعليق الشيخ سعيد عبد العظيم عن هذا الامر؟
تفضلي : للحـفظ

أنا أيضا أرى أن الكمامة ذلة ومهانة ولكن المهم ما رأي الشرع ؟

[حاجتى ربى]

رد: بخصوص منع النقاب فى الامتحانات (عاجل)

السلام عليكم و رحمة الله و بركاته
أخواتى
أنا طبعا ضد الكمامة و أرى انها ذل و مهانة و أنها ليست بديلا عن النقاب
و لكن محدش يعرف ظروف غيره
ممكن انتى ربنا ميسرلك الأمور و تستطيعى أن تقدمى هذه التضحية لله
و لكن واحدة غيرك ممكن يكونوا أهلها ضاغطين عليها جدا و ماتقدرش تنسحب من أول ما يقولولها ترفع النقاب
مثلا أعرف واحدة والدتها عندها ضغط منخفض و مجرد ما ناقشتها فى إنها ماتحضرش الامتحان ، والدتها ضغطها انخفض بشدة و كانت هتروح فيها
دة مثال واحد
إنما لو سألتى كل بنت هتلاقى إنها وراها مأساة و إنها مش حرة نفسها و تقدر تعمل اللى هى عايزاه و اللى ربنا عايزه زى ما احنا فاكرين
فالمفروض إننا لا نقلل من جهاد أى أخت و لا من ثباتها فى الابتلاء فربنا وحده اعلم بما فى صدور العالمين
أتمنى وجهة نظرى تكون وصلتك
جزاكن الله خيرا
السلام عليكم و رحمة الله و بركاته

[حاجتى ربى]

رد: بخصوص منع النقاب فى الامتحانات (عاجل)

آه نسيت أقلك حاجة
حل الكمامة دة حل مؤقت إلى حين صدور حكم المحكمة الإدارية العليا
فعلينا باللجوء إلى الله ليجرى الحق على لسان القاضى
السلام عليكم و رحمة الله و بركاته

["بنت الإسلام"]

رد: بخصوص منع النقاب فى الامتحانات (عاجل)

أخواتى كلامكن رااااائع وعلى فكرة قليل أوى اللى حتلاقى تقيد من أهلها
وأنا أكتر واحدة لو محضرتش الأمتحان الله أعلم برد فعل أهلى
لكن يبقى سؤال
ألسنا على الحق!!!!!!!!!
تفتكرى ربنا حيضيعك
سيدنا إبراهيم لما ذهب بزوجته وابنه الذى طالما انتظره إلى الصحراء الخالية من أى إنسان
هل ربنا تركهم وهم يمتثلون أمره!!!!!!
أم نبى الله "موسى"لما وضعت طفلها الرضيع فى اليم إمتثالاً لأمر الله
هل خذلها الله!!!!
وكثير من النماذج التى إذا تذكرنها تجعلنا نمتثل أمر الله بدون تفكيــــــر
يا ترى أهلك أهلك حيعذبوكِ ،حيشتموكِ ،حيضربوكِ
طيب ما يكون التصبر لينا فيك يااااااااارب
يا أخوااااااااااااتى
ليس لها من دون الله كاشفة
طيب افترضى معايا إنك حترفعى النقاب ولبستِ الكمامة وبردوا طلبوا منك تخلعيها
يا ترى بعد خلعك وإظهار وجهك حتقدرى تؤدى الإمتحان
أنا عن نفسى لن أستطيع
وأقسم أن ظروفى ليست أبداً بأفضل منكن وأنا أهلى أشد المعارضين لعدم حضورى الإمتحان
لكن رفعت شعار
بالله استعنا وهو الركن الشديد
لن يضيعنى الله
ليس لها من دون الله كااااشفة
فيك ياااااااااااااارب
عشانك يا حبيبى تهون الحياة كلها
أنا بتكلم دلوقت والله والخوف يملاء قلبى من عدم الثبات ولكنى عندى حسن ظن بالله
ول شوية افكر نفسى واتكلم معاها
وأقولها ربنا مش حيضيعك
بس النقاب الآن محتاج من ينصره وفعلاً كما قالت لى أخت يا بنات الجامعة أنتن الصف الأول اللى لو انهار بعدها حيتم اختراق باقى الصفوف ولعلهم يمنعوا النقاب نهائياً
ماذا ستفعلين حينها؟؟؟
والله ده اللى بيدور فى ذهنى واللى بيه بثبت نفسى
نسأل الله لى ولكن الثبات على الحق وعلى كل ما يرضيه إلى الممات
الله المستعااااااااان
حسبنا الله ونعم الوكيل
أكثرن من الدعاء واملئى قلبكِ ثقة فى الله وأكثرى من الأستغفار
والله لن يضيعنا أبداً

[أم خطاب]

رد: بخصوص منع النقاب فى الامتحانات (عاجل)

جزاكم الله خيرا
لى سؤال ضرورى بارك الله فيكم هل امتحن احد هنا من طلاب جامعة القاهرة

[حاجتى ربى]

ادعولنا ربنا ينصرنا بكرة

السلام عليكم و رحمة الله و بركاته
ادعوا لنا يا جماعة كتيييييييييييييييييير أوى بكرة فى جلسة الطعن إن ربنا ينصرنا و يمكن لدينه و يخزى كل من حارب النقاب و الإسلام.
و ادعوا كمان على القاضى اللى حكم ضدنا المرة اللى فاتت
دة معطل لنا ورق المفروض نقدمه بكرة
و للأسف لو ما اتحكمش بكرة يبقى هتتأجل أسبوعين
بالله عليكوا يا جماعة نقوم الليل كلنا الليلة دى و ندعى ربنا و كلنا يقين فى الإجابة
"ألا إن نصر الله قريب"
و عندى رجاء من كل الأخوات اللى هتحضر الجلسة
أنا عارفة طبعا إن كلكم فضليات بس للتذكرة
عايزين يا جماعة كل الوقت اللى هنقضيه فى المحكمة لساننا لا يفتر عن الصلاة على سيدنا محمد صلى الله عليه و سلم
فععَنْ الطُّفَيْلِ بْنِ أُبَيِّ بْنِ كَعْبٍ عَنْ أَبِيهِ قَالَ : كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا ذَهَبَ ثُلُثَا اللَّيْلِ قَامَ فَقَالَ يَا أَيُّهَا النَّاسُ اذْكُرُوا اللَّهَ اذْكُرُوا اللَّهَ جَاءَتْ الرَّاجِفَةُ تَتْبَعُهَا الرَّادِفَةُ جَاءَ الْمَوْتُ بِمَا فِيهِ جَاءَ الْمَوْتُ بِمَا فِيهِ قَالَ أُبَيٌّ قُلْتُ يَا رَسُولَ اللَّهِ إِنِّي أُكْثِرُ الصَّلَاةَ عَلَيْكَ فَكَمْ أَجْعَلُ لَكَ مِنْ صَلَاتِي فَقَالَ مَا شِئْتَ قَالَ قُلْتُ الرُّبُعَ قَالَ مَا شِئْتَ فَإِنْ زِدْتَ فَهُوَ خَيْرٌ لَكَ قُلْتُ النِّصْفَ قَالَ مَا شِئْتَ فَإِنْ زِدْتَ فَهُوَ خَيْرٌ لَكَ قَالَ قُلْتُ فَالثُّلُثَيْنِ قَالَ مَا شِئْتَ فَإِنْ زِدْتَ فَهُوَ خَيْرٌ لَكَ قُلْتُ أَجْعَلُ لَكَ صَلَاتِي كُلَّهَا قَالَ إِذًا تُكْفَى هَمَّكَ وَيُغْفَرُ لَكَ ذَنْبُكَ
و رجاء من اخواتى اللى مش هيحضروا الجلسة
ياريت تقضوا كل الوقت من بداية الجلسة (الساعة 10 الصبح) إلى أن تنتهى فى صلاة و دعاء أن يجرى الله الحق على لسان القاضى
جزاكم الله خيرا
أسأل الله لنا الثبات و الإخلاص و القبول و اليقين
اللهم انتقم من كل من حارب دينك
اللهم اجعلهم عبرة لكل من يحارب الإسلام
اللهم اهتك ستر هذا القاضى كما يريد هتك سترنا
اللهم مكن لدينك فى الأرض
اللهم انصر الإسلام و أعز المسلمين
السلام عليكم و رحمة الله و بركاته

[التائبة 2]

رد: ادعولنا ربنا ينصرنا بكرة

ربــــــــــــــــــنـــــــــــــا يــــــــــنـــــــــصـــــــــرنـــــــــــــــــ ا
آمـــــــــــــــــــــــــــــيـــــن

[التى تريد النقاب]

رد: ادعولنا ربنا ينصرنا بكرة

ربنا ينصركم يا رب
ويثبتكم على الحق
وأن يسخر لكم جنود أرضه وسمائه

[قلبي ملك لربي]

رد: ادعولنا ربنا ينصرنا بكرة

ان شاء الله ربنا ينصركم ويهدي القاضي وتكسبو القضيه
في محكمه المنصوره اكثر من قضيه صدر فيها الحكم لصالحنا
وندعي ان شاء الله الحكم يتعمم

[مسك**الجنه]

رد: ادعولنا ربنا ينصرنا بكرة

اللهم انتقم من كل من حارب دينك
اللهم اجعلهم عبرة لكل من يحارب الإسلام
اللهم اهتك ستر هذا القاضى كما يريد هتك سترنا
اللهم مكن لدينك فى الأرض
اللهم انصر الإسلام و أعز المسلمين
السلام عليكم و رحمة الله و بركاته

ان شاء الله ربنا ينصركم

[/عائشة/]

رد: ادعولنا ربنا ينصرنا بكرة

انت في القاهرة ياسمية؟؟ ربنا ينصركم يـــــــــــارب
الحمد لله إن في المنصورة الأمور مستقرة ويارب في كل بلادنا
جميل تذكيرك بالذكر طوال المحاكمة
ياريت أكبر كمية من المنتقبات يحضروا
وطمنينا (أو بشرينا) بالنتيجة إن شاء الله
حسبنا الله ونعم الوكيل
حسبنا الله ونعم الوكيل