Tweet
ايه احسن حاجة تعملها فى ليلة راس السنة ؟؟
حد يفكر معايا
واحد هيقول : اجيب شجرة و اعملها زينة !!
امممممممممممممم
لا لا عايزين حاجة مميزة نادرا ما بنعملها و نحس فيها بسعادة و نكسب منها كتييييييير كمان
ها تعبتو من التفكير
طيب انا هقلكم
احسن حاجة نعملها فى لية راس السنة و تكون مميزة و نادرا ما بنعملها هى ...
هى ...
هى ...
هى ...هى ...صلاة الخسوف
مالك يعم اتخضيت كدا ليه
انا بكلم بجد
ان شاء الله فى خسوف جزئى للقمر هتشهده المنطقة العربية كلها ليلة راس السنة الميلادية
و دى معلومات عن الخبر
اقتباس:تشهد المنطقة العربية خسوفا جزئيا للقمر ليلة الخميس المقبل حيث يبدأ الخسوف في دولة الإمارات تمام الساعة التاسعة و16 دقيقة .. بينما يشاهد الخسوف الجزئي بشكل كامل في قارتي آسيا وأوروبا ومعظم قارة أفريقيا. و قال المهندس محمد شوكت رئيس المشروع الإسلامي لرصد الأهلة بأن القمر يبدأ الدخول في منطقة الظل ليبدأ خسوفا حقيقيا في تمام الساعة العاشرة و55 دقيقة وصولا إلي ذروة الخسوف الساعة الـ11 و23 دقيقة ليلة الخميس المقبل بالتوقيت المحلي لدولة الإمارات وأن الأرض ستحجب حوالي 5ر7 في المائة من مساحة القمر.. بينما يخرج القمر من منطقة الظل الساعة 11 و51 دقيقة لينتهي بعد منتصف الليل بحوالي 30 دقيقة من صباح يوم الجمعة
و بما ان فرق التوقيت بين مصر و الامارات ساعتين
اذا فالخسوف هيبدأ فى مصر الساعة السابعة و 16 دقيقة مساء ان شاء الله
طيب ازاى يعم بقا بنصلى صلاة الخسوف
انا اقلك يسيدى ازاى تصليها
1 ) - هتاخد النية بقلبك انك بتصلى صلاة خسوف و تكبر و تقرأ الفاتحة ثم تقرا قراء طويلة نحوا من سورة البقرة
2 ) تركع ركوعا طويلا مثل قيامه
3 ) ترفع راسك من الركوع و تقول سمع الله لمن حمده ربنا و لك الحمد ثم تقرا الفاتحة و بعدها سورة طويلة لكنها اقل من القراءة الاولى
4 ) تركع ركوعا ثانيا طويلا لكن اقل من الاول
5 ) ترفع من الركوع و تقول سمع الله لمن حمده ربنا و لك الحمد
6) ثم تسجد سجدتين طويلتين
7 ) تنهض للركعة الثانية و تؤديها كالركعة الاولى و تجلس فى اخرها للتشهد ثم تسلم
نقلا من كتاب تمام المنة للشيخ عادل العزازى بتصرف يسير
ملحوظة : لا يشترط الاطالة فى الصلاة كما تبين لتكون الصلاة صحيحة لكنه الافضل و الله اعلم
(يعنى متحججش و تقول انامقدرش اصلى الوقت دا كله و تضيعها خالص )
هل تؤدى جماعة ام فراداى ؟؟
ذهب الشافعية والحنابلة إلى أنّ:
صلاة الخسوف كالكسوف، تُصلى جماعةً، بركوعين وقيامين وقراءتين وسجدتين في كل ركعة، لكنها تؤدى جهراً لا سراً عند الشافعية، كما هو المقرر فيهما عند الحنابلة، لقول عائشة: "إن النبي صلى الله عليه وسلم جهر في صلاة الخسوف بقراءته، فصلى أربع ركعات في ركعتين، وأربع سجدات" متفق عليه.
يا ريت يا جماعة لا تضيعوا عليكم الفرصة دى و تفوزوا جميعا بتطبيق هذه السنة لندرة حالات الخسوف فدى فرصة مش بتكرر الا كل فين وفين
الله المستعان
منقول من موقع الكلية
جزى الله كاتبه كل خير على التذكير وجعله في ميزان حسناته
ولا ننسى (العبادة في الهرج كهجرة إليّ) صحيح
أي في وقت الفتن وليلة غدٍ وقت يُعصى الله فيه في شتى بقاع الأرض ولا حول ولا قوة إلا بالله
اللهم الطف بعبادك المستضعفين
تعليق