Tweet
جزاكن الله خيرا اخواتي اللاتي يقرأن هذا الموضوع
بدايه ما معنى ان يكون لكي حال مع الله بس الاول هسألك سؤال انتي لو عندك سر ومش عايزه حد يعرفه بتختاري حد قريب منك اوي وبتحبيه اوي وواثقه فيه اوي عشان تقوليله السر ده صح؟
ده مثال وطبعا لله المثل الاعلى فانتي اكيد بتحبي ربنا واكيد عارفه ان ربنا قريب منك حتى لو انتي بعيده عنه( مع انه مش المفروض انك تبقي بعيده ولازم تحاولي انك تقربيله عزوجل والا فانتي الخسرانه سبحانه مش هيزيد في ملكه شئ لو انتي اطعتيه وعبدتيه حق عبادته ولا هينقص من ملكه شئ لو انك اعرضتي وبعدتي وكل ماقربتي لربنا بالطاعات والاعمال الصالحه ربنا يقربلك ويتقبلك بأذن الله) نرجع لموضوعنا تاني واقولك انك اكيد كمان واثقه في ربنا فليه متخليش في سر بينك وبينه تعالى سر محدش في الدنيا كلها يعرفه سر يوم مايجيلك ملك الموت وتموتي السر ده يموت معاكي هو ده معنى ان يبقى ليكي حال مع الله سبحانه وتعالى
عارفه ان كتير مننا ليها حال مع الله زي قيام ليل او صدقه او مساعده الاخرين او قراءه قران بدعي لاختنا اللي ليها حال مع الله ان الله يثبتها ويطمن قلبها ويدخلها الجنه واللي فاتها الخير ده لسه قدامك فرصه ابتدي حالا وكوني مع الله
تعليق