ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

[على خطى النبى]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم اختى خضوعى لله
زادك الله علما و حكمة و الله كلامك اثلج صدرى
دمت فى رعاية الله و امنه
اللهم وفقنا جميعا لما تحبه و ترضاه

[د/ سجى]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم
انا متابعه قسم المشكلات فى منتدى نسائى ووجدت المشكله دى
عجبتنى اوى ..اقروها وادعوا لصاحبتها ولكل البنات

سلام عليكم جميعا

انا محتاجه منكم الدعاء اوى
باختصار
عايزاكوا تدعوا لى بالزوج الصالح
لانى محتاجاه اوى
محتاجه حنيته عليا وخصوصا انى مابفكرش فى حد غيره
حتى من صغرى وانا فى فترة المراهقه
واحده صاحبتى قالت لى كلمه عمرى ما نسيتها واحنا فى اعدادى
اان نصيبك هترتبطى بيه وعشان كده ماحبيتش حد
مااخبيش عليكم يمكن الاعجاب العادى بتاع المراهقه
لكن لو فكرت انى ارتبط ففيه واحد بس هو اللى هختاره
وانا مش عارفاه خالص بس محتاجاه
محتاجه انى اكون كل حاجه فى حياته
اكون شاغله تفكيره
بيعمل كل حاجه عشانى وبيتعب عشانى وبيحبنى اكتر من اى حاجه


انا مش كبيره اوى انا 21 سنه الا كام شهر
بس عازاكوا تدعوا لى يمكن ربنا يجعل دعوة حد فيكم مستجابه


عارفين انا اتقدم لى حد قبل كده ومحصلش نصيب لان مامته شايفه انى رفيعه مع انى المشكله ان ابنها هو اللى تخين وانا اصلا لانى جميله وقريت كذا مشكله ان واحده حلوه واتبطرت على عريس قام جالها اللى بعده طلع عنيها .... خفت لو رفضت اكون باتبطر..... وقولت نستنى لما هما يردوا والبيه بيسمع كلام مامته رغم انه كان باين انه مش معترض على شخصيتى وطلعوا بيقولوا امكانيات مش عندهم وبيكدبوا ..... وحتى بعدها ما سابونيش فى حالى لانهم فلاحين واحنا فى قريه قعدوا يقولوا للناس كلها انهم زارونا وحسبى الله ونعم الوكيل فيهم .....


بقيت اتخانق مع الانسان اللى بتمناه فى خيالى(مش حد حقيقى ده فى خيالى انا بس) وبكلم نفسى كأنى بكلمه واقول له عاجبك كده سايبنى اتبهدل وأتاذى
وبعدين ازعق له واقول له انت اصلا ولا حاجه انت خيال مش حقيقه
والله ده مش جنون

بس انا مش قادره ابقى لوحدى رغم ان حواليا ناس كتير بس حاسه انه الوحيد اللى هيستوعبنى
انا عندى اصحاب واخوات وقرايب وليا وضعى لانى الحمد لله فى كلية قمه وجميله (كلهم بيقولوا كده ) والحمد لله محبوبه من زمايلى حتى بيقولوا عليا وجهى برىء وعسوله
يعنى احساسى ده مش نابع من الوحده
ادعوا لى ان الانسان اللى بتمناه يكون موجود فى الدنيا اللى قل فيها الخير
وانه ييجى لى قريب اوى
شكرا

اما انا بقى عايزه اقول حاجه للاخوات المنتقبات
بالله عليكم انا عارفه مدى حرصكم على الدين وانكم عايزين كل البنات تنتقب مثلكم وتاخدوا ثوابهم لكن ياريت الاسلوب يكون لين وغير معنف وخصوصا اذا كانت محجبه حجاب شرعى لكن ليس نقاب

[ام حسام الدين]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركاته
دى مش حكايتى دى حكايه واحده اسمها ام رضوى
وحبيبه عندها 24 سنه وارمله زوجها توفى بعد 3 سنين جواز وقعد معها سنه ونص وسافر وسابها وهيه سافرت له عقدت معاه شهور بسيطه وحصلت له حادثه شنيعه وكانت فى الوقت ده معاها رضوى الكبيرة طفله عندها سنتين وكانت حامل فى حبيبه
ورجعت بزوجها جثه من الخارج بعد ماكانت عايشه اسعد ايام حياتها رجعت مكسورة ومجروحه رجعت على بيت اهلها بعد ماكان ليها شقه فى مكان يعتبر من احسن الاماكن وعاشت فى بيت اهلها ومعاها فى البيت اخواتها وكلهممتجوزين وعايشين فى نفس البيت وليكو ان انتو تتخيلو كم المعاناه الى بتعانيها والحرمان الى بتعيشو هيه واطفالها وهيه حاسه انهم محرومين
من اغلى حاجة فى الدنيا وهيه ابوهم
بس هيه حاسه ان ربنا مش راضى عنها علشان كده خد منها جوزها وهو لسه صغير ولا يتعدى 27 سنه
وهيه عايزاكو تدعو ربنا انها تصلى وربنا يهديلها بناتها ويكونو احسن الناس وربنا يبارك فيهم
وبتقولكو ادعولها انها متتجوزش لانها لسه بتحب زوجها
ونفسها تعيش لاولادها بس وادعولها انها تشوفه فى الحلم ولو مرة
وادعولها انها تكون حنينه على بناتها ومتضربهمش كتير وجزاكم الله خيرا

[مسلمة الى الله]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

انا عندى سؤال محيرنى فعلا

هل مرضى النفسيين (ليس بجنون )ولكن حالات من انفصام الشخصية والاكتئاب تحاسب على ما تقوم به من معاصى ؟؟ام لا وارجو تفصيل فى هذا الموضوع

[السلفية الصغيرة]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركاتة

انا مش عارفة اشكرك ازاى اختى خضوعى لله

والله ابكانى كلامك
هذا الكلام الطيب الجميل الذى لم اسمعة من احد غيرك
اول مرة حد يقولى ياغالية
انا متشكرة على كلامك الجميل دة واسالكى الدعاء

عمر الله قلبك بالطاعة ورطب لسانك بذكرة ونور وجهكى بحبة
واسكنكى الجنة الفردوس الاعلى واسعد ايامك واوقاتك واراح بالك واسعدكى فى الدنيا والاخرة

ياة لو انا عندى صحبة حلوة كدة

والله انا نفسى تكون حياتى كلها لله كل نفس وكل كلمة لله
الله يعنى ادعيلى
بس هو عدم الثقة زى مقولت هو الى محسسنى انى عاجزة عن الوصول

دى ان شاء الله اخر مرة اقول انى عاجزة وهنفذ النصائح الى انتى قولتيها

وانا عارفة انى والدى بيحبنى قوى بس هو مش عارف انة كدة كان بيضرنى

على فكرة كمان انا صحابى منتقبات ومحجبات كلك ما شاء الله عليهم بس هما مش حاسين عشان مااتعملوش زى فى التربية
شكررررررررررررررررا جزيلا

وجزاكى الله خيرا

[بدايه جديده]

مشكلتي...


اخواتي عندي مشكله مع والدي ارجو كم ساعدوني فيها..
انا انسه عندي 24سنه واتقدملي شباب كتير ملتزمين لكن والدي رفضهم بسبب الماديات.
اعمل ايه؟؟
هل انا غلطانه اني بنظر للالتزام بس بغض النظر عن المستوى المادي والاجتماعي؟؟
ولا الماديات والاجتماعيات اصبحت شرط من شروط الزواج حتى لو الشاب ملتزم؟؟
هل من حقي اني ازعل من والدي؟؟
ولا ده حقه انه يدور على الماديات علشان يضمنلي حياه سعيده؟؟

انصحوني اعمل ايه..

[بدايه جديده]

اريد النصيحه..


اخواتي عندي مشكله مع والدي ارجو كم ساعدوني فيها..
انا انسه عندي **واتقدملي شباب كتير ملتزمين لكن والدي رفضهم بسبب الماديات.
اعمل ايه؟؟
هل انا غلطانه اني بنظر للالتزام بس بغض النظر عن المستوى المادي والاجتماعي؟؟
ولا الماديات والاجتماعيات اصبحت شرط من شروط الزواج حتى لو الشاب ملتزم؟؟
هل من حقي اني ازعل من والدي؟؟
ولا ده حقه انه يدور على الماديات علشان يضمنلي حياه سعيده؟؟

انصحوني اعمل ايه..

[moslma lillah]

رد: اريد النصيحه..

صلوعليكم السلام ورحمة الله وبركاته
مرحب بك اختنا بداية جديدة
نورتي المنتدي بيتك
وسعدنا بانضمام اخوات عفيفات مثلك احسبكِ كذلك اختي

بصي يا اختنا
مشكلتك اعتقد هي اغلب مشكلة الآباء والامهات
ولكن في البداية عايزة افكرك بحاجة مهمة جداااااااااااااااا وهي :
صلِّ علي حبيبك الاول
عليه الصلاة والسلام
وهي ان نصيبك بيد من ؟؟
هل انتي ؟
هل والدك ؟
لالالالالا بل بيد الله سبحانه وتعالي
لما يريد شيء هيحصل
لما يجي يتقدملك زوجك اللي مكتوب لك من قبل ما تتولدي يبقي هتتزوجيه لا محالة وربنا هييسر ساعتها للوالد انه يوافق وهييسرلك انك توافقي وهيتم الزواج لسبب واحد فقط وهو ارادة الله
فدي حاجة لازم يبقي عندك يقين منها جداااااااااااا
ان لسه نصيبك لم يأتي مع كووووووووووول العرسان اللي اتقدموا قبل كدة , تمام كدة !

نيجي لكلامك :

هل انا غلطانه اني بنظر للالتزام بس بغض النظر عن المستوى المادي والاجتماعي؟؟

اهنيكي علي نظرتك هذه وهو دا عين الدين وعين العقل
عين الدين لانك بتنفذي امر الله ورسوله في اختيار شريك حياتك امتثالاً لقول المصطفي صلى الله عليه وسلم :" إذا خطب إليكم من ترضون دينه وخلقه ، فزوجوه . إلا تفعلوا تكن فتنة في الأرض وفساد عريض " الراوي: أبو هريرة المحدث: الألباني - المصدر: صحيح الترمذي
خلاصة حكم المحدث: حسن صحيح

فأهم شيء الدين + الاخلاق
فبارك الله فيك اختنا
اثبتي علي ذلك فدا اللي هيحفظك بإذن الله وهيتقي الله فيك
لان للاسف كثيييييييييير ما نسمع بحكاوي تُدمي القلب قبل العين
وهي ان الفتاة تتزوج بشاب ثري جدا وعيلة ومنصب ووو والدين للاسف , فيهينها ولا يتقي الله فيها ويبص لغيرها وووووو .
فاثبتي اختنا

وحاولي ذكّري الوالد الفاضل دايما بحديث النبي صلى الله عليه وسلم اللي ذكرته فوق لانه مهم جدا وبيخاطب الآباء ,
وذكّريه بانك نفسك تعيشي سعيدة مع شخص يتقي الله فيك
وكلّميه بلين وحب وبرّ .
وربنا يوفقك اختنا ويوفقنا جميعا لما يحبه ويرضاه

سعيدة بكي اختنا

[آثار]

رد: اريد النصيحه..

اختي الفاضلة الاخت مسلمة ماشاء الله كفت ووفت
واضيف شيء مهم لاتنسي الدعاء ان يرزقك الله بزوج صالح وذرية صالحة
واعلمي اختي الخيرة دائما فيما اختاره الله
ودائما الطيبون للطيبات
اسأل الله ان يرزقك الزوج الذي ترتضيه وتسعدي معه

[بدايه جديده]

رد: اريد النصيحه..

جزاكن الله خيرا اخواتي الفضليات وفعلا مايهون علي الامر هو ايماني بان رزقي بيد الله..
اسألكم الدعاء جزيتم الجنه

[خضوعي لله]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركاتة

انا مش عارفة اشكرك ازاى اختى خضوعى لله

والله ابكانى كلامك
هذا الكلام الطيب الجميل الذى لم اسمعة من احد غيرك
اول مرة حد يقولى ياغالية
انا متشكرة على كلامك الجميل دة واسالكى الدعاء

عمر الله قلبك بالطاعة ورطب لسانك بذكرة ونور وجهكى بحبة
واسكنكى الجنة الفردوس الاعلى واسعد ايامك واوقاتك واراح بالك واسعدكى فى الدنيا والاخرة

ياة لو انا عندى صحبة حلوة كدة

والله انا نفسى تكون حياتى كلها لله كل نفس وكل كلمة لله
الله يعنى ادعيلى
بس هو عدم الثقة زى مقولت هو الى محسسنى انى عاجزة عن الوصول

دى ان شاء الله اخر مرة اقول انى عاجزة وهنفذ النصائح الى انتى قولتيها

وانا عارفة انى والدى بيحبنى قوى بس هو مش عارف انة كدة كان بيضرنى

على فكرة كمان انا صحابى منتقبات ومحجبات كلك ما شاء الله عليهم بس هما مش حاسين عشان مااتعملوش زى فى التربية
شكررررررررررررررررا جزيلا

وجزاكى الله خيرا

اللهم آمين آمين آمـــــــــــــــــــــــــــــــــــــــــــــــي ن

و لك بالمثل أختى الكريمة
لا شكر على واجب أخيتى أنت أختي و بنت ديني

ولو عايزة اى حاجة لا تتردى انك تقوليها

واحنا كلنا هنا نأخذ بأيدي بعضنا البعض
و حياااااااااااااك الرحمن مرّة أخرى

[الريحانةالمتفائلة]

(محتاجة لدعواتكم)

:

دعواتكم يا أخواتي في الله: بأن الله يشرح لي صدري وييسر لي أمري

ودعواتكم لزوجي مخاصمني لايكلمني بسبب مشكلة تافهة وقال لي: ماراح أجلس معك ولااكل معك لا فطور ولاغداء ولاعشاء

" دعواتكم بأن يرده الله لي مردا جميلا"

[خضوعي لله]

رد: (محتاجة لدعواتكم)

:

دعواتكم يا أخواتي في الله: بأن الله يشرح لي صدري وييسر لي أمري

ودعواتكم لزوجي مخاصمني لايكلمني بسبب مشكلة تافهة وقال لي: ماراح أجلس معك ولااكل معك لا فطور ولاغداء ولاعشاء

" دعواتكم بأن يرده الله لي مردا جميلا"

اللهم ردّ إليها زوجها مردّا جميييييييييييييييييييلا عاجلا غير آجل
و اجعلها قرّة عينه في الدنيا و الآخرة
حبيبتي توجهي للرحمان في جنح الليل في ركعات قيام الليل
عسى الله أن يفرج عنك يا رب

[اللؤلؤةالمكنونة]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركاته

الى كل اخت عرضت هنا اى طلب ولم يتم الرد عليها

معذرة فلم يتسنى لى الوقت الآن للردود

فلا تحسبوا أن هذا تجاهلا منا

ولكنى سأحاول فى وقت لاحق

بوركتم جميعا

[omousarah1]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

جزاك الله خيرا أخيتي الفاضلة