ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

["بنت الإسلام"]

رد: شاركوني برأيكم

ياريت تسمعوني وتشاركوني رأيكم انا محفظةقرءان في داروتعمل معنا بنت هي سكرتيره بتنظم المواعيد وهكذا.... المهم البنت دي بتتنمص وللاسف هي مقتنعه تماما انه ده مش نمص ده تهذيب للحواجب حاولت احدى الاخوات ان تشرح لها لكنها مصَّره ان النمص معناه نزع الحواجب تماما أوترقيقها ..هي بنت محترمه جدا وعلى خلق لكن للاسف هي مش مقتنعه وانا خايفه اتكلم معاها تفهم اني متشدده وانفرها من الملتزمين..ايه رأيكم اعمل ايه انا خايفه اسال عنها يوم القيامه

جزاكِ الله خيراً أخيتى على حرصك وهمتك
عليكِ بالليل فما كان فى شىء إلا زانه
تحدثى معها ولكن لاتجادليها
اهديها درس لشيخ أو مطوية وادعى الله لها
يسر الله لنا ولكِ الأمر
ورزقنا وإياكِ كل ما يحب ويرضا والثبات على الحق
اللهم آآميــــــن
دمتى فى حفظ الرحمن

["بنت الإسلام"]

رد: استفسار

لو حبيت اصلى من اللى فاتنى من صلوات ياترى اصليى الفرض مع كل فرض
ولو كدة لما اصليها هل اصليها قبل الفرض ولا بعده
جاوبونى جزاكم الله خيرا

الحمد لله

على أية حال إن كان فواتها لعذر وجب عليها قضاء تلك الفوائت مع التوبة من التأخير .
أما إن كان تركها للصلاة دون عذر ، إما جحدا لوجوب الصلاة أو تهاونا بشأنها وتكاسلا للقيام إليها ، فإن الراجح من أقوال أهل العلم أن تارك الصلاة جحدا لوجوبها أو تكاسلا وتهاونا ، لا سبيل له إلى قضائها ، فإنّ لله عملا بالليل لا يقبله بالنهار وعملا بالنهار لا يقبله بالليل ( يُنظر كتاب : أريد أن اتوب ولكن ) ويكون تارك الصلاة عمدا كافرا إذا تركها بالكلية فإذا تاب وصلى رجع إلى الإسلام ولا يُؤمر بقضاء ما تركه ولكنه يُنصح بالاستكثار من النوافل والإسلام يجب ما قبله .
وقد سئل فضيلة الشيخ صالح بن فوزان الفوزان حفظه الله السؤال التالي :
( إنني امرأة مسلمة والحمد لله وقد كنت قبل وقت لا أصلي ولا أعرف أي شيء عن أمور الدين . وأما الآن والحمد لله فقد هداني الله وبدات بالصلاة والصوم وقراءة القرآن الكريم والتسبيح ، وقد ختمت القرآن الكريم للمرة العاشرة ، فهل يغفر الله لي ما قدمت وأخرت وأسررت وأعلنت في حياتي . وما أفعل أكثر من هذا حتى يغفر الله لي ؟
الجواب : التوبة تجب ما قبلها ، فما دمت أنك والحمد لله قد تبت توبة صحيحة وأديت ما أوجب الله عليك وتجنبت ما حرم الله عليك فالتوبة يغفر الله بها ما سبق ، قال الله سبحانه وتعالى : ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا ) .
حتى الشرك من ( وقع فيه فتاب ) منه تاب الله عليه ، كما قال تعالى : ( قل للذين كفروا إن ينتهوا يغفر لهم ما قد سلف ) ، والنبي صلى الله عليه وسلم يقول : ( الإسلام يجب ما قبله والتوبة تجب ما قبلها ) رواه احمد 4/204 . فإذا كنت تبت توبة صحيحة وأديت ما أوجب الله عليك وتجنبت ما حرم الله عليك فإن ذلك يكفي إن شاء الله لمغفرة ما سبق ، ولكن عليك بإحسان العمل في المستقبل وملازمة التوبة والقيام بما أوجب الله عليك من أمور الإسلام ) .
والله أعلم.

الإسلام سؤال وجواب
جزاكِ الله خيراً أخيتى
كما فهمت من الفتوى عليكِ بالإكثار من النوافل والأستغفار وعمل الصالحات
يسر الله لنا ولكِ وغفر الله لنا ولكِ
دمتى فى حفظ الرحمن

["بنت الإسلام"]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

جزاكى الله خير
اختى ام سلمان
واختى بنت الاسلام
جعله الله فى ميزان حسناتكم

وخير الجزاء جزاكِ أخيتى
يسر الله لنا ولكِ الأمر كله

["بنت الإسلام"]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

اخواتى موضوع جميل
ما اجمل ان ترى ان احد يشارك همك
بصراحة
انا نفسى اكلم مع حد
اثق فيه
ومشكلة وهى مش مشكله انا
هى مشكلة اختى
هى بنت محترمة جدااا
ولم تتزوج ونفسها اوووى تكون ام
تقدم لها ناس كتير لكن يا هى ترفض ام هم بيكون الواحد فيهم نزل بيقول ربنا يجمع بينا وبعد هذا لا يعود
هى نفسيتها تعبانة من كده وبتحب الاطفال جدااااااااا
لدرجة انها مش عايزة حد يتقدم لها حتى لا تصدم تانى
ومشكلة اكبر كل ما نحضر فرح حد يقولها عقبال ما نحضر فرحك باقى وكلام ده بيجرحها مش عارفه اهون عليها ازاى
هى الحمدلله مؤمنة وعارفة ان كل شىء بامر الله
ولكن نفسيتها تعبانة
حد يقول اعمل ايه
وبالله عليكم ادعولها كتير ربنا يرزقها الزوج الصالح عاجلا

وعليكم السلام ورحمة الله وبركاته
أسأل الله أن يرزقها وإياااكِ وجميع المسلمات أزواج صالحين عاجلاً غير أجلاً إنه ولى ذالك والقادر عليه
لكن أخيتى فى الأول والآخر الزواج رزق من الله سبحانه وتعالى الذى يعرف ما يضرنا وما ينفعنا
يعنى ممكن بنت تكون زعلانة أنه تأخر زواجها لكن ربنا يعلم الغيب
ويعلم ما سيكون لها
لذا علي كل مسلمة الصبر والرضا بقضاء الله وأن تعلم أن الله يقدر لها ما فيه الخير والصلاح
فالصبر كإسمه مر المذاق لكن عواقبه أحلى من العسلِ
وعليها ألا تأخذ الأمر بحساسية فكل ما أحد يقول لها عقبالك تزعل
لا تفرح إن فى حد بيدعلها وتصبر على رزقها
كمان عليها بالدعاء والأستغفار
وأن تشغل نفسها بالطاعات وطلب العلم وحفظ القرآن والدعوة إلى الله
لأنها لما ربنا يرزقها الزوج الصالح
حتنشغل جدا بأعمال البيت وإن قدر الله لها الإنجاب
فتستغل وقت الفراغ
حاولى أن تشرحى لها الأمر وخليها تسمع دروس وروحوا المسجد مع بعض واحفظوا قرآن واشغلوا وقتكم وساعدوا بعض
وياريت تشارك فى المنتدى هنا
أسأل الله أن يسعد كل البنات ويرزقهن الأزواج الصالحين الطيبين
عاجلاً غير أجلاً
اللهم آآميــــن
دمتى فى حفظ الرحمن أخيتى

["بنت الإسلام"]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ادام الله عليكن نعمه يااخوات

ربنا مايحرمناش من الصحبه الحلوة دي يارب
انا كمان عندي مشكله مش عارفه احلها لوحدي
واملي ان ربنا يجعلي فيها مخرج ادعولي
انا ليه صديقه من زمااااااااااان من
ومع بعض علي طول عالمر قبل الحلو
بس هي مش راضيه ولا تترك الاغاني ولا النمص
والمصيبه الكبيرة انها وهي معايا بتكون واخده بالها اوي
تغيير نغمة موبايلها ووتمسح الغاني
واجي بعد كده اعرف انها زي ماهي
وموضوع النمص غلبت اتكلم فيه
وتقاوحني وتقولي مش عملاهم
انصحوني

جزاكِ الله خيراً أخيتى
وأهلاً بكِ بيننا
ونسأل الله أن يهدينا ويهدى بنا ويجعلنا سبباً لمن اهتدى
عليكِ أخيتى بالرفق معها واللين
وأن تلازميها قدر المستطاع
فتصطحبيها إلى المساجد وإلى دار لتحفيظ القرآن
أن تهديها كتب وشرائط
أن تدعى الله لها وكونى رفيقة بها ولينة معها
يسر الله لنا ولكِ الأمر
ورزقنا رضاه وكل ما يحب
دمتى فى حفظ الرحمن أخيتى

[قلب ذليل يرجو القبول]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

جزاك الله خيرا
ادعيلها بالله عليكي

[المنتقبة السعيدة]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

اخواتى موضوع جميل
ما اجمل ان ترى ان احد يشارك همك
بصراحة
انا نفسى اكلم مع حد
اثق فيه
ومشكلة وهى مش مشكله انا
هى مشكلة اختى
هى بنت محترمة جدااا
ولم تتزوج ونفسها اوووى تكون ام
تقدم لها ناس كتير لكن يا هى ترفض ام هم بيكون الواحد فيهم نزل بيقول ربنا يجمع بينا وبعد هذا لا يعود
هى نفسيتها تعبانة من كده وبتحب الاطفال جدااااااااا
لدرجة انها مش عايزة حد يتقدم لها حتى لا تصدم تانى
ومشكلة اكبر كل ما نحضر فرح حد يقولها عقبال ما نحضر فرحك باقى وكلام ده بيجرحها مش عارفه اهون عليها ازاى
هى الحمدلله مؤمنة وعارفة ان كل شىء بامر الله
ولكن نفسيتها تعبانة
حد يقول اعمل ايه
وبالله عليكم ادعولها كتير ربنا يرزقها الزوج الصالح عاجلا

السلام عليكم
اسأل الله العظيم رب العرش العظيم أن يرزق أختك واياكى وبنات المسلين الزوج الصالح عاجلا غير اااجل
بصى يأختى
الزواج رزق وكلنا عارفين كده وهى عارفه كده
تحاول لا تشغل تفكيرها بالزواج
والله والله والله
هى لو عملت حاجه ربنا هيرزقها يقين بالله عز وجل ان هيرزقها عاجلا غير اجل
بصى بقى
انها تصحى قبل الفجر بساعه او نصف ساعه
الوقت دا طبعا بيتنزل الله عز وجل نزولا يليق بجلاله فى السماء الدنيا
ولا يرد سائلا وسهام الليل لاتخطئ
وتصلى ركعتين وبعدها
ترفع يديها فى السماء وتبدأ بحمد الله والصلاه على رسولنا محمد صل الله عليه وسلم والدعاء بأسماء الله وصفاته
وتبدأ بأنها مذنبه وما منعها الرزق الا الذنب
وأن الله غفور رحيم
وتبكى وتبكى بين يديه وتدعو الله عز وجل ان يرزقها الزوج الصالح
وتكون عندها يقين بالله عز وجل أن الله يرزقها عاجلا غي اجل
وتستغفر كثييييييييييييييير
بس تكون نيتها الاول هو القرب من الله عز وجل ومغفره الذنوب
وان يرزقها الله بالزوج الصالح
والصدقه
انا سمعت ن شيخ كده
كل يوم تخرج صدقه لله عز وجل وتحطها فى حصاله وكل مره تحط مبلغ
تقول يارب زوجنى بالزوج الصالح عاجل يارب
وتخلى والدتها تدعى لها كثييييييير
لان دعوه الام لا ترد
بشرينا ان شاء الله بزواج أختك قريباااااااااا
وصل اللهم وسلم على سيدنا محمد صل الله عليه وسلم

[رحاب مصطفى]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمه الله انا عاوزه اخد رأيكم معايا فى موضوع انا ليه صديقه بتشتغل فى شركه ما وصاحب الشركه طلب الارتباط بيها يتزوجها يعنى وهى من داخلها فيه قبول تجاهه لكن هو متزوج وهيكون نتيجه زواجه منها انه هيترك زوجته الاولى لان الزوجه الاولى لا تقبل بزواجه من اخرى وهو لديه اولاد هى سألتنى تعمل ايه عشان هي كمان محتاجه الشغل ده جدا ياترى رأيكم اقولها ايه

[ام نظام]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

والله يا أختي أكثر حاجة بتخوف الإنسان وتخليه يرجع لربنا ذكر الموت وعذاب القبر
اشرحيلها معنى اللعنة وان هيا مطرودة من رحمة الله
واللعن يعنى الطرد والابعاااد من رحمة الله
من لها بعد الله يرحمها
لازم تخاااف عشان تبطل تسمع اغاني وتنمص
احكيلها قصص بنات واولاد بيسمعوا اغاني وكانت خاتمتهم سيئة والعياذ بالله
احكيلها رقائق كده خليها تلين
وانتِ كمان خليكِ لينة معاها وحسسيها اقد ايه انت خايفة عليها
وعايزاها تدخل معاك الجنة على سرر متقابلين
حسسيها بحبك وبقربك منها
ربنا يهدينا ويهديها

[رحاب مصطفى]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ربنا يكرمكم يا رب انا مبسوطه قوى بوجودى معاكم

[*المشتاقة إلى الجنة*]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمه الله انا عاوزه اخد رأيكم معايا فى موضوع انا ليه صديقه بتشتغل فى شركه ما وصاحب الشركه طلب الارتباط بيها يتزوجها يعنى وهى من داخلها فيه قبول تجاهه لكن هو متزوج وهيكون نتيجه زواجه منها انه هيترك زوجته الاولى لان الزوجه الاولى لا تقبل بزواجه من اخرى وهو لديه اولاد هى سألتنى تعمل ايه عشان هي كمان محتاجه الشغل ده جدا ياترى رأيكم اقولها ايه

عليكم السلام ورحمة الله وبركاته
انا رأيي ان هى ما توافقش على الارتباط ده لأنه هيتسبب فى طلاق امرأة اخرى وضياع اطفالها
واكيد هى هتبقى حاسه بالذنب طول الوقت ، واذا كان وجودها فى العمل ده
هيتسبب في فتنة يبقى تركه احسن ، ومن ترك شيئا لله ابدله الله خيرا منه
اسأل الله تعالى ان يرزقها الزوج الصالح والرزق الحلال

[المنتقبة السعيدة]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمه الله انا عاوزه اخد رأيكم معايا فى موضوع انا ليه صديقه بتشتغل فى شركه ما وصاحب الشركه طلب الارتباط بيها يتزوجها يعنى وهى من داخلها فيه قبول تجاهه لكن هو متزوج وهيكون نتيجه زواجه منها انه هيترك زوجته الاولى لان الزوجه الاولى لا تقبل بزواجه من اخرى وهو لديه اولاد هى سألتنى تعمل ايه عشان هي كمان محتاجه الشغل ده جدا ياترى رأيكم اقولها ايه

السلام عليكى
بصى من وجهه نظرى
تسأل لماذا هو عاوز يتزوجها
ويسيب أمرأته الاولى؟
وأنما أتخلى على أمرأته الاولى
يبقى هو مش ليه أماان

أنا عن نفسى لااااااااااااااااااااااااا
لأنه غدر زوجته الاولى وهيطلقها
وصاحبتيك لو هى فى الموقف دا
هتعمل ايه
يعنى بدل الزوجه الاولى
بس هذا رأيى
وهل هذا الرجل هذا عنده دين وخلق
كما قال رسول الله صل الله عليه وسلم
أو رجل عادى
لو رجل عادى
ليه؟؟
اسأل الله عز وجل ان يرزقها الزوج الصالح
بس ياريت صاحبتك لا تكون سبب فى هدم بيت مسلم
وضياع الاولاد من زوجته الاولى

[رحاب مصطفى]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

انا يا جماعه مكنتش ملتزمه خالص ومره واحده كده خدنى حماس دينى شديد وعملت كل حاجه فى وقت واحد لبسى اتغير 360 درجه وارتديت النقاب وبقيت الحمد لله مش بسيب فرض وبقرأ قرأن واذكار وبحاول اكون قريبه من ربنا على قد ما اقدر لكن خايفه قوى ارجع اتغر تانى بالدنيا ونفسى استمر فى ألى انا فيه ادعولى ربنا يسبتنى وبالله عليكن تخليكم جنبى انا محتجالكم قوى قوى معايا ومعلشى عندى سؤال انا لبست النقاب على عبايات واسعه بس عينى بتبان منه ده غلط ولا صح وجزاكم الله خير

[*المشتاقة إلى الجنة*]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

انا يا جماعه مكنتش ملتزمه خالص ومره واحده كده خدنى حماس دينى شديد وعملت كل حاجه فى وقت واحد لبسى اتغير 360 درجه وارتديت النقاب وبقيت الحمد لله مش بسيب فرض وبقرأ قرأن واذكار وبحاول اكون قريبه من ربنا على قد ما اقدر لكن خايفه قوى ارجع اتغر تانى بالدنيا ونفسى استمر فى ألى انا فيه ادعولى ربنا يسبتنى ووحياة النبى تخليكم جنبى انا محتجالكم قوى قوى معايا ومعلشى عندى سؤال انا لبست النقاب على عبايات واسعه بس عينى بتبان منه ده غلط ولا صح وجزاكم الله خير

اسأل الله ان يثبتك على طاعته
اهم حاجه انك تبعدى عن صديقاتك الغير ملتزمات علشان ما يرجعوكيش تانى
حاولى تصاحبى الملتزمات اللى يقربوكى اكتر من ربنا
وان شاء الله هنا هتلاقى الصحبة الصالحة اللى تعينك على طاعة الله
اختى الحلف بغير الله لايجوز واذا نسيتى وقلتى "والنبى " ابقى قولى لا اله الا الله وربنا يعينك وتبطليها ، احنا برضه كنا بنقولها بس الحمد لله ربنا تاب علينا وبطلناها
اسأل الله ان يبارك فيكِ ويحفظك ويثبتك انه ولى ذلك والقادر عليه

[محبة قيام الليل]

رد: ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

اختى الفاضلة رحاب مصطفى
ربنا يثبتك
ويذيقك حلاوة الايمان
من وسائل الثبات كثرة العبادات
كقراءة القران الكريم وقيام الليل وصيام النوافل وقراءة سيرة الرسول صلى الله عليه واله وصحبه وسلم والصدقات وغيرها هذا طبعا بعد اصلاح الفرائض والمحافظة عليها
ومن الاشياء الهامة كما قالت اختى الفاضلة المشتاقة الى الجنة الصحبة الصالحة التى تعينك على الطاعة