ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

[المنتقبة السعيدة]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم
انا محتاجة لمساعدة منكم وارشادي , واتمنى ان تهتموا برسالتي.
في هذه الفترة اشعر بالاختناق , اشعر ان كل الابواب مغلقة امامي , لا اعرف لماذا , بعد ان كنت سعيدة في عملي , فصلت لانه اصبح تقليص في مكان العمل , ومن يومها وانا في البيت , لا اخرج ولا ادخل , واتحسر على ايام دراستي , واتمنى ان لو انني لم ادرس , اشعر بالضيق , واحدى صديقاتي اقترحت على العمل بعيد عن البيت اي المبيت خارجا , طبعا بمجال عملي كمعلمة , انا رفضت هذه الفكرة , وابي وافق, وخالتي وصديقاتي يحثون علي على الموافقة , يقلون هذا افضل من لا شيء , وانا نفسي اقول لهم اموت جوعا ولا اتغرب , واخاف ان يبقى الحال على ما هو ,وهل اوافقهم الرأي واتغرب واعلم بعيدا عن بيتي , هل استسلم لهذه الفكرة , رغم اني لا استطيع التغرب , لا اتحمل الغربة, ماذا اعمل, ولا اعرف هل هذا بلاء من الله لي وامتحان لي , ام ان الله غير راضي عني , بالله عليكم ساعدوني , لاني اشعر بضيق شديد

السلام عليكم بصى يأختى لاتتخنقنى ولا تجعلى الشيطان يحزنك وتبقى مخنوقه
خلليكى دائما سعيده وان اصابكى حزن فألتجأى الى الله عز وجل فى قيام الليل وأدعى له كثييررا وقولى كل الى فى قلبك من هم وكرب وأعلمى لو دعيتى الله عز وجل لن يخيبك ويفرج ما بكى
كمان حكايه المبيت بعيد عن البعيد لو سفر طبعا حررام شرعا الا بوجود محرم ودورى على شغل جنب بيتك وان شاء الله هتلاقى
ولا تحزنى وانا معاكى لو عاوزه اى حاجه

[راجية حب الرحمن]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

الاخت العزيزة نت فلسطين بما انك فصلتي من عملك وهذا يشعرك بالاختناق انا هنصحك نصيحة لله ويارب تكون خير ليكي ايه رايك تفكري في الموضوع على انه فرصة ليكي علشان تفيدي وتستفيدي يعني لو مشكلتك في الشغل ممكن تعطي دروس لطلبه محتاجة وده هيكون في ميزان حسانتك اما ان كان بسبب وجودك في البيت ممكن تنزلي تاخدي دورات في احدى المجالات الدينية وتحضري دروس وتتعلمي وتعلمي غيرك اللي مايعرفهوش عن الدين الاسلامي وتقدري تعملي الاتنين وده هيفيدك كتير في الدنيا ولاخرة يعني اللي هتعلميه هيكون في ميزان حسانتك في الاخرة وياريت بلاش موضوع المبيت خارج المنزل معتقدشي ان ده مسموح في دينا لان ربنا بيحب يحافظ علينا ويارب اكون افادتك

[كيف أحزن وربي الرحمن]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمه الله

انا في صراع ... في صراع جامد جدا ومش عارفه اخرته ايه .. في 3 بنات بحبهم قوي وقفين جنبي ومسمياهم 3 تفاحات ربنا اكرمني بيهم قوي وبمعرفتهم .. بس الواضح ان المشكله فيه يعني مش عارفه حسه اني مش موزونه وعماله اتخبط يمين وشمال ...وحتي البنات الجميله دول بيقفو جنبي بس بمنتهي التخلف مني بتعصب عليهم هما عاوزين مصلحتي لكن انا بزعلهم قوي ... وبصراحه ممكن بتخنق من كتر لما بلاقي ان كل حاجه غلط غلط غلط
وبحس اني عمري ما هاكون صح ... بحاول اغير من نفسي بس حاجات كتير بتكعبلني ومش بعرف اكمل زي ما انا عاوزه ... حاجات كتير خنقاني ... وخصوصاً لما تبعدي عن حد بتحبيه قوي ويكون عنده الاصرار انك تكوني معاه في حياته .. بالظبط ده اللي حصلي ... مرتبطه بحد وعاااااااااااااااااااارفه كله يقولي غلط وحرام وبتاع عارفه بس مش قادره ومش عارفه وخصوصا انه هو كمان مش مديلي فرصه ابعد علشان هو مش كداب هو صادق معيه هاتقولولي يتقدم ... اتقدم واترفض واذا اتقدم تاني هايترفض مش علشان اخلاق علشان ظروف تانيه ... بحاول ابعد ومش عارفه ومش مديلي فرصه ابعد بحاول ما اردش عليه علي التليفون ... هاتقولولي غيري خط الموبيل هو معاه الارقام كلها يعني هاخير 3 شرايح وطبعا شغلي ومصالحي هاعمل ايه فيهم ... ده غير انا من جوايا حسه يعني انا مش بشتكي ربنا ولا حاجه بس انا نفسي ربنا يقربني منه والله انا بحب ربنا بس مش عارفه ليه مش هو ده الاحساس اللي كنت متوقعاه لما بدات احاول ارضيه ..يعني كنت متوقعه اني هاكون احسن من كده وهابقي كويسه خالص ومبسوطه.. لكن معلش يعني اعذروني وبالذات ال 3 تفاحات انا بتخنق من كلام الدين الكتير هما بصراحه البنات كلمهم مش بيبقي باسلوب وحش بيبقي باسلوب ... انا مش بكتب هنا علشان هما مقصرين معايا ... لا خالص هما كويسين جدا بس المشكله فيه انا علشان بحب اتكلم في وقت هما بيكونو مش موجودين وهما اتكلموا معايا بس برضو المشكله لسه موجوده مش عارفه مالي .. وزي ما قلت بتخبط .. واللي نزعلني اكتر اني مش عارفه اوصل للاحساس اللي بتمنه انه يكون موجود بيني وبين ربنا .. يعني بسمع كتير عن علاقاة حب جامده مع ربنا... ليه انا مش حسه كده ممكن لوقت قصي احس اني بحب ربنا .. لكن باقي الوقت بحس اني عاوزه احس اني بحبك لكن قلبي ليه جامد يعني احساس وحش قوي ... يعني مثلا لو انتي في حد بيحبك وعارفه انه بيحبك لكن انتي مش قادره تبادليه نفس المشاعر بتتمني تديله زي ما بيدلك واكتر لكن صحب ومش قادره

مش عارفه انا طبعا شكلي بتكلم كلام ضخم وممكن يكون غلط

[لؤلؤه بنقابى]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمه الله

و عليكِ السلام و رحمة الله و بركاته
انا في صراع ... في صراع جامد جدا ومش عارفه اخرته ايه .

ان شاء الله اخرته الثبات على طريق الله و الجنه
. في 3 بنات بحبهم قوي وقفين جنبي ومسمياهم 3 تفاحات ربنا اكرمني بيهم قوي وبمعرفتهم .

الحمد لله يبقى تحمدى ربنا لأن دى نعمه
. بس الواضح ان المشكله فيه يعني مش عارفه حسه اني مش موزونه وعماله اتخبط يمين وشمال .

لأنك لسا فى البدايه
بتغيرى حياتك كلها
بتتعرفى على طريق جديد
لسا مش عارفه كل حاجه فيه
فى حاجات كتير فى حاياتك بتغيريها
التغير ده هو اللى محسسك بكده
و لأنك لسا مش متخلصه من الحاجات القديمه
اصبرى
كل ده مع الوقت و الصبر هيتحل
ان شاء الله

..وحتي البنات الجميله دول بيقفو جنبي بس بمنتهي التخلف مني بتعصب عليهم هما عاوزين مصلحتي لكن انا بزعلهم قوي ... وبصراحه ممكن بتخنق من كتر لما بلاقي ان كل حاجه غلط غلط غلط

معلش
قوليلهم انك بتحبيهم
و قوليلهم انك عارفه انهم عايزين مصلحتك
و الحاجات الغلط اللى بتقولى عليها واحده واحده هتسيبيها
مش لازم كله مره واحده
بس صدقينى بعد فتره هتلاقى نفسك سيبتى كل ده و من غير ما تكونى حاسه ان ده صعب عليكِ
بس الموضوع مش بيجى فجأه

وبحس اني عمري ما هاكون صح .


ليه؟
ربنا بعتلك رسايل كتير
مش انتى قلتى انك دخلتى هنا قدرا
طيب اشمعنى انتى اللى ربنا اختارك
ليه مسابكيش فرحانه بحالك
ليه خلاكِ تحسى انك عايزه تتغيرى
لأن ربنا يريد انك ترجعى لطريقه
يريد ان يتوب عليكِ
يريد ان يهديكِ
يبقى ازاى عمرك ما هتبقى صح

.. بحاول اغير من نفسي بس حاجات كتير بتكعبلني ومش بعرف اكمل زي ما انا عاوزه

عشانك لسا فى البدايه
لسا مشدوده بين الطريقين
كل الناس بيتلخبطوا شويه فى البدايه مش انتى بس

... حاجات كتير خنقاني ... وخصوصاً لما تبعدي عن حد بتحبيه قوي ويكون عنده الاصرار انك تكوني معاه في حياته .. بالظبط ده اللي حصلي ... مرتبطه بحد وعاااااااااااااااااااارفه كله يقولي غلط وحرام وبتاع عارفه بس مش قادره ومش عارفه وخصوصا انه هو كمان مش مديلي فرصه ابعد علشان هو مش كداب هو صادق معيه هاتقولولي يتقدم ... اتقدم واترفض واذا اتقدم تاني هايترفض مش علشان اخلاق علشان ظروف تانيه ... بحاول ابعد ومش عارفه ومش مديلي فرصه ابعد بحاول ما اردش عليه علي التليفون ... هاتقولولي غيري خط الموبيل هو معاه الارقام كلها يعني هاخير 3 شرايح وطبعا شغلي ومصالحي هاعمل ايه فيهم .

بصى انا مش هقوللك ان ده غلط و حرام
انا عايزاكِ تفكرى معايا
ليييه ربنا قال ان ده غلط و حرام؟
عارفه ليه؟
عشان يحافظ علينا
عشان قلبك ميتجرحش
عشان متتعلقيش بحد و فى الاخر يطلع مش نصيبك
انتى بتقولى انه لو اتقدم تانى هيترفض
طيب و بعدين؟؟
نصيحتى ليكِ سيبيه لله
سيبيه عشان ده فى مصلحتك لو هو نصيبك و الخير ليكِ ربنا يهيجيبهولك
بس ساعتها هيجيبهولك مع رضا من الله
تخيلى الفرق
حياه مبنيه على رضا الله
و حياه مبنيه على معصيه لله
انهى اجمل
و هتضمنى سعادتك مع اى شخص ازاى من غير رضا الله
هتقوليلى مش قادره
هقوللك ادعى مقلب القلوب
قوليله يا رب مش قادره
قوليله قلبلى قلبى
ارضينى باللى يرضيك
ادعى باللى يجى على بالك
او حتى ادعى ان ربنا يفتح عليكِ بالدعاء

.. ده غير انا من جوايا حسه يعني انا مش بشتكي ربنا ولا حاجه بس انا نفسي ربنا يقربني منه والله انا بحب ربنا بس مش عارفه ليه مش هو ده الاحساس اللي كنت متوقعاه لما بدات احاول ارضيه ..يعني كنت متوقعه اني هاكون احسن من كده وهابقي كويسه خالص ومبسوطه.. لكن معلش يعني اعذروني وبالذات ال 3 تفاحات انا بتخنق من كلام الدين الكتير هما بصراحه البنات كلمهم مش بيبقي باسلوب وحش بيبقي باسلوب ... انا مش بكتب هنا علشان هما مقصرين معايا ... لا خالص هما كويسين جدا بس المشكله فيه انا علشان بحب اتكلم في وقت هما بيكونو مش موجودين وهما اتكلموا معايا بس برضو المشكله لسه موجوده مش عارفه مالي .. وزي ما قلت بتخبط .. واللي نزعلني اكتر اني مش عارفه اوصل للاحساس اللي بتمنه انه يكون موجود بيني وبين ربنا .. يعني بسمع كتير عن علاقاة حب جامده مع ربنا... ليه انا مش حسه كده ممكن لوقت قصي احس اني بحب ربنا .. لكن باقي الوقت بحس اني عاوزه احس اني بحبك لكن قلبي ليه جامد يعني احساس وحش قوي ... يعني مثلا لو انتي في حد بيحبك وعارفه انه بيحبك لكن انتي مش قادره تبادليه نفس المشاعر بتتمني تديله زي ما بيدلك واكتر لكن صحب ومش قادره

مش عارفه انا طبعا شكلي بتكلم كلام ضخم وممكن يكون غلط

الاحساس اللى انتى بتتمنيه هيجى
بس مش فجأه كده
هيجى مع كل انتصار على الشيطان و مع كل طاعه لله
اسمعى كتير عن ربنا
اقرى قرآن
ادعى ربنا انك توصلى للأحساس ده
ربنا قال فى الحديث القدسى من تقرب الى شبر تقربت اليه ذراعا
حاولى تقربى و ادعى ربنا انه يقربك اكتر
ادعى و قولى (اللهم ارزقنى طاعه)
(اللهم انى اسألك حبك و حب من احبك و حب كل عمل يقربنى لحبك)
صدقينى هتوصلى بس شوية صبر

معلش طولت عليكِ
اسأل الله ان يرزقك لذة الطاعه

["فارسة الدعوة"]

اسالكم الدعااااااء

السلام عليكم ورحمة الله وبركاته ---- اخواتى الكرام اسالكم الدعاء بان ييسر الله لى --عندى امتحان بكرة ان شاء الله وما ذاكرتش لسة الا صفحة واحدة و---انا مضايقة من شىء ما حدث اليوم ولا استطيع المذاكرة -----اسالكم الدعاااااء -----لا تنسونى من صالح دعائكم------

[حجابى نقابى]

رد: اسالكم الدعااااااء

اسئال الله العظيم رب العرش العظيم ان ييسر لكِ امتحانك

اسئال الله العظيم رب العرش العظيم ان يشرح صدرك للمزاكره

بالتوفيق اختى

[ساعية الي جنة الرحمن]

رد: اسالكم الدعااااااء

اسأل الله ان يشرح صدرك اختي للمذاكرة
ويعينك عليها
جددي نيتك اختي والله اكتر حاجة بتعيني علي المذاكرة
ان الواحد دايما ينوي انه يكون صورة مشرفة لالتزامه
ويبر بواليده اللي هيفرحو بيكي
ونوايااااااااااااااا كتييييييير
وادعي قبل المذاكرة
ان ربنا يعينك
وان شاء الله ربنا يشرحلك صدرك
بارك الله فيكي

[مسلمة$$$]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركات

أما بعد
أنا لسه جديده فى المنتدى ومسجلة من زمان بس كل لما بأدخل المنتدى بحس إنى غريبه وتائهه ممكن تساعدونى مع العلم إنى مش بقعد عالنت كتير
وأسألكم الدعاء لى بالزوج الصالح وجميع بنات المسلمين وأن يرزقنى حسن الخاتمة

[مسك**الجنه]

رد: اسالكم الدعااااااء

اسأل الله العظيم رب العرش العظيم ان ييسر لكِ امتحانك

اسئال الله العظيم رب العرش العظيم ان يشرح صدرك للمزاكره

بالتوفيق اختى

[omamar]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

اختى
ارجو رضاك يا الله
طبعا انا يسعدنى جدا ان اتواصل معكى
بس انا حاسه انك مديانى قدر فوق قدرى انا لست ذو علم
او التزام قوى
ماشاء الله جميع الاخوات هنا على قدر كبير من الوعى والدين (احسبهم كذلك ولا ازكى على الله احد)
اللى بطلبه منك انك تستفادى من الاخوات وتسلكى خطوات عمليه للتقرب من الله
وان شاء الله نتواصل قريبا فأنا فى حاجه اليكى كما انتى فى حاجه لى
والجميع فى حاجه الى الاخوه فى الله لانها من اجل النعم
اسأل الله لكى الهدايه والثبات وان يجمعنى بكى فى جنة عرضها السماوات والارض
اللهم امين

[omamar]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

السلام عليكم ورحمة الله وبركات

أما بعد
أنا لسه جديده فى المنتدى ومسجلة من زمان بس كل لما بأدخل المنتدى بحس إنى غريبه وتائهه ممكن تساعدونى مع العلم إنى مش بقعد عالنت كتير
وأسألكم الدعاء لى بالزوج الصالح وجميع بنات المسلمين وأن يرزقنى حسن الخاتمة

اسال الله لكى ان ييسر لكى امرك ويشرح لكى صدرك وان يرزقك بالزوج الصالح وان يرزقنا جميعا حسن الخاتمه
لما الاحساس بالغربه ففى المنتدى ستجدين الصحبه الصالحه التى تعينك على طاعة الله
ستجدين الصحبه التى تنصحك وتدعوا لكى وتأخذ بيدك لا لارحام ولا علاقات ماديه ولا ولا ولا ولا لشىء سوى
الحب فى الله
اسأل الله لى ولكى و لجميع الاخوات ان يظلنا الله فى ظل عرشه يوم لا ظل الا ظله
وان نكون صحبه فى الفردوس الاعلى من الجنه
لكى منى الف تحيه

[ارجو رضاك يا الله]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

ان شاء الله ام عمار ادعى لى

[ارجو رضاك يا الله]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

الموضوع ليس بعلم قدر ماهو اهتمام يعنى كل الاخوات مشكورين ردوا عليا بس انتى اهتمى بى وكررتى السؤال عليا ولما غبت كام على النت انتى بس اللى سالتنى عنى محدش غيرك جايز لسه انا محدش عرفنى بس الحمد لله بردو انى لفت نظرك
بس ملفتش نظر حد تانى وحس بغيابى غيرك
فشعرت براحه نحوك
ليس علم فقط
وانما راحه نفسيه
واعتقد ان الراحه حق مشروع لكل مواطن

[nour_amatullah]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

هام جداااا

الى كل الاخوات
اني اشعر بأني ابتعد عن ثباتي لربنا
واني خائفه جداا

لا اريد الابتعاد عن ربنا
ولكني في ظروف صعبه جدا
ولا اعرف ماذا افعل
لكي ازيد من ثباتي لربنا
من صلاه
ومن خشوع في الصلاه
ومن اقام الليل
ومن اذكار

تقريبا لا اقوم بتلك الاعمال
فقط بالصعوبه اصلي

معرفش ايه اللي بيجرالي

ارجوكم حد يساعدني


وبقيت ايضا اسمع اغاني
مع العلم اني انقطعت عن الاغاني فترة سنه ونصف

[omamar]

رد: .. ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°

هام جداااا

الى كل الاخوات
اني اشعر بأني ابتعد عن ثباتي لربنا
واني خائفه جداا

لا اريد الابتعاد عن ربنا
ولكني في ظروف صعبه جدا
ولا اعرف ماذا افعل
لكي ازيد من ثباتي لربنا
من صلاه
ومن خشوع في الصلاه
ومن اقام الليل
ومن اذكار

تقريبا لا اقوم بتلك الاعمال
فقط بالصعوبه اصلي

معرفش ايه اللي بيجرالي

ارجوكم حد يساعدني


وبقيت ايضا اسمع اغاني
مع العلم اني انقطعت عن الاغاني فترة سنه ونصف

اسال الله لكى الهدايه والثبات
فقط
استعينى بالله
واكثرى من الدعااااء
بس بالله عليكى بلاش اغانى عشان دى بالذات بتخلى الشيطان يلعب بدماغنا الكرة
عدينى بذلك
وتذكرى
ان الله لا يغير ما بقوم حتى يغيروا ما يانفسهم
اسال الله لنا ولكى الهدايه والثبات والاخلاص فى القول والعمل