انا حاسه انى مرائيه انا مضايقه اوووى جابوا عليا

[المنتقبة السعيدة]

لكن انا زعلانه من حاجه
واحده صاحبتى الحمد لله ملتزمه وهى مخطوبه من واحد ماشاء الله ملتزم قالتلى عن حاجات قاللها حسيت انى مش ملتزمه نهائى
بيقول انى مش اروح الجامعه لان فيها اختلاط وكده
لكن انا ايحه اتعلم وانا لو عليا مش اروح لكن اهلى عمرهم ما يقنعوا
2-الالتزام مش صلاه وكده لكن الالتزام معامله
انا معاه لكن بيقول انى اجلس فى البيت ولا أخرج الا فى الضروره تعب او كذا
لكن انا ساعات بخرج عند خالتى وبنروح نجيب حاجات من محل وكده
قال لا لازم محرم وانا مش ينفع ان اخويا يجى معايا لانه مش هيوافق
يبقى متخرجيش
لكن انا بحتاج الى ان اخرج من الى انا فيه اخرج اتكلم مع خالتى اروح عن نفسى
هى ممكن تكون حاجات هايفه لكن بجد قالتلى بتأخذى الدين على مزاجك
وبصراحه كرهتنى فى الملتزمين وحستنى انهم متشددين جدا وهيخنوقنى مفيش خروج حتى لو خرجتى يبقى الصبح خنقتنى جدا000لكن انا عمرى ما هكره الالتزام لانى جربت حلاوته
وحاسه انى مرائيه جدا بعمل الالتزام علشان الناس
وبالاخص انى انتقب علشان يجى لى واحد ملتزم لانه بيأخذ بالشكل والاخلاق
و لما ألقى واحد ملتزم اعمل نفسى بغض البصر قالى أنى ملتزمه
بحس أنى بعملها مش علشان الله عز وجل
علشان كده بابا مش وافق بس قالى السنه القادمه
هل هكذا الملتزمين متشددين
وما هو الالتزام
وهل ذهاب الجامعه حررراام؟
هل انا وحشه لدرجه ديه؟

[يمامة المسجد]

رد: انا حاسه انى مرائيه انا مضايقه اوووى جابوا عليا

يا أختي الفاضلة

ومن قال أن كل الملتزمين هكذا

وكوني وصلت لمرحلة عدم الخروج لتجنب الفتن هذا أمر أخص به نفسي ... ولا أجبر من حولي القيام به ... ولو ألزمت به زوجتي فهذا فقط من باب طاعتها لي ... وليس من باب فرض فرضه الله علينا

وزجات النبي صلى الله عليه وسلم كان يخرجن وحدهن

ولم يفرض الشرع خروج المرأة بمحرم إلا في السفر

فيا أختنا هوني الأمر عليك

وليس كل الملتزمين هكذا

سأكمل ردي لاحقا إن شاء الله

[(عطر الكلام)]

رد: انا حاسه انى مرائيه انا مضايقه اوووى جابوا عليا

السلام عليكي اختي الفاضلة

بصي انا حاسة بيكي لاني كان عندي المشكلة دي قبل كدة انا برضة ف نفس سنك

ان يكون ليكي وحدة زملتك ملتزمه دة كويس جداا .... المشكلة بقا اما تحسي انك اتعقدتي

بصي حكاية الخروج مفيهاش حرج بس الحكاية كلها انك المفروض متخرجيش عمال علي بطال لكن المحرم بيكون في السفر "ديننا يسر الحمد لله بس برضه فيه احكام يجب نلتزم بيها في الدين" يعني انا خرجت من بيتي مثلا اوكي مفيش مشكلة بس لازم ابقي هادية في الشارع وبلاش ضحك بلاش حجات تلفت النظر ساعتها يبقي مفيش مشكلة صح " خليكي طبيعية وبلاش تتعقدي "

وكمان الجامعه هي مكان فعلا ملييييييييييان بلاوي بس انتي رايحة لهدف معين وخلي نيتك وانتي نزلة انك رايحة تطلبي العلم واحنا يعم اصلا ملناش دعوة بالشباب طب ايه المشكلة بقا .... انا اروح الجامعه اخلص محاضراتي وجري ع البت صح كدة " مفيش تعقيد اهو "

الالتزام بدايته الصلاة بس ليه فروع تانية كتير فعلا المعاملة دي اهم شيئ وحجات تانية كتير اهمها برضه انك """ تتقي الله"""

نتكلم بصراحة ... مينفعش اشوف واحد ملتزم اقوم اغض بصري عشان بس يقول عليا ملتزمه او عشان هو ملتزم وانا اتكسفت منه ..... اعرفي ان الله يراكي من فوق سبع سماوات وانه هو اللي خلق الملتزم دة يبقي المفروض تعملي حساب لمين اكتر "لله طبعا " وصدقيني انا جربت الموضوع دة ونفع معايا جدا اقول ربنا اللي خلق العباد وهو اعظم منهم يبقي لازم لازم اعمل لربي حساب اكتر منهم واقول لنفسي طب انا بقا مش هبص علي حد عشان انصر ربي وابعد انت يا شيطان علي جنب اوعي بقاااا سبني مش هبص برضه ها بقااا وتوكلي علي الله واخرجي ولو نسيتي وبصيتي استغفري ربك وجددي التوبه لحد ما تثبتي مفيش تعقيد اهو شفتي الموضوع بسيط

" من يتقي الله يجعل له مخرجا ويرزقه من حيث لا يحتسب " اعلمي واتاكدي من شيئ : مع ان انتي تتمني النقاب مسالتيش نفسك ليه ملبستهوش , انا كنت كدة عوزاه ومش عرفة اوصله واكتشفت انها ذنوبي " تخلصي منها واتقي ربك " واقنعي والديكي وقوليلهم دة امر ربي وتشبه بزوجات الرسول صلي الله عليه وسلم وانك كده هترتاحي اكتر من نظرات الشباب اللي مش بترحم ومن بلاوي الايام دي " ساعتها بعون الله ربنا هيرزقك بالنقاب " وبالزوج الصالح """ وخدي بالك زي مانتي عوزة زوج صالح لاااااااااااازم انتي كمان تكوني صالحة """

الموضوع مش صعب نظمي افكارك كده واقعدي مع نفسك شوية وقرر ي ان نفسك مش هي اللي هتسوقك بل شرع ربك ورضاه هتلاقي الراحة اللي ما بعدها راحة والفتوحات كلها من عند الفتاح الله عز وجل

اهم حاجة متعقديش نفسك اقسملك بالله انا كنت زيك كده بالظبط والحمد لله كله اتزبط .... كل الحكاية قعدة مع نفسك وقرار واستعانة بالله
وطمنينا عليكي .... عذرا ع الاطالة ....

[نقابى جنتى]

رد: انا حاسه انى مرائيه انا مضايقه اوووى جابوا عليا

السلام عليكم اخوتى فى الله
انا عندى مشكله هى مشكله كل فتاه منتقبه هم الان يريدون نزع النقاب فى الامتحانات ونحن لا ولن ننزعه ولكن والدينا يرفضون هذا ويقولون لا نريد مشاكل ومستقبلك ؟ انا لا اريد الذهاب الى الامتحانات ولكن يصعب على امى وابى حين يعلمو انى سقط هم سيعلمون حتى لو اخفيت اريد ان اضحى ولكن لا اخلعه واللى يحصل يحصل وبل هذا يكون عقوق والدين ما الافضل افيدونا

[nahla-111]

رد: انا حاسه انى مرائيه انا مضايقه اوووى جابوا عليا

اختاااااااااااااااااااااااااااة
لا ليس الملتزمين هكذا خالص علفكرة و اصلا اية موضوع ان منفعش انك تخرجى من غير محرم و الكلام دا تخرجى مع محرم لو هتسافرى لمن اية الى فى الخروج و الكلام دا غير كدا هو الولد دا ممكن يكون وصل لمرحلة من الالتزام جيدة و كل حاجة و ممتازة كمان لكن هو موصلش للى فية دا فى يومين او شهرين او حتى سنتين كل حاجة حبيبتى بالتدريج انا مقدرش اجى لواحد عاجز مش بيعرف يمشى و اقول لية اجرى مينفعش لازم بعمل لية تدريبات و يقع مرة و يقف مرة و كدا لكن حبيبتى الى الولد دا بيقولوا مينفعش
و هو طبعا صح زى ما بيقول ان الالتزام مش صلاة بس معالملة كمان صح جدااااااااااااااا و انا معاة و معاكى و الموضوع دا مش فية حاجة صعبة ان الواحد يبقى اخلاقة كويسة
و موضوع غض البص دا بقى لما واحد ملتحى يعدى تقريبا معظمنا كدا مش انتى لواحدك


و على فكرة الشيخ محمد حسان اتكلم قبل كدا على موضوع الرياء و قال ان الواحد لما بيخاف من الرياء بيبقى هو كدا ان شاء الله كويس و اهم حاجة علشان تعرفى انك مرائية و لا لا و كبعا ان شاء الله لا
انك تشوفى حالك مع الله فى الخلوات لو حالك خاشعة و كدا يعنى زى العادى برة يبقى ان شاء الله مفيش رياء ولا حاجة
و خلى بالك انتى الشيطان دلوقتى فرحان بحالك دلوقتى جدا انك مش عارفة راسك من رجلك و هو اصلا عايز كدا كل اما يجى فكرة الرياء جددى نيتك و استعيذى بالله و ادعى كتيييييييييييييييييييييييير و متقوليش هنتقب السنة الجاية مينفعش حبيبتى ادعى ربنا انوا يوفقك للنقاب و خودى خطوة ايجابية و ان شاء الله ربنا هيثبتك ان شاء الله
احبك فى الله

[المنتقبة السعيدة]

رد: انا حاسه انى مرائيه انا مضايقه اوووى جابوا عليا

كلامكم جميل جدا بارك الله فيكم
طيب أزاى ارتب افكارى حسب كلام أختى الحبيبه(عطر الكلام) يعنى عملتى ايه لتخرجى من الى انتى فيه دا؟انا دلوقتى لماألقى واحد ملتحى بكون كارهه انظر أليه؟لكن يعلم مافى قلبى انى مكنتش كده
وكمان سؤال أزاى اكون صالحه يعنى؟
قولولى بتعملوا أيه؟لو فى حاجه ناقصه اصلحها
وكان حاجه بابا هو الى قالى السنه الجايه لكنى عاوزه دلوقتى؟
فكلمه اختى(عطر الكلام) أنى الى خلى بابا مش يوافق ان فى معاصى لازم أتخلص نها عندك حق صحيح بسمع كده من كثييرر من الشيوخ لكن بحس انى بابا مش موافق لان مش هعمل كده لله عز وجل فهمتينى.
وما هو الزوج الصالح الى مش متشدد؟
وخطيب صاحبتى دا يعنى متشدد شويه لأنه وصل لحاله أيمانيه عاليه؟ولا كلهم كدا أسفه بتعبكم معاى
لكن عاوزه حد يبكلمنى

[(عطر الكلام)]

رد: انا حاسه انى مرائيه انا مضايقه اوووى جابوا عليا

احنا معاكي كلنا واعتبريني صديقة ليكي بل اخت

بالنسبة ازاي ترتبي افكارك ؟
يعني تقعدي مع نفسك شوية وتشوفي انتي بتعملي ايه غلط وتسالي نفسك........

انا بعمل كدة ليه....؟ طب هل انا مرتاحة وانا بعمل كدة....... ؟ اكيد الاجابة لا .......؟ طب لية اعمل حاجة بتسببلي عدم راحة وتشوش ........؟ طب ازاي ابطل الحاجة دي........ ؟ وشطارتك انك تلاقي حاجة تانية تشغلك وترضي ربك وترضيكي انتي كمان وتبدليها بالحاجة الوحشة .........
جربي حاجة حاجة وشوفي كدة

انا معرفش انتي بتعملي ايه يا اختي " اريد ان البس النقاب " لكن الاهم انك انتي تكوني عارفة واتبعي الخطوات دي وجربي ........ نفعت معايا الحمد لله

بتسالي احنا بنعمل ايه؟
عوزة اقولك اولا ان الانسان مش ملاك يعني معرض انه يغلط فمش معني ان حد بينصحك انك تفتكري انه خارق للعادة .... بس الموضوع عاوز عزيمة من جواكي عشان تتغير ي
.... اقولك مثال عني ... في حكاية انتي قلتيها ..... كنت بروح مسجد وكان في هناك اخوات فاضلات ومنهم وحدة قريبة لقلبي جدا وكانت ما شاء الله مثاليه جدا ..... حسيت اني ولا حاجة بالنسبة للي هي بتعمله لكن مخلتش الياس يملاني .. جالي الشيطان وقاللي "ابعدي عنها دي هتعقدك ...انتي مش هتقدري تتغير ي ابدا معاها ...هتلاقي نفسك عماله تتفرجي عليها بس ... وهيجيلك احباط دي مثالية اوي زيادة عن اللزوم" وقعد بقا يقول للصبح ..... ونفسي كمان مسبتنيش في حالي قالتلي " انتي اصلا مش متعودة ع اللي هي بتقولك عليه مش هتقدري كده بصي وحدة وحدة علي نفسك" ............... بس انا قلت اعوذ بالله من الشيطان الرجيم ولا حول ولا قوة الا بالله ....... مسبتش نفسي للاحباط..... قلت كده "لا يكلف الله نفسا الا وسعها" ....... وقلت كمان طب ما البنت دي بشر وانا زيها احاول انا كمان ..... وقلت كمان ان كلامها ليا مش اوامر انا هعمل اللي اقدر عليه بس بجد بجد بكل طاقتي ... وبدات وحاولت وكافحت وهي ساعدتني بارك الله فيها والحمد لله اتغيرت كتير صحيح مبقتش زيها بس بقيت احسن بكتييييييييييييييييييييييييييييييييييييييييييييير م الاول .. وفضلت كده خطوة خطوة وكل ما اغير من نفسي ف حاجة احس ان ربي راضي عني .. واقول لازم اغير حاجة كمان عشان ربنا يرضي اكتر .......

شوفتي الموضوع بسيط والله
بس لازم صوتك يبقي من جواكي
وتعملي اللي تقدري عليه
واستعيني بالله
ودوري علي صحبة صالحة

بالنسبة انك كارهه الملتحي ....... بصي يا اختي الكريمة ..... الملتحي دة بيتشبه بالرسول ..... وبجد مش كل الناس زي بعض........ في ملتحيين ما شاء الله ..... بس عوزاكي اول ما تبصيله تعرفي انه بيسعي للتشبة بالرسول ..... زي مانتي بتسعي للتشبة بامهات المؤمنين ........ انا ام بشوف واحد ملتحي بحس بالامان وبالتقوي ونحسبه علي خير ...

وفي الزوج الصالح معروف يا اختي هو اللي يعاملك بالمعروف ويتقي الله فيكي ويعليكي في الدين ويكون رفيق الحياة الطيب الحنون ..لسانه ذاكرا لله ويكلمك بالحسني... حاله مع ربه في السر والعلانية فيه احسان .... يسعي لارضائك ما استطاع طالما في طاعه الله ........ ولو انتي اتقيتي ربك كوني متاكدة بان الله سوف يرزقك زوجا صالحا به افضل الصفات اللي عمرها ما جت علي بالك

واخر حاجة سالتي عنها هل كل الملتزمين كده " قصدك متزمتين "
اكيد مش كلهم كده الطبع بيختلف من انسان لاخر ايه المانع لو ادي فروض ربه وسنن الرسول صلي الله عليه وسلم واجتهد وظل ف الاجتهاد وان يكون ايضا ف نفس الوقت مرح وبشوش وصديق واخ واب وعون لكي ....... دة فعلا يتقال عليه ملتزم

اسال الله ان يرزقنا ازواجا صالحة يعينونا علي ذكره

اسفه ع الاطاله
ولو في حاجة تانية اسالي انا موجودة

والله المستعان

[المنتقبة السعيدة]

رد: انا حاسه انى مرائيه انا مضايقه اوووى جابوا عليا

احنا معاكي كلنا واعتبريني صديقة ليكي بل اخت

بالنسبة ازاي ترتبي افكارك ؟
يعني تقعدي مع نفسك شوية وتشوفي انتي بتعملي ايه غلط وتسالي نفسك........

انا بعمل كدة ليه....؟ طب هل انا مرتاحة وانا بعمل كدة....... ؟ اكيد الاجابة لا .......؟ طب لية اعمل حاجة بتسببلي عدم راحة وتشوش ........؟ طب ازاي ابطل الحاجة دي........ ؟ وشطارتك انك تلاقي حاجة تانية تشغلك وترضي ربك وترضيكي انتي كمان وتبدليها بالحاجة الوحشة .........
جربي حاجة حاجة وشوفي كدة

انا معرفش انتي بتعملي ايه يا اختي " اريد ان البس النقاب " لكن الاهم انك انتي تكوني عارفة واتبعي الخطوات دي وجربي ........ نفعت معايا الحمد لله

بتسالي احنا بنعمل ايه؟
عوزة اقولك اولا ان الانسان مش ملاك يعني معرض انه يغلط فمش معني ان حد بينصحك انك تفتكري انه خارق للعادة .... بس الموضوع عاوز عزيمة من جواكي عشان تتغير ي
.... اقولك مثال عني ... في حكاية انتي قلتيها ..... كنت بروح مسجد وكان في هناك اخوات فاضلات ومنهم وحدة قريبة لقلبي جدا وكانت ما شاء الله مثاليه جدا ..... حسيت اني ولا حاجة بالنسبة للي هي بتعمله لكن مخلتش الياس يملاني .. جالي الشيطان وقاللي "ابعدي عنها دي هتعقدك ...انتي مش هتقدري تتغير ي ابدا معاها ...هتلاقي نفسك عماله تتفرجي عليها بس ... وهيجيلك احباط دي مثالية اوي زيادة عن اللزوم" وقعد بقا يقول للصبح ..... ونفسي كمان مسبتنيش في حالي قالتلي " انتي اصلا مش متعودة ع اللي هي بتقولك عليه مش هتقدري كده بصي وحدة وحدة علي نفسك" ............... بس انا قلت اعوذ بالله من الشيطان الرجيم ولا حول ولا قوة الا بالله ....... مسبتش نفسي للاحباط..... قلت كده "لا يكلف الله نفسا الا وسعها" ....... وقلت كمان طب ما البنت دي بشر وانا زيها احاول انا كمان ..... وقلت كمان ان كلامها ليا مش اوامر انا هعمل اللي اقدر عليه بس بجد بجد بكل طاقتي ... وبدات وحاولت وكافحت وهي ساعدتني بارك الله فيها والحمد لله اتغيرت كتير صحيح مبقتش زيها بس بقيت احسن بكتييييييييييييييييييييييييييييييييييييييييييييير م الاول .. وفضلت كده خطوة خطوة وكل ما اغير من نفسي ف حاجة احس ان ربي راضي عني .. واقول لازم اغير حاجة كمان عشان ربنا يرضي اكتر .......

شوفتي الموضوع بسيط والله
بس لازم صوتك يبقي من جواكي
وتعملي اللي تقدري عليه
واستعيني بالله
ودوري علي صحبة صالحة

بالنسبة انك كارهه الملتحي ....... بصي يا اختي الكريمة ..... الملتحي دة بيتشبه بالرسول ..... وبجد مش كل الناس زي بعض........ في ملتحيين ما شاء الله ..... بس عوزاكي اول ما تبصيله تعرفي انه بيسعي للتشبة بالرسول ..... زي مانتي بتسعي للتشبة بامهات المؤمنين ........ انا ام بشوف واحد ملتحي بحس بالامان وبالتقوي ونحسبه علي خير ...

وفي الزوج الصالح معروف يا اختي هو اللي يعاملك بالمعروف ويتقي الله فيكي ويعليكي في الدين ويكون رفيق الحياة الطيب الحنون ..لسانه ذاكرا لله ويكلمك بالحسني... حاله مع ربه في السر والعلانية فيه احسان .... يسعي لارضائك ما استطاع طالما في طاعه الله ........ ولو انتي اتقيتي ربك كوني متاكدة بان الله سوف يرزقك زوجا صالحا به افضل الصفات اللي عمرها ما جت علي بالك

واخر حاجة سالتي عنها هل كل الملتزمين كده " قصدك متزمتين "
اكيد مش كلهم كده الطبع بيختلف من انسان لاخر ايه المانع لو ادي فروض ربه وسنن الرسول صلي الله عليه وسلم واجتهد وظل ف الاجتهاد وان يكون ايضا ف نفس الوقت مرح وبشوش وصديق واخ واب وعون لكي ....... دة فعلا يتقال عليه ملتزم

اسال الله ان يرزقنا ازواجا صالحة يعينونا علي ذكره

اسفه ع الاطاله
ولو في حاجة تانية اسالي انا موجودة

والله المستعان

شكرا لكى على متابعتك لى الله يجزيكى كل ما تتنيه
1-صاحبتى الملتزمه ديه كنا قاعدين فى المسجد بتقول الكلام الى انا قولتوه لكن لما خرجنا راحت تشترى كتاب من المكتيه والله العظيم كانت الى انا حسيته وتأكده تستنى الراجل علشان تشترى منه الراجل ده ماشاء الله ملتحى وكده وكانت فى بنتين قولتلها اشترى منهم سابتنى وراحت قال علشان الكتاب
خذت الكتاب طلع الكتاب فيها أخطاء قولتلها رجعيه قالت لا فلعشان خايفه علشانها هتلخبط فيه قولتلها هاتى ارجعهولك وخذه كانت فيه بنتين كنت هرجعها منهم لاقتها جت قالتلى هاتى ادهتولها
كان الراجل ده كان جوه أنتظرت لما رجع وكلمته
ده الى حصل لمن بسم الله ماشاء الله عليها بتصلى الليل وتقرأ قران وتحفظه ممكن دا عيوب فيها لان الانسان مش معصوم من الخطأ.الله يهديها.لكن بجد حسستنى انى ولا حاجه.هل الى هى قالتهولى دا والى بعمله خطأ انى اخرج واوح الجامعه
2موقف قالت الاختلاط وايه؟ده على لسان خاطيبها لاقتيها بردوا وقفت عن مكان كله صبيان من اليمين والشمال وكده كانت بتجيب حاجه من الشنطه قالت علشان فيه نور.
حسيت الى انا بعمل حاجات غير الى هيا بتقولها
انا مش بقف فى مكان فيه اولاد ولاهستنى راجل علشان ارجع كتاب
طيب فليه بقى تعقدنى كده وبتقول الجامعه لأ علشان الاختلاط
لكن والله يأختى بين المحاضرتين بقعد فى المسجد ولا عمرى كلمت اى ولد
وكمان تقولى متخرجيش ألا للضروره القسوى وكمان الصبح مش بليل
لقول الله تعالى(وقرن فى بيوتكن)
لكن انا مش بخرج ادلع ولا اخرج علشان امشى مع الاولاد انا بخرج ثلا عند خالتو بليل وبتكون معايا ماما اشترى حاجه
وسمعت من الشيخ ان التشدد انى البنت متخرجش من البيت الا لحاجتين بيت زوجها وقبرها
قال دا تشدد
فهل انا كده وحشه؟
وسؤال اختى فى الله كيف اتقى الله عز وجل ليرزقنى انا وانتى وبنات المسلمين ازواج صالحين؟
انا حبيتك جدا فى الله.وياريت تكونى صاحبتى,
عالفكره كنت بطلق نظرى للناس الملتحين والملتزميه.لكن عرفت ان دا خطأ فبطلت شويه بشويه
بس كلامك ماشاء الله ريحينى جدا لا تنينى فى الرد عليا دائما

[المنتقبة السعيدة]

رد: انا حاسه انى مرائيه انا مضايقه اوووى جابوا عليا

فين رددوكم؟؟؟؟

[(عطر الكلام)]

رد: انا حاسه انى مرائيه انا مضايقه اوووى جابوا عليا

السلام عليكي اختي الكريمة ... وانا اشهد الله اني احبك في الله ايضا

انا موجودة ف الوقت اللي تعوزي تكلميني فيه وانا هرد عليكي اول ما ادخل مفيش مشكلة

بالنسبة للموقف بتاع صحبتك انا معرفهاش عشان احكم عليها والله اعلم بنيتها وهي بتعمل المواقف دي ...
وزي ما بقولك يا اختي بلاش تخدي كلامها اوامر... يمكن هي بتتكلم كده عشان خطيبها ملتزم وبيسمعها الكلام دة كتير .... وربنا يكرمك ان شاء الله وتبقي احسن من كده كمان....

الجامعه الجامعه الجامعه ..... الجامعه مليااااااانه مصايب . انا برضه ف الجامعه وعارفه اللي فيها ..... بس مش كل اللي بيروح الجامعه يبقي وحش وخلينا نبص لاساس انشاء الجامعه وهو التعليم ودة هو هدفنا لكن اللي عوزة تكلم شباب ممكن تروح مش بس الجامعه ممكن تروح اي نادي او تقف ف اي شارع ... يبقي طالما انتي عارفه نفسك وواثقة تمام الثقة انك بتروحي تتعلمي وكمان بتقعدي بين المحاضرات في المسجد بعيد عن الاختلاط والبلاوي دي يبقي خلاص مليش دعوة بكلام صحبتي طالما انا بتقي الله ..... تعرفي انك ممكن تستفيدي بموضوع الجامعه دة ..... اة طبعا ممكن ....... مثلا تنصحي واحدة عن لبسها بطريقه كويسة ..... تديها نصيحة عن طريقتها ف الكلام واسلوبها بالحسني كدة وبذكاء مش بطريقة منفرة ..... وحجات كتير بس اهم حاجة بلاش تجمعات عشان بتوع الجامعه ميحطوكيش ف دماغهم انتي عارفه بقا النظام الجديد بتاع منع التجمعات وعشان انتي بنوته لازم برضة تخافي ع نفسك ..... المهم اللي انا اقصده انك بدال ما تشوفي الجامعه انحراف لا بالعكس روحي اتعلمي وابعدي عن الفحش بتاعها وكمان ادعي الناس للخير ..... يبقي كده بتعملي حسنات وانيت ف الجامعه مش بتروحي تاخدي سيئات ..... شوفتي يبنتي الموضوع بسيييييييييييييييييط اصل الدين يسر ....... بلاش كلكعه ........ فهمتيني

مين قال انك كده وحشة........ تعرفي .... هقولك ع حاجة .... "حاجة حلوة انك تشوفي نفسك وحشة" ....... عارفة ليه لانك لو شفتي نفسك حلوة مش هتحاولي تحسني من نفسك وهتقولي انا كده كويسة وتمااااااااااااام لكن اما تشوفي نفسك وحشة يبقي هتسعي انك تحسني من نفسك ... بس بلاش تخلي كلمة انك وحشة انك تعقدي نفسك وتحسي انك اقل من الناس وغريبه وسطهم عشان متتعقديش ..... انتي فهماني ..... يعني دايما اسعي تحسني من نفسك ..

الحمد لله انك بطلتي شوية تبصي ع الملتزمين بس لازم بقا نحسن اكتر " ينفع بقا ابص كدا يعني" لا لا لا مينفعش انتي احسن من كده بكتيييييييييير انتي مسلمه معتزة بدينك وبتعظمي اوامر ربك ... ربك اغلي عندك حتي من نفسك ومن كل حاجة يبقي مش هبص عشان اطيعك يارب عشان بحبك يارب عشان ترضي يارب ..... برضه الموضوع بسيط مش شيفة فيه اي تعقيد .... صح كده؟ ولا انتي ايه رايك؟

السؤال بقا بتاع اتقي ربنا ازاي عشان يرزقني الزوج الصالح ....... محتاج وقفة هنا ........ انتي بتتقي ربنا عشان حجات كتييييييييييييييييييييييييييير اهمها انك بتحبي ربنا وبتحبي اللي بيحبه ربنا ... يبقي لازم انفذ اوامره مش بس عشان مستنية نعمة يديهاني او عشان يقبل دعاء دعيته او حتي عشان يرزقني زوج صالح....... لما تعبدي ربنا عشان ربنا وعشانه وبس ساعتها بقااااااااا يابختك ويا نعيمك ويا ويا ويا....... ربنا هيحبك عشان انتي حبتيه وعظمتي اوامره وعملتي كده بس حبا في الله مش عشان مستيه منه حاجة....... ساعتها هيرزقك من الخيرااااااات والراحه والقبول واليسر وانا بس هقول ايه عن كرم ربنا سبحااااااااااااااااااااااانه ... بجد خلي الدافع الاساسي انك تعملي كده حبا في ربك .......

ساعتها ربك هيرزقك اكيييييييييد بالزوج الصالح اللي هيحس انه معاه جوهرة.....
تمام كده ..... ايه رايك الموضوع بسيط ولا لا ..... بسيط جدا لان دينا اصلا يسر ..... ودينا دين الفطرة

ربنا يعينك ع الخير ويرزقك الاخلاص والله المستعااااان

[المنتقبة السعيدة]

رد: انا حاسه انى مرائيه انا مضايقه اوووى جابوا عليا

اكيد طبعا الدين يسر ولله الحمد انى مسلمه اللهم دمها نعمه
انا بحب ربنا اووى لكن انا مش عارفه ديه مداخل شيطان ولا لا
انى بحس بعمل كل حاجه علشان هدف معين
بحفظ قران علشان يقولوا ختمه القران لكن انا مش عارفه الاحاس ده صح ولا خطأ
بصلى قيام الليل علشان ربنا يستجيب دعائى لاتجوز
مش عارفه بخاف مووت لو االاحساس ده صح
الله يجزيكى خير

[(عطر الكلام)]

رد: انا حاسه انى مرائيه انا مضايقه اوووى جابوا عليا

ممكن اسالك سؤال ؟ انتي ليه مستعجلة ع الجواز ؟ انتي لسة برضه صغيرة .. عوزة تتجوزي عشان زوجك يلبسك النقاب؟

عارفة ايه حل مشكلتك؟ لما تحفظي القران مثلا متقوليش لحد انك حفظتي وبكده تبقي حاجة خاصة بينك وبين ربنا... ويبقي هدفك هنا رضا ربنا...

قيام الليل....... ادي ربنا انه يرزقك حبه والاخلاص في العمل... فضفضي كده مع ربنا.... ادعيله انه يعينك انك تصلحي من نفسك وألحي في الدعااء

قولي كمان ايه اللي انتي حاسة بيه؟
انا موجودة اهو

[المنتقبة السعيدة]

رد: انا حاسه انى مرائيه انا مضايقه اوووى جابوا عليا

انا مش مستعجله
لكن ديه الافكارر الى بتجيلى.
لكن اخويا قالى دلوقتى ديه مداخل شيطان احذرى وقال نفس الكلام الى انتى قولتيه وكلام الاخوات
لكن قالى احذرى ديه مداخل شيطان ليذهقك
خلاص انا فهمت وادعى ربنا ليرزقنى الاخلاص
وهعمل كل حاجه لله عز وجل ورزقى هيجيلى لو كنت فين
لكن سؤال هو انتى فى جامعه القاهره

[(عطر الكلام)]

رد: انا حاسه انى مرائيه انا مضايقه اوووى جابوا عليا

فعلا ممكن تكون مداخل شيطان ... استعيذي بالله من الشيطان الرجيم .... واستعيني بالله العظيم

واسال الله ان يوفقك ويسدد خطاكي وان يرزقك زوجا صالحا يعينك علي طاعه الله ويكون لكي قرة عين وان تلبسي النقاب قريييييب اميييييييييييييييييين

انا مش ف جامعة القاهرة

[المنتقبة السعيدة]

رد: انا حاسه انى مرائيه انا مضايقه اوووى جابوا عليا

للللرفع
اختى حاسه انى مش مؤمنه خالص؟بخاف من الموت وسمعت الى بيخاف من الموت بيكون مش مؤمن ؟لكنى بعمل طاعات بفضل الله وحده؟وسمعت حديث لرسول الله صلى الله عليه وسلم للسيده عائشه لكنى مش حفظاه قالت فكلنا نكره الموت يارسول الله. مش عارفه انا تعبت
يارب رضاك