من الى دعت واستجاب دعواتها فى الحال.قصص

[المنتقبة السعيدة]

ت اسأل من اللي دعت الله من اول مره واستجاب لهاا ربي بنفس الوقت انا عن نفسي اتذكر مره اني دعيت فيها ربي.. انا بعدت عن اصحابى وتركتهم لله عز وجل لكن لما بعدت عنهم مش لاقيه اى بنت ملتزمه اصاحبها كنت مضايقه جدا جدا ومكتئبه حتى لما روحت الجامعه كل ما اصاحب واحده مش القيها عدى شهر كامل وانا فى حاله نفسيه صعبه جدا واتخنقت
يوم السبت صحيت قبل الفجر قيام اليل وكنت مش قادره وصليت ركعتين وبكيت بشده وبقول يارب معنديش اصحاب وانا سبت اصحابى ودعيت ودعيت وانا بأبكى والله يابنات يوم الاحد اليوم الى بعده عالطول روحت الجامعه اتعرفت على بنات ملتزمات كثيييرر وبيكلمونى وبيحبونى وبحبهم جدا واحده جت وراها واحده
لكن انا اتعلمت من الى حصلى دا حاجه
ان لما الله عز وجل يضيقك عليا جامد واكون فى شده
لما بتقولى ياااررب هتقوليها من كل قلبك هتظهر اخلاصك فى الدعاء واليقين كما قال حبيبنا محمد صلى الله عليه وسلم ادعو ربك وانت متيقن من الاجابه او كما قال رسول الله صلى الله عليه وسلم
ماتتصورون فرحت دعوه وبثواني استجابهاا ربي سبحاان الله .. فحبيت اسأل من اللي مر عليها مثل هالموقف ... لان بصراحه ونااسه مرره وتحسين براحه نفسيه .. لحد يقول دعيتي من قلبك او بوقت استجابه وربي اني دعيت بعجله

يالا عاوزه قصصكم الجميله مين هتبدى

[المنتقبة السعيدة]

رد: من الى دعت واستجاب دعواتها فى الحال.قصص

ها قصصكم فين بابنات يا حلويين

[mutawakilah]

رد: من الى دعت واستجاب دعواتها فى الحال.قصص

السلام عليكم و رحمة الله
شوفى يا ستى اكيد احنا كتير بندعى ربنا و بيستجيب لكن اكتر حاجه انا فاكراها و حصلت قريب كنت فى العمرة انا و اخويا و اتفقنا حنتقابل بعد الصلاة عشان نعمل العمرة و يا بنتى انى اشوفه فى المكان الى اتفقنا عليه لا حياة لمن تنادى و احنا الاتنين رصيدنا خلص يعنى انسى اننا نتكلم فضلت ادور عليه فى الزحمة الرهيبة و اتوترت جدا و كنت خلاص حعيط بصيت للكعبة و دعيت يا رب يا من يجيب المضطر و انا طبعا بعيط و فى حالة جميلة اوى مخلصتش الدعاء و بصيت جنبى لقيت اخويا بيدور عليا طبعا طلعت اجرى و مسكت فيه لغاية ما خلصنا العمرة

[المنتقبة السعيدة]

رد: من الى دعت واستجاب دعواتها فى الحال.قصص

حلوه اوى يارب اجعلنا من مستجيبات للدعاء

[مسك**الجنه]

رد: من الى دعت واستجاب دعواتها فى الحال.قصص

السلام عليكــم ورحمـة الله وبركاتــة ،،

جزاك الله خيرا يا غالية

لا حرمك الله الأجر

ثبتنا الله و وفقنا لما يبحه و يرضاه

[ام نظام]

رد: من الى دعت واستجاب دعواتها فى الحال.قصص

السلام عليكم ورحمة الله وبركااااته
عندى أبنى نظااام عندو سنة ونص ولمااا ادخل بيه للمسجد بيعيط ويقلب عاليهااا واطيهاااا
وأنا بحب المسجد اووووى ونفسى اصلى فيه كلما سنحت لى الفرصة
وانا زعلانة اووووى انو ابنى اللى عايزاااه يحب المسجد ويكون من اهل المسااااجد يعمل العمااايل ده فى المسجد
لمجرد دخولنا انا وهوا يبدأ فى الصرااااخ بشكل رهيب غريب
لدرجة انى مبصليش عشااان الناااس تعرف تصلى
بيقعد ماااسك فيا وخااايف ومرعوب وانا متغااازة عالاخرررررر
فلجأت الى الله بالدعااااااء
سبحااااااااااااااان الله
والحمدلله
يومها كان صلاة الظهر فخرجت بيه ودخلنا المسجد وصليت تحية المسجد والولد قاااااااااااااااعد ساااااااااااااكت
هاااااااااااااااااااااااااادى
مستسلم
بصيتلو مش مصدقة نفسى
ده ابنى والا وااااحد تااانى
الحمد لله
لا قوة الا بالله
لدرجة انو جوزى بيسألى من وراااء باب النساااء
بيقولى نظاااام ناااااااااااااااااااام
بقوله لا صاااااااااااااااااااحى
فقااااااااااااال
الله أكبر
الله أكبر
ولحد دلوقتى ولله الحمد رغم صغر سنه بيحترم المسجد
لا بيلمس كتب ولا مصاااحف ولا بتحرك من مكااانو لحد مااا اصلى واخلص
الحمد لله
ومااااشاء الله لا قوة الا بالله
ودلوقتى بيعرف الطريق للمسجد لوحدو
بيجرى اقدااامى وبيدخل
ولى عودة

[لؤلؤه بنقابى]

رد: من الى دعت واستجاب دعواتها فى الحال.قصص

موضوع جميل
و القصص اللى ذكرتوها جميييييييييله
يا رب اجعلنا مستجابينن الدعوه
و لى عوده ان شاء الله لما افتكر قصه

[eng-my]

رد: من الى دعت واستجاب دعواتها فى الحال.قصص

جزاكى الله خيرا أختى ويارب تلبسى النقاب
ربنا بيقول (أمن يجيب المضطر إذا دعاه ويكشف السوء ويجعلكم خلفاء فى الأرض.....)
يعنى فعلا لو اتقفلت كل الأبواب وكنت صادقه مع الله فى شئ (ويكون هيعينك فى الطاعه ) لابد أن يعطيكى الله
ويارب يستجيب كل دعواتنا فى الحال
أنا مره كانت عندى صاحبه بحبها جدا وكانت ملتزمه جدا وأخلاق بس كانت قربت على الثلاثين ولم تتزوج وجت لها حالة إكتئاب وبعدت عن الناس لأن كل صاحبتها إتزوجوا ونسيوها وكمان أختها أصغر منها لسه متجوزتش وبابها متوفى ومامتها تعبت من الزعل عليها وملهاش حد غير ربنا
أنا قمت بالليل من حزنى عليها علشان مبتردش على تليفونى ودعيت لها كتير هى واختها وقلت يارب يتخطبوا فى شهر واحد ويفرح مامتهم
والله بعد إسبوع اتخطبت وفى أقل من شهر أختها التانيه اتخطبت
بس زعلانه لأنه إنشغلت عنى ونسيتنى ربنا يوفقها ويحقق كل دعواتكم أخواتى الصالحات

[المنتقبة السعيدة]

رد: من الى دعت واستجاب دعواتها فى الحال.قصص

قصص جميله جدا جدا
اللهم بارك فى ابنك نظام واجعله يارب من الصالحين
يارب ارزقنا العفه والزوج الصالح اللهم امين

[ذات النقاب]

رد: من الى دعت واستجاب دعواتها فى الحال.قصص

قصص البنات بجد كلها جميله جداااا
وانا فى دعوتين بجد سبحان الله مقدرش انساهم لانهم اتحققوا بسرعه رهيبه بفضل الله
الاولى..كنت ايامها مش ملتزمه وبلبس زى بنات كتير جدا..بس يعنى سبحان الله كنت بحب الطريق ده..يعنى كل فتره كد اسمع درس ..المهم كان فى شخص كان بيحاول يكلمنى وكان مطاردنى فى كل حته اروحها..لحد مالشيطان بدا يضحك عليه ..وبدا يخلينى اتوهم انى معجبه بيه..وهو كان شخص مستهتر وغير ملتزم طبعا بالمره
المهم اول مابدات افكر فيه..وكانت نفسيتى تعبانه جدا..قمت صليت ركعتين وقعدت اقول يارب ابعده عنى انا مش عايزه ارتبط بحد يلهينى انا عايزه حد ياخد بايدي لطريقك يارب ويعينى
يارب ابعده عنى وارزقنى برجل ملتزم يتقى الله
والله العظيم تانى يوم بالظبط اتقدملى زوجى ..والشخص ده تقولى فص ملح وداااااااااب
الحمد لله وتزوجت ومبسوطه جدا وبحب زوجى اوووووووووووى
هاحكيلكم الدعوه التانيه بكره بقى عشان لازم اصلى والحق انام

[المنتقبة السعيدة]

رد: من الى دعت واستجاب دعواتها فى الحال.قصص

قصص البنات بجد كلها جميله جداااا
وانا فى دعوتين بجد سبحان الله مقدرش انساهم لانهم اتحققوا بسرعه رهيبه بفضل الله
الاولى..كنت ايامها مش ملتزمه وبلبس زى بنات كتير جدا..بس يعنى سبحان الله كنت بحب الطريق ده..يعنى كل فتره كد اسمع درس ..المهم كان فى شخص كان بيحاول يكلمنى وكان مطاردنى فى كل حته اروحها..لحد مالشيطان بدا يضحك عليه ..وبدا يخلينى اتوهم انى معجبه بيه..وهو كان شخص مستهتر وغير ملتزم طبعا بالمره
المهم اول مابدات افكر فيه..وكانت نفسيتى تعبانه جدا..قمت صليت ركعتين وقعدت اقول يارب ابعده عنى انا مش عايزه ارتبط بحد يلهينى انا عايزه حد ياخد بايدي لطريقك يارب ويعينى
يارب ابعده عنى وارزقنى برجل ملتزم يتقى الله
والله العظيم تانى يوم بالظبط اتقدملى زوجى ..والشخص ده تقولى فص ملح وداااااااااب
الحمد لله وتزوجت ومبسوطه جدا وبحب زوجى اوووووووووووى
هاحكيلكم الدعوه التانيه بكره بقى عشان لازم اصلى والحق انام

الله يبارك فيك قصه جميله
اللهم ارزقنا ازواج صالحين

[ازهار]

رد: من الى دعت واستجاب دعواتها فى الحال.قصص

انا بقى عمرى ماانسى الموقف ده كنت في امتحان الرياضيات وكنت في تانيه ثانوى وجه فى الامتحان نقطه صاعبه مش عارفه احلها ولو محلتهاش كده ممكن مدخولش كلية الطب علشان الكليه بتخد مجموع عالى والدرجتين دول يفرقو قوى وانا كنت عامله اللى عليا طول السنه فلقيت نفسى بصيت على الشباك ورفعت نظرى للسماء ودعيت ربنا وقلت له يارب انت مش بتضيع تعب حد وانا عملت اللى عليا فيارب ساعدنى وكان ده في اخر الامتحان قاعد كام دقيقه بس والله ربنا الهمنى الاجابه وحسيت ايدى بتكتب لوحدها والحمد لله دخلت طب وانا دلوقتى فى خامسه طب

[عذرا دنياي فالجنة تناديني]

رد: من الى دعت واستجاب دعواتها فى الحال.قصص

السلآم عليكم ورحمة الله وبركاته

جزاكي الله خيرا علي الموضوع الرائع

انا حصلت معايا مواقف كتييييييييير وبالدعاء ربنا خرجني منها علي خير .. سبحان الله

موقف منهم
كنت في 3 كلية وبنت ملتزمة ( ربنا يثبتها ويزيدها من فضله ) عرفتها كانت في سنة 2 .. هي بقي في بداية السنة طلبت مني كتب سنة 2 بحكم اني خلاص مش هحتاج معظمها بس كانت بنت طلبتهم مني قبلها وانا وعدتها إني هديها كتبي .. والبنت اللي طلبت مني دي كنت نفسي اخدمها واساعدها اوي لأنها تحتاج كل خير المهم كلمت صحباتي وكان معظمهم بردو وعد بنات انهم يدولهم كتبهم الا بنت قولتلها لو كتبك مش هتديها لحد اديهم لفلانة لأنها محتاجة كتب ومش لاقية حد لسة كتبه معاه معظمهم عطاهم للبنات
فقالتلي ماشي بس بشرط ترجعهملي كلهم سُلام زي ما هديهملها علشان هحتاجه السنين الجاية في مواد بعد كدة وفعلا قولتلها وعد مني انها ترجعلك الكتب تاني

وجات خلاص السنة هتخلص وقولت للبنت دي متنسيش تجيبي الكتب لفلانة علشان هي عايزاهم فتاني يوم وهي جايباهم نسيت الكيس كله في العربية ولما افتكرته كانت العربية مشيت وه مكانتش تعرف السواق ولا اي حاجة والكتب كدة رااااااااحت وجات تقولي انا اتصدمت وساعتها قعدت اقول يا ربي طيب انا هقول لصحبتي دي ايه وهي هتزعل مني انا لآن الموضوع كله في وشي بس بعدها قولت الحمد لله علي كل حال وبدأت افكر اقولها ازاي وهل هي هتوافق انها تاخد كتبي لما ارجعها بدل كتبها ولا ايه ولما دماغي وجعني من التفكير

دعيت ربنا وقولتله يا رب انت عارف ان نيتي كانت خير واني كنت حابة اساعد محتاج واكيد يا رب انت هتطلعني من الموقف ده علي خير من غير ما صحبتي تزعل مني وكانت عندي ثقة في الله رهيييييييييبة مع اني مكنتش عارفة هتصرف ازاي ولا اعمل ايه وتاني يوم روحت الكلية لقيت البنت بتندهلي وبتقولي خدي الكتب اهي !!!!!!!!!!!!!!!!!!!!!
يا الله دي الكتب فعلا انتي جبتيها ازاي يا بنتي ورجعتلك ازاي وانتي قولتي انك نستيهم في العربية فلقيتها بتقولي امبارح وانا مروحة السواق اللي نسيت معاه الكتب شافني ( وهي مميزة بالنقاب بتاعها وكمان شاف الكيس في ايدها لما جات تركب في يوم ما نسيته ) وندهلها وقالها حضرتك اللي نسيتي الكيس ده في العربية ؟؟

يا الله والله بجد فضلت أعيط وقتها من الموقف ده وازاي ان الكتب ضاعت خلاص وسبحان الله بدعوة صغيرة رجعت تاني ولحد دلوقت صحبتي دي متعرفش ان كتبها كانت ضايعة

الدعاء بثقة في الاجابة هو المخرج من اي مشكلة