عايزة اغير من نفسي ساعدوني

[المطيعة لله]

اولاانا عندي يعني لسه في بدايةعمري عايزة اعمل كل حاجة صح في حياتي لاني زهقت من حياتي مشكلتي الاساسية اني بتكلم مع اي حد بسهولة وبدي لاي حد الفرصة انة يتكلم معايا وبتكلم مع الاولاد كتير جدا وكل محاول ابعد عنهم صحابي بيعرفوني علي ناس غيرهم في الجامعة انا بكون محتر مة معهم جدا في الكلام بس حاسة ان كدة غلط بس هما اصحابي جدا0
ثانيا وده الاهم نفسي اغير من لبسي نفسي ربنا يرضي عني انا لبست الاسدال مرتين وخلعتة تاني ورجعت للبسي مع ان محدش بيساعدني علي البس الديق يعني ماما وبابا وحتي خطيبي مش عاجبهم لبسي وانا الفتره دي نفسي البس الاسدال تاني والله بس خايفة محفظش عليهمع اني من جوايه عيزاه جدا وربنا يعلم0


ثالثا*عايزة اغير من طريقتي مع خطيبي يعني نفسي منتقابلش غير لما يكون اهلي عارفين بس انا بعمل كدة لان بابا مديقهامعايا جداومبنعرفش نتكلمبس انا مش عايزة اعمل كدة تاني خالص0

نفسي مكدبش علي كل اللي حوليه وتكون حياتي واضحة معاهم0000 ونفسي000 ونفسي000 ونفسي0

ارجوكم ساعدوني وربنا هيكتبلكم اجر كبير جدا في تغيري للاحسن وعايزاكم تساعدوني في الاسدال جدا اني البسةعلي طول0جزاكم الله الخير ارجو الرد علي0

[ام نظام]

رد: عايزة اغير من نفسي ساعدوني

السلام عليكم ورحمة الله وبركااااته
أولاً : أهلاً وسهلاً بكِ فى منتداكِ وفى بيتك ووسط أخوااتك
بصى يا أختى أول حااجة لازم تعرفى أن هذه الدنيااا فانية ومنتهية وأنو فى يوم حييجى نقابل فيه ربناااا باعمالنا فان خير فخير وإن شر فشر
أسألى نفسك كده أنتِ عايزة تقابلى ربك على اى صورة
حتقولى عااايزاه يكون رااضى عنى عالطول عشان انا بحبو اوووى ونفسى يرضى عنى
طيب اللى يحب حد مش المفروض انو يسمع كلامو
أنتِ بلبسك للضيق وبكلامك مع الاولاد بتعصى ربك حبيبك
وعلى ايه ده كلو
بتعصى ربك ليه
الم يمن عليكِ بالصحة والعافية
والبصر والسمع والامن والامااان
وبالخير الكثير الذى تعلمينه أنتِ أكثر مناااااا
أنتِ بتحبيه ؟؟
بتعصيه ليه؟؟؟
تذكرى الموت وانه لا يترك صغير ولا كبير
ولا فقير ولاغنى
ولا يترك صحيح ولا مريض
عندمااا تتذكرين الموت وأنه فى اى لحظة سينزل بكِ لا محااالة ولا مهرب منه
ستدركين بانكِ كنتِ مقصرة فى جنب الله
فساااااااااااااااااارعى أخيتى إلى إرضاااء ربك حبيبك
عشان تعيشى حياة سعيدة ومستقرة
لان القرب من الله هى جنة الدنياااااا
والبعد عنه ألم وعذاااب
سااارعى أختى إلى التوبة والعودة إلى الله
ولا تتبعى خطوات الشيطاااان
وأبتعدى عن رفقاااء السووووووء
وخليك عالطول مع صحبة الخير
الصحبة الصااالحة
وسااارعى إلى إرضاااء الله
أسال الله العظيم رب العرش العظيم أن يوفقكِ إلى مايحب ويرضى ويرضى عنكِ
وأن يرزقكِ لبااااس التقوى
وأن يحشرك مع أمهااات المؤمنين
إنه ولى ذلك والقااادر عليه

[المنتقبة السعيدة]

رد: عايزة اغير من نفسي ساعدوني

تعرفى انا فى نفس سنك والله انا كنت من فتره صغيره جدا بعانى من المشكله ديه
بجد الى حصل والى انا خالانى اتغير ان مرضت وانا فى 2 ثانوى
متوصليش المرحله ديه
بدايه التوبه الاعتراف بالذنب وانتى الحمد لله عندك قابليه للتغير من خلال كلامك
بجد اول حاجه تبعدى عن اصحابك عن تجربه لما بعدت عن اصدقائى والله اتغيرت بفضل الله
الحاجه ديه سهله اول حاجه تدعى الله عز وجل ودورى عن اصدقاء كويسين هتحسى براحه والله انا لو انتى فى نفس جامعتى والله هصاحبك
2-غيرى لبسك خطوه بخطوه
انا كنت مضايقه من لبسى جدا ابداى بلبس محترم مثلا تونك على جيبه وترحه طويله والبس لبس محتشم وبعد كده ابدأى فى خطوه الادال
ب انا صاحبتى لبست الاذدال على طول وكان شكلها جميل ياريت متتعبيش نفسك والبسيه الاسدال بسرعه
واقرأى قران كثير
3-والصلاه دييه اهم حاجه لان الصلاه تنهى عن الفحشاء والمنكر
واوعى ثم اوعى تتكلمى مع الاولاد خالص بجد شئتى ام ابيت
الموضوع دا لازم ينتهى بأى طريقه لان بجد اكبر خطأ لان خسأره كثيييررر
ولما تتكلمى مع خطيبك لازم فى وجود محرم وحد يعرف من اهلك
ابدأى تتغيرى خطوه خطوه
واسمعى دروس الشيخ هانى حلمى من سلسله (من هنا التغير) هتليقها فى الموقع دا كامله حلوه جد وبالاخص حلقه حلا شيحه تحفه
ودرس للشيخ حازم شومان (مستنيه ايه)دا درس تحفه
وانا تحت امرك فى اى سؤال
واعتبرينى صديقتك

[المطيعة لله]

رد: عايزة اغير من نفسي ساعدوني

الي اريد ان البس النقاب*
والله نصيحك جميله جدا وانا كان نفسي اسمع حاجة زي دي من زمان واوعد الله اني هعمل بيها من الان
والله خير شاهد علي كلامي بس عيزاكم تقفوا جنبي كلكم

[ربى ثبت فؤادى]

رد: عايزة اغير من نفسي ساعدوني

اختى فى الله انا برده عندى يعنى فى نفس سنك وانا كنت فى يوم من الايام تايهه كنت بعيده عن ربنا ولكن سبحان الله ربنا من عليا بالهدايه ورزقنى النقاب وانا الا ن احفظ القران الكريم .بالطبع كونى اخذت خطوه النقاب مش هضحك عليكى واقولك دى حاجه سهله لان كل الناس بتقف ضدك ولكن لا طاعه لمخلوق فى معصيه الخالق وانتى بالنسبه لموضوع الاسدال فلازم ان شاء الله تاخدى خطوه فعليه فى الموضوع ده مش معقول ان ربنا يكون عطانا نعمه الجمال واحنا نبارزه بمعصيته باظهار هذا الجمال وافتان الناس بل ان تمتثلى لاوامر الله .ويجب ان تبتعدى فورا عن اصدقائك لانهم رفاق سوء وتذكرى يوم يفر المرء من ابيه وصاحبته واخيه واستعينى بالله واساليه ان يرزقك الصحبه الصالحه التى تعينك على طاعته وصدقينى انهم موجودون والاتزام مش صعب ولا الدين مضيقها علينا بالعكس لما تطيعى ربنا هتحسى براحه واطمئنان <ألا بذكر الله تطمئن القلوب> وبالنسبه لموضوع خطيبك فالخطيب يعتبر شرعا غريب عنك فلا يجوز انك تخرجى معاه لوحدك ولو والك مضيقها عليكى فده عشان مصلحتك .وصدقينى كل مانتى عفيتى نفسك كل ما هتعلى فى نظره .يبقى ماينفعش تخرجى معاه عشان امرك بكده وعشان انتى بتحبى ربنا هتطيعيه ومن ترك شيئا فى سبيل الله عوضه عنه خيرا.واعتذر على الاطاله وارجو ان تقبلى نصيحتى وتعتبرينى صديقه لك واسال الله ام يرزقكى الصدق والعفاف وجميع بنات المسلمين اللهم امين

[أحلام مفقودة]

رد: عايزة اغير من نفسي ساعدوني

اول حاجه
اهلا بيكي بينا اختي المطيعه لله
واهلا بيكي صديقه لينا
ثانيا
سنك ده كل الناس ببتخبط فيه ودي مرحله وبتعدي
لكن احب اقولك حاجه
مش وحش انك تكلمي مع كل لناس
انا برضه بكلم مع كل الناس
دي ما اعتقش انها حاجه وحشه
ويارب تكون وصلت الراسله
انتي كمان قولتي بتكلمي ولاد وكده
طيب ليه بتكلمي على الرغم انك مخطوبه
ليه
؟؟؟؟؟؟؟؟؟
احب كمان اقولك دي اكبر حاجه بتخوني بيها خطيبك
لان طبعا مافيش واحد هيوافق بان خطيبته تكلم واحد غيره
وبعدين الكليه ماخلصتش من بنات
اتعرفي على بنات ملتزمات
هتلقيهم في الكليه عندك
البس بقي
اوعي تكوني لبسه مثلا بنطلون وعلطول لبستي ازدال
لا دي اكبر غلطه

البسي جيبه وبعدين عبايه وبعدين ازادل
خليها خطوه خطوه
وبعدين انتي مالك ومال الناس
انتي اللي هتتحسبي وهتتسالي مش الناس اللي حوليكي
احب اقولك
حاجه اخيره
اسال الله العلي القدير ان يتوب عليكي من كل ذنب
وان يصلح احوالك كلها
وان يرزقكي الصحبه الصالحه
ودائما ادعي قبل الفجر
وان شاء الله ربنا يستجيب
وتوبي الى الله واستغفريه
واسمعي شريط مستنيه ايه د/حازم شومان


لاتنسونا من صالح دعائكم

[*حوراء*]

رد: عايزة اغير من نفسي ساعدوني

اهلا وسهلا اختى بك بيننا

عنوان موضوعك هو حلك يا أختى

عايزة تتغيرى ........يبقى لازم من نفسك

هو عشان ننجح ونجيب درجة عالية مش لازم نذاكر

طب ليه نرضى عند ربنا بدرجات قليلة ومنزلة قليلة

الشهوات والفتن كتير جدا يا اختى وانتى مكملتيش كلامك لسه الاغانى والافلام والمسلسلات

كمان يمكن الماكياج ووووووووو

الفتن كتير جدا لكن الشطارة اننا تكون همتنا اكبر من ده كله

وانصحك بالبحث عن الصحبة الصالحة متقوليش دول مقفلين وهيخنوقونى و.و.و لا خليكى عندك هدف

انا مش هاعصى ربى

هو هدف وقتى جميل ان شاء الله يوصلك لهدف اكبر وهو الجنة

واللى باين فى ردك استجابتك وانك عند ارادة قوية بس وجهيها صح

وانا مش هاحاول اعلق على اى شئ قلتيه لانك بنفسى عارفة الغلط فين والصح فين وفطرتك هى دليلك وهى اللى دلتك لكتابة الموضوع ده

ياريت تشرفينا فى القسم الخاص واحنا معاكى ان شاء الله

ربنا يوفقك دايما لطاعته وتكونى "المطيعة لله " دائما

[أم مسلم]

رد: عايزة اغير من نفسي ساعدوني

اهلا وسهلا بيكى يا أختى معانا
نورتى المنتدى
واحنا كلنا هنا اخواتك
وطبعا الاخوات كلهم افادوا كتير بس انا حأكد عليكى فى شوية حاجات :
1- الالحاح فى الدعاء أن يوفقك الله لما يرضيه
2- المحافظة على الصلاة فى وقتها
3- كثرة سماع دروس العلم الشيخ حازم شومان ليه شرائط رائعة حتلاقيها على الموقع ونفذى ما تسمعيه
4- البعد عن اصدقاء السوء (بجد ونصيحة اكيدة اهربى منهم )
5- البحث عن صحبة صالحة (ممكن لو تحضرى دروس فى مسجد حتتعرفى على بنات صالحات )
6-كل يوم حاسبى نفسك على اللى انتى عملتيه خلال اليوم وحاولى تانى يوم انك تتلاشى المعاصى اللى وقعتى فيها فى اليوم اللى قبله
وان شاء الله ربنا يمن عليكى وييسر لكى كل خير
واحنا ان شاء الله حنكون معاكى على طول
وطمنينا عليكى دائما

[*اسلامى سر سعادتى*]

رد: عايزة اغير من نفسي ساعدوني

..

[المطيعة لله]

رد: عايزة اغير من نفسي ساعدوني

والله انا لا اعرف كيف اشكركم علي هذة النصائح الغالية واريد منكم الوقوف دائما هكذا بجانبي ولا كن اريد ان تعلمو شيئا مهم جدا هو اني انسانة ملتزمة في بعض الامور مثل اللصلاة علي وقتها وصلاة الفجر حاضرا وقراءة القرءان واني عندما قولت اني اتحدث مع الشباب في الجامعة فليس بالطريقة التي جاءت الي مخيلتكم كل ما في الامر انهم عندما يتحدثون مع اصدقائي البنات اكون انا معهم ولاكني لا اتحدث معهم في كلامهم اوهزارهم لاكن عندما يرانا احد فهو ياخذ بالمنظر العام وهذة الحكاية تحزنني ولاكني بمقارنة باقي البنات في الجامعة مع الشباب فانا لم اصل الي هذا الحد من قبل لاني ان من داخلي اشياء طيبة كثيرة ولاكني احتاج الي من يفعلها0
اريد ان اقول لكم شيء اخير هو اني فعلا سمعت الي نصائحكم وقررت ان افعلها وبالفعل فعلت اشياء منها كثيرة مثل الملابس مع العلم اني لم ارتدي اي بناطيل من قبل وملابسي بها نوع من الاحترام ولاكني كما من قبل
اريد ان اتغير
كل ما اطلبه الوقوف بجانبي حتي تصلوني معكم الي الجنة0
وجزاكم الله خيرا

[امة الله84]

رد: عايزة اغير من نفسي ساعدوني

السلام عليكم ورحمة الله وبركاته
ما شاء الله الاخوات وفوا وكفوا ولكنى اريد ان اساللك سؤال حبيبتى ليه اخترتى اسم المطيعه لله ؟ لازم تعرفى انى اسمك ده من رغبه داخليه انك نفسك فعلا تكونى مطيعه للرحمن و اعرفى حبيبتى انى ربنا قال فى حديث قدسى ... يا ابن ادم اطلبنى تجدنى ... وتكرارك لكلمة نفسى ده دليل انك مش راضيه عن نفسك وده اكبر دليل بحب الله لكى والا ما كنتيش حسيتى باخطائك وديه اعتبريها بداية طريق واريد ان اهمس لكى بنصيحه من اخت لكى فى نقس سنك تقريبا حبيبتى عليكى بقيام الليل والصلاه والتضرع للودود والبكاء واشكى بكل ما بداخللك للستير الذى سيعينك وكلميه وفوليله يااااااااارب ... اعنى على نفسى وشيطانى و خلى ظنك فى الله خير وما تنسيش تطمنينا
اللهم اذق قلب اختى برد عفوك وحلاوة حبك افتح مسامع قلبها لذكرك

[مسك**الجنه]

رد: عايزة اغير من نفسي ساعدوني

سااارعى أختى إلى التوبة والعودة إلى الله
ولا تتبعى خطوات الشيطاااان
وأبتعدى عن رفقاااء السووووووء
وخليك عالطول مع صحبة الخير
الصحبة الصااالحة
وسااارعى إلى إرضاااء الله
أسال الله العظيم رب العرش العظيم أن يوفقكِ إلى مايحب ويرضى ويرضى عنكِ

اختى ربنا يوفقك ويشرح صدرك وبصراحه عنوان موضوعك ددليل على صدق طلبك فى النصيحه
ونصيحتى ليكى اتخذى خطواتك فىواسالى الله الثبات انا عملت كدا والحمد لله
ربنا يثبت خطواتك

[المنتقبة السعيدة]

رد: عايزة اغير من نفسي ساعدوني

والله انا لا اعرف كيف اشكركم علي هذة النصائح الغالية واريد منكم الوقوف دائما هكذا بجانبي ولا كن اريد ان تعلمو شيئا مهم جدا هو اني انسانة ملتزمة في بعض الامور مثل اللصلاة علي وقتها وصلاة الفجر حاضرا وقراءة القرءان واني عندما قولت اني اتحدث مع الشباب في الجامعة فليس بالطريقة التي جاءت الي مخيلتكم كل ما في الامر انهم عندما يتحدثون مع اصدقائي البنات اكون انا معهم ولاكني لا اتحدث معهم في كلامهم اوهزارهم لاكن عندما يرانا احد فهو ياخذ بالمنظر العام وهذة الحكاية تحزنني ولاكني بمقارنة باقي البنات في الجامعة مع الشباب فانا لم اصل الي هذا الحد من قبل لاني ان من داخلي اشياء طيبة كثيرة ولاكني احتاج الي من يفعلها0
اريد ان اقول لكم شيء اخير هو اني فعلا سمعت الي نصائحكم وقررت ان افعلها وبالفعل فعلت اشياء منها كثيرة مثل الملابس مع العلم اني لم ارتدي اي بناطيل من قبل وملابسي بها نوع من الاحترام ولاكني كما من قبل
اريد ان اتغير
كل ما اطلبه الوقوف بجانبي حتي تصلوني معكم الي الجنة0
وجزاكم الله خيرا

انا مكنتش فاكره كدا والله العظيم انا طبق الاصل منك
والى انا عملته انا بعدت عن اصحابى دول
وهما لما بيقفوا مع اولاد ببعدت فى مكان بعيد لما اتعودوا
ونصحيتى ابعدى عن اصحابك دول خالص
والله العظيم لو بعدى هتعملى حاجات حلوه كثييرر
ابعدى خالص
ومش تزعلى لما تبعدى متلقيش اصحاب
لكن اصبرى هتلاقى اصحاب لانى حصلى كده
لما بعدتت عن اصحابى ملقيتش اى بنات لتزمات ولكن دعيت الله عز وجل والله لقيت بنات ملتزمات كثيييييررر لكن الصبرر
وانا هقف جنبك لانى عانيت من دا وانا كمان فعلا عاوزه اتغير معاكى لانى وحشه نفسى اكون بنت ملتزمه لانى حاسه مش كده
ساعدونى انا كمان

[المطيعة لله]

رد: عايزة اغير من نفسي ساعدوني

ربنا يبارك فيكم
بس انا جيت اطمنكم علي نفسي
الحمد لله انا فارقت ادقائي ولم اعرف عنهم شيئا الا الان
ثانيا انا لبست الملحفة
وقريب جدا هخبركم باني لبست النقاب
قريب جدا جدا
الحمد لله صلواتي علي وقتها
اقيم الليل كل يوم
اقراء الورد اليومي بانتظام
اذكار الصباح والمساء
النوافل جميعها تنفذ
بدات في حفظ القرءان
ركعتي الضحي
الفجر حاضرا
دعوة اصدقائي للالتزام بالدين
طاعة الوالدين
سماع الدروس والخطب الدينيةمع النفيذ بها
غيرت من طريقتي مع خطيبي حفظة الله
واساعدة علي الاتزام ايضا
بالمعني العام اصبحت وبفضل الله انسانة اخري تخشي الله
وتخاف من عقابة
اريدان اقول شيئا اخيرا لكل اخت مسلمة من قلبي
والله والله والله
ما اجمل طريق الله
لاتترددوا في الالتزام
وارجعو الي الله
والله حياتكم ههتغير للاحسن
ولكل اخت تريد ان اساعد فانا والله تحت امرها واوعدها ان يكون كلامة كله في بئر عميق
واليكم ايميلي لو اردتم
ممنوع وضع الايميلات بارك الله فيكم
اوالتواصل عن طريق المنتدي
والله يهديكم
واطلبوا الهداية من الله
والله المستعان
واخيرا اوجه كل الشكر الي اخوات احباب الله الذين هادوني وساعدوني ان اتغير
اللهم بارك لهم وجازيهم الخير واصلح لهم حالهم واريد ان يكملو مسيرتهم ويسالو الله لي بالنقاب
اللهم امين امين
والسلام عليكم ورحمة الله وبركاتة
استودعكم في حفظ الله

[المنتقبة السعيدة]

رد: عايزة اغير من نفسي ساعدوني

من غير تطفل حبيبتى انا ضفتك عندى ارجو ان تقبلينى محتجالك