السلام عليكم ورحمة الله وبركاته
بمناسبة قدوم عيد الأضحى المبارك أعاده الله علينا وعلى الأمه الأسلاميه بالخير واليمن والبركات
أحببت أن أشارك معكم فى هذه الإحتفاليه المباركه بهذه الكلمات للحث على وصل أرحامنا المقطوعه وخاصة فى هذا العيد ...يارب بعد قراءتها كل واحد مقاطع أخوه أو أى حد من أقاربه يبادر هو بالوصل سريعا قبل فوات الآوان
قوم إهديهم هذه الورورد وهذه الكلمات التى كنت كتبتها ضمن حملة (لو عايز ترضى ربك قوم لم شمل عيلتك) أو (أرحام فى دائرة الآثام ) ..أتفضلوا الكلمات :
أحببت أن أشارك معكم فى هذه الإحتفاليه المباركه بهذه الكلمات للحث على وصل أرحامنا المقطوعه وخاصة فى هذا العيد ...يارب بعد قراءتها كل واحد مقاطع أخوه أو أى حد من أقاربه يبادر هو بالوصل سريعا قبل فوات الآوان
قوم إهديهم هذه الورورد وهذه الكلمات التى كنت كتبتها ضمن حملة (لو عايز ترضى ربك قوم لم شمل عيلتك) أو (أرحام فى دائرة الآثام ) ..أتفضلوا الكلمات :
ياما فيه كتيير أقلام.....أصحابها ناس أعلام
كتبوا عن الأرحام... .......أكيد أحلى كلام
وأنا قليم صغييير... ........بين هذه الأقلام
نفسه يقول كتييير........... لقاطع الأرحام
ياقاطع الأرحام............سامحنى ع الملام
........ .. .. إزاى تعرف تنام ...............؟؟
إزاى وأنت بتزرع .........فى دنيتك ألغام
وبتنشأ جيل بيقلع ...........الحب والسلام
ولاعمره مره يخضع ....لمبادىء الإسلام
جيل بس عرف يرفع... ...فى وجه أخوه السهام
جيل عمر قلبه ما يخشع....... للحب وللوئام
ياقاطع الأرحام...............إزاى تعرف تنام
إزاى وأنت وأخوك ....مشتركين ف الخصام
إزاى وأنت وأخوك .....متشاطرين فى الآثام
إرجع معايا وإحلم............. بيوم من الآيام
وأنت فى حضن والدك ...ومعاك أخوك وعمك
وحضن الدافيه أمك........ وأخت شايله همك
وليه بتدى ودنك للى........... بأفكاره سَمك
إسمع للّى حَبك .................وِلِم َشمل أهلك
إفتح لى يلّلا قلبك ......وسيبك م اللى شاغلك
إرجع قوام لحضنهم..... ...وأشعر بسحر دفئهم
ماتقولش جرحوا فؤادى ...ومش ها أنسى حقدهم
ولاتقول السنه دى............ياما عانيت ظلمهم
قول هاأسيب عنادى .......ده انا نبضى نبضهم
قول هأبدأ م الليله دى..... ...وأبحث عن ظلهم
وها أسيب حزنى وسهادى......وأرجع لحضنهم
هاأبحث عن طيبه ساكنه...... ف عيون بتحبهم
هاأبحث بشوق ولهفه .........لازمنى فى بعدهم
خلاص ..خلاص ..ياقلبى....... هاأرجع أضمهم
وها أرجع أحس تانى.............. بنبض بقلبهم
من انا دمى دمهم ..............وفرحى فى قربهم ...هاأنسى خلاص القسيه ...........وهااواصل ودهم
وها أسيب بقى الأيام ..............تعالج نفسهم
خلاص بقى مش هااكابر ......ما أنا لسه بحبهم
دلوقتى بس ها تعرف تنام........ياقاطع الأرحام
لما تسيب الخصام....... ......والله ها تعرف تنام خد خطوه للأمام...................وأخرج من الظلام
وأكيد ها ترضى ربك ........... وكمان خير الأنام
قوم قوام إوصل الأرحام
تعليق