اخواتي اريد نصيحه

[المعتزه بحجابها]

اخواتي في الله كيف حالكن اتمنى ان تكونوا بخير
اما بعد:
فاني لدي مشكله واحتاج نصيحتكم
يمكن لما احكيها تقولوا حاجه عاديه ولكن بالنسبه ليا نرفزتني بشكل فظيع
انا طالبة ثانويه عامه السنه دي وادرس في السعوديه
لكن مدرستنا مفهاش عدل ابدا ازاي
القصه بدأت امبارح لما كنت في حصة الدين
الحصه اصلا كانت توحيد والابله شرحت الدرس بسرعه عشان تسمع لنا القران
زملتي الي جالسه جنبي كانت غايبه من 3ايام وجت امبارح فقالت لي مافيش واجب في الاحياء
قلت لها لافي واجب ولسه بطلع لها الدفتر راحت الابله لمحتنا وطلبت منا ان احنا نجيب لها الدفاتر
ونحطها ادمهافعملنا زي ماقالت وخدت الدفاتر ونزلت احنا مزعلناش لان احنا غلطانين
ونزلت زملتي بعد شويه تطلب منها الدفاتر رفضت برضو مزعلناش
ووصل الامر انها ودت الدفاتر للمرشده الطلابيه
ورحنا لابلة الاحياء قالت تستاهلوا غلطة الشاطر بعشره
فالنهارده كانت برضوا نفس الابله بتسمع قران وبنت تانيه طلعت دفتر واظن انو احياء برضو
والابله بكل ادب قالت لها دخلي الدفتر علشان ماأخده منك

فرحنا لها مره تانيه قالت دفتركم عند المرشده رحنا نأخدها قالت مش هتاخدوها غير لما
اسجل اسمائكم ودي حاجه مش كويسه ان اسمائنا تتسجل عند المرشده
فقلت للمرشده على الي حصل النهارده في الحصه ولاقالت حاجه
جيت انا البيت عماله اعيط بسبب الظلم
وكمان في اختبار الادب الابله جابت لنا اصعب ابياتاما الفصل التاني في بنت مديره
قالت لللابله الله يخليك لاتجبي سؤال في ابيات ومش جابت لهم
اتمنى تنصحوني اعمل ايه لاني متغاضه جدا
ومعليش طولت عليكم

[ام نظام]

رد: اخواتي اريد نصيحه

لا حول لولا قوة الا بالله
الله المستعاااان
حقولكِ ايه الظلم صعب وحاااار جدااااً
لكن أنتِ غلطتى لما طلعتى كراااسة أحياء فى حصة دين
واناا كمان بحكم أنى مُدرسة بزعل لما ببقى بشرح والاقى بنت مطلعة كراسة فى ماادة تانية والا بتكتب فى واااجب
والا بتذاكر عشااان عندهاا امتحااان فى الحصة اللى بعديهااا
فانا عاايزاكِ تقدرى زعل المُدرسة منك ومن زميلتك لانو عندها حق ، لكن أنتِ اللى زعلك انو معقبتش البنااات التانيين زي معقبتك انتِ ، وفى دى عندك حق
لكن متزعليش وسااامحى المسااامح كريم
يمكن المُدرسة تكون عملت كده ومعرفتش تتراااجع تاانى عن قرارهاا ، ويمكن عااايز العمل ده ميتتكررش تااانى فى الفصل
معليشى أخيتى سااامحى ومتزعليش نفسك اوووى كده
وصلى ركعتين واستغفرى الله
ومتعمليش كده تااانى عشااان متجبيش لنفسك مشاااكل
واطلبى من زميلتك انها متكلمكيش اثناااء الدرس
أتمنى انى اكون افدتك بحاااجة
فرج الله همك وابدلكِ فرحاااً وسروراً
لكن أنااا عايزااكِ تتجنبى مثل هذه المواقف

[المعتزه بحجابها]

رد: اخواتي اريد نصيحه

شكرا على ردك الجميل اثلجتي صدري

[ام نظام]

رد: اخواتي اريد نصيحه

الحمد لله إنى خففت عنك وجزاكِ الله خيراااً مثله

[hamas]

رد: اخواتي اريد نصيحه

جزاكى الله خيرا ياام نظام

الله يفرحك مثل ما فرحتيها ولا يوقعك فى مشاكل أبداً
وأقول لأخيتى المعتزة بحجابها أطلبى من المعلمة مثل ما سامحت البنتين التانيين تسامحك أنتى وزميلتك وتعلم المرشدة أنها سامحتكم وهذا يكون كرم أخلاق منها
والمسامح كريم يا عسل

[ام نظام]

رد: اخواتي اريد نصيحه

جزاكى الله خيرا ياام نظام
الله يفرحك مثل ما فرحتيها ولا يوقعك فى مشاكل أبداً

وجزاااكِ الله خيراااً مثله أخيتى
آآآآآآآآآآآمين وأياااكم

[نــور الاسـلام]

رد: اخواتي اريد نصيحه

اخيتى ادعى الله حالا بكل ماتتمنين لان دعوتك ان شاء الله مستجابه

لانك مظلومة

والحمد الله انك مظلومة مش ظالمة

[hamas]

رد: اخواتي اريد نصيحه

اخيتى ادعى الله حالا بكل ماتتمنين لان دعوتك ان شاء الله مستجابه

لانك مظلومة

والحمد الله انك مظلومة مش ظالمة

جزاكِ الله خيرا ( رد جميــــــــــــــــــــل )
حسبنا الله ونعم الوكيل

[حبيبـــه]

رد: اخواتي اريد نصيحه

جزاكن الله خيراً أخواتـِ
وأرجوا أن تكون أختنا إنتفعت بما خطت أياديكن
ولن أزيد على كلام أخواتنا نفع الله بهن
أختاه
لا تجعلى فى صدركـ شئ أخيتى وسامحى وإدعى الله أن يفرج عنكـِ
ولن يقلل منكـِ لو ذهبتى للمعلمة وإعترفتى بخطأك وإعتذرتى لها ففضلها وحقها عليكـِ عظيم
بارك الله فيكـِ ويسر لكـِ الأمر ... وتعملى مما ممرت بهِ

[دينا احمد]

رد: اخواتي اريد نصيحه

معلش اصبرى وصابرى

[أحلام مفقودة]

رد: اخواتي اريد نصيحه

اختي المعتزه بالحجاب
مشكلتك دي كانت عند اختي بالظبط
بصي اختي كانت بطنش وتتلاشي اي حاجه علشن مايزويدوش عليها
بس انتي اخف منها بكتير لانها كانت في الامتحانات يعني
كانوا يزودوا بنت المديره علشان اختي تطلع التانيه وبنت المديره الاولي
كانت دايما بتصبر
بصي لو ماكنتش الدروس كتير خدي كراسه وحده وانقليها ووديها لأبله الاحياء
وحكيلها اللي حصل وان شاء الله تسامحك
واسال الله لكي الهدايه
-----------------
ياما عنيت انا واختي من الموضوع ده
بس كنا بنسكت وخلاص
وما تخفيش ربنا مبينساش حد هيجبلك حقك
وربنا قادر على الظالم

[hamas]

رد: اخواتي اريد نصيحه



كلام أحلام صح

انقلى كشكول تانى من أى واحده زميلتك واعتبريها أثناء النقل مذاكرة ومراجعة ( وانتى المستفيدة )

واشكريها علشان كانت السبب فى انك تراجعى دروسك

[asmm]

رد: اخواتي اريد نصيحه

السلام عليكم ورحمة الله وبركاته
اختنا فى الله ربنا ييسرلك حالك ويفرج عنك ماأهمك ونصيحتى لك أن تسامحى وتستعينى بالله فهو خير ناصر لك وهو المعين وهو القادر فوق عباده واعلمى انا ماأصابك لم يكن ليخطئك فسبحان الله تحلى بأخلاق الاسلام وستكونى راضيه مطمئنه حتى لو وقع عليك أضعاف هذا الظلم والله المستعان
والسلام عليكم ورحمة الله وبركاته

[ام نظام]

رد: اخواتي اريد نصيحه

من موقف بتحكمى على بلاد بحااالها ؟؟؟؟؟؟؟؟؟؟؟؟؟؟
اصلح الله احوااالنا واحوااالكم

[مشكاه الهدى]

رد: اخواتي اريد نصيحه

معلش يااختى اصبرى ولك الاجر وربنا ييسرلك الامر وادعى فدعوه المظلوم ليس بينها وبين الله حجاب