إعـــــــلان

تقليص
لا يوجد إعلان حتى الآن.

الهى اغثنى

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الهى اغثنى

    بسم الله الرحمن الرحيم
    اللهم لك الحمد انك دلتنى على هذا المنتدى الرائع........
    اخواتى لا اريد ان اطيل عليكم ولكن اريد ان اشكو لكم ما انا فيه من ضيق وكرب لعلى اجد راحة فى الفضفضه معكن
    بداية القصه انى نويت الالتزام والتوبه الى الله من كل ذنوبىفى بيت يعتبر ان هذه الذنوب اشياء عاديه ممكن اى بنت تعملها _لبس ضيق .مصافحة الاقارب محارم وغيرهم.سماع اغانى.وضع ميك اب.ضحك وتهريج مع اى حد عشان مبقاش بنت معقده فى نظر الناس...........وهكذا_
    وفى يوم اصريت على انى اسيب كل الذنوب دى وابدا بمنع سماع الاغانى ومنع تشغيلها فى البيت نهائيا _صادفت مشاكل مهوله بسبب ده_ وتركت الهدوم الضيقه ولبست عبايات رغم رفض امى لها حتى الان لبست قفازات لمنع المصافحه وطبعا كل الاقارب والمعارف معتقدين انها فتره طيش وهتعدى وارجع للطبيعى -من وجهة نظرهم الغلط -
    ولكن كله يهون مادامت انا صح وربنا راضى
    ولكن انا فى مشكله اكبر من كل ده انى نفسى انتقب واشتريت فعلا النقاب
    ولكن.... حدث مالاكنت اتوقعه من رفض وسب واهانه لى من اقرب الناس -امى -اهانتنى وكانى اجرمت عند شرائى للنقاب
    اعتقد انى لو كنت قولت لها انا بحب واحد كان اهون عندها من شرائى للنقاب انا اسفه انى قولت كده بس فعلا دى الحقيقه اللى انا مش قادره اصدقها
    انا كنت متوقعه معارضه فى البدايه وهتعدى لكن الموضوع اكبر من المعارضه بمراحل وتدخل فى الموضوع ده كل العيله وكل واحد بكلمه واخر ماتعبوا من الكلام معايا قالولى اما تتجوزى وتمشى من البيت البسيه ومعدتيش تيجى عندنا واما احاول ارد ابقى قليلة الادب والمشايخ ضحكوا عليا واتمنعت كمان من مشاهدة التليفزيون عشان مسمعش المشايخ
    بالله عليكم دلونى اعمل ايه ؟؟؟؟؟
    وادعوا لى انا ورب الكعبه فى امس الحاجه لدعائكم
    لو سمحتوا هطلب منكم طلب لو تعرفوا رقم موبايل الشيخ محمود المصرى او الدكتور حازم شومان تبلغونى بيه بالله عليكم
    اللهم صلى على محمد وعلى اله وصحبه وسلم اللهم ارزقنى الزوج الصالح الذى يكون عوناً لى على طاعتك عاجلاً ليس اجلاً يارب العالمين

  • #2
    رد: الهى اغثنى

    اللهم ثبت اختيى فى الله الى ما تحب وترضا
    ان شاء الله يا اختى حكتبلك الارقام
    اللهم ارحم ابي برحمتك الواسعة وغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس
    اللهم إجعل قبره روضه من رياض الجنه

    تعليق


    • #3
      رد: الهى اغثنى

      ربنا يصبرك يا رب ان شاء الله
      انا الحقيقه اتعرضت لنفس الموقف لما قررت انى البس النقاب من شهرين وحصل نفس اللى حصل معاكى بس الحقيقه انا كان موقفى اقوى شويه لان والدى مكانش معارض ووالدتى صحيح معارضتش لانها توقعت انى مش بتكلم بجد او انى مقدرش على الخطوه دى بس الحمد لله بفضل ر بنا قدرت بس طبعا اخدت كفايتى من العيله بس انتى بعد كده هتستريحى قد ايه هتحسى انك متصانه وصدقينى لو كان اهلك بيقلولك بعد الجواز البسيه علشان خايفين انك متتجوزيش فالجواز قدر ربنا كاتبوا لينا من قبل ما نتولد على العكس دلوقتى الانسان اللى هتتجوزيه ان شاء الله هيكون بحترمك اكتر .
      اسفه انى طولت عليكى بس ان شاء الله نسمع اخبار كويسه عنك .
      وربنا يعينك ويثبتك ان شاء الله.

      اللهم اكفنى بحلالك عن حرامك واغننى بفضلك عمن سواك
      آآآآمين يا رب

      تعليق


      • #4
        رد: الهى اغثنى

        اختي الكريمة
        نرحب بكِ اختي في بيتك ووسط اخواتك في الله
        واسأل الله العظيم أن يرزقك النقاب عاجلا غير آجلا
        اللهم آمين

        بصي اختي الكريمة

        النقاب غالى اوي
        واغلبنا ملبسوش الا بعد جهاد وتعب ودعاء وبكاء وووووو لإنه غالى

        فاولا اختي اوصيكِ بالصدق مع الله اصدقي الله يصدقك
        ثانيا اختى مش انتي بس الي اتعرضتى لكده عشان النقاب

        اهديك هذه القصه تفضلي هنا

        هتعرفي اد ايه النقاب فعلا غالي
        فجاهدي اختي بالدعاء وبالإلحاح وبالبكاء وبكل ماتملكي من وسيلة
        ومتيأسيش ابدا هتلبسيه إن شاء الله بس انتي اجتهدي في الدعاء
        وميهمكيش من كلام عيلتك ولا اي حد
        فتره وهتعدي صدقيني بس لازم الاول يكون في اختبار ومحنه
        لكن والله بعدها هتشوفي المنحه إن شاء الله

        اتركك مع القصة الي اعطيتك رابطها وفي غيرها الكثير والكثير
        اسأل الله ان يعجل لكِ بالنقاب يارب
        اللهم ارزقني الشهادة في سبيلك يارب

        تعليق


        • #5
          رد: الهى اغثنى

          السلام عليكم ورحمة الله وبركاته

          نورتي المنتدي أختي

          والله أخيتي سمعت منذ ايام كلمة للشيخ الحويني عندما قالت له بنت انني اريد ان البس النقاب لكن اهلها لا يوافقون

          فكان جواب الشيخ

          لا يغلب صاحب عقيدة

          فأنتي بإذن الله اصبري وهذا ابتلاء من الله يختبر به مدي صدقكِ في رغبة ارتدائه

          وما شاء الله عليكِ ان هداكِ الله للطريق الصواب اما اهلك فهذا بالنسبة لهم نقيض حالك الذي كنتِ عليه سيكون لهم غريبا في البداية ولن يصل حالنا بفضل الله لقصة الأخت التي وضعتها اختنا غفرانك جزاها الله خير


          ابدئي في سماع شرائط اسلامية و حفظ القرءان و عليكِ بالدعاء أخيتي

          اسأل الله ان يفرج عنكِ ويثبتنا وإياكِ علي الطريق السليم

          لا إله إلا أنت سبحانك إني كنت من الظالمين

          استمعي بقلبك



          تعليق


          • #6
            رد: الهى اغثنى

            أرى أن الأخوات أحسنوا الرد
            وأقول لك(ومن يتق الله يجعل له مخرجا)
            إن تصدق الله يصدقك
            تعاهد نفسك في ثلاث :
            إذا عملتَ :
            فاذكر نظر الله إليك
            وإذا تكلمتَ : فاذكر سمع الله منك
            وإذا سكتَ : فاذكر علم الله فيك

            تعليق


            • #7
              رد: الهى اغثنى

              اسال الله العظيم ان يفرج كربك وهمك وان يصبرك على مصابك
              عايزة اقولك ملخص قصتى مع النقاب هى مش مختلفة كتيرعن باقى القصص لكن.....انا جنب الاخوات كان اللى بيحصل معايا من اهلى كان دلع
              انا كنت مش ملتزمة في كتير من الامورمن حيث سماع الاغانى ومصافحة الاجانب وغيره الي ان من الله علي وسمعت شريط (اختاه وقفة مع النفس)للشيخ محمود المصرى (مع العلم انه كان هدية من واحد صاحبتي بمناسبةالنجاح في الثانوية ووقت ما قررت اسمعه كنت في ثالثةجامعة)وحبيت النقاب من كلامه وكنت عايزة البسه ولما قلت لماما قالتلي لا وقلت لبابا قالى لا لما تخلصى جامعة وقالى حجج كتيرة وقعدت لمدة سنتين اسمع شرايط واقرا كتب للدكتور محمد العريفي والشيوخ محمد حسان ومحمد حسين يعقوبوايمن صيدح وغيرهم من الشيوخ وكنت كل ما مر الوقت كنت اقنع اكتر بس ماكنتش بكلمهم في الموضوع تحسبا من رد الفعل لكن كنت بادعى ربنا على طول وفي مرة فى رمضان قررت انى ادعى ربن كل يوم في التراويح فى كل ركعة كنت بادعي ربناوعندى شعور كبيرانى هالبسه (رغم ان موقف بابا وماما مش الرفض فقط لكنهم كارهينه لحجج كتيرمش وقته انى اذكرها)وفى يوم كنت مستنية صاحبتى علشان نروح نصلي الجمعة كان فاضل على رمضان حوالي اسبوع اواقل لقيت ماما ندهتلى وقالتلى لو عايزة تلبسى النقاب البسيه كانت اللحظة دى اسعد لحظة فى حياتى ولبسته لكنى قصرت يعنى اخلاصى قل عن الاول وقعدت سنة لبساه لحد ماحصلت تغيرات كتيرة حصلت برضه مش مكانها ولا وقتها انى احكى عليها فقرر والداى انى لازم اقلع النقاب وشتيمة وبهدلة وتجريح فى المنقبات اصحابى بس ماكنتش عارفة اردعنهم وتعبت نفسيا لدرجة اثرت علي حياتى وكان كل ل ماحد يتصل من صحابى يردو عليهم ويعدو يشتمو فيا لكن ماقدرتش اعمل زي اخواتي والبسه من وراهم لان بابا قال لاخواتى لوحد شافها لبسه النقاب اوحتى بتكلم منقبة يقولى ولان نفسى ضعيفة جدا جدا اضطريت ان اقلعه واول مرة خرجت من غيره كان يموم صعب جدا مايحسوش الااللي مر بيه ولحد دلوقتى بضايق كل لما تيجي السيرة وانا والله مابحبش اتكلم فى الموضوع ده علشان بضايق لكن اللى خلانى اكتب هو انى عايزة اوصلك رسالة اوصيك واوصى نفسى بها هى..............
              لازم الواحد يكون مخلص جدا من جواه ويخلص النية
              لازم الاصرارفي الدعاء خصوصا فى اوقات الاستجابة
              لازم يكون فيه حسن ظن بالله ان ربنا ها يستجيب الدعاء قال تعالى (ادعونى استجب لكم)والله تعالى لايخلف الميعاد
              لازم يكون في شوية صبر وماتزهقيش وماتستعجليش اجابة الدعاء
              اسال الله تعالي ان يفرج همك وهمى وكل المسلمين وان يرزقنا الاخلاص والنقاب وكل الاخوات
              واسال الله تعالى ان يهدى اباءنا
              واعذرينى لانى طولت عليكى
              امانة لكل من يقرا كلامى الدعاء لنا

              تعليق


              • #8
                رد: الهى اغثنى

                اختي الصغيره
                ربنا يفك كربك وييسر امرك ويرزقك الزوج الصالح
                اختي لا استطيع ان اضيف كلمه بعد ما قلته ليكي الاخوات
                ولكن اوصيكي بتقوى الله
                واسالك الدعاء في جوف الليل ربنا ييسر امرك فيه
                يارب اشهدك اني احب كل بنات المنتدى فيك يارب كل واحده نفسها في حاجه اديهالها وفرح قلبها ارزقهم يارب بالازواج الصالحين والذريه الصالحه واجعل ذريتي من الصالحين الداعين الى دينك وكتابك واجعلهم سد حصين لدينك اللهم امين
                معجزه حصلتيلي في دا الايتام

                تعليق


                • #9
                  رد: الهى اغثنى

                  سبحان الله والله احنا فى زمن صعب جدا

                  والله فكرتينى بكلامك بحاجه سبحان الله
                  ابى وامى كانو معارضين لدرجة لا تتخيليها
                  لدرجة من حبى للنقاب كنت بلبسه وانا نازله واقلعة فى السلم لما ارجع سبحان الله لحد ربنا ما كرمنى ورزقنى بزوج يريد النقاب الحمد الله


                  سبحان الله قبل كده قلتلهم واحد كان هيعتدى عليا

                  كان رد فعلهم اهون لما قاتلهم هنتقب

                  ربنا يغفر لنا ولهم

                  اصبرى واحتسبى اختاه واعلمى انه ان صدقتى الله يصدقك باذن الله

                  تعليق


                  • #10
                    رد: الهى اغثنى

                    بجد انا مش عارفه اقولكوا ايه ربنا يكرمكوا ويسعدكوا فى حياتكوا يارب وياريت اختى (ايات الله)متتاخريش عليا بالارقام وادعولى انى البسه قريب ويثبتنى وكل بنات المسلمين
                    اللهم صلى على محمد وعلى اله وصحبه وسلم اللهم ارزقنى الزوج الصالح الذى يكون عوناً لى على طاعتك عاجلاً ليس اجلاً يارب العالمين

                    تعليق


                    • #11
                      رد: الهى اغثنى

                      المهندسه الصغيره
                      احدثك الان
                      وانا فى مثل حالك
                      الح على امى كثيرا حتى توافق
                      انا عايزه اقول لك لا تياسى ابدا
                      ادعى وادعى
                      انا كل لما ادعى الامل يتجدد عندى
                      واعلمى ان كل يوم بيعدى احنا ان شاء الله بنتقرب اكتر من تحقيق الحلم
                      وانا على يقين ان ربنا هيرزقنى ان شاء الله قريب اوى ارتداؤه
                      وان شاء الله ربنا يرزقك وتبشرينا قريب
                      ونحتفل انا وانت بارتداؤه


                      تعليق


                      • #12
                        رد: الهى اغثنى

                        حبايبى فى الله
                        كلامكم اثر فيا وخطر لى بعض الاسئله انا بابا مش موافق غير لما اخلص الجامعه لكن لما كلمته تانى بعد دعاء لله عز وجل واستغفار قالى خلاص السنه الجايه وانا فى سنه اولى
                        فهل أنا مش صادقه النيه مع الله عز وجل ؟ومش مخلصه للدعاء لله عز وجل؟
                        وما معنى اصدقى الله يصدقك؟انا زعلت اووى

                        بحــــــبك يــــارب
                        فليرضوا عنى الناس أو أن يسخطوا..أنا لم أسعى إلا لغير رضاااك
                        يارب اهدى زوجى يااااااااارب
                        يارب اجبر كسر قلبى ياجبار السموات والارض

                        تعليق

                        يعمل...
                        X