اكلمها ازاى

[طالبه الدعاء]

بسم الله الرحمن الرحيم انا عندى موضوع واتمنى انكم تساعدونى اخواتى الافاضل انا فى المرحلة الثانوية وعندى فى فصلى البنات كلها محجبة الا واحدة هى مش محجبة وساعات بتلبسة وساعات بتقلعة وانا و زميلاتى نصحنها كتير وانا اعطتها كتيب رائع بيتكلم عن الحجاب وانا بجد نفسى اساعدها عشان تكون خير ابنة لخير امة بس هى مش بتسمع لحد والمدرسين فاكرينها مسيحية من كتر ما شكلها غريب عنا وانا والله بزعل عليها اوى بس مش اقدره اقنعها او مش عارفة وطلبى انكم تنصحونى اساعدها ازاى وانا مستعدة لاى حل وربنا يجعلها فى موازين حسناتكم و جزاكم الله كل خير انا منتظره نصائحكم.

[أحلام مفقودة]

رد: اكلمها ازاى

اختي جزاكي الله كل خير على غيرتك على بنات المسلمين
واسال الله لكي التوفيق
احب اقولك ان بطريقه كويسه ممكن تكلميها
يعني مثلا
انتي ليه مش عايزه تلبسي الحجاب
ايه السبب في عدم لبسه
ترضي المدرسين يقولوا عليكي نصرانيه
ممكن تقوليلها ترضي ان شعرك يتحرق في النار هتقولك لا
تقوليلها شعرك ده هتتعلقي بيه في النار يوم القيامه
وحاجات تانيه كتيييييييييييير
وممكن تهاديها بشريط
زي مستنيه ايه
للدكتور حازم شومان
حلو اوي
وكمان في حاجه انك تقومي قبل الفجر وتعدي تدعيلها من كل قلب
بلبس الحجاب وان شاء الله
تلبسه قريبا باذن الله

ان شاء الله الاخوات يفيدوكي اكتر واكتر
اللهم اني اسالك لها الهدايه والتوفيق
اللهم من عليها بلبس الحجاب يارب العالمين
اللهم امييييييييييييين امين

[طالبه الدعاء]

رد: اكلمها ازاى

جزاك خيرا يا اختاه احلام(سمسمة)

[اميرة بدينها2]

رد: اكلمها ازاى

جزاك الله خيرا على حرصك على الدعوة

ومتيأسيش حاولى تتكلمى معاها من حين لآخر ولو عندك مقدرة مادية هتلها اسدال ولو حتى اسدال صلاة للبيت وابدأى ادعيها للصلاة وأهميتها لأنها كما قال النبى صلى الله عليه وسلم إنها تنهى عن الفحشاء والمنكر فبالتزامها بالصلاة إن شاء الله ربنا يكرمها بالحجاب وهذا بالإضافة لما قالته أختى (أحلام مفقودة ) اهدلها شريط من حين لآخر ومش شرط يكون بس عن الحجاب لا ممكن يكون بيتكلم عن الرقائق وحال القلوب والقرب من الله علشان قلبها يلين وييسرلها الحجاب وتلبسه عن حب واقتناع وإن شاء الله نسمع منك خبر عن قريب للبسها الحجاب الشرعى ومتنسيهاش فى الدعاء وربنا يكرمنا وإياها بالنقاب إنه ولى ذلك والقادر عليه