احكي لنا قصة التزامك

[صاحبة القلادة]

الحمدلله والصلاة والسلام على رسول الله وعلى آله وصحبه أجمعين

عاملين ايه يا بنات؟
يارب تكونوا بخير..

احكيلنا قصتك .. ايوه قصة التزامك

اكيد لكل واحدة قصة مع الالتزام ...

لكل بنوته جرس انذار بعثه رب العالمين لها لكى يقول لها قفي .. راجعي نفسك .. ارجعي الى ربك.

احكيلنا قصتك ... عشان نحطها في اسطوانتنا الجديدة (مفاجئة)
يمكن تكون سبب هداية حد ... وترق القلوب ... ونتعلم المواعظ
يلا نتعرف على الرسائل الربانية التى بعثها الله لكِ .. واصطفاك من بين الناس بها
محدش يعرف .. يمكن ربنا يجعلك سبب لهداية حد بكلماتك

(متنسوش إن القصص سيشاهدها الجميع)

[صاحبة القلادة]

رد: احكي لنا قصة التزامك

شاهد الموضوع : 13
الردود : 0
!
بجد هعيط

[أحلام مفقودة]

رد: احكي لنا قصة التزامك

لالا ماتعيطيش انا ياستي هقولك
بصي على الرغم اني طالعه في بيت ملتزم والحمد لله الا ان اصدقاء السوء لا مفر منهم
كانت بدايه التزامي عندما ذهبت لاسمع احد دروس العلم في المسجد وكان الدرس بعنوان عذاب القبر
الحمد لله انا كنت بصلي وكويس بس كانت المشكله اني كنت باخر الصلاه شويه يعني ممكن اصليها قبل الصلاه التانيه
يوم ما سمعت الدرس ده خفت بجد واترعبت روحت البيت لقيت شريط على التسريحه في اوضتي عن عذاب القبر للشيخ محمد حسان لما سمعته خفت بزياده
بعد كده فتحت النت ولا حظي كل ده في يوم واحد
لقيت القصه دي
اني في واحد راح دفن اخته وهو بيدفنها وقع كيس الفلوس بتاعه
ولما رجع يخده لقى القب مولع نار عليها ولما راح سال امه هيا كانت بتعمل ايه
قالتله انها كانت تاخر الصلاه عن وقتها
انا بقى سعتها سلك كهربه مسكني وخفت موت اني يحصلي كده
والحمد لله الصلاه في وقتها علطول من بعدها ل بالعكس كنت ايام زمان كانت الصلاه بسرعه
دلوقتي براحه وعلمهلي وبقيت بحب اصلي
ادعولي بالثبات حتي الممات

[صاحبة القلادة]

رد: احكي لنا قصة التزامك

سبحان الله ..
بجد جميلة
ربنا يثبتك

[أحلام مفقودة]

رد: احكي لنا قصة التزامك

اللهم امين
وجزاكي اختي الجنه

[صاحبة القلادة]

رد: احكي لنا قصة التزامك

للرفــــــــــــــــــــــــــــــع

[المنتقبة السعيدة]

رد: احكي لنا قصة التزامك

انا كنت من الاعداديه كنت عادى بصلى وكنت بقرأ القران
لكن فى نفس الوقت كنت بسمع الاغانى وبتفرج على التلفزيون وكنت اى حاجه درس دينى على التلفزيون كنت بحول الدرس على اى فيلم او اغنيه
لكن بفضل الله عز وجل لما كنت فى2 ثانوى مرضت مرض شديد وكنت لازم اذاكر علشان اجيب مجموع كبير لكن المرض يذل فى الفتره ديه قربت من الله عز وجل وكنت الحمد لله بقيم اليل
لكن سبحان الله جبت مجموع حلو بدعائى لربنا لكن كنت بلبس لبس وحش فكن بخاف من الموت جدا وكنت عالطول مضايقه
ففكرت البس لبس محترم فلبست لبس محترم شويه بشويه تدريجا
لكن فعلا الاصحاب السوء كانوا اكبر عائق لكن بدعاء الله عز وجل ربنا بعدنى عنهم لكن هما ميعرفوش انى مش عاوزه اكلمهم فلما قررت انى ابعد عنهم من غير هما ميعرفوا استريحت بعد ما كنت مضايقه
والله جعل سبب انى اسمع توبه حلا شيحه اتاثرت كتير
فلله الحمد والمنه
ادعولى ان احفظ القران واكون مخلصه لله عز وجل وكل المسلين قولوا اااامين

[صاحبة القلادة]

رد: احكي لنا قصة التزامك

ما شاء الله جميل
ربنا يرزقك النقاب ويثبتك
آميـــــن

[حجابي زينتي]

رد: احكي لنا قصة التزامك

السلام عليكم موضوعك بجد جمييل انا هحكيلك قصة التزامي
انا نشأت في عيلة عادية يعني بتصوم وتصلي زي كل الناس بس بصلي ومش حاسة
اني بصلي بلذة كنت بصلي أي كلام وخلاص وساعات والعياذ بالله مش بصلي
بس امي كانت فيها حاجه طيبة اووي انها كانت مانعه الاغاني خاالص وممنوع نسمعها
بس انا كنت بسمعها وعندي على الموبايل من ورا امي وطبعا ده بسبب أصدقاء السوء
بس الافلام والمسلسات عااادي بنتفرج عليها مش بتقول حاجه فانا في مرة مع اني عايشة في
السعودية وكمان داخلة مدرسة زي الازهر كده بس صاحبات السوء مش بيسيبو حد في حالها
اتعرفت على وحده مصرية زيي كنت بروح اصلي معاها في المدرسة صلاة الضهر وكانت بتعيني
على الصلا خدت بايدي بجد بس حصلت ظروف وانتقلنا لمنطقة تانية حسيت اني ضعت من اول وجديد
وكنت بجد ساعات افتح المصحف أبص في آية فيها وعيد أعيط واقول يارب رحمتك واما تيجي آية
فيها ذكر الجنة أعيط وأقول يارب ارجوك اجعلني من أصحاب الجنان وبعديها بكام اسبوع كده كنت
بعمل بحث عشان كنت عايزة أحمل انشودة سمعتها فطلعلي موقع الطريق الى الله عجبني اووي
بعدين رحت حطيت على المنتدى بجد عجبني وبدأت أقرا وأقرأ وحسيت اني أول مرة أقرأ كلام جميييل
لأنه كلام ربنا وبيتكلم عن ديننا بجد اما شفت صاحبات الموضوع والبنات اللي مسجلين هنا حسيت اني ولا
حاجه حسيت اني عايشة كده وخلاص زي الانعام باكل وبشرب وكنت بصلي بس الله اعلم كانت بتتقبل ولا لأ
قعدت وقت طويل وانا بدخل واشوف المواضيع بعدين سبحان الله دخلت في يوم رحت على التسجيل على طول
حسيت ايدي هيا اللي بتوديني رحت وسجلت واتقبلت وبقيت اشارك بس الاغاني ما قدرتش أشيلها من الموبايل
ولا أبطل اسمعها لحد ما في يوم رحنا مصر ولقيت بنت عمتي لابسة طرحة طويلة ودي كانت حاجه غريبة عندنا
لأننا دايما بنلبس طرح قصيره يدوبك بتغطي لحد فوق الصدر بشوية ولقيتها ماسحة كل الاغاني وقالتلي انا
رجعت لربنا وبروح جوامع أحفظ وشجعتني بجد اني أرجع لربنا وأحتشم وذكرتني بالموت وعدت الايام وجه
رمضان كنت بروح أصلي عادي بس في نص رمضان كنت بقرا قرآن وجت آية وعيد بجد ارتعشت وقعدت
أعيط كتيير وافتكرت حالي يوم القيامة وهبقى من أهل النار ولا هنجي وقعدت أعيط واقول رحمت يارب
ومسكت الموبايل بايدي وشيلت كل الاغاني من عليه والحمد لله بعديها بقيت البس الطرح الطوية وبطلت
البنطلونات وبدأت حاجه بحاجه وبدأت استفيد منكم والحمد لله لقيت في المنتدى خير صحبة وجهتني للطريق الصح لطريق الجنه ونصحت برده بنات عماتي والحمد لله دولوقتي بلبس محتشم وماما ربنا هداها ولبست النقاب وبابا كمان الصلا كلها بقت في المسجد وبقينا تجمع على دروس في التلفزيون بجد تسجيلي في المنتدى
ده كان احلى خطوة خدتها في حياتي
عذرا على الاطالة بس موضوعك شدني جدا وايدي سرت وانا بكتب فاعذرنني

[أحلام مفقودة]

رد: احكي لنا قصة التزامك

بجد قصتك حلوه اوي
ربنا يثبتنا واياكي على طاعته

[صاحبة القلادة]

رد: احكي لنا قصة التزامك

عذرا على الاطالة بس موضوعك شدني جدا وايدي سرت وانا بكتب فاعذرنني

عذرا ايه بس يا بنتي ياريتك طولتي شوية .. بجد القصة جميلة
ما شاء الله
والله المنتدى ده احب منتدى لقلبي ربنا يجزي الدكتور شومان والمدير وفريق العمل كل خير

[ليكون نضال 3]

رد: احكي لنا قصة التزامك

موضوع طيب اختى احلام

جعله الله ثقلا فى موازين حسناتك

دمتى فى حفظ الرحمن

[صاحبة القلادة]

رد: احكي لنا قصة التزامك

وجزاكِ مثله أختي
امال فين قصتك

[جزيرة الكنز]

رد: احكي لنا قصة التزامك

شكرا على الموضوع الجميل دا
انا هكتب قصة التزامى مع انى لسة مش لابسة نقاب بس ادعولى لانى نفسي البسه
بس انا كنت واحدة تانية والله الفضل يرجع لربنا ثم للشيخ محمد حسان ربنا يحفظه
فانا كنت واحدة تانية خالص عايشة كدة وخلاص
صحيح بصلى وبصوم بس من غير طعم ولا ريحة ولا لون لانها كانت محاطه بكثير من المعاصى
ولما ظهر الاستاذ عمرو خالد كنت بسمعه فبدات انتبه فقط للدروس الدينية لكنه جعلنى اظن ااننى افضل واحدة فى العالم مع انى كان حجابى اى كلام وكنت اسمع الاغانى والمسلسلات واختلاط فى الجامعه وخروج ولعب وكنت ماشية على كدة وكنت فاكرة انى مادام مبأذيش حد وانى مؤدبة يبقى انا متدينة الى ان ظهرت القنوات الاسلامية الحقيقية
ومع انى كنت فى الاول مش بحب اشوفها وكنت اسمع ان الشيخ حسان متشدد جدا وان هذه القنوات معقدة ولكن امى كانت تراها فحبيت ان اجلس معها لمجرد الاطلاع فقط
ولكن كان يشدنى حديث هذا العالم الجليل محمد حسان ورايت انه لا يلفظ من قول الاعليه دليل من القران او السنه وكلامه يقنع بطريقة جميلة ولكنه جعلنى اشعر اننى على طرف الاسلام فقط و لست متدينة كما كنت اعتقد وهذه هى الحقيقة
وبدات انفذ مايقوله خطوة خطوة واول ما بدات هو ترك سماع الاغانى وياله من بلاااااااااااااااااااااااااااااااااااااااااااااااا اااااااااااااء كبيييييييييييييييييييييييييييييييييييير
وعملت بوصفة الشيخ حسان بسماع القران لاحد القراء ذو صوت وتلاوة حسنة بدلا منها
فبعدما تركتها بدات تتوالى ترك المعاصى وزيادة الطاعات وبدات لا اشاهد الا هذه القنوات الجميلة
والحمد لله فانا الان انسانه اخرى لها هدف اسمى من اى هدف فى الدنيا وهو رضا الله والفوز بالجنة

[الشاكره الى الله]

رد: احكي لنا قصة التزامك

انا فصه التزامى كانت عن طريه شريط من وحده صحبه اختى
اعطت لينا الشريط وفضل مركون شهور على المكتب وبالصدفه لاقينا الشريط وقلنا ما انشغله وخلاص وكان بيكلم عن استجابه الدعاء سمعته انا واختى وبعدين تانى يوم الصبح شغلته لماما وهى بتشتغل فى المطبخ ولما بابا جه من الشغل شغلت الشريط تانى ومن اليوم ده بدا يثاثر الدين فى قلوبنا وبعدين طلبنا من صحبتنا شريط تانى لنفس الشيخ وكان بيكلم عن الصلاه وكان جميل اوى بدانا نصلى ووحده وحد بفضل اللله انا واخواتى انتقبنا وامى ارتدت الخمار وابى التحى والحمد لله
واحسن حاجه ان عائلتى كلها التزمت مع بعض يعنى كلنا كنا بنشجع بعض