ساعدوني يااخواتي

[اللهم اهدنا فيمن هديت]

السلام عليكم ورحمة الله وبركاته
بجد انا بحس بالم وحرقه وندم ارجو من الله ان يمن الله علي بتوبة نصوحة
اناعارفه اني بعيدة اوي من الله وضعيفه في العبادات
عايزة امشي في طريق الالتزام عايزة البس النقاب وبحب النقاب جدا بس ارجع اقول هو انا مش قادره احافظ ع الصلوات مش قادرة اصحى الفجر مش قادره اسيب الاغاني وغيرو كتيييييييييييييييييير
مش عارفة بداية الطريق
ارجوكم دلوني

[روضـ الحياة ــة]

رد: ساعدوني يااخواتي

اختى الفاضلة باختصار شديد اقولك بداية الطريق هى حب الله ومعرفة الله اسمعى دروس عن حب الله كثير تجدى ان التضحية فى سبيل إرضاءه سبحانه وتعالى هينة اوى .. واستعينى بالله وعليكِ بالدعاء والشعور بالذل والانكسار ..

[ساعية الي جنة الرحمن]

رد: ساعدوني يااخواتي

اختي الكريمة لا تيأسي فالله غفور رحيم تواب كريم
استعيني بالله فأي ططاعة في الدنيا تحتاج لاستعانة( إياك نعبد وإياك نستعين) والله قادر علي ان يثبتك ويحفظك ومفيش واحدة فينا اتولدت منتقبة ولا ملتزمة لكن كلنا غلططنا والله من علينا بالالتزام
وطالما انتي عايزة الطريق اتقدمي بس انتي خطوة بصدق واصدقي الله في التوبة وربنا هيوفقكك
النبي صلى الله عليه وسلم فيما يرويه عن ربه عز وجل، قال: ((إذا تقرب العبد إلي
شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه
البخاري.

واهم اركان التوبة انك تتركي المعصية اللي بتعمليها وتندمي عليها وتعزمي علي الا تعودي
لازم تقرري انا همسح الاغاني انهاردة من موبايلي مش هنزلها تاني ابدا
قولي انا هصلي النهاردة في الوقت مش هأخر الصلاة استعيني بالله واتركي كل حاجة في
ايدك تأخرك عن الصلاة والنبي صلي الله عليه وسلم قال في الحديث القدسي (وما تقرب إلي عبدي بشيء أحب إلي مما افترضت عليه ، و لا يزال عبدي يتقرب إلي بالنوافل حتى أحبه ،.........)
لازم حبيبتي متتركيش الفروض ابدا هي دي البداية ولازم تحافظي عليها وبعدين اشتغلي في النوافل وهي هقربك
من ربنا جدددددددددددددددددددددددددا
ولازم يكون عندك صحبة صالحة تعينك ع الطاعة مهما كنتي روحي اتعلمي قران هتلاقي هناك
في المدرسة او في الجامعة هتلاقي الملتزمين في المسجد واتركي الصحبة السيئة
(واصبر نفسك مع الذين يدعون ربهم بالغداة والعشي يريدون وجهه ولا تعد عيناك عنهم)

ولازم يا اختي تسمعي المشايخ وتتعلمي منهم وتتركي القنوات اللي مش بتبث غير
المعاصي وهمهم افساد الشباب وتلزمي القنوات الدينية فهي منة من الله علينا
الشيخ بيجيلك لغاية بيتك

والله المستعان
وسامحيني علي الاطالة
وان شاء الله تكتبيلنا المرة الجاية وتقوليلنا ان انا خلاص بطلت اغاني وحافظت علي صلاتي
اسأل الله العظيم رب العرش العظيم ان يهدينا واياكي ويرزقنا ما يرضي من القول والعمل

[يارجائى]

رد: ساعدوني يااخواتي

كما قلت الاخت الكريمة من لى سوالك

بداية الطريق الى الله هو حب الله والصدق مع الله

فإن المحب لمن يحب مطيع

فلو احببتيه بصدق ستجدى نفسك دون ان تشعرى تقتربى من كل ما يرضيه وتبتعدى عما يغضبه

وهذه مجموعة دروس عن حب الله اتمنى ان تستمعى اليها بقلبك قبل اذ نيك

http://www.way2allah.com/modules.php?name=Khotab&op=Series&id=1123

وياريت تبقى تطمننينا عليكى وعلى اخبارك

اللهم اهدنا فيمن هديت

[مشكاه الهدى]

رد: ساعدوني يااخواتي

اختى الفاضله لن يذيد قولى عن قول اخواتى ولكنى سوف اقول لك
انك لو تركتى شئ لله ان شاء الله ربنا هيعوضك احسن منه فاتركى الاغانى لتنعمى بالقران واتركى التبرج لتنعمى بصفاء الوجه الطاهر واتركى الملابس الضيقه لينعم الله عليكى بالحجاب الشرعى
اللهم تب عليك واهدكى الى صراطه المستقيم

[لؤلؤ ومرجان]

رد: ساعدوني يااخواتي

أختي
اللهم اهدنا فيمن هديت
اسأل الله العظيم أن يتقبل اسمك ودعائك وتوبتك

أبشري أختي
فأنتِ على الطريق الصحيح
طالما أنكِ كتبتِ هذا الموضوع .... فأنتِ راغبة فعلا في التغيير
ولا ينقصك سوى
العزم وأخذ القرار بعدم العودة لما كنتِ عليه من قبل
وهذا اختي يحتاج الى الدعااااااء والإستعانة بالله
بأن يثبتك على الطريق الصحيح

أتركي أختي كل ما يغضب الله
وكلما وسوس إليك الشيطان للعودة
قولي له
لــــــــــــــــــــــــــاــــــــــــــــــــــ ـــــ
وعندما يسألك الآخرون لما تركتِ هذا وهذا وتلك
قولي لهم
فــيــــــك يـــــــــــــــــــــــــــــــــارب

إتركي وقولي
اللهم يا مقلب القلوب ثبت قلبي على دينك

وفقكِ الله أختي لكل ما يحب ويرضى
طمنيني عليكِ دوما أختي

يمكنك الإستعانة بالسلسة الموجودة في توقيعي
اسأل الله أن ينفعكِ بها

أحبكِ في الله

[المنتقبة السعيدة]

رد: ساعدوني يااخواتي

بصى يا حبيبتى انا كنت زيك بالظبط لكن بجد كنت بعمل حاجه
1-كنت بصلى الوقت بوقته
2- كنت قبل الفجر كنت بقرأ قران3صفحات او صفحتين وبصلى 2ركعتين قيام ليل
3-والله فى نفس الوقت كنت بتفرج على التلفزيون بكثره وكنت بسمع اغانى وكنت بلبس لبس وحش
لكن الصلاه تنهى عن الفحشاء والمنكر
انتى من نفسك مش هتكونى مبسوطه من حياتك وعاوزه تقربى من ربنا
عالفكره انا لما كنت بسمع اغانى كنت بسمع الاغانى حرام وبتجيلى رسائل من ربنا علشان مسمعهاش لكن كنت بسمعها
لكن ربنا ابتلانى بمرض شديد فى الثانويه العامه وسبت الاغانى بالعافيه لان الذوق منفعش
فانتى فاول الطريق ابدأى بالحاجه الى تستمرى عليها
1-لازم اول حاجه تصلى فى وقت الصلاه
2-تقرأى كل يوم قران حتى لو كل يوم ايه واحده مش هتكمل معاكى غير نصف دقيقه
لما يجيلك فتور قولى انا عايشه علشان ربنا عز وجل وربنا مبحبش كده وانا هعمل الى ربنا قالى عليه ومش هسمع اغانى
لان والله سماع الاغانى بيعمل سواد على القلب وهتحسى انك ببتثاقلى على الطاعه ومش عاوزه تصلى ولا تقراى القران لازم تبعدى عنها استغلى صحتك قبل مرضك لا قدر الله ومنقولش ياريت الى جرى ما كان فانتى فى نعمه
والله فى ناس مشلوله سألوه نفسك فى ايه
قال نفسى اسسجد لله سجده
هقولك حاجه لما الله عز وجل قال لابليس اسجد لسيدنا لادم وهوبشر مثلنا فرفض فطرد من رحمه الله عز وجل
فما بالك لمن لا يسجد لرب البشر هيبقى جزاؤه ايه
قال الله تعالى فويل للمصلين الذين هم عن صلاتهم ساهون
ولو صحابك مش ملتزمين ابعدى عنهم ضروى لان الصاحب ساحب
لو عايزه اى استفسار انا تحت امرك او اى حاجه تحسى بيها

[amtallah]

رد: ساعدوني يااخواتي

السلام عليكم انا كنت زيك كده حبيبتي بس فعلا لما اختلي بنفسي احس اني تايهه ومش مبسوطة وعلي طول افكر اخرة الي انا فيه ايه وكنت خايفة من الموت اوي وبردو مكنتش قاردة ابطل ودعيت ربنا انه يهديني وبفضله عرفت طريق المسجد وبدات احضر دروس كتير والحمد لله كانت السبب بفضل الله اوصكي بحضور دروس المساجد بجد ليها اثر كبير اوي ربنا يكرمك حبيبة قلبي ويهديكي وينور طريقك..احبك في الله

[غفرانك ربي]

رد: ساعدوني يااخواتي

وعليكِ السلام ورحمة الله وبركااته
مرحبا بكِ اختي الكريمه

تعرفي اختي
النقاب هيخليكي تقربي من ربنا وتبعدي عن طريق المعصية

لإنك كل ماهتيجي تهمي بمعصية نقابك هيقولك لا انتي منقبه عيب متعمليش كده
انا واجهة هذا الدين

ازاي اؤخر صلاتي وانا منقبه
ازاي اسمع اغاني وانا منقبه

والله اختي طالما احببتي النقاب فانتقبي من فورك وانصري دينك في هذا الوقت الذي يحارب فيه الدين
واصدقي مع الله
ألا ترين دينك والحمله التي علي دينك
آن الأوان لتنصري دينك وتغيري عليه

وهتقدري اختي إن شاء الله طالما كتبتي هذا الموضوع يبقي هتقدري تتغيري

بس استعيني بالله واصدقي مع الله وستري الفتوحات بإذن الله من رب الأرض والسماء

[نور الايمان2]

رد: ساعدوني يااخواتي

ربنا يصبرني واياكي

ويرحمني واياكي برحمته التي وسعت كل شئ

[اللهم اهدنا فيمن هديت]

رد: ساعدوني يااخواتي

بارك الله فيكم يااخواتي وبحبكم في الله