هدانى الله ولكن اخاف الرجوع !!!ارجو النصيحة

[shzaa]

ارجو من اخواتى تقبل موضوعى بصدر رحب واعتذر على الاطالة انا ************وكما تعلمون اخواتى ان الجامعة بها اختلاط وانا بالصف التانى وهدانى الله عز وجل ولبست النقاب 14 شعبان الماضى ولكن لست اعلم احد من صحبة الخير كل اصحابى غير ملتزمين والدراسة يوم السبت وهم انتقضونى عند لبسى للنقاب ولكنى والحمد لله مقتنعة به لانه فرض ولا اعرف كيف انزل الجامعة ومع من وانا كنت بحضر المحاضرات كلها وحصلت على تقدير جيد فى سنة اولى وكنت باخد درس محاسبة وبرده فى اختلاط ومش عارفة اعمل ايه وعايزة اثبت لوالدى انى بقيت احسن بعد الالتزام لانه مش كان موافق على لبس النقاب وقلى هيعيقك فى جامعتك وهتبقى فاشلة وهل اروح درس المحاسبة ولا اعمل ايه والمحاسبة والله صعبة
مستنية اقتراحتكم
بالله عليكم ساعدونى قبل الدراسة لانى خايفة جداااااااااااااااااااااااا
انى اعمل حاجة تزعل ربنا منى وادعوا لى انى الاقى الصحبة الصالحة وان ربنا يثبتنى

[روح طيبة]

رد: هدانى الله ولكن اخاف الرجوع !!!ارجو النصيحة

ثبتك الله أختي ورزقك الصحبة الصالحة وربنا يصلح أحوالك

[روضـ الحياة ــة]

رد: هدانى الله ولكن اخاف الرجوع !!!ارجو النصيحة

اختى فى جملة جمييييييييييلة اوى حطيها فى دماغك

" من ترك شيئاً لله عوضه الله خيراً منه "

بصى اختى بالنسبة للصحبة الصالحة دايما دورى فى المسجد ان افتكر انا وحدة صحبتى معايا فى كليتى وفى نفس الدفعة عرفتها من المسجد (مسجد الكلية اللى جمبنا لان مش عندنا مسجد فى الكلية ) وبقينا اصحاب وما شاء الله اتعرفت على بنات من المسجد ما شاء الله عليهم بنات كويسين جدا وساعدونى فى حاجات وعلى فكرة لو اتعرفتى على واحدة بس ممكن بعد شوية تلاقيكِ عارفة بنات كتييييير دى تعرفك على دى ودى تعرفك على دى وتعرفى كمان بنات من كليات تانية بس روحى المسجد كتير حتى فى غير اوقات الصلاة مثلا فرق بين محاضرات او اى وقت فاضى


وبالنسبة لموضوع الدرس ف

" من ترك شيئاً لله عوضه الله خيراً منه "

توكلى على الله يا اختى واحضرى المحاضرة وانتى بتقولى يا رب انت عالم انا سبت الدرس علشان مغضبكش يارب وفقنى انى افهم ولو وقفت معاكِ حاجة تشجعى واسالى دكتور المادة واى شوفى معيدة كويسة لو ملقتيش شوفى معيد محترم وروحي معاكِ حد


واختى اوصيكِ بالدعاااااء

[لؤلؤ ومرجان]

رد: هدانى الله ولكن اخاف الرجوع !!!ارجو النصيحة

أختي
shzaa

ما أجمل كلامك أختي وخوفك على إلتزامك ورغبتك القوية في أخذ هذا الدين بقوة والتغير فعلا من الداخل وليس الشكل فحسب
فجزاكِ الله خيرا

بالنسبة لكلامك أختي
ثبتكِ الله أمام صاحباتك اللاتي إعترضن عليكِ في لبس النقاب واعلمي أخيتي أن ثباتك أمامهم هو اكبر نجاح لكِ وبعدها ستري مدي الحب الذي سيكنوه لكِ وستكوني عندهم غالية جدا وهذا حدث معي فعلا

أما الجامعة
طبعا هتتجنبي الإختلاط تماما ولو مثلا في ولد جه كلمك لا تردي عليه حتى لو كنتِ كلمتيه قبل كده تصرفك ده سيضع لكِ الهيبة في القلوب ويعرفوا إنك التزمتي فعلا مش منظر بس

أما الصحبة
إنتِ أول ما تروحي الجامعة ابحثي عن الملتزمات قابليهم في مصلى الجامعة في الصلوات وتعرفي عليهن ستجدينهم بالتأكيد خير صحبة
وأحذرك حبيبتي من ...
صحبة السوء والتي هي أول سبب للإنتكاس حفظكِ الله
ابعدي عن الغير ملتزمات لأن كلامهم كله لا يأتي بخير
ولكن
لا تخسرينهن لعلهن يصبحن مثلك يوما ما

أما درس المحاسبة
الأولى إنك ما تكونيش في مكان فيه إختلاط
يعني لو عرفتِ تجيبي ورق الشرح يكون كويس جدا ولو وقفت معاكِ حاجة اسألي زميلاتك من البنات المتفوقات ان شاء الله يساعدوكِ في ذلك

أما الدراسة
ركزي فيها وذاكري كويس حتى تكوني قدوة للكل في الجامعة وفي البيت ويعلموا أن الإلتزام ليس له أي تأثير على الدراسة نهائيا بل بالعكس

نصيحة أخرى
حاولي حبيبتي تتغيري للأحسن في البيت هذا سيحبب أهلك فيكِ وفي الإلتزام

أخيرا
اسأل الله العظيم أن يرزقك عمل كل ما يرضيه ويضعك حيث ما يحب أن يراكِ ويثبتك ويرزقك الفهم وييسر عليكِ المحاسبة وجميع المواد

أدعو الله ان أكون أفتدك بشيئ ولو في أي خدمات أنا تحت أمرك

[يارجائى]

رد: هدانى الله ولكن اخاف الرجوع !!!ارجو النصيحة

ربنا يثبتك اختى ويقوى ايمانك

على فكرة انا حصلى تقريبا زى ماحصلك لانى التزمت تقريبا فى اخر تانيه كلية وبردو ماكانش عندى صحبة صالحة فعليكى بالدعاء قاعدت ادعى كتير ان ربنا يرزقنى الصحبة الصالحة وفعلا وجدتها فى مسجد الكلية وكنت بردو بروح مسجد بجوار المنزل فلن تجدى الصحبة الصالحة الحق الا فى بيت من بيوت الله ولله الحمد كانو بيعينونى على الخير دايما وربنا جعلهم سبب فى تغيير حاجات كتير فيه
فربنا يرزققك الصحبة الصالحة المعينة على الخير
بس بردو متنسيش اخواتك الغير ملتزمات حاولى تدعيهم من حين لاخر للالتزام(كذالك كنا من قبل فمن الله علينا)

وبالنسبة لدرس المحاسبة زى ما الاخت قالت من ترك شيئا لله عوضه بما هو خير منه وانا واثقة ان ربنا ان شاء الله لن يضيعك (اصدق الله يصدقك)

ورددى دوما(اللهم انك عند ظن عبدك بك وظنى بك انك لن تضيعنى)

ونصيحتى الاخيرة لك انك فى بداية التزامك سوف تقابلين الكثير من العقبات فاثبتى واستعينى دوما بالله فهو خير معين ولن يتركك ابدا...

وجعلى لسان حالك دوما يقول:

ببابك لن أغادره
ولن أسعى إلى غيرك
سأنسج بالرضا ثوبى
وأشرف أننى عبدك
وأهتف فى جبين الصبح
حين يقال من ربك
إلهى خالق الأكوان
أشرف أننى عبدك
إلهى فالق الإصباح
شرفى أننى ملكك

[-- حبيبة --]

رد: هدانى الله ولكن اخاف الرجوع !!!ارجو النصيحة

ثبتك الله اختى وجزاكى خيرًا لحرصك
وكلام الاخت لؤلؤ ومرجان جميل جدًا
وايضًا كلام باقى الاخوات
ما شاء الله

وفعلا لن تجدى الصحبة الصالحة الا فى المسجد
وابتعدى عن صحبة السوء فكما قالت الاخت لؤلؤ انهم لا يأتون بخير فعلا وعن تجربة
وإن شاء الله تجدى من يسير معكى فى طريقك الى الله

[رحيق العفة]

رد: هدانى الله ولكن اخاف الرجوع !!!ارجو النصيحة

ان شاء الله اخيتي تجدي ضالتك في كل ما قالوه الاخوات واسأل الله لنا ولكِ الثبات فحجابكِ عفة لا تتركيه ابدا وان شاء الله تجدي الصحبة الصالحة وتوفقي في دراستك اكثر من الاول

[*اسلامى سر سعادتى*]

رد: هدانى الله ولكن اخاف الرجوع !!!ارجو النصيحة

أختى الفاضله أنا تقريبا فى مثل سنك واشعر بما تقولين
اسمعى يا أختى بالنسبه لاصدقائك حاولى تتكلمى أمامهم عما كنتى فيه من حياه ضايعه قبل الالتزام وما تشعرين به الان من الراحه بالعباده وانتبهى ان تكون طريقه كلامك نابعه من قلبك واصدقى الله يصدقكى فلعل واحده منهن يتأثرن بكلامك وتكسبى أجرها.
فمثلا لو شغلو أغانى وانتى فاعده أواغتابو او عملو أى حاجه تانيه من المعاصى ذّكريهم بالله بطريقه لينه وحاولى تدخلى فى موضوع تانى ولا تنسى الابتسامه فانها مفتاح القلوب
وبالنسبه للاختلاط تجنبيه على قدر استطاعتك وعليكى بغض البصر وفى اوقات فراغك مثلا فى الكليه روحى اقعدى فى المسجد فانه خير مكان هتلاقى فيه بنات صالحات (باذن الله)
ولاتنسى الدعاء فان قلبك وقلوب اصحابك بيد الله واسأل الله العظيم أن يحفظنى ويحفظك وبنات المسلمين من الفتن والشبهات.وابقى طمنينى عليكى .........أختك اسلامى سر سعادتى

[nahla-111]

رد: هدانى الله ولكن اخاف الرجوع !!!ارجو النصيحة

ياااااااا يا شذى انتى زى بالظبط انا بردو فى 2 اداب
و بردو انتقبت قبل رمضان دا باسوعين و صحابى مش بينتقدونى دول بهدلونى لما عرفو انى انتقبت والله انا بردو زيك كداا مش عارفة برو اعمل اية بس اية الى فيها لما تحضرى المحاضرات و تمشى حتى من غير ماتكلمى حد فيهم و الدرس بتاع المحاسبة روحية بس متكلميش الولاد الى هناك اة هو اختلاط لكن انتى مضطرة فمفيهاش حاجة لان ليا صحاب بردو فى تجارة و بياخدو الدروس دى و قالولى انهم مش هيعرفو يمشو فى الكلية الا لما ياخدو الدروس دى فانا بردو هعمل كدا زيك انا هروح الكلية و احضر المحاضرات و همشى مش هقعد فى الكلية و لو كان مثلا عندك فاصل بين المحاضرات روحى المسجد اقرى قران او احفظى القران و هناك فى المسجد هتتصاحبى على البنات الى زيك ربنا يوفقك و يثبتنى و اياكى

[shzaa]

رد: هدانى الله ولكن اخاف الرجوع !!!ارجو النصيحة

جزاكى الله خيرا اختى لؤلؤ ومرجان وجميع الاخوات
فقد افدتونى كثيرا والحمد لله وجدت صحبة صالحة بالجامعة واسفة على ردى متاخر
جزاكم الله خيرا

[المنتقبة السعيدة]

رد: هدانى الله ولكن اخاف الرجوع !!!ارجو النصيحة

معلش يأختى هرد عليكى
أنا بردوا أول مادخلت الجامعه
لاقيت أصحابى فى المسجد الكليه
والله أول شهر كنت فى دمااااااااااااار
مش لاقيه أصحاب
لكن بالدعاء لله عز وجل
لاقيت أصحابى فى المسجد
أنا كمان فى ****
بس يأختى انا بأخذ المحاسبه
وبفهمها من الدكتور
وألى بيساعدنى كان السكاشن بصراحه تحفه عندهم
بس أنا مش كليه ****
وعالفكره النقاب لا يمنع فى دراستك ابدااااااا
ولا يهمك من كلام أصحاب
ان شاء الله عز وجل هيبقى يوم من الايام منتقبات
أدعيلى ألبسه

[shzaa]

رد: هدانى الله ولكن اخاف الرجوع !!!ارجو النصيحة

معلش يأختى هرد عليكى

أنا بردوا أول مادخلت الجامعه
لاقيت أصحابى فى المسجد الكليه
والله أول شهر كنت فى دمااااااااااااار
مش لاقيه أصحاب
لكن بالدعاء لله عز وجل
لاقيت أصحابى فى المسجد
أنا كمان فى ****
بس يأختى انا بأخذ المحاسبه
وبفهمها من الدكتور
وألى بيساعدنى كان السكاشن بصراحه تحفه عندهم
بس أنا مش كليه ****
وعالفكره النقاب لا يمنع فى دراستك ابدااااااا
ولا يهمك من كلام أصحاب
ان شاء الله عز وجل هيبقى يوم من الايام منتقبات

أدعيلى ألبسه

جزاكى الله خيرا اختى وادعو الله عز وجل ان يمن عليكى وعلى جميع المسلمات بلبس النقاب فهو رمز للعفة والطهارة

[shzaa]

رد: هدانى الله ولكن اخاف الرجوع !!!ارجو النصيحة

البقاء لله
اللهم ادخل والدة ام اسلام الجنة بلا حساب ولا سابقة عذاب
واجعل قبرها روضة من رياض الجنة