اخواتى فكروا معايا ولاتبخلوا بالنصيحة

[امة الاله]

السلام عليكم ورحمة الله وبركاته اخواتى قررت انا ومجموعة من اخواتى اننا نزور ملجا للفتيات اليتيمات ونريد ان نعمل لهم حفلة من خلالها ندعوهم بطريق غير مباشر لانهم فى سن المراهقة وما ادراكم ما سن المراهقة المهم احنا دلوقتى بنفكر فى برنامج للحفلة دى نكسب بيه البنات دول لانى مش قادرة اقولكم هما فكرتهم ايه عن الملتزمين فبالله عليكم اللى عندها فكرة تقولها واللى عندها اسئلة وفوازير فى المعلومات العامة او المعلومات الدينية تقولها قبل يوم الاربعاء وان شاء الله تاخدوا الاجر حتى من غير ما تيجوا معانا فالدال على الخير كفاعله وتذكروا المؤمن لا يخذل اخاه المؤمن بالله انتظر ردودكم السريعة وجزاكم ربى الفردوس الاعلى
دعواتكم بظهر الغيب

[asmm]

رد: اخواتى فكروا معايا ولاتبخلوا بالنصيحة

السلام عليكم ورحمة الله وبركاته
أختنا فى الله اولا جزاكم الله كل خير على هذه الروح الطيبه وادعو الله ان يجعل لكم القبول ويهديكم ويهدى بكم
وبالنسبه للافكار سأحاون بعون الله ان اجد افكار تناسب حفلتكم وساعود إن شاء الله ولكنى لم أشأ ان اقرا واخرج بدون ان اكتب لك ردا
والله المستعان

[امة الاله]

رد: اخواتى فكروا معايا ولاتبخلوا بالنصيحة

جزاك الله خيرا اختى asmm وجعله فى ميزان حسناتك انتظر ارائك احببببببببببببببببك فى الله ادعى لى

[آيه جمال]

رد: اخواتى فكروا معايا ولاتبخلوا بالنصيحة

جزاكى الله خيرا يا امة الاله والله فكرتك جميله وها قترح عليكى انكم أول حاجه لازم تخليهم يحبوكوا بجد فهو اسهل طريق لتحقيق ما تريدين وياريت بلاش فى المسابقه انكوا تسألوهم فى أشياء ربما لا يعرفونها فيحرجوا لان هذا السن للاسف تكون نفسيتهم حساسه لكن ممكن تقدملهم المعلومه بطريقه حواريه يعنى انتى مثلا ممكن تجزهى أسأله ويكون معاك أخت فاضله تقوم بالرد على الاسأله وياريت تكون بالغه العاميه العاديه لان من يكرهون الملتزمين فى بداية الامر يكون عندهم الكلام بالغه العربيه الفصحى امر لا يقبلونه فبدأى معاهم عادى خالص وبعدين حاولى تركزى على انك تبينى ليهم ان ربنا بيحبنا جدا فمساس العاطفه عند المرهقين أمر مهم جدا وممكن ده يكون بانك تسألى الاخت التى ستكون معك امامهم وتقوليلها مثلا حديث قدسى يدل على حب الله لعباده وتطلبى منها شرحه فتقوم الاخت بشرح الحديث باللهجه العاميه وتركز على جانب العاطفه والاحاديث القدسيه ولله الحمد كافيه وبعد الحديث تطلبى من الفتيات الجالسات الادلاء بما داخلهم وبما استشعروه من هذا الحديث وهكذا
وتبينوا ليهم كيفية مناجاة الله وانه هو من نشتكى له ولا يمل منا وانه يحب ان نتحبب اليه
ياريت تردى عليا وتقوليلى ايه رايك لكى تكون الاستفاده أكبر

[امة الاله]

رد: اخواتى فكروا معايا ولاتبخلوا بالنصيحة

ما شاء الله تبارك الله عليكى اختى اية ارائك صائبة وفعلا فى اخت اقترحت عليا ان احنا نكلمهم عن حب الله وانا مقتنعة جدا بالموضوع ده جزاكى الله خيرا طب ايه رايك اننا نعمل مسابقات بجوائز تكون مثلا اسئلة بسيطة فى العقيدة يعنى عشان يكون فى جذب انيباه اكتر بدل ما اخت لوحدها هى اللى تتكلم يعنى نشركهم كلهم معانا ونعمل جو منافسة طيبة بينهم بس المشكلة انا معنديش اسئلة ممكن اطرحها عليهم ممكن تقولى لى رايك؟
احبك فى الله

[حوريه الجنه]

رد: اخواتى فكروا معايا ولاتبخلوا بالنصيحة

جزاكي الله خيرا
ممكن تعملي اسئله زي ماقلتي للمنافسه بس حاولي تجيبي اسئله سهله
زي من هي اول شهيده في الاسلام
من هو سفير الامه
من هو ترجمان القران
وده يبقي نظام الاسئله سهله وبسيطه وجزاكي الله خيرا

[عبــاد الرحمن]

رد: اخواتى فكروا معايا ولاتبخلوا بالنصيحة

وعليكي السلام ورحمة الله وبركاته

ربنا يتقبل منك زيارتك واهتمامك بالايتام ويجعل هذا العمل في ميزان حسناتك

بصي يا مه الاله ممكن تعملي نظام المسابقات زي نظام مجموعتين يعني اختاري مثلا مجموعتين من البنات وخليهم قصاد بعض واساليهم يعني خلي فيه روح منافسة وتشجيع من باقي البنات ليهم وياريت متكونش كل الاسئلة دينية علشان ميزهقوش خلي فيه اسئلة ترفيهية واسئلة كوميدية واسئلة دينية بسيطة تعرفهم اسايات في الدين وتوصل لهم بطريقة حلوة

وكمان خلي اخت مثلا من اللي معاكي تقول كلمه بسيطة عن الدين والاسلام عن الصلاة مثلا والحجاب

وكمان خلي مجموعة يحضروا شوية اناشيد وينشدوها

وممكن تحضروا شوية اسكتشات منها ترفيه ومنها دعاية للالتزام بدين الله

وربنا يعينك

وياريت لما ترجعي احكي لنا عملتي ايه

[امة الاله]

رد: اخواتى فكروا معايا ولاتبخلوا بالنصيحة

جزاكم الله خيرا اختى عباد الرحمن على هذا الراى المشكلة انى الان ابحث عن اسئلة من هذا النوع ربنا ييسر واجد ضالتى ولو حد عنده اسئلة كده ياريت يساعدنى وجزاكم الله خيرا ورزقنا الله بالازواج الصالحين عاجلا غير اجل امين

[*اسلامى سر سعادتى*]

رد: اخواتى فكروا معايا ولاتبخلوا بالنصيحة


<زاكى الله خيرا أختى الحبيبه(امه اللاه)وجعل هذا العمل فى ميزان حسناتك
فالفكره رائعه .وحبيت اشاركك بعض الاسئله لعلكى تحتاجيها:
1-ما البحر الذى لا ماء فيه؟البحر فى الصوره
2-أهدتكى اختك شىء ميت لتأكليه فأكلتيه وليس عليكى اثم؟الهديه كانت سمك
3-امتى المسمار يمشى على ظهره؟لما يكون مدقوق فى النعل من اسفل
4-من هو جد النبى(صلى الله عليه وسلم)؟عبد المطلب
5-من هو حب رسول الله(صلى الله عليه وسلم)؟زيد ابن حارثه
6-من هو حب حب رسول الله(صلى الله عليه وسلم)؟أسامه بن زيد
وان شاء الله سأكتب لكى أسئله اخرى فى المشاركة القادمه
ومن الممكن ايضا أن تحدثيهم عن بعض مواقف رسول الله(صلى الله عليه وسلم) وحبه للمسلمين
ولا تنسى الابتسامه فهى مفتاح القلوب
لاتنسينى من الدعاء

[امة الاله]

رد: اخواتى فكروا معايا ولاتبخلوا بالنصيحة

جزاكى الله خيرا اختى اسلامى سر سعادتى افدتينى ربنا يتقبل منا ومنكم صالح الاعمال انتظر مشاركتك احبك فى الله

[امة الله84]

رد: اخواتى فكروا معايا ولاتبخلوا بالنصيحة

اولا حاولى اول ما تدخلى عليهم تعملى معاهم اكله جميله وخدى معاكى منهم مجموعه مثلا مكرونه اكله سريعه وخلى جوك مرح وكلوا مع بعض بعد كده قوليلهم يلا باه ناخد جوايز واسئليهم اسئله دينيه شويه وعامه شويه واهم حاجه فى النهايه تكلميهم عن حب الله يارب اكون افدتك

[((أم أحمد))]

رد: اخواتى فكروا معايا ولاتبخلوا بالنصيحة

لا املك لكى الا الدعاء
الله يسخر قلوب البنات للهداية
وييسر لكى امر خير ورشد

[آيه جمال]

رد: اخواتى فكروا معايا ولاتبخلوا بالنصيحة

اول حاجه أشكرك على كلامك الجميل وأنا متحمسه جدا لفكرتك ويارب يوفقك ويرزقك الحكمه فى أمرك
واتمنى انها تكون بداية خير ان الناس تقلدك
أنتى ممكن فى الاول تسلمى عليهم كلهم وتكونى محضره معاكى أكل زى ما امة الستار قالت وتبتسمى فى وجههم وابعدى عن الفاظ اللغه العربيه الفصحى وبعد كده ممكن تقعدى معاهم وقوليلهم( ايه رأيكوا نقعد ندردش شويه مع بعض بعد الاكل .......) وبعد الاكل تقعدى معاهم وخلى بالك ما تكونيش قاعده مثلا فى مستوى وهما فى مستوى آخر لأ لازم تحسسيهم انك صاحبتهم وزيهم وبتحبى حاجات زيهم وبتكرهى حاجات زيهم وممكن تقعدوا على الارض عادى ويكونوا قريبين منك كأنك قاعده فى وسطهم وتبدأى معاهم بدردشه عاديه خالص يعنى مثلا تقولى (ايه رايكوا انا نفسى اوى ان احنا نتعرف على بعض ونبقى اصحاب وتساليهم بتحبوا طيب بتكرهوا ايه وتناقشيهم فيها )لو عاوزه تدعيهم الى الله فممكن اثناء الدردشه تسألي واحده فيهم( يا ترى مين من الناس بتحسى انه قريب منك قوى بعد كده قوليلهم انتوا عارفين مين فعلا الى بيحبنا بجد هو ربنا طيب احنا عارفين لكن اثبيتلنا كده وتقومى تقوليلهم على حديث قدسى يدل على ذلك وابحثى فى النت وهتلاقى وتقوليلهم الحديث بمشاعر وتشرحيلهم وتعلميهم ازاى انهم يناجوا الله ويتقربوا اليه بالمحبه وان يدعوه دائما وما اجمله الليل بمناجاة الله) ...... بعد كده ممكن لو انتى عاوزه تعملى مسابقه عن الدين فيستحسن انك تذكرى ليهم قصه من الدين وتقوليلهم ان عليها اسأله وجوايز لكن احرصى على انهم كلهم يحبوكى ولا تمدحى فى فتاه دونا عن الاخرى وفى النهايه قوليلهم انا حبيتكوا قوى وسلمى عليهم كلهم