النقاب

[((أم أحمد))]

أخواتى فى الله

السلام عليكم ورحمة الله وبركاته

عندى موضوع اريد مناقشته معكم انا ليس لى صحبة صالحة الا انتم

اولا انا ....... متزوجة وعندى اولاد اسكن فى الريف

انا غير منقبة ولكن اقسم بالله نفسى البسه لكن هناك عواقب
لا اعلم ان كانت من صنع الشيطان ولا ايه

اولا عندنا الباب بيخبط كثير جدا فى وجود زوجى او غيابه

ماحدش بيدخل البيت لكن قضاء المصالح من على الباب وطبعا رجا ل لو نساء مش مشكلة اخوات زوجى اقول لهم ان الدين بيقول كدة يقولوا انتى اختنا اقول الرسول قال الا الحمو

على فكرة انا مش عارفة ارتب كلامى لكن اللى بييجى على بالى
بقوله
ثانياانا عندى حساسية وبيجيلى حالات ضيق تنفس وبموت والله عند التعرض لاى روائح او اتربة
ثالثا فكرة لبس النقاب لا تذهب عن بالى ولما اشوف المنتقبات
بحبهم واقعد ابصلهم ومبسوطة بيهم ونفسى ابقى زيهم

رابعا اللى مخلينى كمان نفسى البس النقاب السلام على الرجال

على فكرة زوجى ابن عمتى ودى المشكلة امبارح العيد مانزلت
اسلم على عمتى عشان لا اقابل احد يمد ايده بالسلام
وبهرب بعض المواقف ربنا بيسهل ومش بسلم
وبعض المواقف لا استطيع اتصرف خالص
وبقول لبس النقاب يمكن يعينى على هذة النقطة

خامسا انا بنزل تحت كثيرمش خروج عند العائلة
خايفة مش التزم بيه كويس خايفة اقصر فيه

اخت منتقبة قابلتها فى عيادة وفتحت معاها الموضوع
قالت ابتدى بنقاب سعودى هوة خفيف

اخواتى بالله انصحونى ارجوكم لانى اتعذب

هذا الموضوع بفكر فيه ليل نهار

على فكرة نسيت اقول لكم راى زوجى
كلمتة مرة وافق وبعديها بفترة بسيطة
سمع بعض الاشاعات المغرضة التى تقال
عن المنتقبات وقال مش تلبسيه
لكن انا مش شايفة زوجى هوة المشكلة
المشكلة انا خايفة ارجوكم ساعدونى

استحلفكم بالله تردوا علية وتدعولى من قلوبكم
وانصحونى جزاكم الله خير

معلش اطلت عليكم بارك الله فيكم

[((أم أحمد))]

رد: النقاب

فينكم يااخواتى ماحدش رد علية خاص

على العموم انا مستنية نصائحكم

[الطالبة للمغفرة]

رد: النقاب

السلام عليكم ورحمة الله وبركاته
كيف الحال ختي
اسال الله ان يثبتك ويرزقك لبس النقاب عاجلا غيرا اجلا
اعلمي يا اختي في الله بان الله يحبك كثير وقد فضلك على الكثير من عباده
فقد حبب اليك الايمان وزينه في قلبك
بما انه قد اصبح كل تفكيرك في النقاب من اجل ارضاء الله سبحانه وتعالى
وهذه نعمة عظيمة ورحمة من الله عزوجل انزلها على قلبك فلا تترددي يااختي في المسارعة الى ارضاء الله ورسوله واسال الله ان يثبتك
كي يستريح ضميرك و يطمئن قلبك ولا تغتري بالدنيا
وانصحك بالاستماع الى الدروس و المحاضرات الخاصة بالنقاب
وفقك الله لما يحبه ويرضاه
وثبتك على دينه وطاعته
اللهم امين

[le princess]

رد: النقاب

قال الله تبارك و تعالى:{ يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ
عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً



هذه الآية الكريمة من سورة الأحزاب فيها أمرٌ للنبي صلى الله عليه و سلم ليقول لنسائه و بناته
و نساء المؤمنين أن يدنين عليهن من جلابيبهن و الجلاليب جمع جلباب و الجلباب الملاءة التي تلبسها المرأة
فوق ثيابها و هذا الجلباب واجب هو ستر العورة و عورة المرأة جميع بدنها





يا أم أحمد عبد القوى باين من كلامك كده انك فعلا عاوزه تلبسى النقاب ولكن جواكى تردد والتردد ده له اسباب كثيره منها ان مافيش حد شجعك على لبس النقاب ولكن انا هديكى رايى وربنا يثبتنا ويثبتك ان شاء الله



شوفى مادام انتى جواكى خير وريده الخير توكلى على الله واستفتى قلبك ولو افتوك ولابد يكون جواكى شجاعه وعلى فكره النقاب هيغير معاكى تعامل اقاربك ولكن للافضل ويمكن فالاول يكون التغيير ولكن هترتاحى كتير بعد كده وتاكدى ان مادام نيتك صادقه لله ربنا هيقويكى ويثبتك



واحب اقولك نبذه صغيره عن نقابى يمكن تتشجعى شوية انا لبست النقاب بمحض ارادتى رغم اعتراض اهلى وخاصة امى ولكن ربنا قدرنى وكان معايا ومش عايزة اقولك ولدتى بتفتخر بنقابى حاليا ازاى وبالنسبة لاهل زوجك وانتى قولتى ان زوجك ابن عمتك عادى جدا انا زوجى بالفعل ابن عمى وكلنا قرايب لكن نقابى وضع لهم حد وعلى فكرة حاليا بيحترمونى اكثر من قبل النقاب بكثير



واحب اعرفك ان زوجك بعد النقاب ولما يرى انك لن يراكى غيره سوف يفرح بيكى كثيرا ويفتخر بيكى تقدمى وابدأى بفعل الخير ربنا معاكى انوى نية صادقة لله واقتربى من الله اكثر بفعل الفروض وان شاء الله نسمع عنك اخبار جيده



اما بالنسبة للتنفس فهناك كثييييييييييييييير جدا من انواع النقاب ويمكنكى ان تشترى اخف طبقه منهم والله سوف ييسر لكى ان شاء الله اتمنى انى اكون افدتك ومكنش طولت عليكى .




استغفر الله الذى لا اله الا هو الحى القيوم واتوب اليه

[ام نظام]

رد: النقاب

ماااشاء الله أخيتى أم احمد كلام جميل ويدل على أنكِ أنسانة مؤمنة وصاادقة بصى انا لما لبست النقاااب كنت خااايفة اوى لانى بسكن مع اهل جوزى فى بيت واااحد ومحتاارة ازاى البسو اقدام اخوات جوزى واحنا عايشيين فى نفس البيت ولكنى لبستو وبقيت بدعى ربنا انو يثبتنا ومن كتر مااا كنت مشغولة انى اكشف وجهى اقدمهم على طول بحلم فى المنام انى كاشفة انى كاشفة وجهى اقدمهم ومش راضية بكده
المهم انا بقالى ست شهور لبساه وانااااا فرحااانة اوووووووى وسعيدة جدااااً وحاااسة بثبااات مش عااادى الحمد لله رب العالمين انت خودى الخطوة الاولى وادعى وربنا حيثبتك ان شاء الله بسرعة يلا عشان عايزين نحشر مع امهات المومنين
متخفيش ابداً ومتتردديش ابداااً فى حاااجة بتقربك من ربك
وهى الدنيا ايه مش متاااع غرور وفانية اعملى لدار البقاء والخلود قوي قلبك وخودى الخطوة الاولى والبسيه بقوة وان شاء الله ربنا حيثبتك ياااا أختى عليكِ بااالدعاااء والدعاااء والدعاء

[nahla-111]

رد: النقاب

اخيتى ام احمد انا اولا احبك فى الله .

ثانيا موضوع الاهل دا محلول انا مش شايفة فية مشكلة خالص لانك لما هتتعودى على النقاب و شوية و مش هتضايقى منة على انك لابساة كتير او كدا

ثالثا انا بنت خالتى عندها حساسية زيك بالظبط فى صدرها و راحت لدكتور علشان تاخد رخصة منة انها متنتقبش علشان الحساسية و كدا قالها النقاب هو الحل للحساسية اصلا لانو بيمنع دخول الاتربة و الروائح والله انا كمان عندى حساسية انف و من ساعت ما ربنى كرمنى بالنقاب بطلت اعطس لان كل اما كانت واحدة تمشى جنبة حاطة برفان او حتى المناديل المعطرة كانت بتخلينى اموت من العطس لانى كمان فى كلية و طبعا البشر كلهم حاطين برفانات بعد اما انتقبت و الله خلص موضوع العطس دا خالص حبيبتى توكلى على الله و ادعية انو يعينك على لبسة و والله الذى لا الة الا هو انتى مش هتحسى انك قربتى من ربنا الا لما تلبسية و الله هتحسى انك ملكة

انا عايزة بشرى منك قريب و مستنية اسمع خبر انك انتقبتى قريب و الله هتدخلى السرور على رسولك و حتفرحية بيكى يوم القيامة لما تقوليلة انك اتحملتى اى حاجة علشان تعملى بسنتة و انا بصراحة مش شايفة انو سنة انا شايفة انو فرض بس ما علينا خودى الخطوة و ربنا هيعينك ان شاء الله ارجوكى فرحى قلبة قريب

[المنتقبة السعيدة]

رد: النقاب

انما انتى معندكيش مشاكل لازم تلبسيه انتى متردده فى لبسه لكن تأكدى لما تلبسيه ستنالى رضا الله سبحانه وتعالى ان الله سبحانه وتعالى يصطفى من عباده الاخيار فيل جمال هذه المفاجاه افتكرى يوم تقعدى فى القبر لوحك مش هينفعك اهلك ولا اى حد مش هينفعك غير عملك الصالح
غير كده كلنا لازم نقدم هديه للرسول صلى الله عليه وسلم لانه تعب معانا كتيررررررر اوى والنقاب اجمل هديه نقدمها للرسول صلى الله عليه وسلم الدنيا عمرها قصير اوى لكن الاخره دايمه لازم نعملها
اجوك البسيه النهارده قبل بكره واقوللنا اخبارك ويارب يرزقك لبسه عاجلا غير اجل وبنات المسلمين

[رحيق العفة]

رد: النقاب

السلام عليكم و رحمة الله وبركاته

ما شاء الله عليكي اختي ام احمد ربنا يوفقك يارب ويثبتك .

بالنسبة اختي لو موضوع اهل زوجك وانهم يخبطوا عليكي وايه يعني انتي ممكن تردي عليهم من ورا الباب وتقضي حاجاتك كلها

الموضوع مش صعب خالص بالعكس النقاب عفة و صون ليكي ولكل اللي حولك

اما موضوع عدم القدرة ع التنفس فسؤال هو احنا ممكن نكون خارج المنزل مدة اد اية ساعة اثنين هتكوني فيهم لابسه النقاب مع الوقت بتتعودي عليه وان شاء الله يكون علاج لكِ من الحساسية لكن فرصة تعرضك للأتربة هتقل بإذن الله ويكون ستر لكِ

اصدقي النية مع الله وسييسر الله لكِ بإذنه

لم يمر سوى أيام علي انتهاء رمضان والقلوب كلها مشتاقة لرضي الله _عز وجل _هيا أختي لا تؤجلي كم من أخوات يتمنون ارتدائه ولكنهم لا يستطيعون بسبب رفض الأهل وغيرهم وسبحان الله ييسر الله لهم الحال

وإن شاء الله قريبا تبشرينا بلبسك النقاب وندعي الله لنا ولكِ بالهداية والثبات .

[عطر الجنان]

رد: النقاب

السلام عليكم ورحمة الله وبركاته

اختى الفاضلة ام احمد

ربنا يجازيكى كل خير يارب

لكنى مش شايفة اى سبب لترددكـ للبس النقاب

مجرد ما هتلبسيه ان شاء الله هتلتزمى بيه وهتلاقيه فرض عليكــ ِ حاجات مش كانت موجودة

بجد النقاب عفة للبنت

متقوليش خايفة ومش خايفة الكلام ده من الشيطان ولا تسوفى التوبة

مين عالم هنعيش لحد امتى وراى اغلب المشايخ انه فرض ولو حتى اخدنا انه فضيلة فهو فى زمن ليس فساق ولا فجور لكننا فى الزمن ده انتشر فيه الفساق والفجور فلازم نصون نفسنا

وحتى لو سنة فمين هيعمل السنة غيرنا احنا ؟

تقربى الى الله واعلمى زوجكــ انه كده هتكونى انتى ليه هو وبس محدش يقدر يشوف طيفكــ

وربنا ييسر لكــ الطاعات ويتقبل منكــ

وادعوا لى ربنا يمن عليا والبسه انا كمان

جزاكمــ الله خيرا

[ساعية الي جنة الرحمن]

رد: النقاب

توكلي علي الله اختي الكريمه ام احمد
والله انتي اول ما هتلبسي النقاب هتحسي ان كل المشاكل اتحلت والحساسية راحت زي ما نهلة قلتلك
ربنا لم يفرض علينا اي شيء فيه ضرر لينا
وكتير من اخواتي المنتقبات برده نفسهم ضعيف ولبسوه وسبحان الله ربنا بيعينا علي كل حاجة
متلتفتيش للوساوس دي خالص دة بس الشيطان علشان حاسس انك هتعملي طاعة كبيرة عايز
يثبطك ويحطلك اي حاجة تعطلك
لكن طالما انتي فعلا مقتنعة انو فرض وسمعتي الادلة لا يمكن تترددي في تأدية الفرض لان دة هو اللي بيوجب محبة الله سبحانه وتعالي (وما تقرب عبدي الي بشيء احب الي مما افترضته عليه..........)
والحمد لله ان زوجك موافق ربنا يتم عليكي نعمته يا رب ويرزقك لبس النقاب انتي وكل المسلمات يا رب
امممممممممممممممممممممممممممممممممين

[ام نظام]

رد: النقاب

مااااااااااشاء الله يا أم أحمد
مبااارك عليكِ لباس تاااج العفة
الف الف الف مباااارك
ربنا يثبتك يا أختي

[omamar]

يارب تقبل منا

اختى
كم انا سعيده
اسال الله ان يسعدك دنيا وأخره
ان شاء الله هتحسى بحلاوته ونشوته
وانك ملكه متوجه هتحسى بعزة الاسلام
والله ثم والله النقاب هذا نعمه
نصيحتى اليكى
حببى المحيطين بكى فى النقاب بسلوكك انتى
انا لست ذا علم ولافقه
لكن
ما حدث معى هو ذلك انا ايضا فى بيت عائله
وليل نهار لابساه ومعظم من حولى مش بيحبوه
بس بحبهم لى رويدا رويدا بدأوا يقتنعوا
اسال الله لكى الثبات
وان يذيقك حلاوته

[ام محمد المؤمن]

رد: النقاب

[((أم أحمد))]

رد: النقاب

جزاكم الله خير

يا ام نظام ويا ام عمار وام محمد المؤمن

بارك الله فيكم

بس عا يزة اٍا لكم سؤال

انا بلبس نظارة حاسة ان حرف النقاب بيدخل فى عينى

وبشده لتحت شوية اعمل ايه عشان اظبطه

انا لسة مستجدة ومش عارفة اظبطه كويس

ان شاء الله ربنا حيسر الحال

[لؤلؤه بنقابى]

رد: النقاب

جزاكم الله خير

يا ام نظام ويا ام عمار وام محمد المؤمن

بارك الله فيكم

بس عا يزة اسألكم سؤال

انا بلبس نظارة حاسة ان حرف النقاب بيدخل فى عينى

وبشده لتحت شوية اعمل ايه عشان اظبطه

انا لسة مستجدة ومش عارفة اظبطه كويس

ان شاء الله ربنا حيسر الحال

معلش عشان لسا فى الاول
اصبرى بس شويه و هتتعودى عليه ومش هتحسى بيه خالص
اظبطيه بالطريقه اللى تريحك وواحده واحده هتلاقى نفسك اتأقلمتى جدا
المهم مبااااااارك
و احكيلنا بقى احساسك ايه لما لبستيه؟