ادعولى ودلونى على الطريق الصح

[ام نظام]

رد: ادعولى ودلونى على الطريق الصح

أنا عااايزاكِ تشتركى معااانا فى الخااااص يااا أختى يااااااريت هناااك ناخذ رحتنا اكتر فى الكلام واناااا سعيدة بكِ وووووى وكلامك جميل ويدخل القلب عالطول ربنا يثبتك وينصرك ويفتح عليكِ ابواب الخير والفلاح والنجاااح

[آيه جمال]

رد: ادعولى ودلونى على الطريق الصح

أحبك يا رب ...........والله أنا أحببتك فى الله بدون أن اراكى أولا انك بتحاسبى نفسك بصراحه لكن حبيبتى انا هاقولك عندى واحده صاحبتى كانت تمر بمثل ما تمرين به لكنها ما زالت طالبه فى الجامعه اى ان العمر متقارب جدا ما بينكما على العموم انا هقولك هى بدات منين لان كل اللى انتى فيه بسبب تسلط الشيطان فعليكى1- اول حاجه سورة البقره اعرف انها صعبه فى الاول على من لم يعتاد على قراءة القران لكن التزمى بقرائتها كل يوم وستجدين خيرا كثيرا بأذن الله وانتى بنفسك اللى هتحسى بالفرق الكبير وياريت تردى عليا بأنك فعلا قرأتيها والله مشاكل عندك كتير باذن الله ستذهب لانى اشعر من كلامك ان هناك صراع داخلى بينك وبين الشيطان والمعاصى والوساوس
2-عليكى بالدعااااااااااااء ان يعينك الله على قراءة القران وان تدعى الله كثير
وياريت لو تدخلى على الخااااااااص علشان اقدر افيدك اكتر

[راجية رضى الرحمن]

رد: ادعولى ودلونى على الطريق الصح

ا
انا انشاء الله هبدا من انهارده قيام الليل فادعولى ربنا يعينى وكنت عايزه اسال انا كنت عايزه اصلى قيام الليل بنيه ان ربنا يسهلى طريقى اليه وارضيه واحفظ القران والبس النقاب ويرزقنى بالزوج الصالح فهل المفروض انى اصلى مثلا الى قدر عليه بالنيه ديه وبعدين اصلى قيام الليل بنيه انها صلاه تقربنى الى الله واقتداء بالرسول عليه السلام ومفيهاش اى نيه لطلب فى الدنيا .

ربنا يعينك أختي ويثبتك يارب ويؤخذ بناصيتك إليه ويرزقك الفرار إليه ويهديك لكل مايحبه ويرضاه من الأقوال والأفعال والأحوال.
بالنسبة لنيتك في القيام هي أنك تقومي الليل قربة إلى ربك حبيبك
وتصلي ماشئت ثم توتري والرسول صلى الله عليه وسلم كان يصلي إحدى عشرة ركعة.
فبدئي أنت بما سييسره الله لك ولا تشقي على نفسك لكي لا تملي بعد ذلك ثم ادعي الله جل وعلا في سجودك بكل ما تريديه .
وقولي لربنا كل اللي في قلبك .
ده شريط جميل عن القيام اسمعيه وقولي لي رأيك

http://www.islamway.com/?iw_s=Lesson...esson_id=56996

وسلسلة احبك ربي كمان أكثر من راااائعه لو كل يوم اسمعي شريط

http://www.way2allah.com/modules.php...Series&id=1123

ولو عايزه كتاب في كتاب أسمه " ففروا إلى الله " لأبي ذر القلموني
كتاب رااائع وشامل حاجات كثيره.

ربنا يطمنا عليك ونسمع عنك كل خير.

[يمامة المسجد]

رد: ادعولى ودلونى على الطريق الصح

اقولكم انا عملت ايه فعليا امبارح:
1- انا عاهدت نفسى على قراءه خزء من القران كل يوم وبدات امبارح فعلا وان شاء الله ربنا يعينى وازيد عليه بالتدريج
2- قولت لماما انى عايزه اشتر عابايات انا حاليا عندى اتنين ببدل فيهم ولما خرجت فى العيد خرجت بيهم ما لبستش لبس عادى , بس ماما كان اعتراضها على انى اشترى كله عبايات سوداء ومبدئيا قولتلها ممكن اجيب كحلى غامق اوبنى غامق لانى اصلا مبحبش الالوان الفاتحه قالتلى ماشى . وقولتلها على موضوع الخمار هى واخواتى مش راضيين وقالولى هاتى طرح طويله فطاوعتهم بس انا هروح لوحدى اشترى خمار واجربه واضبطه عليا واوريهلهم وان شاء الله يوافقم , بس كنت عايزه اعرف الخمارات ديه بتتباع جاهزه ولا بتتفصل؟
3-قرات امبارح موضوع اول مره اصلى وكان للصلاه طعم اخر موضوع جميل جدا واستدفت منه كتير وكتبت حاجات كتير منه انا ماكنتش باعملها عشان اداوم عليها
4- هنزل بكره ان شاء الله اعرف مواعيد حفظ القران فى المسجد عشان هيبدأ بكره وامشيها مع مواعيد شغلى.
5- انا بدات اعامل اخواتى كويس الى حدما مبقتش اتنرفز عليهم وربنا يقدرنى واقرب منهم زى زمان بس ادعولى
6-انا بأدعى ربنا ان بابا يوفق على لبسى الجديد ولبسى للنقاب انشاء الله فادعولى انتو كمان

ربنا يكرمك أختنا ويوفقك ويعينك

الخمار الأفضل تفصليه وفيه خياطين بتفصل كويس ... شوفي من في منطقتك أو قولي انت ِ من أين والأخوات يساعدوك ِ إن شاء الله

انا انشاء الله هبدا من انهارده قيام الليل فادعولى ربنا يعينى وكنت عايزه اسال انا كنت عايزه اصلى قيام الليل بنيه ان ربنا يسهلى طريقى اليه وارضيه واحفظ القران والبس النقاب ويرزقنى بالزوج الصالح فهل المفروض انى اصلى مثلا الى قدر عليه بالنيه ديه وبعدين اصلى قيام الليل بنيه انها صلاه تقربنى الى الله واقتداء بالرسول عليه السلام ومفيهاش اى نيه لطلب فى الدنيا .

وفى النهايه شكرا ليكم وجزاكم الله كل خير ولو فيه حاجه عايزين تقولولى عليها كتب اقراها واى حاجه اسمعها او اى عمل خير فانا مستنيه ردودكم وتقبل الله منى ومنكم وجمعنى بكم فى الجنه ان شاء الله.

أولا ملحوظة بسيطة وصغيرة : إن شاء الله تكتب هكذا وليس إنشاء فهناك فرق بين المشيئة والإنشاء

صلي وادعي في نفس الوقت

عارفة أحلى طعم للصلاة وانت ِ تحس إنك فعلا ً فقيرة ومحتاجة لربنا

وأفضل طعم للعبادة وقت الإبتلاء وقت ما انت ِ حاسة انك ضعيفة

بتحسي إنك قريبة جدا ً من ربنا ومع الله في معية خاصة ... معية الصابرين

وفقك ِ الله وأعانك ِ

[لؤلؤ ومرجان]

رد: ادعولى ودلونى على الطريق الصح

ما شاء الله عليكِ حبيبتي
أحبك يارب
ثبتكِ الله وأعانك ويسر عليكِ كل أمورك
بداية جميلة جدا وقوية
وبالنسبة لقيام الليل فاعلمي ان سهام الليل لا تخطئ فادعي فيها بما شئتِ حبيبتي وأنتِ موقنة بالإجابة
وفقكِ الله ومنتظرة باقي أخبارك الجميلة

[احبك يارب]

رد: ادعولى ودلونى على الطريق الصح

السلام عليكم ورحمه الله وبركاته

الاخت الفاضله ام نظام جزاك الله خيرا على اهتمامك بالموضوع واشكرك على دعواتك الجميله لى وادعو الله ان يجمعنى بك فى الجنه ان شاء الله.

اختى فى الله ايه احبك الله الذى احببتنى فيه واسال الله ان يظلنى واياكى تحت ظل عرشه يوم لا ظل الا ظله فانى والله احبك فى الله , انا لما قريت كلامك الجميل عيطت انى فعلا خساره عمرى راح وانا كنت فاكره ان مافيش حد ممكن يحب حد وينصحه ويساعده ويدعيلع كده بدون مقابل ولا مصلحه بس اول مادخلت المنتدى هنا وعفت كل الاخوات عرفت فعلا انى ماكنتش عايشه فجزاك الله كل خير , وبالنسبه لسوره البقره انا فعلا عارفه فضلها وكنت فى العشره الاواخر من رمضان بصلى بيها كامله ركعتين من القيام يوم ويوم بس انا ان شاء الله من انهارده مش هيعدى يوم من غير ماقرأها بأمر الله وجزاكى الله كل خيرا و وفقك للمزيد.

اختى راجيه رضى الرحمن اشكرك كثيرا وجزاك الله كل خير وان شاء الله انا هاسم ع شريط القيام واقولك راى فيه مع انى متاكده ان كل الاخوات هنا مبيجبوش الا الحاجات الحلوه الى تشجع وتعين فجزاك الله خيرا , وبالنسيه لسلسله احبك ربى انا نزلتها فعلا بس جيت اسمع اول حلقه فيها لاقيتها الحلقه الثالثه فياريت لو الاقى عندكم الحلقه الاولى اكون شاكره واوعدك ان شاء الله انى هاشترى الكتاب الى قولتيلى عليه واقراه ان شاء الله خلال اليومين الجايين ان شاء الله وجزاك الله خيرا.

اما اختى يمامه المسجد و اختى لؤلؤ ومرجان مش عارفه اشكركم ازاى ولا اقولكم ايه على متابعتى وتشجيعى من بدايه كتابتى للموضوع فجزاكم الله كل الخير وجمعنى بكم فى اعلى عليين مع الرسول عليه افضل الصلاه واتم التسليم ومع كل اخواتنا فى المنتدى

وبالنسبه لدخولى على الخاص انا بعت طلب ومستنيه رد اداره المنتدى ان شاء الله وادخل على طول, معلش انا مش بعرف ادخل يوميا على النت عشان ظروف شغلى ورسالتى بس هاحاول ادخل تانى انهارده عشان اقولكم انا عملت ايه وشكرا لكم

[((أم أحمد))]

رد: ادعولى ودلونى على الطريق الصح

اخواتى ماشاء الله مش تركوا حاجة ربنا يبارك فيهم
على فكرة كلنا مقصرين وكلنا عيوب لا نخلو منها ربنا يعينا عليها
اهم حاجة الصحبة الصالحة
وقرار العبايات كوييس جدا
ولا املك لكى الا الدعاء
ربنا يعينك على نفسك
ويسهل لكى الماجستير بدون اغضاب لله
ويصلح لكى حال الدنيا والاخرة
احبك فى الله

[آيه جمال]

رد: ادعولى ودلونى على الطريق الصح

أحبك يا رب والله احنا كلنا هنا اخواتك واحنا منتظرينك على الخاص بأذن الله واى مشكله احنا بنتعرضلها فبنلاقى هنا الصحبه الصالحه ولانسمع منهم الا الطيب وفعلا مثل ما قالت أم أحمد عبد القوى كلنا عيوب ودائما ما نخطىء ثم نرجع الى الله لكن أحيانا يتسلط علينا الشيطان بوساوسه الكريهه التى تجعل المرء يكاد أن يجن وأن يزرع فينا طبائع لم نكن نعتاد عليها فعلينا المسارعه باللجوء الى الله
لكن بالله عليكى ركزى على المحافظه على 1- الصلوات الخمس +2-قرااااااءة سورة البقره يوميا ولا تتخلى عنها مهما كنتى فى تعب يعنى حاولى تخصصيلها وقت ويوم بعد يوم هتلاقيها سهله فى قرائتها+3-الدعاء بأن يعينك الله على ما أنتى فيه ولا تكثرى على نفسك فى البدايه حتى لاتملى وتتركى كل هذا نهائيا

[راجية رضى الرحمن]

رد: ادعولى ودلونى على الطريق الصح

السلام عليكم ورحمة الله وبركاته
بارك الله فيك أختي وهداني الله وإياك وأصلح حالنا

أنا جبتلك السلسله بإذن الله كامله من موقع الشيخ

http://www.manhag.net/droos/files.php?cat=65

أبدئي بإذن الله من تحت من شريط " قلبي ملك ربي "

وبالنسبه يا أختي للقسم الخاص تقدمي طلب انضمام من لوحة التحكم الخاصه بيكِ
وكمان لا زم تقسمي إنك بنت في هذا الموضوع
https://forums.way2allah.com/showthre...=18164&page=86

منتظرينك وفقكِ الله لكل ما يحبه ويرضاه.

["بنت الإسلام"]

رد: ادعولى ودلونى على الطريق الصح

ربنا ييسر لكى الامر حبيبتى
ويرزقكى رضاه
ويرزقكى الزوج الصالح
انى احبكى فى الله

[nahla-111]

رد: ادعولى ودلونى على الطريق الصح

ما شاء الله عليكى حبيبتى اية الانطلاقة الجامدة دى ما شاء الله عليكى والله انا حبيبتك جدا و كلنا كنا كدا اصلا فى الاول و كل شوية كنا بنبطل حاجة حاجة و نثبت عليها و بعدين نعمل خطوة تانية بس انتى والله ما شاء الله عليكى اثبتى و عليكى بالدعاء فى قيام الليل بالثبات و ربنا يثبتك حبيبتى و يرزقك خير الدنيا والاخرة و يرزقك بجنةالفردوس الاعلى والزوج الصالح عاجلا غير اجلا مستنينك على الخاص بقى علشان نتكلم براحتنا

[لؤلؤ ومرجان]

رد: ادعولى ودلونى على الطريق الصح

السلام عليكم ورحمه الله وبركاته

اما اختى يمامه المسجد و اختى لؤلؤ ومرجان مش عارفه اشكركم ازاى ولا اقولكم ايه على متابعتى وتشجيعى من بدايه كتابتى للموضوع فجزاكم الله كل الخير وجمعنى بكم فى اعلى عليين مع الرسول عليه افضل الصلاه واتم التسليم ومع كل اخواتنا فى المنتدى

وعليكم السلام ورحمة الله وبركاته أختي الغالية
أحبك يا رب
جزاكِ الله خيرا على الدعاء الجميل وأسأل الله أن يثبتك
ولا شكر على واجب أختي فهذا أقل شئ نستطيع أن نقدمه لكِ ولو في أي شئ آخر أطلبي ونحن تحت أمرك
ألقاكِ على خير

[احبك يارب]

رد: ادعولى ودلونى على الطريق الصح

السلام عليكم ورحمه الله وبركاته

ازيكم يا اخواتى فى الله وحشتونى والله كلكم وادعو الله العلى القدير ان تكونوا جميعا فى اتم الصحه واحسن الاحوال والى الله اقرب

سامحونى على الغياب الطويل الفتره الى فاتت بس الدراسه على ابواب والواحد بقى بيستعد بس انا الحمد لله اطمنكم انى بخير الحمد لله وماشيه تمام بفضل الله عليه مع انى كنت خايفه انى انزل الشارع بعد رمضان وارجع الكليه بالشكل الجميل بتاع العبايات بس الحمد لله عدت ويارب يعنى واخد خطوه النقاب قريب

انا النهارده داخله مخصوص عشان احكيلكم على موقف حصل قدامى انهارده اتاثرت بيه جدا وحبيت احكيهلكم عشان اول ماحصل قدامى افتكرتكم علطول الموقف هو :

كنت فى احد المساجد انهارده مع مجموعه الاخوات الى اتعرفت عليهم فى رمضان الى قبل الى فات كانم بيعملو مطويات عشان يوزعوها على طابات الفرقه الاولى فى بدايه العام الجديد كنوع من الدعوه لله وفى وسط مااحنا منهمكين فى العمل قامت اخت فى الله واشهد الله انى احبها فى الله وهى الى كان ليها تاثير كبير فى انى اعيد النظر فى حياتى من اول وجديد لان قد ايه هيه نشيطه جدا فى الدعوه ومجتهده على الرغم من انها طالبه فى كليه طب وعندها امتحانات دلوقت واسال الله ان يوفقها ويكتب لها الخير ويجمعنى بها واياكم فى الجنه , المهم قامت تقول كلمه تعرفنا ازاى ندعوا لله ونامر بالمعروف وانهى عن المنكر ورزقنا على الله وفى نص الكلام جابت سيره الصحبه الصالحه ودورها المهم جدا فى الثبات والاسراع نحو الله وبعدين لاقينها بتضرب مثل باحدى صديقاتهم ماتت عليها رحمه الله منذ اكثر من عام فى حادث اليم بس كانت شعله من النور فى طريق الدعوه لله بالافكار والدعم المادى والكتابات وحاجات كتير وكلهم كانم بيحبوها وقلتلنا ان كل اصحابهم لحد دلوقتى بيعملولها صدقه جاريه ويدعولها وبيبكم عليها كانها ماتت امبارح وكانم لما يدعوا فى رمضان يدعولها قبل مايدعوا لنفسهم وفى بعض البنات باعم دهبهم عشان يعملولها صدقه جاريه

لما قالت كده اتاثرت جدا بكلامها وهيه كانت بتبكى كما لو كانت لسه ماتت امبارح ماكنتش اعرف ان فى حد ممكن يحب حد كده ويفتكره ويدعيله ويعمله صدقات جاريه علطول بعد وفاته لان دايما الناس لما بيموت حد عزيز عليهم اكتر حاجه يفضلو فاكرينه بالكتير 6 شهور ده يعنى لما يبقى غالى قوى وهمه مخلصين له وبيحبوه قوى وبعد كده لو جت سيرته بالصدفه ولا جيه على بالهم صدفه برضه يقولوا الله يرحمه وبس لكن البنت ديه اكيد كانت مش عاديه الله يرحمها ويسكنها فسيح جناته انا ماكنتش اعرفها بس من كلام الناس عليها وقد ايه هيه كانت بتحب ربنا انا حبيتها واتمنيت لو كنت اعرفها وبدعيلها وكلكم كمان ادعولها ربنا يرحمها ويرزقها الفردوس الاعلى .

المهم انا انهارده عرفت فعلا قيمه الصحبه الصالحه وافتكرتكم لانى كان زمانى فى حال لا يعلمها الا الله ولكن بفضل الله على ثم بمعرفتكم انا مارجعتش للوراء بعد رمضان زى كل سنه بل الحمدلله اتقدمت خطوه وان كانت لسه صغيره بس الحمد لله وان شاء الله هكمل بكرم الله ثم بمساعدتكم وتشجيعكم .

[رحيق العفة]

رد: ادعولى ودلونى على الطريق الصح

عودا حميدا اختي افرحني تواجدك معنا من جديد

نعم اخيتي الصحبة الصالحة هي اهم شئ ربنا يرزقنا الصحبة الصالحة ويجعلهم عون لنا علي الخير

واسأل الله لنا ولكِ الثبات

وإن شاء الله قريبا تبشرينا بلبس النقاب

[احبك يارب]

رد: ادعولى ودلونى على الطريق الصح

شكرا رحيق العفه وجزاكى الله خيرا و والله انى احبك فى الله