Tweet
كل سنه يهل علينا هلال رمضان
تبتدى سلسلة العزومات
النهارده معزومين بكره عازمين بعده معزومين
ويضيع رمضان بين عزومه هنا وعزومه هناك
وكئن رمضان ده شهر العزومات والاكل
وطبعا العزومات دى لا تخلو من قلنا وقالوا
وعملوا وسوا
الواحد نفسه يجى رمضان من غير عزومات تضيع الاوقات
::
وبما ان هذا من المستحيل
فيجب تقنين الموضوع ده
طبعا هتسالى ازاااااااى؟
وحتى لو مسالتيش انا هقولك
نحدد ايام معينه ..هنقول الحد الاقصى
10
5 بره
5 عندنا
المهم ان الايام دى هناكل ونمشى لا نضيع الاوقات
نروح نصلى التراويح
ويكون اليوم الطبيعى بتاعنا فى رمضان
وكلما كان عدد العزومات اقل كلما كان افضل
وبالنسبه لثواب افطار الصائم
فده ممكن يكون على تمر
مش لازم يعنى عزومه تضيعى فيها وقتك طول اليوم
وصلة الارحام ممكن تتعمل بزياره سريعه
مش ضرورى بالعزومات
اسال الله الايجعلنا من المضيعين لاوقاتهم فى رمضان
تعليق