نفسى البس الاسدال بس مش قادرة

[روضـ الحياة ــة]

رد: نفسى البس الاسدال بس مش قادرة

السلام عليكم ورحمة الله وبركاته
انا عضوة جديدة في المنتدي ارجو المساعدة جزاكم الله خيرا

وعليكم السلام ورحمة الله وبركاته

اهلا بيكِ معنا اختى

ولكن اى مساعدة تحتاجين .... نحن معكِ إن شاء الله

[عفيفة بنقابي]

رد: نفسى البس الاسدال بس مش قادرة

انا كان عندي مشكله ينفع اتكلم معاكي فيها

[ام نظام]

رد: نفسى البس الاسدال بس مش قادرة

انا كان عندي مشكله ينفع اتكلم معاكي فيها

أختى العفيفة بنقابى ياااريت تشتركى معانا فى الخاص قسم لا يراه الا الاخوااات وهذا رابط الاشتراك
https://forums.way2allah.com/showthread.php?t=18164

[عفيفة بنقابي]

رد: نفسى البس الاسدال بس مش قادرة

انا عندي مشكله هل ينفع اتكلم معاكي فيها

[ام نظام]

رد: نفسى البس الاسدال بس مش قادرة

انا عندي مشكله هل ينفع اتكلم معاكي فيها

أختى أشتركى فى الخاااص وهناك نتكلم براااحتنا إن شاء الله مستنيينك

[عفيفة بنقابي]

رد: نفسى البس الاسدال بس مش قادرة

طيب اشترك ازاي الله يبارك فيك

[عفيفة بنقابي]

رد: نفسى البس الاسدال بس مش قادرة

انا فتحت اللينك الي حضرتك كتبتيه ورحة كتبت رساله للمشرفه غفرانك ومستنيه ان شاء الله خير

[ام نظام]

رد: نفسى البس الاسدال بس مش قادرة

انا فتحت اللينك الي حضرتك كتبتيه ورحة كتبت رساله للمشرفه غفرانك ومستنيه ان شاء الله خير

روحتى للوحة التحكم زى ما قالتك ؟؟؟

["بنت الإسلام"]

رد: نفسى البس الاسدال بس مش قادرة

انا كان عندي مشكله ينفع اتكلم معاكي فيها

أخيتى أى مشكلة أرجو كتبته بهذا الموضوع
ஓ♥♡ღ◦˚°هنا نستمع إليكِ اخيتي ونمد يدنا لكِ .. فلا تترددى ஓ♥♡ღ◦˚°
وإن كانت المشكلة خاصة جدا فسجلى بالخاص
كما قالت لكِ الأخت "أم نظام"
يسر الله لكِ الأمر أختاه

["بنت الإسلام"]

رد: نفسى البس الاسدال بس مش قادرة

السلام عليكم ورحمة الله وبركاته اولا انا عمرى .. سنة وعندى مشكلة وهى انى امبارح كنت قاعدة على النت وقرات موضوع عن الزى الشرعى وفجأة حسيت انى عايزة البس اسدال لكن المشكلة انى مش قادرة انا من امبارح وانا فى حوار مع نفسى البسه ولا لا مش قادرة اخد قرار ده غير انى سمعت من احد الشيوخ انه الاسدال ده مش صح لان فيه تشبه بنساء الشيعة انا بجد هتجنن مش عارفة اعمل ايه كل اما اجى اخد قرار بانى خلاص هلبسه الاقى نفسى بفكر فى كذا عائق منه ان اهلى ممكن ميوافقوش و انى بعد ما البسه فترة ارجع احن للبسى العادى اللى كنت بلبسه انا الحمد له متحجبة من 4 سنين لكن اكيد لبسى فيه الكويس وفيه الوحش انه انا ساعات بلبس بناطيل صحيح هى واسعة وعليها بلوزة لغاية فوق الركبة بحاجة بسيطة لكن برضه اسمها بناطيل انا بجد مش عارفة احترت ناس تقولى البسى جيبات وعليها بلوزات هتدارى وهتبقى زى شرعى وناس تقولى لا ده مش زى شرعى انا بجد تعبانة ونفسى عمالة تطلعلى قدامى الف عائق كل ما افكر فى الموضوع انا خايفة اخد الخطوة والبس الاسدال لكن بعد فترة احن تانى للبسى واحن انى البس زى كل البنات اللى فى سنى فارجع اقلعه وخايفة كمان من رفض اهلى ورفض اللى حواليا انى البسه انا بجد خلاص تعبت مش عارفة افكر ولا عارفة اخد قرار مش عارفة اعمل ايه بجد

أخيتى الأمر ليس له علاقة بالسن
فكثيرات بسنك أو أصرغر منكِ وبيلبسوا الإسدال والملحفة والنقاب
الأمر يحتج إلى همة إلى رغبة فى تنفيذ شرع الله
وهذا ما شعرته منكِ
فلا تترددى
اقبلى ولا تخافى
متحسبيهاش
اقبلى على الله ولن يضيعكِ الله
يسر الله لكِ الأمر أخيتى ورزقنا واياااااكِ رضا الله

["بنت الإسلام"]

رد: نفسى البس الاسدال بس مش قادرة

أخيتى"قررت أغير حياتى"
ننتظر منكِ البشرى فى أقرب وقت
يسر الله لكِ أخيتى

[زهرة الكون]

رد: نفسى البس الاسدال بس مش قادرة

أنا كنت بمر بفس ظروفك أختي ، وكنت في حيرة شديدة ،بس الحمد لله بعت زيك بالظبط لأحد المنتديات الإسلامية ، نصحوني كتير وثبتوني عليه بفضل ربنا والحمد لله قبل ماالبسه صليت استخارة ودعيت ربنا يارب لو لبسته مترجعنيش للبسي الأولاني تاني ، وحببني فيه، متخلنيش أندم في مرة إني لبسته ، واتوكلت علي ربنا ولبسته ،علي الرغم من العوائق اللي واجهتني ،بس الحمد لله مهمنيش كلام الناس ، ومضيت في طريقي طريق العفة والنقاء ، ومن يوميها وأنا حاسة إني فخورة إني لابساه وإن شاء الله الفرحة هتكون أكبر لما ألبس أنا وإنتي النقاب بإذن الله ، والحمد لله عمري مبصيت للبس أصحابي

[ساكنه طيبه ام عبودي]

رد: نفسى البس الاسدال بس مش قادرة

اختي توكلي على الله متتردديش انا عايشه في السعوديه والنساء هنا اغلبهم لابسين يا اما اسدال او عبايات وطبعا لابسين النقاب انا كنت بلبس لبس عادي وانا في مصر بس لما جيت السعوديه وشفت الجمال والعفه والطهاره في لباس النساء هنا بصراحه انا غرت منهم وعرفت ان الاحتشام حلو ومش اي واحده ربنا يكرمها ؤيهديها لكده لان ده فضل كبيرانا حاسه اني هباركلك قريب على الاسدال وبعدها بشويه هباركلك على النقاب لانك هتحسي بحلاوه الايمان وحلاوه طاعه الله تبارك وتعالى وانا هدعي ربنا يوفقك ويهديكي وجزاكي الله خير

[مشتاقة للكعبة]

رد: نفسى البس الاسدال بس مش قادرة

اختى قررت اغير حياتى
انا كنت زيك كدة بالظبط وعذراكى فى كل اللى بيدور فى دماغك انا من زمان وكان نفسى البسه بس الشيطان كان بيلعب فى دماغى كتييييييير اوى ومكنش سيبنى فى حالى اعدت ادعى لربنا كتير وفى اخت عرفتها عن طريق النت ربنا يباركلها شجعتنى عليه جداااااااااا وبعتتلى انشودة لاحمد ابو خاطر يقول فيها فليقولو عن حجابى لاوربى لن ابالى فليقولو عن حجابى انه يفنى شبابى وليغالو فى عتابى ان للدين انتسابى لاوربى لن ابلى همتى مثل الجبال اى معنى للجمال ان غدى سهل المنال؟ وبدات تنزل الكلمات بتاعة الانشودة على قلبى زى السهام وبدأت ابكى واقول ايه اللى كنا بنعمله فى نفسنا ده وفعلا الحمد لله ارتديته ومقولكيش بقى على احساس السعادة والفرحة اللى كنت فيها ياخبر مهما اوصفهالك هتحتاج لصفحات وصفحات وبقيت ماشية فى الشارع حاسة ان الناس بتقول اهى دى البنات المحترمة بجد مش اللى حاطة منديل على راسها وبيبقو كاسيات عاريات بصى لو كنتى خايفة انك تقلعيه فكرى قولى انا هقلعه ليه؟؟؟؟؟ اسالى نفسك وعشان مين فى حد اغلى من ربنا عشان اقلع الاسدال عشانه لا وربى مافى حد اغلى منك يارب طب الدنيا والله ماتساوى جناح بعوضة عند الله لو كانت تساوى جناح بعوضة عند الله ماكان سقى الكفار قطرة مياه واحدة حبيبتى الدنيا زائلة وتذكرى حينما تطوى وحيدة فى القبر محدش هينفعك غير عملك
اسال الله ان يلبسك ويلبسنا معكى لباس العفة والطهارة
وادعيلى انا كمان بلبس النقاب

[تلميذة حازم شومان .]

رد: نفسى البس الاسدال بس مش قادرة

اختى انا كانت
زيكى والله حموت والبس الاسدال
وحاجة تقوليلى مش حتقدرى
لحد ما قولتى لنفسى انا عايزة مين الله ولا ايه
بحب الله ولا نفسى
بسمع كلام مين نفسى ولا الله
والحمدلله استعنت بالله ولبست الاسدال
والله حاسة بعز وحاسة انى ملكة عقبال النقاب
ياررررررررررررررررررررررررررررررررب
صدقنى لا تسمع حوارت نفسك او غيرك
انك مش حتقدرى لالالالالا
اول ما تلبسه حتقولى ياريتنى لبسته من زمان
ربنا يهدينى ويهديكى وبنات المسلمين