نفسى البس النقاب بس مش قادرة..,ساعدونى

[أمة الله90]

السلام عليكم
أحبتى فى الله
انا مشتركة لسة جديدة
واتمنى من الله ان نكون صحبة صالحة له
انا لسة مبتدئة اكون ملتزمة

ونفسى ربنا يرزقنى بلبس نقاب
بس مش قادرة ومش عارفة

لحاجات كتير
اول شئ:
انى لما البس نقاب المفروض اكون قدوة لغيرى بس انا لسة مبتدئة ومعرفش فى الدين كويس
ثانى شئ:
انى مش جميلة وشكلى عادى ونقاب اعتقد للجمال
وحاجة تانية ماثرة عليا
انى لسة مش اتخطبت ومش احب لما يجى لى عريس يجى يشوفنى ويقول مثلا انى مش حلوة
ساعتها هتاثر اوى ان جة ولمجرد ان شاف شكلى قال كدا
بس انا الحمدلله شكلى مقبول


مش عارفة الشيطان بيضحك عليا ولالا
بس انا نفسى ازود فى طاعة اوى
نفسى اكون كويسة بزيادة والبس نقاب
لان البس دا مش عجبنى
خايفة اموت ويكون نقاب فرض وربنا يحسبنى علية

ومفيش حد مشجعنى
ومش لاقية حد
وخايفة اتاثر بالى حواليا
وارجع

ارجوكم افدونى

[رحيق العفة]

رد: نفسى البس النقاب بس مش قادرة..,ساعدونى

السلام عليكم

وعليكم السلام ورحمة الله وبركاته


أحبتى فى الله
انا مشتركة لسة جديدة

ازداد المنتدي نورا بتواجدك

واتمنى من الله ان نكون صحبة صالحة له

ان شاء الله ستجدي الصحبة الصالحة

انا لسة مبتدئة اكون ملتزمة

اسأل الله ان يثبتك ويعينك علي طاعته

ونفسى ربنا يرزقنى بلبس نقاب


بس مش قادرة ومش عارفة

لا لا لا نريد هذا الا تحبي ان يرفع عملك وانتي اخذتي القرار بلسبه اليوم والبعد عن وساوس الشيطان

لحاجات كتير

اول شئ:
انى لما البس نقاب المفروض اكون قدوة لغيرى بس انا لسة مبتدئة ومعرفش فى الدين كويس

ان شاء الله ستكونين قدوة لغيرك بالمعاملة والاخلاق الحسنة فلا تتركي نفسك لوساوس الشيطان
و النقاب لك حافز علي التعلم لانك ستوكني حريصة دائما ان تكوني قدوة صالحة لغيرك

ثانى شئ:
انى مش جميلة وشكلى عادى ونقاب اعتقد للجمال

ومين قال كده ربما انتي تعتقدي هذا لكنك من الممكن ان تكوني فتنة لغيرك والنقاب فرض علي جميع المؤمنات

وحاجة تانية ماثرة عليا
انى لسة مش اتخطبت ومش احب لما يجى لى عريس يجى يشوفنى ويقول مثلا انى مش حلوة
ساعتها هتاثر اوى انه جة ولمجرد ان شاف شكلى قال كدا
بس انا الحمدلله شكلى مقبول

والله أختي هذا رزق من الله ونصيب وما هو مكتوب لكِ ستريه سواء بنقاب أو بغير النقاب فرضي الله عز وجل أولي لكِ فلا تؤجلي اتخاذ القرار واسأل الله ان يرزقكِ الزوج الصالح وجميع بنات المسلمين

مش عارفة الشيطان بيضحك عليا ولالا

اكيد طبعا

بس انا نفسى ازود فى طاعة اوى
نفسى اكون كويسة بزيادة والبس نقاب
لان البس دا مش عجبنى
خايفة اموت ويكون نقاب فرض وربنا يحسبنى علية

ساحضر لكِ إّن شاء الله الان موضوع جميل لقراءته

ومفيش حد مشجعنى
ومش لاقية حد
وخايفة اتاثر بالى حواليا
وارجع

ان شاء الله لن ترجعي ولكن اخلصي النية لله عز وجل وسيسر الله لكِ الحال وسنقف جميعا معكِ

ارجوكم افدونى

[رحيق العفة]

رد: نفسى البس النقاب بس مش قادرة..,ساعدونى

هيا أختي نتخذ القرار الآن

قال تعالى ( وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ ) النور 31

لا تقل من اين ابدأ****** طاعة الله البداية
لا تقل اين طريقي****** شرع الله الهداية
لا تقل اين نعيمي****** جنة الله كفاية
لا تقل غدا سأبدأ****** ربما تأتي النهاية

محجبة ولكن..!!

وجوب النقاب فى زمان الفتن


ادلة وجوب النقاب من القرآن والسنة

[أم ليوث الجهاد]

رد: نفسى البس النقاب بس مش قادرة..,ساعدونى

السلام عليكم
وعليكم السلام ورحمة الله وبركاته
أحبتى فى الله
انا مشتركة لسة جديدة
واتمنى من الله ان نكون صحبة صالحة له
اللهم آمين
انا لسة مبتدئة اكون ملتزمة
ثبتك الله وجعلك من الداعيات إليه
ونفسى ربنا يرزقنى بلبس نقاب
يا رب يا أختي
بس مش قادرة ومش عارفة
لا إن شاء الله هتقدري فقط استعيني بالله الكريم
لحاجات كتير
اول شئ:
انى لما البس نقاب المفروض اكون قدوة لغيرى بس انا لسة مبتدئة ومعرفش فى الدين كويس
طيب أختي ينفع نترك الصلاة لأننا لا نصلح أن نكون قدوات ؟
طبعا لاء .. فلا يصح أن نترك النقاب لأننا لسنا بقدوات
بل نرتدي النقاب ونكون قدوات
ازاي ؟؟
نستعن بالله ونتذلل إليه
ثانى شئ:
انى مش جميلة وشكلى عادى ونقاب اعتقد للجمال
أخيتي أكيد تذكري قصة المرأة السوداء التي كانت تصرع وتتكشف
وأيضا ربما يكون هذا من الشيطان
هو عايز إيه منك غير انك تعصي الله سبحنه وتعالى
وحاجة تانية ماثرة عليا
انى لسة مش اتخطبت ومش احب لما يجى لى عريس يجى يشوفنى ويقول مثلا انى مش حلوة
ساعتها هتاثر اوى ان جة ولمجرد ان شاف شكلى قال كدا
بس انا الحمدلله شكلى مقبول
لا يا أختي بلاش يكون تفكيرك كده
أولاً :- والله الذي لا إله غيره لا نقاب ولا جمال ولا تعليم ولا منصب سيغير من كتبه الله لكِ ليكون زوجك
استعيذي بالله يا أختي
ثانياً :- مش أي حد يتقدم لخطبتك يدخل بيتك ويراكِ أختي
(لا)
لا يراكِ إلا من ترضين دينه وخلقه وبه المواصفات التي تمنيها

مش عارفة الشيطان بيضحك عليا ولالا
هو لا يرد إلا أن تعصي ربك أنتِ أقوى منه بالإستعانة بالله جل جلاله
بس انا نفسى ازود فى طاعة اوى
النقاب هيجعلك تزدادي طاعة إن شاء الله
نفسى اكون كويسة بزيادة والبس نقاب
لان البس دا مش عجبنى
خايفة اموت ويكون نقاب فرض وربنا يحسبنى علية
توكلي على الله وارتدي النقاب رعاكِ الله
ومفيش حد مشجعنى
ومش لاقية حد
ومن شجع صحابة رسول الله صلى الله عليه وسلم على الدخول في الإسلام والتضحية من أجله ؟
وخايفة اتاثر بالى حواليا
وارجع
اصدقي الله وتوكلي عليه واسألي الله دائما الثبات على الحق
والله لن يضيعك
ارجوكم افدونى
يا رب أكون أفدتك

هذه محاضرة طيبة جدا لدكتور / حازم شومان - حفظه الله -

بعنوان مستنية إيه
اسمعيها أختي والله رائعة وبإذن الله ستكون سبباً في ارتدائك النقاب
مستنية ايه

[غــداً نــلــقــى الأحــبــة]

رد: نفسى البس النقاب بس مش قادرة..,ساعدونى

السلام عليكم ورحمة الله وبركاته

أختنا أمة الله
مرحباً بكِ معنا فى المنتدى
نورتينا
وإن شاء الله نكون صحبة ليكى وتكونى صحبة لينا

ربنا يثبتك ويزيدك ويرزقك من حيث لا تحتسبين ياااارب

أنا منتقبة من سنة و 4 شهور بس
وكنت مترددة زيك كدة
ولما لبسته بفضل الله وذقت حلاوته قلت ياااربى أنا كنت غافلة فين من زمان ؟ ده أنا لو أعرف كدة كنت لبسته من زماااااان

انى لما البس نقاب المفروض اكون قدوة لغيرى بس انا لسة مبتدئة ومعرفش فى الدين كويس

عارفة يا أمة الله
ده مدخل من مداخل الشيطان زى ما انتى قولتى
تقولى ألبس النقاب .. الشيطان يقولك انتى هتسوأى صورة النقاب اصبرى لما تعرفى فى الدين !
تقوليله طيب أنا عايزة أعرف فى الدين ... يقولك الدين ده بتاع المنتقبات انما انتى عادية وبتلبسى لبس عادى فلما توصلى لهم ابقى اتعلمى لكن انتى عمرك ما هتبقى زيهم وهتفضلى دايماً ناقصك حاجة ( الشيطان هو اللى هيقولك كدة يعنى )
تقوليله طيب ألبسه .. يقولك ...
وهكذا
يفضل الشيطان مدوخك وراه فى حلقة مفرغة
تيجى له من هنا ييجى لك من هنا ... لغاية ما يقعدك كدة من غير زيادة فى تعلم الدين ومن غير نقاب
ويا ريته هيقف عند كدة وبس
ده شوية شوية كمان هيدخل على طاعاتك التانية اللى بتعمليها ( يقولك وقفى حفظ القرءان ... وقفى الصلاة .. قصرى طرحتك ... )
نعوذ بالله من كيد الشيطان
فاللى يتعرف على الشيطان كويس ويعرف حقده علينا أد إيه ويعرف هدفه .. هيحاول ما يسمعش كلامه

فانتى ما تخافيش من النقطة دى أختى
خدى خطوة النقاب وبعدها هتلاقى ربنا أكرمك بسلسلة من الطاعات ورا النقاب على طول
وده عن تجربة من كل المنتقبات
زى ما المعصية بتجر وراها معصية
كذلك الطاعة بتجر وراها طاعة ... اللهم بارك

وأنا كنت خايفة زيك من نفس النقطة
ولكن لما انتقبت ربنا زادنى بفضله
والنقاب خلانى ألتزم بحاجات كتير كنت مش بعملها الأول
وخلانى أنتهى عن حاجات وحشة كتير كنت بعملها الأول بسهولة

وده ما حسسنيش انى متقيدة أبداً والله

انى مش جميلة وشكلى عادى ونقاب اعتقد للجمال

أنا كمان مش جميلة جمال باهر يا أمة الله
وأختى كذلك منتقبة ومش جميلة جمال باهر

وكتير كانوا بيحبطونا حتى بعد ما لبسناه ويقولوا لنا فى وشنا كدة النقاب للجميلات انتوا لابسينه ليه ؟ ... حتى أقرب الناس لينا كانوا بيقولوا لنا كدة
لكن بفضل الله ربنا كان بيثبتنا وما كناش بنتأثر بكلامهم

طيب أنا هقولك حاجة
أنا شعرى مش ناعم ... هل أخلع الطرحة ؟ وأمشى بشعرى ؟ عشان هو مش جميل ومش هيفتن حد ؟
أكيد لأ
طيب ليه ؟
عشان الحجاب أمر الله لكل النساء ( سواء شعرهم ناعم أو خشن )
وليس أمر الله للبنات اللى شعرهم ناعم بس !

وكذلك النقاب
أمر الله .. فى زمن الفتن هذا
وفين دليل انه للجميلات بس ؟
ومين اللى بيقيس مستوى الجمال ويحدد دى تلبسه ودى لأ ؟

الجمال ده نسبى
فيه شباب يعجبهم البنات البيضاء
وفيه شباب تعجبهم الفتيات السمراء وتلفت نظرهم وتفتنهم ( رغم انها فى تعريف الجمال عندنا ... السمراء مش جميلة !! )
وشباب تعجبهم القصيرة .. أو التخينة أوى .. أو .. أو ...

وأكبر دليل اننا لو نظرنا دلوقتى لحال الشباب الفاسد اللى بيعاكس البنات مثلاً
هل بيعاكس البنت اللى جمالها فاتن ؟
لأ
الشباب بيعاكس السمرا زى ما بيعاكس البيضا
وبيعاكس اللى بنقول عليها وحشة زى ما بيعاكس الحلوة

وآخر حاجة بقى أقولها لك
ان مفيش بنت مش جميلة يا أمة الله
وفى النهاية هلاقى نوع من الشباب يعجبه جمالك ويُفتن بيكى

ولو الشيطان بيضحك عليكى ويقولك النقاب للجميلات وانتى مش جميلة
فأنصحك تقرأى عن النقاب أو تسمعى عنه
لان انتى كدة مش لاقية سبب للبس النقاب غير للجمال
انما النقاب ليه اسباب كتيرة تخليكى تلبسيه حتى لو مش جميلة
زى مثلاً ما قولتى فى أول كلامك انك نفسى تقربى لربنا ويرضى عنك
طيب ما هى دى طاعة هتقربك من ربنا وترضيه عنك بإذن الله
وقال رسول الله صلى الله عليه وسلم : " إن الله حيى ستير يحب الحياء ويحب الستر "
فكل ما تزيدى ستر ( بالنقاب ) كل ما ربنا يحبك !
ولو ربنا أحبك هيحصل إيه ؟
هتتحل مشاكلنا فى الدنيا كلها
قال رسول الله صلى الله عليه وسلم فى الحديث القدسى : " ... ولا يزال عبدى يتقرب إلى بالنوافل حتى أحبه , فإذا أحببته كنت سمعه الذى يسمع به وبصره الذى يبصر به ويده التى يبطش بها ورجله التى يمشى بها , ولئن سألنى لأعطينه , ولئن استعاذنى لأعيذنه , وما ترددت عن شئ أنا فاعله ترددى عن قبض نفس المؤمن يكره الموت وأكره مساءته "

فيه حد عايز حاجة أكتر من كدة ؟
ان ربنا يحبه ؟
ان ربنا يحفظ بصره وسمعه ورجله ويده عن الحرام ويحول بينهم وبين الحرام ؟
ان ربنا يعطيه كل ما يسأله ؟
ان ربنا يحفظه ؟

يااااه ... هو احنا نطول يااارب
ربنا يرزقنا حبه اللهم آمين

وأسباب تانية كتير أوى يا أمة الله تخليكى تركنى نقطة الجمال على جنب وتحبى النقال وتلبسيه

وحاجة تانية ماثرة عليا
انى لسة مش اتخطبت ومش احب لما يجى لى عريس يجى يشوفنى ويقول مثلا انى مش حلوة
ساعتها هتاثر اوى ان جة ولمجرد ان شاف شكلى قال كدا
بس انا الحمدلله شكلى مقبول

يا أمة الله
الزواج ده قدر ... مكتوب لك من 50 ألف سنة
يعنى أمر انتهى خلاص
مكتوب هيتقدم لك واحد فى يوم كذا وهيتزوجك يوم كذا
سواء بقى اتقدملك قبله كتير ورفضتيهم
أو اتقدملك قبله كتير ورفضوكى

ان واحد يدخل البيت ويقول لأ أنا خلاص مش عايزها ... ده سبب وبس
سبب اتحط فى الطريق وقف الموضوع لان الانسان ده مش هو اللى ربنا قدر انه هيتزوجك

وانا عايزاكى يكون عندك ثقة فى نفسك دايماً
حتى لو ألف واحد قالوا عليا مش جميلة .. مش مهم
فيه واحد بعد الألف هيشوفك جميلة فى عينه ... زوجك
وحتى لو الدنيا كلها بتقول مش جميلة ... مش مهم
المهم أكون جميلة عند ربنا
" إن الله لا ينظر إلى صوركم ولكن ينظر إلى أعمالكم "

فنقطة الزواج ما تفكريش فيها تانى وما تقلقيش منها

ومفيش حد مشجعنى
ومش لاقية حد
وخايفة اتاثر بالى حواليا
وارجع

احنا بنشجعك أهو
اقبلى صحبتنا واقبلى كلامنا واستجيبى وهتلاقينا دايماً جنبك وتحت أمرك لو احتجتى أى مساعدة

ربنا يثبتك ويحفظك ويزيدك ياااارب

أنصحك تسمعى الدرس اللى جابته أم ليث جزاها الله خيراً ( مستنية إيه ؟ ) لدكتور حازم شومان
أكثر من رائع وإن شاء الله ينفعك ويكون له اثر فى خطوتك دى

وساعة ما جيت أنتقب قلت لوحدة صاحبتى انصحينى أسمع إيه بحيث يشجعنى على لبس النقاب ؟
قالت لى اسمعى عن الدار الآخرة !
استغربت كلمتها جداً وقولتلها أحسبك هتقوليلى أسمعى أدلة النقاب أو حاجة زى كدة
قالت لى مانتى لو سمعتى عن الدار الآخرة .. وعرفتى قدر الدنيا ... هتعرفى ان الدنيا دى ما تستاهلش وهتعملى الخطوة بكل سرعة وإصرار وحب وعزيمة وهتواجهى كل اللى هيعارضوكى

وانتى هتلاقى فى النقاب دنيا تااااااانية جميلة أوى يا أمة الله
دنيا المنتقبات
ربنا يرزقك ياااارب

يلا منتظرين ردك علينا
وإن شاء الله تأخدى الخطوة دى قبل رمضان وتدخلى رمضان بطاعة جديدة وقلب مطمئن

يلا لبستيه ولا لسة ؟
ربنا يرزقك إياه يااارب

[دعاء مصطفى]

رد: نفسى البس النقاب بس مش قادرة..,ساعدونى

يا امة الله...انا غيرانة..شوفتي كل البنات بتحبك ازاي و بتشجعك...
احمدي ربنا انه وصلك لهنا علشان تسمعي الكلام الجميل ده...ربنا يهديك يا حبيبتي و يسدد خطاك و يرزقك الزوج الصالح

(و لعلمك..الزوج اللي حيجيلك حييجي علشان انت لابسة نقابك و حيكون واثق فيكي انك مش زي بنات تانية و مش حيبص على جمالك زي ما حيبص على قلبك...)

البسي النقاب و اصلحي قلبك وربنا ان شاء الله حيرضى عنك بيه و انت عارفة بقى اللي ربنا راضي عنه بيبقى حاله ايه؟؟؟....
بس انا برضو غيرانه((امزح معك))

اقسم اني احبك في الله..............

[مشموشة]

رد: نفسى البس النقاب بس مش قادرة..,ساعدونى

ربنا يثبتك يا أختي ويهديكي لطاعته و محبته
ويجعلك أحسن فأحسن ويجعلك قدوة لمن حولك
وأوعي تترددي في لبسه أحسن تندمي بعد كده
لو جدت ظروف تمنعك هتقولي يارتني كنت لبسته
وبعدين مين يضمنلك أن زوجك هيوفقك تلبسيه (ربنا يرزقك بالزوج الصالح اللي يعينك على طاعة الله )


يارب أهديها ونور قلبها وقويها على طاعتك واجعل اعمالها واعمالنا خالصة لوجهك

[nahla-111]

رد: نفسى البس النقاب بس مش قادرة..,ساعدونى

ما شاء الله عليكى حبيبتى انك بتفكرى تنتقبى انا هقوليك على حاجتين اولا انا احبك فى الله
ثانيا و دا الاهمانتقبىىىىىىىىىىىى حالا متقوليش انا مش ملتزمة و الكلام دا لان دا شيطان و انتى الى قولتى بنفسك دا انا حبيبتى منتقبة من اسبوعين والله انا عندى 19 سنة و انا بضرب نفسى بالحذاء انى منتقبتش من زمان و انا مكانش فى حد خايف اكتر منى قبل اما انتقب كونت ميتة من الرعب من كل حاجة دانتى متجيش حاجة فى الرعب الى انا كونت فية والله احلى احساس فى الدنيا انك منتقبة انا كونت بقعد اقول هما البنات المنتقبات لية ديما فرحانين كدا و مبسوطين و انا لية مكتئبة على طول لما انتقبت والله حسيت احساسهم و اكتر و مش هتهسى انك ملتزمة الا لما تنتقبى و الله يا بنتى
جربى و هتحسى بالى انا بقوليك علية و ربنا يقدرلك الى فية الخير

[أمة الله90]

رد: نفسى البس النقاب بس مش قادرة..,ساعدونى

السلام عليكم ورحمة الله وبركاته
انا بجد مش عارفة اقولكم اية
متعرفوش كلامكم اثر فيا اد اية وخلانى بجد متمسكة بقرارى جداااااااااااااااااااا
ربنا يكرمكم ويجزيكم كل خير
انا عايزاكم تجددو نية لان بجد كلامكم اثر فيا اوى ومش مخلينى اقلق من اى حاجة كانت مخوفانى
بحبكم اوى فى الله
واسفة لتاخرى فى الرد

[عفيفة بنقابي]

رد: نفسى البس النقاب بس مش قادرة..,ساعدونى

السلام عليكم ورحمة الله وبركاته
حبيبتي في الله امة الله انا عضوه جديده لسه يدوب دخله النهارده وقبل ما ارد عليكي كنت برد لبنوته حلوه عاوزه تلبس اسدال وقلتلها كان نفسي تكوني بتتكلمي عن نقاب زي حضرتك كده توكلي علي الله انا لسه لبساه من قريب وعانيت مع اهلي ولسه بعاني والله المستعان (توكلي علي الله)دي الكلمه الي بعد ماسمعتها من شيخنا الفاضل الشيخ مصطفي العدوي لبسته ربنا يوفقك واسمع عنك كلخير ان شاء الله.

[أم ليوث الجهاد]

رد: نفسى البس النقاب بس مش قادرة..,ساعدونى

أخواتي في الله هل من أخبار عن أختنا أمة الله ؟

أسأل الله أن ييسر أمرها وتكون ارتدت النقاب

[أمة الله 91]

رد: نفسى البس النقاب بس مش قادرة..,ساعدونى

الله الله ؟!
لقيت واحدة اسمها يشبه اسمي هنا !!
إن شاء الله ميتلخبطوش بيننا
_____

أسأل الله أن ييسر لكِ أمرك ويرزقنا وإياكِ الهدى والتقى والعفاف
وأسأله أن يمن عليكِ بلباس أمهات المؤمنين
اللهم آميــــن

[ام المنذر]

رد: نفسى البس النقاب بس مش قادرة..,ساعدونى

في الحقيقة انا مش هعرف اقولك كلام اكتر من اللي الاخوات قالوه بس بجد النقاب ده نعمة مش هتحسي بيها الا لما تلبسي ولبستة من 3 سنين وسعيدة جدا بية يا رب يوفقك لطاعته واهلا بيكي في المنتدي

[فقيرة إلى الله]

رد: نفسى البس النقاب بس مش قادرة..,ساعدونى

السلام عليكم ورحمة الله وبركاته

الحمد لله والصلاة والسلام على رسول الله صلى الله عليه وسلم

اسمحى لى أختى أنا أتكلم معكِ كأخت لكِ تحبك وتود أن تبذل لكِ النصيحة وسأقتبس مما كتبتى وأعلق عليه مما يفتح الله به علىّ

السلام عليكم

أحبتى فى الله
انا مشتركة لسة جديدة
واتمنى من الله ان نكون صحبة صالحة له
انا لسة مبتدئة اكون ملتزمة

وعليكم السلام ورحمة الله وبركاته أختى الحبيبة بارك الله فيكِ ورفع الله قدرك وأعانك وهداكِ لما يحب سبحانه ويرضى

هنيئًا لكِ أختى الإلتزام وأسأل االله أن يثبتك ويعينك على ما يحب سبحانه ويرضى واعلمى أن ما أنتِ فيه من الإلتزام نعمة تستوجب الشكر ليحصل المزيد .

ونفسى ربنا يرزقنى بلبس نقاب
بس مش قادرة ومش عارفة

لحاجات كتير
اول شئ:
انى لما البس نقاب المفروض اكون قدوة لغيرى بس انا لسة مبتدئة ومعرفش فى الدين كويس
ثانى شئ:
انى مش جميلة وشكلى عادى ونقاب اعتقد للجمال

أختى الكريمة أستعينى بالله ولا تعجزى واعلمى أن ما أنتِ فيه من هذا التردد من نفسك ومن الشيطان

ياأختى لا تترددى أنزلى حالًا أشترى النقاب ولا تقولى ما تقولى والله ستشعرى بسعادة غامرة ولا تحتجى بإنك لسه مبتدئة فى الإلتزام لا ياأختى ألبسى النقاب واجعليه أول خطوة لكِ على طريق الإلتزام والله سيعينك بإذن الله

وبعدين إنتى بتقولى على نفسك مش حلوة ياأختى الجمال ليس جمال الشكل فقط بل جمال الروح ممكن ياأختى تكون أخت جميلة وساحرة الجمال لكنها لا تساوى شئ ولا قيمة لها عند ربها سبحانه

أنتِ جميلة بأخلاقك وأدبك وعفتك وحياءك

كونى قدوة لغيرك بالنقاب ... تمسكى به ... إياكِ وحجاب الموضة اللى بيكشف معظم ملامح الوجه ... إن استطعتى ستر الوجه كله فافعلى ولا تظهرى أى شئ من وجهك

أختى أعلمى أنك ملكة متوجة بالنقاب فأنتِ لؤلؤة مكنونة درة مصونة لابد من الحفاظ عليها

أسألك بالله هل لو أن عندك جوهرة ثمينة وتخافين عليها من الضياع هل ستتركيها هكذا للكل ينظر إليها ويتأمل فيها بل وربما يسرقها

أنتِ ياأختى أغلى من هذه الجوهرة ... أنتِ ياأبنة الإسلام أعز من هذه الجوهرة وأفضل منها

صونى نفسك

وحاجة تانية ماثرة عليا
انى لسة مش اتخطبت ومش احب لما يجى لى عريس يجى يشوفنى ويقول مثلا انى مش حلوة
ساعتها هتاثر اوى ان جة ولمجرد ان شاف شكلى قال كدا
بس انا الحمدلله شكلى مقبول

مفيش عريس فى الدنيا أظن هيقول لكِ كده وبعدين ليس الزواج نهاية الكون فلا تجعلى الزواج غاية بل هى وسيلة

أحسنى الظن فى الله وأسألي الله سبحانه أن يرزقك زوجًا صالحًا

مش عارفة الشيطان بيضحك عليا ولالا

طبعًا الشيطان بيضحك عليكِ مفيهاش كلام دى
الشيطان ياأختى يود أن يغوى الناس عن عبادة الله سبحانه ليضلهم عن طريق الله ومن يتبع الشيطان حتمًا سيندم فى وقت لا ينفع فيه الندم بل سيتبرء منه الشيطان نفسه فلقد أمرنا المولى سبحانه بإطاعته سبحانه وعصيان الشيطان وأخبرنا جل جلاله أنه عدو لنا بل عدو مبين

بس انا نفسى ازود فى طاعة اوى
نفسى اكون كويسة بزيادة والبس نقاب
لان البس دا مش عجبنى

لا تترددى ياأختى فى فعل الخير

توكلى على الله وأنزلى دلوقتى بدون تردد وأشترى النقاب ولا تسمعى لكلام الشيطان فلن ينتهى بك المطاف بعد سماع كلامه إلا بخسران الدين والدنيا

ما تلبسيه تقولى أنه ليس كما تحبى إذن فاعلمى أنه ليس بالشئ الذى يحبه الله وذلك لأن النبى المصطفى صلى الله عليه وسلم أخبرنا أن الإثم ما حاك فى الصدر وكره المسلم أن يطّلع عليه الناس


خايفة اموت ويكون نقاب فرض وربنا يحسبنى علية

هذا شعور طيّب جدًا فلا تفوتيه على نفسك وأسرعى بشراء ما يحب الله ويرضى

ومفيش حد مشجعنى
ومش لاقية حد
وخايفة اتاثر بالى حواليا

وارجع

ليست حجّة ياأختى أنك مش لا قيه اللى يشجعك فالطائعون لله سبحانه كُثر بفضل الله ولا يخلو منهم زمان ولا مكان فابحثى عنهم فى الجامعة إن كنتى لا زلتى طالبة فى الجامعة أو حولك من الجيران أو فى المساجد وإن ضاق بك السبيل ولم تجدى فها هو المنتدى الطيب المبارك _وما على شاكلته من المنتديات الطيبة _ ستجدى فيه بإذن من يدلك على الحق بحق


أرجو الله أن أكون أفدتك شيئًا ما

وأريد أن أخبرك أننى والله ياأختى ظللت ألح على أهلى قرابة 4 سنوات حتى يوافقوا على لبسه ثم منّ الله به علىّ ولبسته ولا أستطيع أن أصف لكِ سعادتى بفضل الله وعلى فكرة أنا أيضًا لست متزوجة لكن أحسن الظن فى الله

أسأل الله أن لا يحرمك من لبس العفاف والطهر

ونصيحتى لكِ الأخيرة أن لا تغلى أبدًا عن الدعاء بأن يثبتك الله على الحق لذى يرضيه وإياكِ إياكِ أن تتعرضى للشبهات أو الشهوات والزمى طاعة رب الأرض والسماوات ففيها السعادة كل السعادة

وعليكِ بسماع درس لأنك غالية وأتحدّاكِ إن لم تلبسيه إن كنتِ صادقة

http://www.way2allah.com/modules.php...ab&op=Detailes

ولقد أخبرنا الصادق المصدوق صلى الله عليه وسلم أن ما عند الله لن ينال إلا بطاعته سبحانه

والسلام عليكم ورحمة الله وبركاته

[لؤلؤ الجنة]

رد: نفسى البس النقاب بس مش قادرة..,ساعدونى

السلام عليكم ورحمة الله وبركاتة
كل عام وانتن بااااااااااااااالف خير اخواتى الكريمات
انا اريد ان ارتدى النقاب ولكن والدى رافض وبشدة
وديما لما افتح الوضوع دى الرفض ياتى اول كلمة
فى هذا الموضوع من ابى واخوانى
ولكنى مشتاقة الى اراتداء النقاب وبشدة
الحمد الله انا بلبس الخمار وعباءة واسعة
يقولون لى هذا هو الحجاب ام النقاب فلا
يمكن ان تلبسية ووانا مثل اختى مش جميلة بس
مقتنعة ان النقاب فرض ولكن حولت مرار وتكرار فى هذا الموضوع
ماذا افعل يا اخواتى؟؟؟؟؟؟؟؟؟؟ افيدونى اخواتى
ادعو لى باتداء النقاب عاجلا
ارجو من اخواتى ان يفيدونى فى هذا الموضوع
وجزاكن الفردوس الاعلى