الابتلاء

[دار الارقم]

اخواتي
السلام عليكم ورحمه الله وبركاته




كنت عاوزه اتكلم معاكم في موضوع الابتلاء
ويعني ايه اصلا ابتلاء


وازاي احنا ساعات كتير بنكبر مشاكل تافهه
ونسمي نفسنا مبتللين



عاوزه اتكلم معاكم كمان
عن الهدف من الابتلاء
واجاوب علي السؤال اللي هو
ليه انا في الجو ده؟؟؟

وازاي نتعامل مع الابتلاء
بس اللي بجد
وازاي يكون سبب للرقي في دينا
ويكون كمان نقطه تحول في حياتنا



من الاخر يعني لما نيجي نشكر ربنا علي حاجه
ما نلاقيش نعمه اعظم من الابتلاء نشكر ربنا عليها



لو عاوزني اتكلم

شجعوني برددوكم
وعلي قدر التشجيع هيكون الكلام
والا




مش هتكلم

وفي الجنه يحلو اللقاء
والسلام عليكم ورحمه الله وبركاته

[عاشقةالجنان]

رد: الابتلاء

جزاكي الله خير الجزاء
على الموضوع الراااااااائع
وكملي كلامك الراااااائع
وبناظري ان الابتلاء نعمه قبل مايكون نقمه
لان الانسان اذ ابتلاه الله
يتقرب من الله اكثر من قبل
والله اعلم
ومشكووووووووووره

[رحيق العفة]

رد: الابتلاء

جزاكِ الله خيرا أختي ننتظر موضوعك بارك الله فيكِ

[دار الارقم]

رد: الابتلاء

علي فكره ...
انتو شكلكوا كده مش عاوزيني اكمل
ولا ايه؟؟؟؟

علي مقدار المشاركات هيكون التكمله


وفي الجنه سيحلو اللقاء

[دار الارقم]

رد: الابتلاء

جزاكم الله خيرا اخواتي
عاشقه الجنان
المؤمنه بالله
رحيق العفه

[دار الارقم]

رد: الابتلاء

السلام عليكم
وبالرغم من انه مش هو ده اللي كنت منتظراه
لكن هكمل برده

انا قلتلكم هنتكلم عن الابتلاء والجو ده
اولا عاوزه اقولكم حاجه
فيه كتير مننا مش فاهم يعني ايه ابتلاء اصلا
او مثلا مفكر انه طريق الجنه لازم يكون كله عقبات والسلام

البعض كمان لما يبتلي ينشغل باثر الابتلاء
وناس تانيه تقولك لا انا مش في ابتلاء اصلا ...
انا اصلا لست اهل لان ابتلي

عاوزه اقولكم حاجه كمان
الابتلاء يعني بيصيب اعز حاجه عند الانسان
اكتر حاجه انتي متعلقه بيها اكتر حاجه انتي بتحبيها
ممكن يجي الابتلاء يحول بينك وبين الطاعه بالجوارح
لان طبعا احب حاجه لاهل الدين الطاعه

يعني كده يبقي الهدف من الابتلاء التربيه
وان كان ظاهره ترك طاعه
او حتي الوقوع في معصيه
الابتلاء حاجه مؤلمه جدا
حاجه صعبه جدا

لكن معلش لو قلتيلي ابتلاء ومنعني من طاعات قلبيه



معلش كده
ده يبقي انتكاسه مش ابتلاء

اخواتي اللي اتحرموا من طاعات معينه
بس قلوبهم ثابته
وبتتقطع علشان الطاعه دي
وفي هم وغم لا يعلم به الا الله
عاوزه افكركم بشويه حاجات

قد يكون فعلك للطاعه يرضيك لكن حرمانك منها
يخليكي دايما متضرعه لله عز وجل


كمان احنا نظرتنا قاصره ....طالما اخترتك يا رب يبقي اسلم نفسي بين يديك ...ربيني يا رب



افتكروا كمان قوله لسيدنا موسي (ولتصنع علي عيني )
وافتكر قول الرسول صلي الله عليه وسلم (أدبني ربي فاحسن تاديبي )


افتكري كمان ملك الناس
انا في ملكك يا رب
انا ضعيفه يا رب


وكمان يا اختي طالما القلب ثابت ومستفرغه الوسع بالجوارح
فاستبشري
الانتكاسه الصح
ان حراره القلب تخبو
وطاعات الجوارح تنقطع







أهم حاجه كمان اننا لا نعترض لا طريقه الابتاء
بس ندعي يا رب ربينا يا رب برحماتك

لابد في الابتلاء من اظهار الضعف لله سبحانه وتعالي
ممكن اكون متحمسه
وتماااااااام
وتعملي نفسك جامده
الاحب الي الله انك تستشعري ضعفك
وذلك وانكسارك بين يدي الله

عشان مش يبقي حالنا ولله المثل الاعلي
زي ام بتضرب ابنها
بتادبه يعني
ويقولها ايه يعني
مش هاممني
اضربي كمان

ومش اقول انا ضعيفه وانطلق في المعاصي
لا طبعا
احاول اثبت علي طاعاتي واستفرغ وسعيي
وادعي لاني خايفه اقصر في حق الله عز وجل

طيب
سؤال
لما ابتلي واتيقن اني في ابتلاء
اعمل ايه؟؟؟؟

اولا :اتيقن ان الابتلاء سينجلي
افتكري يا اختي الابتلاء اللي كان قبل ده
افتكري كان شديد قد ايه
افتكري كنت تعبانه ازاي
والموضوع كان كبير قوي
لكن.........
الحمد لله انجلي
والابتلاء عدي

يبقي وان طال الابتلاء سينتهي
هيخلص هيخلص

ثانيا انظري للثمره
وانه بعد المحن منح
وان فتوحات ربنا عليك كلها ورحمات كتير بعد الابتلاء ده وان شاء الله تخرجي منه افضل بكتيييييييييييير
من دلوقتي

عاوزه فكرك بس يا اختي بحاجه اخيره
لو الابتلاء اللي انتي فيه بسبب طاعه انتي عملتيها
اوعي تندمي علي الطاعه ابدا

لو الطاعه فيها خلل ماشي يتصلح

ومهما كانت الاخطاء ما نلغيش العمل بالكليه

ونهتم اننا نصلح المرات الجايه

خايفه اكون طولت عليكم

وفي الجنه سيحلو اللقاء
والسلام عليكم ورحمه الله وبركاته

[عاشقةالجنان]

رد: الابتلاء

جزاك الله خيرالجزاء
وسلمت يداك
وباااااااااارك الله فيكِ
وجعله في ميزان حسناتك
رعاكِ الله
وفي الجنه سيحلو اللقاء

[دار الارقم]

رد: الابتلاء

جزاكي الله خير اختي عاشقه الجنان

وفي الجنه سيحلو اللقاء

[nashwa24]

رد: الابتلاء

جزاكِ الله خيراا أخيتي ونفع بكِ

[ام نظام]

رد: الابتلاء

جزاكِ الله خيراً ونفع الله بكِ