Tweet
(أنا قررت أقلع الحجاب!)
يلا شجعوني ..
إدعمووي..
واوعوا ف يوم تلموني!!
آه هقلعه !
-مستغربين؟!
ليه؟ ..
بصوا ع نفسكوا الأول بتبيعوا الجنة بأرخص الأثمان!
أغاني - علاقات محرمة - ظلم -غيبة - وحشيش كمان.
ما هو طول عمره الدين بيحارب ف كل زمان ومكان!
خلاص ذنوبنا كتفتنا ويمكن نروح النار، ومنشوفش الجنة كمان!
جات عليا أنا ؟!
يلا شجعوني ..إدعمووي..واوعوا ف يوم تلموني!!
..
-بيقلولي مش هتتجوزي ..وهتفضلي كده وتعنسي
-أو هيفتكروكي إرهابية...وهييجي يوم وتتكلبشي
أقولكم ع حل..؟
هلبسه لما اتجوز، فأمر الزوجِ مطاع ..لا لا هلبسه لما تتحسن الأوضاع!
-عارفه هتقولولي إيه..
بتخدعي مين؟
بتعصي أمر رب العالمين؟!
وتسيبي زي أمهات المؤمنين؟
بتتخلي عن الطهر والعفاف والدين ؟!
زوجك مكتوب ف الكتاب قبل ولادتك ، متقلقيش ربنا هيدله ع بيتك فين!!
أرجوووكم متقسوش عليا ...أنا لما لبسته الكل فضل يعارض فيا..
-عارفه إن ليا رب يجيب دعوة المضطر ، ويكشف الضر ،
ويبدل من بعد الخوف أمان،
رب يسمع دعاء المظلومين في كل زمان ومكان. لكن أنا هعمل إيه..؟؟
بصو شوفوهم واسمعوهم بيقلولي إيه..
.
.
-هتعملي فيها مؤمنة ..الله يرحم لما كنتي للصياعة مدمنة!
-ليه عملتي ف نفسك كده..ليه يا بنتي تبقي معقدة!
-محدش هيعبرك وإنتي لابسه خيمة..خليكي كده معنسة ودقة قديمة!
شايفين؟!
أنا خلاص تعبت وهقلعه..
يلا شجعوني ..إدعمووي..واوعوا ف يوم تلموني!!
.
.
-بتقولوا إبتلاء واختبار؟!
وإن ربنا قال:
(أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ)
وإن من كان الله معه فماذا فقد ؟
ومن تولى عن الله وأبعده الله فماذا وجد ؟
وإنَّ النصر مع الصبر .. ومع كل عسر وبلية نعم خفية.
عندكوا حق..بس بابا قال لأ..
وأنا بصراحة هسمع كلامه..خلاص الشيطان سيطر عليا وبطلت أسمع للحق
وبعدت قوي عن ربنا ..وقلبي خلاص مات وماعادش بيدق.
يلا بقى شجعوني..وأوعوا تحسسوني بالذنب وادعمووني!
.
.
-بتقولوا أرجع ؟
أدعي ربنا ومستسلمش واسمع؟
أسمع كلامه:
(أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ )
أرفع إيديا للسما ..وأقول يا رب إنت أمرتني بالحجاب ساعدني ومتسبنيش؟
يا رب ردني إليك أنا ف طاعتك عايزة أعيش؟
لعل الفرج قريب وينتهي البلاء ، وألبس حجابي براحتي وابقى من السعداء؟
كلامكم كله صح ...
لكن تفتكروبعد كل ده هيقبلني؟
وكمان متخافوش مش هنحرف قوي..
هو بس بنطلون وعليه بلوزة لحد الركبة طويلة..
أما شعري فاهعمله كعكة أو حتى ضفيرة .
إيه مش هتشجعوني..ولا لسه بتلموني؟!
.
.
بتقولوا صفات الحجاب الشرعي أهي وأنا مضيعاها؟:
يستوعب جميع البدن ويكون ثقيلا لا يشف.وألبس حاجة متوصفش واسعة مش مضيقاها.لا يشبه ملابس الرجال أو الكفار ولا لباس شهرة.لا يكون مبخرا أو مطيبا ملفتا وممنوع ألبس حاجة مزيناها..
.
طيب تعرفوا بعد ده كله هيقولوا إيه؟!
هيقولوا الحجاب مش من الشرع ولا الدين بتلبسيه ليه؟!
-إيه عندكوا دليل؟
يلا بسرعة الحقوني بيه!
(يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا)
وتفسيرها:
الأمر بالحجاب وأيضا بتغطية الوجه فإن الجلباب
هو ما يوضع على الرأس فإذا اُدنِي ستر الوجه.
وأما قوله تعالى في سورة النور( إلا ما ظهر منها )
وتفسيره:
ما ظهر منها بلا قصد كأن ينكشف شيء من جسدها بفعل ريح أو نحو ذلك.
( وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ )وتفسيرها:
هذه الطهارة ليست خاصة بأمهات المؤمنين
بل سائر النساء أولى بالحكم من أمهات المؤمنين الطاهرات المبرءات.
والتف( وَلْيَضْرِبْنَ بِخُمُرِهِنَّ عَلَى جُيُوبِهِنَّ ۖ وَلَا يُبْدِينَ زِينَتَهُنَّ ).التفسير:
روى البخاري عن عائشة
قالت: " (لما أنزلت هذه الآية أخذن أزرهن فشققنها من قبل الحواشي فاختمرن بها)..
قال الحافظ ابن حجر فاختمرن أي غطين #وجوههن.
قالﷺ:" لا تنتقب المرأة المحرمة ولا تلبس القفازين " رواه البخاريوتفسيره:
قال الإمام أبو بكر بن العربي
وذلك لأن سترها وجهها بالبرقع فرض إلا في الحج
فإنها ترخي شيئا من خمارها على وجهها غير لاصق به.
-وقد قالت عائشة:
(كنا إذا مر بنا الركبان في الحج سدلت إحدانا الجلباب على وجهها فإذا جاوزونا كشفناه)
وهذا دليل يثبت أن النقاب فرض ولا ينفيه.
خلااااص كفاية كلام !
أنا فعلا طلعت ماشية ورا أوهام!
أقولكوا ع حاجة؟
[[~أنــــا قررت ألبس الحجـــــاب~]]إيــــــــــه؟
مش هتفرحولي..وتدعموني؟
وتجروا عليا تشجعوني؟
آه ويارييت كمان بالثبات تدعولي
ومتخافوش عليا خلاص مهما عادوني وقالولي:
ماذا تفعلين؟
شبابك تقتلين؟
كيف ستتزوجين؟
من الجامعة ستطرديـن!
حياتك تدمريــــــــــــــــــــن!
هرد عليهم وأقول:
{ كَلَّا إِنَّ مَعِيَ رَبِّي سَيَهْديـــنِ}
موضوع بقلمي
جزاها الله الفردوس كل من نقلته ونشرته عني
وأسأل الله أن يجعله ف ميزان حسناتي وحسناتكن
ويرزقنا الإخلاص ف القول والعمل.
تعليق