Tweet
رب اشرح لى صدرى ويسر لى امر واحلل عقدة من لسانى يفقهوا قولى
فى البدايه هل تعلمين من اول من عصى الله ؟؟؟
نعم انه ابليس
طيب وإيه الذنب اللى عمله ابليس أدى الى ان يلعنه الله عز وجل؟؟؟؟
نعم انه عدم السجود لسيدنا أدم والتكبر
يعنى السجود سبب فى الخروج من رحمة ربنا ولعن الله ابليس الى يوم الدين
ياااااااه صعبه أوووى وأظنك مستغربه ازاى ابليس عصى ربنا لدرجة انه اصبح من الملعونين
طيب ومستغربه ليه.....!!!
ما انتى كمان ممكن تكونى بتجلبى لنفسك غضب ربك والخروج من رحمته
ايه انا اززاى انا الحمد لله ما بأعملش كبائر وبأصلى وبأصوم وكمان ممكن اكون بأصلى قيام وبأحفظ قرأن والحمد لله انا احسن من غيرى كتيير
وكمان لبسى الحمد لله محترم ومحتشم جدااا وكل بيقول عنى محترمه وكمان ماليش كلام مع الشباب ومعروفه بأدبى وإحترامى وسط كل الناس
يبقى بأعمل ايه غلط يخلى ربنا يلعنى؟؟؟؟
هأقولك بس بشرط تكملى كلامى للأخر عشان نوصل للحق بطريقه صحيحه من غير زعل
تعرفى انك ممكن تتسببى فى لعنة الله بشوية شعيرات تأخديهم من حاجبيك
ايه ...... كل الكلام ده عشان تقوليلى وتكلمنى عن النمص يا بنتى الموضوع أصبح عاادى كل الناس بتعمل كده
ولو حتى مش الناس العادين أعرف بنات ممكن اللى انتوا بتسموهم ملتزمات بيعملوا كده يبقى خلاص
يعنى هو انتى بتاخدى القدوه بتاعتك من بنت هو ده اللى ربنا قال عليه ولا قال ناخد قدوتنا من سيدنا محمد
قال الله (لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيرا )
وبعدين انا معاكى انك تاخدى قدوتك بنت ملتزمه طيب وليه تاخدى دى بالذات وما تاخديش غيرها ممكن تكون لا تتنمص ؟؟؟
شوفتى الحل الافضل انه نسمع كلام الملك ويكون قدوتنا هو الرسول فقط
أما بالنسبه لموضوع الناس كلها بتعمل كده وانه عادى انا مش هرد عليكى بكلامى لااااااااااااا هاجيب لك كلام من خلقنى وخلقك
(وإن تطع أكثر من في الأرض يضلوك عن سبيل الله إن يتبعون إلا الظن وإن هم إلا يخرصون )بصراحه انا شايفه انه عادى لما اتنمص مش للدرجه دى يعنى ما تكبريش الموضوع
لااء الموضوع بالفعل كبيير وخطير جدااا بس احنا اللى من عادتنا نستهين شويه بأوامر الله لو شايفه انه هين يبقى اقرأى ربك بيقول ايه
(إذ تلقونه بألسنتكم وتقولون بأفواهكم ما ليس لكم به علم وتحسبونه هينا وهو عند الله عظيم )
وشوفتى كمان انك بتسمعى كلام ابليس من غير ما تحسى ايوه ابليس اللى ربنا لعنه لأنه رفض يسجد لسيدنا أدم؟؟؟
انا لالالا مش للدرجه دى ايه دخل الشيطان بالنمص وانى عايزه اكون جميله وأغير من شكلى بعيده شويه
لا مش بعيده ربك بيقول ( ولآمرنهم فليغيرن خلق الله)
طيب ما تيجى نشوف كلام حبينا النبى (لعن رسول الله صلى الله عليه وسلم الواشمة والمستوشمة والنامصة والمتنمصة والواشرة والموتشرة والمتفلجات للحسن المغيرات لخلق الله
قوله صلى الله عليه وسلم : ( لعن الله الواشمات والمستوشمات والنامصات والمتنمصات والمتفلجات للحسن المتغيرات خلق الله).
واللعن: الإبعاد والطرد من الخير. وقيل : الطرد والإبعاد من الله.. وكل من لعنه الله فقد أبعده عن رحمته واستحق العذاب فصار هالكاً.
والنامصة: هي ناتفة شعر الحاجب تتحسن به.. إلى أن قال: وهذا كله تبديل للخلقة وتغيير للهيئة وهو حرام
بالله عليكِ فكرى فى كلام ربنا وسيدنا محمد ولو دقيقه واحده هتستفادى ايه من ان تتنمصى ان كان جمال ؟؟
جمالك فى طاعة امر اللى خلقك وجعلك مسلمه وكفى بها من نعمه انك تكونى مسلمه ابا عن جد فيه غيرك كتيير ما يعرفوش حاجه اسمها اسلام
وبيبحثوا ولسه بيدوروا عن دين الحق
اما الجمال فكرى ولو للحظه فى القبر كل ده ها يروح ولن يبقى لكى الا عملك الصالح صح؟؟
وفكرى فى الكفن اللى ها يوضع عليكى ويغطى كل جسمكى اين جمالك فى معصية الله؟؟؟
* سئل سماحة الشيخ عبد العزيز بن باز: ما حكم تخفيف الشعر الزائد من الحاجبين؟
الجواب: لا يجوز أخذ شعر الحاجبين ولا التخفيف منهما لما ورد عن النبي صلى الله عليه وسلم : ( لعن الله النامصة والمتنمصة) وقد بين أهل العلم أن أخذ شعر الحاجبين من النمص. مجلة الدعوة
* سئل فضيلة الشيخ محمد بن صالح العثيمين : ما حكم إزالة أو تقصير بعض الزوائد من الحاجبين؟
الجواب: إزالة الشعر من الحاجبين إن كان بالنتف فإنه هو النمص وقد لعن رسول الله صلى الله عليه وسلم: النامصة والمتنمصة.. وهو من كبائر الذنوب ، وخص المرأة لأنها هي التي تفعله غالباً للتجمل ، وإلا فلو صنعه الرجال لكان ملعوناً كما تلعن المرأة والعياذ بالله وإن كان بغير نتف كالقص أو بالحلق فإن بعض أهل العلم يرون أنه
كالنتف لأنه تغيير لخلق الله ، فلا فرق بين أن يكون نتفاً أو يكون قصاً أو حلقاً وهذا أحوط بلا ريب ، فعلى المرء أن يتجنب ذلك سواء كان رجلاً أو امرأة،
أختي المسلمة: اعلمي أن الله جلَّ وعلا لم يُحرم عليك الزينة مطلقاً، وإنما جعلها مقيدة بما يحفظ عليك مصالح الدنيا والآخرة، فما حرّمه الله من الأمور في الزينة إنما حرمه لما فيه من الضرر الأكيد سواء أدركته عقولنا القاصرة أم لا
انشروها والدال على الخير كفاعله
تعليق