بالله عليكم تردوا عليا

[امرأة مسلمة]

السلام عليكم و رحمة الله
يا بنات و الله انا فى حيرة فظيعة انا لابسة عباية و خمار بشتغل فى مكان كويس اوى و محترم جدا مرتبى كويس جدا و هيه دى الكارثة لو انتقبت لازم اسيب الشغل و والدى متوفى مش بساعد فى مصروف البيت بس على الاقل احتياجاتى متكفلة بيها اعمل ايه خايفة النقاب يكون فعلا فرض مش مستحب و ربنا يكون غضبان عليا مع انى بلس عبايات سوداء فقط و كمان انا نفسى البس النقاب علشان ميجليش غير واحد ملتزم يا ترى النية دى يكون فيها مشكلة فى صدقى تجاه الله.

[لؤلؤه بنقابى]

رد: بالله عليكم تردوا عليا

اهلا بيك اخيتى فى الله
الرزق بيد الله وحده و الله قال انا عند ظن عبدى بى هل تظنى بالله انك اذا اطاعتيه سوف يمنع الرزق عنكى
كيف و هو الرزاق السيده هاجر عندما تركها سيدنا ابراهيم فى الصحراء وحدها هو و الرضيع سيدنا اسماعيل سألته سؤال واحد ألله امرك بهذا عندما قال نعم قالت اذا لن يضيعنا
و اعلمى اختى من يتقى الله يجعل له مخرجا و يرزقه من حيث لا يحتسب

[دار الارقم]

رد: بالله عليكم تردوا عليا

حبيبتي ...كل اللي انا هقوله ان الدنيا دي ما تساويش جناح بعوضه وان هي متاع زائل ومجرد ورقه اختبار فيها مجموعه اسئله فيها السهل اللي كلنا نقدر نجاوب عليه وبسهوله جدا كمان...وفيها الصعب اللي الشيطان بيحاول يغلطنا وناخد درجه مش قوي
المهم كل حاجه جميله لازم يبقي قدامها عقبات مش جميله وشبهات وهيصه ...ساعتها افتكري ان الشيطان قال(لاقعدن لهم صراطك المستقيم)
يبقي الحاجه دي هي اكتر حاجه صح
بصي ارمي كل حاجه ورا ظهرك ورزقك بايد ربنا مكتوب لك من زمان وعمر ما كان شغلك ده هينقص ولا هيزود فيه يا حبيبتي

بصي كان دكتور حازم في شريط تقريبا الثقه في الله بيقول :ان ربنا لما امر سيدنا موسي يمسك العصا كانت ساعتها حيه ولما ستجاب لامر ربنا اتقلبت عصا فهماني طبعا........

يا رب اكون قدرت اوصلك اي حاجه بس نفسي بجد تقومي دلوقتي حالا تشتريه وتلبسيه

["فارسة الدعوة"]

رد: بالله عليكم تردوا عليا

والذين جاهدوا فينا لنهدينهم سبلنا

["بنت الإسلام"]

رد: بالله عليكم تردوا عليا

اسال الله ان ييسر لكى امرك اختاه وان يرشدكى الى مافيه الخير فى الدارين وان يرزقكى من حيث لاتحتسبى وان يرزقكى الزوج الصالح الملتزم وان يشرح صدرك ويريح بالك
واعلمى ولا تنسى"انا عند حسن ظن عبدى بى"فثقى بالله واستعينى به ولا تعجزى
ومن ترك شىء لله ابدله الله ماهو خيرا له
ولعلهم يقبلون بنقابك
هذا راى والله اعلى واعلم
ويفضل ان تسالى شيخ
وربنا يهديكى الى ما يحبه ويرضاه ويسترك وييسر امرك ويرزقكى الرزق الحلال الطيب والزوج الصالح الذى يكون عونا لكى على امر دينك ودنياكى
يسر الله لكى امرك
آآآآآآآآآآآآآآآآآآآآآآآآآآآآمين

[فخورة بنقابى]

رد: بالله عليكم تردوا عليا

بصى حبيبتى ومن يتق الله يجعل له مخرجا ويرزقه من حيث لا يحتسب احساسى بيقولى انك اول ما تلبس النقاب حتى لو ده كان هيؤدى لترك الشغل ان ربنا هيعوضك بشغل احسن منه 100 مرة سبحان الله

تعرفى روحى اشترى النقاب وحسى وانت ماشية انك ملكة متوجة ومن فوق سبع سموات الملك بيباهى بيكى

ملائكته


وبعدين بخصوص نيتك من ناحية لبسه انتى طبعا لابساه لان ربنا امر بكدة ولانى الزاقى الساتر من عيون الذئاب البشرية


واكيد شكلك بيحدد شكل اللى هيجيلك مش ممكن تكونى لابسه نقاب ويجيلكواحد اى كلام

اهم حاجة تجددى النية بلبسه لله

مع حسن الظن بالله انه ان شاء الله هيرزقك ابن الحلال انا كمان غير متزوجة ومنتظرة نصيبى بواحد متدين بإذن الله


اهم حاجة والله والله متتأخريشثانية واحدة عن لبسه انتى مش حاسة بيه دلوقتى

لكن هتحسى اول ما تلبسيه وتشوفى الناس هتحترمك ازاى سبحان الله هتحسيها قوووووووووى


اتكلى على الله وابقى طمنينا وقوليلنا عملتى ايه

[اسراء حفيدة الزهراء]

رد: بالله عليكم تردوا عليا

ربنا ييسر لك كل عسير
كفايه رد الأخوات