ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

[زهرة الطهر]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

زهرة
أنا نسقته وخلاص جاهز على النزول
قوليلي رأيك وأي شيء عايز يتظبط علشان هينزل النهاردة بإذن الله
وبعديها هنشتغل علطول في الأغاني الأخوات بيستأخرونا
فعايزين نشد شوية
يلا مستنية رأيك

جميل جدا ام ابا جهاد

بس لو ممكن القصة تكون كل شخصية بلون مختلف عشان نقدر نفرق

وكمان ممكن نضيف كده اكسسوارات للقصة بتدى شكل حلو

وكمان بتجذب القارىء لكن طبعا المحتوى تحففففففة جزاكِ ربى من خير الدنيا والاخرة

[علياء سليمان]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

طيب تمام
شوفيها تاني نسقتها وقولي رأيك
ولو عايزة تزودي حاجة زودي علطول من غير ما تقولي
لو التنسيق أو أي حاجة مش مظبوطة
ظبطيها علطول

[زهرة الطهر]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

طيب تمام
شوفيها تاني نسقتها وقولي رأيك
ولو عايزة تزودي حاجة زودي علطول من غير ما تقولي
لو التنسيق أو أي حاجة مش مظبوطة
ظبطيها علطول

لا كده تمام

كويس جدا

على بركة الله نزليها

وانا بكتب دلوقتى القصة الخاصة بالاغانى

وياريت بعد ما تنزلي الحلقة دى

تقترحى عليى اسماء لشخصيات القصة بتاعت الاغانى

[sarahtawfik]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

بسم الله الرحمن الرحيم
السلام عليكم و رحمه الله و بركاته
بارك الله فيكم اخواتى الكريمات
انا نفسى اشارك معكم جدا فى الحملات
و انا وهبنى الله نعمة كتابة القصص
فممكن اساعدكم ف حاجة زى كدا
و ربنا يجعلنا جنود لدينه على الارض ان شاء الله

[زهرة الطهر]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

اغانى .. اغانى

اغانى فى الشارع اغانى فى العربية اغانى فى الجامعة والميكروباصات

وفى كل المناسبات

زى ما قال الرسول
قال صلى الله عليه وسلم : " سيكون في آخر الزمان خسف وقذف ومسخٌ " . قيل : متى ذلك يا رسول الله ؟ قال :" إذا ظهرَت المعازف والقَيناتُ " رواه ابن ماجة والطبراني

(لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ وَلَيَنْزِلَنَّ أَقْوَامٌ إِلَى جَنْبِ عَلَمٍ يَرُوحُ عَلَيْهِمْ بِسَارِحَةٍ لَهُمْ يَأْتِيهِمْ يَعْنِي الْفَقِيرَ لِحَاجَةٍ فَيَقُولُونَ ارْجِعْ إِلَيْنَا غَدًا فَيُبَيِّتُهُمْ اللَّهُ وَيَضَعُ الْعَلَمَ وَيَمْسَخُ آخَرِينَ قِرَدَةً وَخَنَازِيرَ إِلَى يَوْمِ الْقِيَامَةِ) "صحيح البخارى"

معنى كده انها حرام وهيجى زمن الناس هتستحل
وفى زماننا ده
ظهرت فى كل مكان

انتشــــــــــــــــــــــــــــــــــــــــــــــ رت .. طغيت فى الظهــــــــور

يعنى انت سبب

انت لسه بتسمع اغانى ؟؟؟

لسه مصر انك تعصى ربنا
لسه مش عايز تتعظ والشباب بتموت على سوء الخاتمة بسبب الاغانى

ها

تحب تموت كده ؟؟

هتقولى انا بسمع تفاريح بس مش اكتر لكن مش بتاثر فيها زى ما انت فاكر

اقولك ربنا بيقول ايه

قال تعالى

أَفَحَسِبْتُمْ أَنَّمَا خَلَقْنَاكُمْ عَبَثاً

(115)سورة المؤمنون

يعنى متفتكرش ان ربنا خلقك كده تعصيه وتقول تفاريح وتسالى لا ربنا خالقك عشان هدف

متخليش الشيطان يبعدك عن الهدف ده

وبعدين من قال انك مش بتتاثر بالاغانى

أبن مـسعــــود رضى الله عنـه
بيقول
: الـغنــاء ينـبت الـنفــاق فى الـقلــب كمـا

رضى الله عنـه : الـغنــاء ينـبت الـنفــاق فى الـقلــب كمـا ينـبت المـاء العـشب

يعنى انت بتتاثر بيها وبتاثر فى قلبك وبـــتنبت فى قلبك النفاق وانت مش حاسس

شوفت بقى الاغانى عملت ايه فى قلبك وانت غافل

شفت انك لو استمريت كده والعياذ بالله تبقى من المنافقين وقلبك يموت

ها تحب تموت قلبك بايدك

هتقولى متفتكرش انى بعيد عن ربنا انا برضه بقرا قران وعارف ربنا

هقولك كلام ابن القيم رحمه الله

حب القران والغناء فى قلب العبد ليس يجتمعان

ولو فعلا القران اثر فى قلبك لازال من القلب الغناء

اسال نفسك السؤال ده

انا ممكن اقعد ساعات اسمع اغانى
لكن فى الوقت نفسه صعب اوى على نفسى اقعد نص ساعة بس اتدبر ايات الرحمن
ايه السبب ؟؟

اقولك ايه السبب

قال تعالى

( وزين لهم الشيطان أعمالهم )

الشيطان شغال كويس معاك
يزين الحرام ..ويحليه فى عينك ..ويخليك تستمتع باللى حرمه ربنا
ده سر انجذابنا للاغانى

فوالله هذا خداع من عدوكم

فوالله الاغانى تضيق الصدر وهى سبب رئيسى فى الملل والزهق والهم
وحياة ضنك
لأنها إعراض عن ذكر الله ..فقد قال الله (( وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى )) . الأغاني حقيقتها أنها حسرة وألم وإن كانت هناك نشوة فإنها نشوة مزيفة من فعل الشيطان ....

وبعدين هتزول الننشوة والمتعة الزائفة وهيبقى الذنب فى صحيفة الاعمال

عارف انك بتجاهر ربنا بالمعاصى

والرسول قال قال النبي صلى الله عليه وسلم

(( كل أمتي معافى إلا المجاهرين ))

والاغانى بقيت منتشرة اوى والكل بيسمعها فى كل مكان

مش حاسين انهم بيعصوا ربنا

وبعدين الفلوس اللى بتشترى بيها شرايط فنانك المفضل هتتحاسب عليها

وعلى وقتك اللى بتقضيه فى السماع

للدرجة دى الاغانى بتخدر وتذهب العقل ؟؟!

اقف كده مع نفسك وتخيل ان ملك الموت جاى يقبض روحك

يا ترى تحب يقبض روحك وانت بتسمع اغانى ...

ولا وانت بتسمع قرآن

حكم عقلك ومتضيعش نفسك

نجاتك فى سماعك لكلام الرحمن

مش فى مزمار الشيطان

[زهرة الطهر]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

[زهرة الطهر]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

قدرا لقيت قصة عن الاغانى فى منتدى ما حقيقى مؤثرة جدا جدا

فايه رايك ننزلها مع الخطوة بتاعت الاغانى

انا عارفة ان الحملة مفيهاش منقول

لكن القصة دى تحديدا مناسبة جدا ومؤثرة

فى انتظار رايك ام ابا جهاد
ودى القصة

هل سمعت شريـــط عمرو دياب الجديد؟

هكذا قالها الشاب الروش للشاب أشرف

الأروش منه....

": لاوالله يا احمد لسه ماسمعتوش بس هاروح حالا انزلة من على النت ,أكيد نزل
فية اغانى خطيرة ذى عادته....... "

يذهب الشاب الى منزله.....و يدخل حجرته و يغلق بابها عليه .......أمه تناديه فلا ينصت لها.....يجلس أمام الحاسوب و ينهمك فى البحث عن شريط عمرو دياب الجديد فى ذلك الموقع.....

و أخييييييييرا وجدته و يقوم بتنزيله من الموقع و يضع السماعات فى أذنيه و يسند ظهره الى ذلك الكرسى و يشغل الأغانى.......يغمض عينيه كى يعيش فى جو الأغنية الرومانسية..........
و بينما هو سابح فى كلماتها و موسيقاها ........تردد صوت قوى جهورى فى أذنيه

" يُبعث المرء على ما مات عليه..................يُبعث المرء على ما مات عليه"

فتح الشاب عينيه فى فزع ....ليجد نفسه مُلقى على خشبة ذات ثقوب و يقف بجواره أبيه تذرف عيونه الدموع بلا إنقطاع ...و رجلا هناك يقف بجواره يصب الماء فوق رأسه.........فزع الشاب

أراد أن يصرخ .......كتمت الصرخة فى أعماقة.....أراد أن يعلو صوته

بالنحيب........"ماذا تفعلون بى؟؟؟؟؟؟؟؟ أتغسلوننى؟؟؟؟؟؟؟ أنا حَـــــــى....أنا لم

أمت....لا مستحيـــــــــــــــل "

وفى ثورته لاحظ ذلك الجسد الممدد على الخشبة و قد فارقته الحياة.......صار جسدا بلا روح......و حينها أدرك الحقيقة فهو لم يعد ينتمى الى ذلك العالم...........

يأتى المُغسل كى يغسل الشاب فيجد صديدا يخرج من آذنيه فيقول "أعوذ بالله .........ما هذا؟" فيقوم بغسله...مرة و مرتين و ثلاث و لا يتوقف نزلة و كأنة لا ينقطع

ابدا.........فسأل المغسل والد الشاب مندهشا "ماذا كان يفعل ذلك الشاب أثناء حياته؟؟فرد علية الأب حزينا ....واجما

"قد كان يسمع الأغانى بإستمرار اذا أذن الآذان لا يصلى, و اذا نادته أمه تركها و
لم يرد عليها أو يبالى بها .........."

و لم يستطع الأب ان يكمل و أجهش فى البكاء..........

فلم يجد المغسل سوى انه كفنه على حاله و كفنه ووضعه فى ذلك الصندوق كى يحمل على الأعناق الى قبره.....

الشاب بداخل الصندوق لا يستطيع الكلام ينظر الى جسده و ما يحدث له بدهشة عارمة....يردد فى ذهول
"ماذا يحدث لى؟؟ ماذا يحدث لى؟؟"

وللمرة الثانية يسمع نفس الصوت بأشد صوتا مما كان عليه

" يُبعث المرء على ما مات عليه..............يُبعث المرء على ما مات عليه "

يضع الشاب أصابعه فى أذنيه لا يريد ان يستمع الى ذلك الصوت .......و لكنة يلاحقه و يلاحقه
أينما ذهب و أينما سار......

ولبضع ثوان ذهب الصوت ليأتى صوت باكى يقول كلمات

"وَ مِنَ النَّاسِ مَن يَشْتَرِى لَهْو الحَدِيث لِيُضِل عَن سَبِيلِ اللَّهِ بِغَيْرِ عِلْمٍ وَ

يَتَّخِذْهَا هُزُوًّا أُولَئِكُ لَهُم عَذَاب مُهِين" لقمان 6

فينطق الشاب فى فزع "لَهْو الحَدِيث"......ما هو لهو الحديث؟؟؟ انها الأغانى.......نعم

انها هى..........ماذا أفعل الأن؟؟؟؟ ماذا أفعل ؟؟

و حينها نادى منادى..........هلموا وقت البعث جاء..........و يرى القبور و قد شُقت

و هو يجرى مع سائر العباد....و لكن

ما هذا؟؟ انه يرى شابا يمشى مطمئنا و علامات الصَّلاح على وجهه ممسكا فى يده كتاب الله يتلو منه بعض الآيات....فيقول....ماهذا ؟؟ فيرد علية هاتفا....انه مات و هو يقرأ آيات الله فحق عليه أن يبعث و هو يقرأها .......
و حينها لاحظ ذلك الشاب السماعات الموضوعة على أذنه

.......إنها........إنها........نعم نفس كلمات تلك الأغنية.......أغنية ذلك المطرب(لا يجوز اللعن بارك الله فيك).......يا إلهى قد مت و أنا أستمع إليها.........ياربى.......هل سأقابل الله بها ؟؟؟وَيْحِـــــــــــــــــــــــــــــــــــى

ماذاأفعل.....سيرانى القوم و الأنبياء.......و الله .......الله و أنا أستمع الى أغنية .........رحماك ربى رحمااااااااااك

لااااااااااا وحاول مرارا أن يخلعها من أذنيه و لكن هيهات....قضى الأمر الذى كنتم فيه تمترون..........ياإلهى يا إلهى اللهم ارجعنى لعلى اعمل صالحا ..........

"بُنى....بُنى ماذا بك يا حبيبى لما تصرخ هكذا ؟؟ و لما تمسك السماعات

بعنف ..؟؟" فتح الشاب عينيه على وجه أمه البشوش القلق عليه.....

والشاب يجلس مذهولا...و حينها أمسك السماعة التى فى اذنه و حطمها بقدميه ..و نهض يقبل يدى أمه و يبكى و يقول لها

"إرضى عنى يا أماه..........و أدعى لى....أدعى لى بالهداية".......

دمعت عينى الأم و أمسكت برأس ولدها و ضمتها الى صدرها ........

"هداك الله يا بنى الى ما يُحب و يرضى....هون عليك بنى هون عليك "

فقام الشاب و مسح جميع

الاغانى من على الكمبيوتر و قام بتشغيل القرآن

إنها رساله لمن كان له قلب أو ألقى السمع وهو شهيد

[علياء سليمان]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

ما شاء الله مجهود طيب جدا
بالنسبة للصور هصغر حجمها شوية
وبالنسبة للقصة
خلينا نكتبها أفضل
بإذن الله عندي أفكار ليها طيبة
هكتبها وابقى أنزله
ا

[زهرة الطهر]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

ما شاء الله مجهود طيب جدا
بالنسبة للصور هصغر حجمها شوية
وبالنسبة للقصة
خلينا نكتبها أفضل
بإذن الله عندي أفكار ليها طيبة
هكتبها وابقى أنزله
ا

ربنا يكرمك ام ابا جهاد

ويبارك فى مجهوداتك الطيبة

وان شاء الله فى انتظارك

ان شاء الله هنزل الجزئية الخاصة بالاغانى امتى ؟؟ وهنكتب فى ايه بعد كده ؟؟؟

[علياء سليمان]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

قصتنا اليوم بين حافظ وعمورة
يلا نبدء القصة



حافظ بعد طول عناء في المواصلات أخيرا وصل الجامعة
ومن بعيد شاف صاحبنا عمورة قال لما أروح أسلم عليه


حافظ :: السلام عليكم ورحمة الله وبركاته
صاحبنا عمورة مبيردش
حافظ يكرر السلام
ويكرر

00
00
00
بيكرر السلام تاني

يااااااااااااااااااااا
ياااااااااااااااااااااااا عمورة
أزيك يابني
ياعمورة


حافظ هو فيه أيه دا مش سامعني أصلا
وحافظ يركز شوية يلاقي صاحبنا عمورة وسماعات الجوال في ودانه
وعالية على الآخر
وأخينا مش سامع أصلا
حافظ راح زاقق عمورة في كتفة
وقال أنا هنا يابني ... أنا هنا ياااااهو


وأخيرااااااااااا عمورة أخد باله
عمورة :: أزيك ياحافظ أقعد يابني معلش مكنتش سامعك خالص
حافظ :: ليه يابني دا كله أنت بتسمع أيه
عمورة :: معقووووولة إنت بتسأل متعرفش يعني
حافظ :: لا يابني فيه أيه !!!!!
عمورة:: طيب بص هناك شايف تمورة هناك السمعات في ودانة ومديها سمااااع
وكمان بص هنااااك بعيد هشومة هناك أهوا كمان بيسمع
الناس كلها بتسمع النهاردة يابني وانت مش معانا


حافظ :: بتسمعوا أيه بقى ؟؟
عمورة :: هقولك ما أنت شكلك جاي من كوكب تاني
النهاردة ياسيدي وبعد طول انتظار نزل ألبوم عمورة الجديد
حافظ :: عمورة مين ؟؟
عمورة :: أوعى تكون فاكرني أنا
لا يابني
دا شريط عمرو دياب الجديد
نزل ومكسر الدنيا
حافظ :: أكيد طبعا يابني هيكسر الدنيا هي الأغاني هتيجي من وراها صلاح وخير أبدا



عمورة ::إنت جاي تسمعنا كلمتين ولا أيه ؟؟
حافظ :: بص يابني خلينا نتكلم بالعقل
الأغاني دي بتأمرك بخير
طيب بتقولك ايه ؟؟
عمورة :: أنا مش فاهم حاجة !!
حافظ :: يعني الشريط بتاعك دا
فيه أغنية بتقولك يلا قوم صلي الظهر اللي فات منك وانت قاعد تسمع وضيعت الصلاة



يابني كل كلام الإغاني تافه ومبيجيش من وراه إلا الشر
عمورة :: ياعم أهو تمضية وقت وخمسة فرفشة من الزهق دا
حافظ :: بص ياعمورة أنت عارف إنت بتسمع صوت مين ؟؟
عمورة :: آآآه طبعا ما أنا قولتلك دا شريط عمورة الجديد
حافظ :: لا دا مش صوت عمرو ولا حاجة
عمورة :: ياسلام أومال صوت مين بقى
إنت مركز ياحافظ ولا ...
حافظ :: آه طبعا أنا مركز جدااااا
ركز إنت بقى وخليك معايا


قال الله تعالى مخاطبا أبليس
"" وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ ""
إنت عارف أيه معنى وَاسْتَفْزِزْ
(وَاسْتَفْزِزْ) استخف
يعني أبليس بيستخف بيك إنت ياعمورة
عمورة :: بيستخف بي أنا ليه ياعم هو أنا عملت أيه !!!!!
حافظ:: كمل معنى بقية الأية وأنت تعرف
(مَنِ اسْتَطَعْتَ مِنْهُمْ بِصَوْتِكَ) بدعائك بالغناء والمزامير وكل داع إلى المعصية
يعني هو بيستخف بيك ياعمورة بصوته صوت الشيطان اللي بيتمثلك في الأغاني اللي بتدعوا للرزيلة


وبيضحك عليك ويسمعك الموسيقى بتاعته
عمورة :: الموسيقى بتاعته هو الشيطان ليه موسيقى كمان ؟!!
حافظ :: أيوه يابني الصحابة كانوا بيبقولوا على الغناء مزماااار الشيطاااان
يعني بيسمعك صوته وموسيقى على مزاجه هو
مزاج الشيطان يا عمورة
مش بيسمعك كلام الله وحكمه
عمورة ::: يااااااه مكنتش فاكرها كدا خااااالص بسمع للشيطااااان


حافظ :: بص ياعمورة أنا كنت زماان سميع أغاني جاامد
عمورة ::: معقولة إنت ياحافظ !!!
حافظ ::: أيوه وربنا هداني وبطلتها لما عرفت حكمها يابني وهي اللي بتدعي إلى كل رزيلة فبطلتها
إنت عارف الوقتي مش بطيق اسمع صوت أغنية
بحس إني بسمع مكهرب ومتوصلش بفيشة 220 فولت
ومبطقيش أسمعها
يابني الحرام بيظهر ويبان
عمورة :: عندك حق يابني
ربنا يتوب علي ويغفر لي
وخلاص أوعدك إني هبطل لا هسمع عمورة ولا تمورة كمان


عمورة :: خلاص كفاية كدا
كفاية الشيطان بيستخف بيا الفترة دي كلها
لازم أنا بقى أتغلب عليه وأقهره
ومخليش ليه علي سلطان
حافظ :: ربنا يوفقك ياعمورة ويثبتك
















وبعد كااااام يوووووم











حافظ :: أما أكلم عمورة على التليفون وأطمن عليه
حافظ بيتصل على عمورة ومحدش بيرد
بعد شوية عمورة أتصل على حافظ
حافظ بيرد:: السلام عليكم ورحمة الله وبركاته
عمرو:: وعليكم السلام ورحمة الله وبركاته
حافظ :: إزيك ياعمورة أتصلت بيك مرديتش كنت فين يابني ؟؟
عمرو ::: أولا متقوليش عمورة أنا خلاص اسمي عمرو وبس
وبعدين انا كنت في الجامع
حافظ:: بس دا مش وقت صلاة
الصلاة خلصت من زمان
عمرو:: أنا مكنتش في الصلاة
أنا كنت في المقرأة بحفظ قرآن
حافظ :: ما شاء الله ربنا يثبتك ووتحفظه كله
عمرو :: اللهم آآآمين واياك ياحافظ

وشووووية والمكالمة خلصت



وعمرو بيفكر مع نفسه وبيقول
سبحانه الله تركت مزمار وصوت الشيطان
وفقني الله لحفظ كتابة
ما ترك العبد معصية إلا قربه الله إليه



انتهى

[arc_maha2000]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

[علياء سليمان]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

أغانى .. أغانى .. أغاني .. أغاني
أغاني ياباشا ... أغاني يا أستاذة ... أغاني ياعم الحج ... أغاني يابني
تعالى واسمع ... أغاني ببلاش
بقولك ببلاش ... مفيش حد هيدفعك حاجة



أغانى فى الشارع .. أغانى فى العربية.. اغانى فى الجامعة .. والميكروباصات
حتى في غرفة نومك بتوصلك الأغاني سواء بمزاجك ولا غصب عنك
وكمان فى كل المناسبات أغاني
و لكل مناسبة أغنية
وأنت زعلان ليك أغنية .. وأنت فرحان ليك أغنية .. لما تنجح ليك أغنية
لما تتجوز بردوا ليك أغنية
الأغـــاني في كل مكان
وفي كل المناسبـــات



وصدق فينا قول رسول الله صلى الله عليه وسلم
أمة آخر الزمان
قال صلى الله عليه وسلم : " سيكون في آخر الزمان خسف وقذف ومسخٌ " . قيل : متى ذلك يا رسول الله ؟ قال :" إذا ظهرَت المعازف والقَيناتُ " رواه ابن ماجة والطبراني



(لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ ) "صحيح البخارى"
معنى كده انها حرام وهيجى زمن الناس هتستحل الغناء
وفى زماننا ده
أبيح الغناء وعلا وعلا وقوي صوته
ظهرت الأغاني فى كل مكان
..انتشــــــــــرت ..
لالالالالالالا
طغيت فى الظهــــــــور
وبقينا من أمة آخر الزمن
وإنت السبب
لإنك لسه بتسمع اغانى ؟؟؟



انت لسه بتسمع اغانى ؟؟؟
بضيع نفسك في لهو الحديث
قال تعالى: { ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين } [سورة لقمان: 6]
سُأل ابن مسعود عن قوله تعالى: { ومن الناس من يشتري لهو الحديث } ، فقال: والله الذي لا إله غيره هو الغناء - يرددها ثلاث مرات -
يعني إنت بضيع نفسك على الفاضي في لهو



بتسمع أغاني لحد الأن
يبقى فيك الصفتين اللي فاتوا
من أمة آخر الزمان
وكمان بتسمع كلام فاضي " لهو الحديث "
ولسه صفات كتييير
قال ابن مسعود الغناء ينبت النفاق في القلب .
وزاد عليك كمان إنك هتبقى مناااافق




انت لسه بتسمع اغانى ؟؟؟
بعد كل الصفااات دي
لسه مصر انك تعصى ربنا
لسه مش عايز تتعظ والشباب بتموت على سوء الخاتمة بسبب الاغانى
لو لسه مش مقتنع كمل الموضوع
واقرأ القصة دي


في طريق الطائف " الرياض السريع "
حدثني أحد الشباب من الذين يعملون في القوات الجوية
قال رجعت يوم الأربعاء إلى الرياض وبينما في الطريق قبيل صلاة العصر
تحت حرارة الشمس إذا بسيارة من نوع أكورد
قد إنقلبت وهي وحيدة لا يمر عليها أحد
فوقفت أنا وصاحبي فلما نزلنا واقتربنا من السيارة
أصبحنا نقدم رجلنا ونؤخر الأخرى
إنتفضت قلوبنا من الخوف
فقلت له ياأبراهيم أكمل ما الذي حدث
قال لي والله الذي لا إله إلا هو
لقد انقلب وجه صاحب السيارة إلى اللون الأحمر
من كثرة الدم المتدفق عليه



فالتفت إلى صاحبي والتفت ألي
فقرئت ما في عينة وقرأ ما في عيني
أنه لا أحد سينقذ هذا بعد الله إلا نحن
فجذبناه من السيارة ووضعناه على التراب
فأخذت أضرب صدره بخفة ورقة
وهو يشهق
وأقول له بإعلى صوتي
ياالغالي قل لا إله إلا الله

وهذا يشهق

وأكرر قل لا إله إلا الله


تدري بماذا تكلم
ياليته سكت ولو ينطق بحرف
قال
العيون السود وشلون أملها
سحر ذوبني بغزلها
بوسة من خدك حبيبي


ثم شهق شهقة طويلة ثم ماااااااااااات


أبنااااء لا إله إلا الله يموتون على غير لا إله إلا الله


تحب تموت كده ؟؟
تحب تقابل ربك وإنت بتغني
وتبعث وأنت بتغني
ياااااااااااااه ياترى ربك ساعتها هيعمل معاك ايه
هيكون حسابك إزاي
فكر وأحسبها تحب تموت إزاي
على العيون السود
ولا على لا إله إلا الله


هتقولى انا بسمع الأغاني تفاريح بس مش اكتر
لكن مش بتاثر فيها زى ما إنت فاكر
بتسمعها تفاااريح
الواحد لما بيقعد يسمع حاجة كتييير ببيتعلق بيها
وبيرددها بدون وعي منه
وإنت بتسمع كلام حرام ... وبتردد كلام حرررام
والله أعلم لو أتى لك ملك الموت هتقول أيه
أكييييد هتقول اللي اتعودت تسمعه
هتقول اللي لسانك اتعود يردده


وبعدين من قال انك مش بتتاثر بالاغانى
أبن مـسعــــود رضى الله عنـه
بيقول

"الـغنــاء ينـبت الـنفــاق فى الـقلـب كمـا ينـبت المـاء العـشب"
يعنى انت بتتاثر بيها وبتاثر فى قلبك وبـتنبت فى قلبك النفاق وإنت مش حاسس
شوفت بقى الاغانى عملت إيه فى قلبك وانت غافل
شفت انك لو استمريت كده والعياذ بالله تبقى من المنافقين وقلبك يموت
هل تحب تموت قلبك بايدك



هتقولى متفتكرش إنى بعيد عن ربنا أنا برضه بقرا قرآن وعارف ربنا
هقولك كلام ابن القيم رحمه الله
حب القرآن وحب الغناء فى قلب العبد ليس يجتمعان

ولو فعلا القرآن أثر فى قلبك لأزال من القلب الغناء
إسال نفسك السؤال ده
أنا ممكن اقعد ساعات اسمع اغانى
لكن فى الوقت نفسه صعب أوى على نفسى
أقعد نص ساعة بس أتدبر ايات الرحمن

ايه السبب ؟؟
اقولك ايه السبب
قال تعالى
( وزين لهم الشيطان أعمالهم )
الشيطان شغال كويس معاك
يزين الحرام ..ويحليه فى عينك ..ويخليك تستمتع باللى حرمه ربنا
ده سر حبك للاغانى
فوالله هذا خداع من عدوكم
فوالله الاغانى تضيق الصدر وهى سبب رئيسى فى الملل والزهق والهم
وحياة ضنك
لأنها إعراض عن ذكر الله ..
فقد قال الله (( وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى )) .
الأغاني حقيقتها أنها حسرة وألم وإن كانت هناك نشوة فإنها نشوة مزيفة من فعل الشيطان ....
وبعدين هتزول النشوة والمتعة الزائفة وهيبقى الذنب فى صحيفة الاعمال


عارف انك بتجاهر ربنا بالمعاصى
والرسول قال قال النبي صلى الله عليه وسلم
(( كل أمتي معافى إلا المجاهرين ))
والاغانى بقيت منتشرة أوى والكل بيسمعها فى كل مكان
وساعات بنعلي صوتها على الآخر
و مش حاسين إننا بنعصي ربنا



وبعدين الفلوس اللى بتشترى بيها شرايط فنانك المفضل هتتحاسب عليها
وعلى وقتك اللى بتقضيه فى السماع
للدرجة دى الاغانى بتخدر وتذهب العقل ؟؟!
اقف كده مع نفسك وتخيل ان ملك الموت جاى يقبض روحك
يا ترى تحب يقبض روحك وإنت بتسمع اغانى ...
ولا وإنت بتسمع قرآن
حكم عقلك ومتضيعش نفسك
نجاتك فى سماعك لكلام الرحمن
مش فى مزمار الشيطان


وميعااااد الهدايـــا الآن

محاضرة: حكم الغناء والموسيقى.. للشيخ أبي إسحاق الحويني



محاضرة: أفي تحريم الغناء شكّ ؟ للشيخ محمد صالح المنجد



محاضرة: حكم الغناء.. للشيخ محمد حسين يعقوب



محاضرة: الأغاني.. للشيخ وجدي غنيم

[علياء سليمان]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

أخيتي زهرة الطهر
جزئية الحملة والقصة جاهزين على النزول
يلا راجعيهم ونزليهم
وفقك الله

[زهرة الطهر]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

هنكتب فى ايه بعد كده ام ابا جهاد ؟؟
كنت عايزة اخد رايك فى فكرة حملة ونتمنى نشتغل فيها بشكل جماعى
منتظراكِ

[علياء سليمان]

رد: ঔღঔ... التحصير لحملة علشــان ربنا يحـــبكــ .... ঔღঔالدخول للمشتركات في التحضير للحملة فقط

ممكن نكتب بعد كدا في الملابس المخالفة
سواء شباب أو بنات
وقولي فكرة الحملة ونتناقش ونبدأ على بركة الله