يا ريت تاخدو بايدى ناوية ان شاء الله اتغير

[yaso79]

السلام عليكم و رحمة اللة و بركاتة
اخواتى فى الله
احب اشكر القائمين على المنتدى و اشكركم لانكم بجد ناس كويسين و دة من قرائتى لموضوعاتكم
ثانيا انا =========ليا بتاع الجيش مافيهوش اى دوس دينية يا ريت الى يعرف مسجد قريب من المنطقة يقولى الدروس امتى و فين و يا ريت يكون الصبح فقط عشان اقدر اشوف حال زوجى و اولادى
يا جماعة انا نفسى ربنا يهدينى للنقاب و لصحبة صالحة ياخدو بايدى
انا خلاص تبت عن الاسبانيش الى كنت باعملة و بقيت الف الايشارب كويس بس حاسة انة موش كفاية قلت لزوجى البس عبايات و رغم انة متدين جدا جدا رفض و قالى موش بحب
صرحت لوالدتى و هى من عائلة متدينة جدا انى البس النقاب اعترضت بشدة و قالتلى لما تطبقى الدين كلة ابقى قولى البس النقاب
عايزة ابتدى احضر دروس و اكون مع صحبة صالحة عشان يقوو ايمانى
انا جبت نقاب من وراهم بس شايلاة فى الدرج و موش عارفة البسة منهم
و طول الوقت مع زوجى فى رحلات و مناسبات و اجتماعيات فمطالبة بمظهر معين لان معظم الى بنقابلهم و نخرج معاهم زوحاتهم موش محجبين بالكتير اوى يعملوة اسبنيش
بس انا تبت لوجة اللة لما عرفت ان دة الحجاب اليهودى
انا بس مختاجة لحد يا خد بايدى و يدلنى على طريق المسجد و دروس العلم
يا ريت تساعدونى و جزاكم الله خير

[زهرة الطهر]

رد: يا ريت تاخدو بايدى ناوية ان شاء اللة اتغير

هدانا الله واياكِ

بصراحة معرفش اماكن مساجد فى مدينة نصر

اذا فى حد بيعرف اكيد بيساعدك

ربنا يثبتك ويهدى زوجك يارب وياااارب يرزقك لبس النقااااااااب يارب

وعليكِ بالدعاء واللجوء الى الله وكثرة الاستغفار

وياريت تشاركينى فى القسم الخاص

https://forums.way2allah.com/showthread.php?t=18164

واذا احتاجتِ اى حاجة احنا اخواتك فى الله لا تترددى

رزقنا الله واياكِ الفردوس الاعلى برفقة امهات المؤمنين اللهم آآآمين


لى تبيه بسيط لكِ لفظ الجلاله يكتب الله جل جلاله

اما اللة اسم لصنم كان بيعبد من دون الله

فانتبهى أختى

أحبك فى الله

[غــداً نــلــقــى الأحــبــة]

رد: يا ريت تاخدو بايدى ناوية ان شاء اللة اتغير

وعليكم السلام ورحمة الله وبركاته

حبيبتى ياسو
اللهم بارك
ربنا يثبتك ويزيدك اللهم آمين

أبشرك بقول الله : ( إِنَّ اللَّهَ يُحِبُّ التَّوَّابِينَ )
يعنى ربنا يحبك الآن فأبشرى

وقول رسول الله صلى الله عليه وسلم : ( لله أفرح بتوبة عبده من أحدكم بضالته إذا وجدها )
يعنى ربنا بيفرح بتوبتك سبحان الله

وقول رسول الله صلى الله عليه وسلم : ( أنا عند ظن عبدى بى وأنا معه إذا ذكرنى فإن ذكرنى فى نفسه ذكرته فى نفسى وإن ذكرنى فى ملأ ذكرته فى ملأ خير منهم وإن تقرب إلى بشبر تقربت إليه ذراعاً وإن تقرب إلى ذراعاً تقربت إليه باعاً وإن أتانى يمشى أتيته هرولة )

فأبشرى حبيبتى كلما تقربتى إلى الله كلما تقرب إليك وزادك
سبحانه مع أنه غنى عنا ونحن الفقراء إليه ونحن المحتاجين
ولكنه ودود سبحانه

ربنا ييسر لك لبس العبايات والنقاب اللهم آمين
حاولى ولا تيأسى أبداً يا ياسو
أنا عملت زيك كدة كنت مشترية النقاب من ورا ماما ومخبياه فى الدولاب ودلوقتى أنا لابساه اهو بقالى سنة وكام شهر
فإن شاء الله تلبسيه عن قريب
ادعى ربنا بصدق وفجأة هتلاقى كل المشاكل بتتحل أدام عينيكى
ولكن طبيعى تلاقى الإعتراضات دى عشان ربنا بيختبر صدقنا يا ترى احنا عايزين نرضيه فعلاً ولا احنا بنضعف بسهولة ونتنازل لمجرد ان اللى حوالينا بيعترضوا ! وياترى رضا ربنا أهم عندنا ولا رضا الناس ؟
ولكن اوعى تخلى أسلوبك وحش مع زوجك أو مع مامتك
دايماً اتكلمى بالحسنى وبالكلمات الطيبة
ولما تعرضى عليهم أمر العبايات والنقاب اتكلمى بالراحة وخلى ذوقك وأخلاقك الطيبة هى اللى تحرجهم وتخليهم مش قادرين يرفضوا
انما الخناق والجدال والمشاكل مش بيجيبوا حل حبيبتى

وما شاء الله عليكى انتى فكرتى فى الحل الصح لما طلبتى تحضرى دروس ويكون معاكى صحبة صالحة
فعلاً حبيبتى هما دول اللى هيساعدوكى بجد
الواحد ساعات بينكش ويدور ع الصحبة الصالحة بكل قوته
ممكن تروحى دروس علم زى ما قولتى وأكيد هناك إن شاء الله هتلاقى صحبة صالحة
ممكن تروحى حفظ قرءان وهناك برضه هلتاقى صحبة صالحة إن شاء الله
ولو ما اتوفرتش أمامك دلوقتى صحبة صالحة فاجعلى الأخوات فى المنتدى هنا هما صحبتك الصالحة ... أنا كانت صحبتى الصالحة بدايتها من منتدى إسلامى برضه وأسأل الله أن يجعلنى فى ميزان حسناتهم فعلاً اتغيرت معاهم كتييييييير أوى من اللبس العادى والحياة اللى من غير هدف لغاية النقاب بفضل الله

أنا بأروح مدينة نصر إلى حد ما
بحفظ قرءان هناك
وأظن ان عندكم دروس ان شاء الله
فيه موقع لقيته هنا امبارح فى المنتدى بيجيب أماكن الدروس
وأظن ان شوفت فيه دروس فى مدينة نصر
هجيبهولك حبيبتى وإن شاء الله يفيدك
أما عن حفظ القرءان فقوليلى لو عايزة وأنا أقولك أماكن ان شاء الله واحد منهم ينفعك وتروحيه
وإن شاء الله لى عودة عشان نكمل كلامنا ونشجع بعض
ربنا يحفظك حبيبتى ويكرمك يااارب

[علياء سليمان]

رد: يا ريت تاخدو بايدى ناوية ان شاء اللة اتغير

بارك الله فيك أخيتي
الأخوات ما شاء الله ردوا عليكي
وهنقل موضوعك للفضفضة
علشان الأخوات هناك هيردو عليكي
وربنا يحفظك ويثبتك
عليكي أخيتي بكثرة الإستغفار والدعاء لك ولزووجك ولوالديك
وأسأل الله أن يسهل لك كل صعب
وأن يقربك إلى دينه وإيانا

[أم ساره]

رد: يا ريت تاخدو بايدى ناوية ان شاء اللة اتغير

ثبتك الله علي الحق حبيبتي في الله نصيحه غاليه لكي حبيبتي في الله اثبتي علي الحق الذي معكي ودافعي عنه باقصي قوتك وتدرجي في زيك الشرعي حتي تتمسكي بكل خطوه تخطيها والبسي النقاب لكن بعد التمسك بكل خطوه تسبقه خمار عباءه ثم النقاب حتي اذا ارتديتيه لم يستطع احد ان يقنعك بخلعه وادعي لزوجك وامك دائما ان يهديهم الله والايكونو عائقا في طريق التزامك

[بنوتة]

رد: يا ريت تاخدو بايدى ناوية ان شاء اللة اتغير

ثبتك الله اختى على طريق الحق واعانك بالاخوة الصالحة

[ام نظام]

رد: يا ريت تاخدو بايدى ناوية ان شاء اللة اتغير

أختى اعانكِ الله وسدد خطاكِ وجعل الجنة مثوانا ومثواكِ
وارجو منكِ قراءة هذا الموضوع لاختنا يمامة المسجد
: لكل أخت لا تستطيع إرتداء النقاب
ثبتكِ الله أخيتى
وبارك فيكِ
عليكِ بالدعاااااااااااء
والدعااااااااااااء
والدعااااااااااااء
واشتركى معنا فى الخاص
سنكون لكِ نعم الاخوات ان شاء الله

[رحيق العفة]

رد: يا ريت تاخدو بايدى ناوية ان شاء اللة اتغير

اسأل الله ان يهدينا واياكِ للحق ويثبتنا علي الخير


وانا اهديكِ هذه الهدية


راجع لك يا رب

[nahla-111]

رد: يا ريت تاخدو بايدى ناوية ان شاء الله اتغير

اخيتى ياسو اولا انى احبك فى الله ثانيا اثبتى على الى انتى فيى وتدرجى فى الطاعات يعنى مثلا تلبسى جيب و علية حاجة واسعة و طويلة وانا كونت لسة فى جنينة مول عندك يعنى و لاقيت تونيكات جميلة ممكن تتلبس على الجيب و هتبقى مثل العبائة و تثبتى عليها فترة و بعد كدة لو كنتى مثلا بتعملى حواجبك تبطلى او برفانات او make up وكل حاجة تبقى خطوة خطوة و لما تثبتى على الخطوة دى تنقلى على الى بعدها و كدة وادعى ربنا انو يرزقك ويرزقنى النقاب و لو عزتى اى حاجة انا فى خدمتك و سجلى بقى على الخاص علشان تتكلمى براحتك و هتلاقى طريقة التسجيل على موضوع من الموضوعات المثبتة