اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

[ام بسمله وبراءه]

أخواتى الحبيبات
ياااارب ماتسيبونيش تايهة كده كتير
انا عضوة جديدة معاكم على المنتدى ووكنت باتابع المشاركات فى صمت
وعجبتنى اوى الروح الحلوة فى المنتدى هنا بين العضوات وبعض
وبجد حسيت من اول يوم انى حبيتكم كلكم جدااااا وحبيت المنتدى
وسجلت مخصوص عشان السبب الى فى عنوان الموضوع
واسمحولى افضفض معاكم ....بس فضفضة فى الدين ...فضفضة ايمانية
انا متجوزة بقالى سنة والحمد لله ربنا رزقنى ببنوتة ربنا يهديهالى
لكن المشكلة بقى الخطيرة
انى من ساعة ما اتجوزت وبجد حالتى الايمانية شغالة فى النزووووووووووول والهبوط المستمر
حاسة ان الدنيا دخلت قلبى اوووووى وعششت فيه كمان
بعد ما كان قلبى مشغول بطاعة ربنا وعمل الخير ...حاسة انى كل تفكيرى فى زوجى وبنتى والدنيا وبس وقليل فى الدين
مش معنى كده انى كنت فظيعة قبل الزواج ...بس بجد كنت احسن من كده كتير الحمد لله....مش عايزة ادخل فى تفاصيل دلوقت عشان ماتتوهوش منى لانى رغاية

المشكلة الاكبربقى انى ماعادش ليا اى صحبة صالحة خالص تعينى على الطاعة ولا تفكرنى بربنا لو نسيت او سهيت او كده

كان زماااااان ليا صحبةصالحة فى الكلية وكان فى اخوات ربنا يكرمهم دايما ينصحونى ويشدونى معاهم وكنت باحضر دروس على قد ما اقدر
وكمان كان ليا صحبة صالحة فى منتدى اسلامى وكنا بنشجع بعض جاااااااامد على الطاعة لدرجة اننا كنا بنعمل حاجات دعوية كمااااان
دلوقت انا زعلااانة اووووووى كله فركش .....والدنيااخدت الكل فى طريقها

والى مزود الحكاية انى كمان فى فترة نفاس يعنى لاصلاة ولاصوم ولا اى حاجة

انا خايفة اموت بجد دلوقت وابقى عند ربنا من الغافلين
انا مش عايزة حد يقلى معلش وحاولى وبتاع وكلام وخلاص....
ه ...ننصح بعض ..ندعى لبعض....نتفق على طاعة اسبوعية نعملها ...الى بتعمل حاجة خير تيجى وتدلنا عليها وليها الاجر والثواب
نفسى الاقى حد يعينى على الطاعة زى زمان

وعجبنى ان المنتدى هنا الاغلب متزوجات ومشغولين زى حالاتى
نفسى لو واحدة عايزة تاخد اجر كبيييير من ربنا وتدعينى او لو هى زى حالاتى عايزة صحبة تدخل

واول حاجة ....تحكى هى ايه ظروفها وعلاقتها بربنا دلوقت؟؟؟
ياترى هى بعيدة ولا قريبة ؟؟واى فترة كانت صلتها بربنا قوية ؟؟؟
ولو هى متجوزة ياترى الجواز اثر فيها سلبا ولا ايجابا؟؟؟
ولو سلبا عملت ايه عشان تقرب من ربنا تانى ؟؟؟وبتقاوم مشاغل الدنيا وضغوطها ازاى ؟؟؟
انا كمان هاحكى بالتفصيل فى مشاركة بعدين
ومستنياااااااااكم .....ياااارب ما تطنشونيش عشان هازعل بجد
وبعد كده نبدأ ونستعين بالله ونعين بعض على الطاعة
ونبقى صحبة صالحة ونتقابل فى ظل عرش الله وعند حوض رسول الله باذن الله
يااااااااااااااااااااارب
و......فاااااااصل ....ونوااااااااااصل ان شاء الرحمن

المشكله يااخواتى اخوات الطريق الى الله ان دا فعلا بيحصل فى كتير من البيوت (ضعف الايمان )يلا ياحبايبى

مين معاى نساعدها ازاى من الاخر كده انا عايزه منكم
كلام جامد يخرج من القلب علشان يوصل للقلب
وطبعا الاجر والثواب عند الله
سبحان الله وبحمده
والله اكبر
بحبكن
فى الله

[ام بسمله وبراءه]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

ياللي بتدورى علي الصحبة الصالحة تعالي معاية ؟؟؟؟؟

مين فيكم بتدور علي الصحبة الصالحة من زمان
ومش لاقياها؟؟؟

مين فيكم مش لاقية حد
ياخد بأيدها ويوريها طريق الجنة منين؟؟؟

مين فيكم نفسها في حد يشجعها علي فعل الخير وترك المعاصي
ومش لاقية؟؟؟

مين فيكم نفسها تحفظ القرآن وتطبق السنة النبوية
وعايزة حد يشجعها؟؟؟

مين فيكم خايفة لما تموت وربنا يسألها انتي عملتي أيه كويس في دنيتك
ما تلاقيش اجابة؟

مين فيكم عايزة تتوب عن ذنوب كتير
ومحتاجة بس نصيحة من واحدة بتحبها وبتخاف عليها؟؟

مين فيكم بجد بجد عايزة تدخل الجنة؟؟

انا بصراحة يا جماعة اول واحدة عايزة وباتمني كدة

علشان كدة يالا معاية نعمل مع بعض صحبة صالحة
ونعين بعضنا علي الطاعات
ونشد من أزر بعض انا في انتظار صحبتكم
يالا ياجماعة

الجنة بتنادي علينا

يا اخواتي وحبايبي
من شروط نجاح صحبتنا
ان احنا نبقي عارفين بعض الاول
يالا كل واحدة تعرفنا بنفسها
وتقول ايه الشيئ اللي نفسها
تحققه معانا
(يارب عيننا علي طاعتك)

وكمان اللي عندها أي سؤال
أي استفسار
اي مداخلة
أي اقتراح
أي فكرة تقولها لينا
وان شاء الله هاتلاقينا كلنا معاها وجنبها
ماهو احنا حبايب واخوات في الله
مش كدة والا أيه؟؟؟

[الزهراء محمد]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

السلام عليكم ورحمة الله وبركاته اختي الغالية كلنا معكي لان الصحبة الصالحة تعين علي الطاعة واعلمي اختي الغالية ان حالي مثلك واسال الله ان يثبتنا وان الله يحبك لانه جعلكي تتذكري الموت وتتفكري في حالك ولم يتركك تلهي في الدنيا فلا تستسلمي واسال الله ان يعننا علي طاعته وانا عندي اقتراح نبتدي بحفظ القرآن وقراءته حتي اذافعلنامعصية نتذكر اننا من حفظة كتابه فلاينفع ان نسمع الاغاني وكلام الله في صدورنا وان من الذين يسعر بهم النار قارئ القرآن فنخاف فبذلك يكون حصن لنا فاسال الله ان يكون شفيعا لنا يوم القيامة وان سعيدة ان نكون صحبة ونعين بعضنا علي السير في الطريق الي الله واسال الله انيدخلنا الجنة بلا سابقة عذاب ولا مناقشة حساب وان يجمعنا جميعا في الجنة آمين

[الباقيات الصالحات]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

السلام عليكم ورجمة الله وبركاته

جزاك الله خيرا اختى فى الله ....

نسال الله لنا وللجميع الهدايه ....اللهم انى اسالك حبك وحب من احبك وحب عملا صالحا يقربنى الى حبك

اللهم امين

[ام جمانه]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

لا تنسو دعاء سيد الاستغفار(اللهم انت ربي لا اله الا انت خلقتني وانا امتك وانا علي عهدك ووعدك ما استطعت اعوذ بك من شر ما صنعت ابوء لك بنعمتك علي وابوء بذنبي فاغفرلي انه لا يغفر الذنوب الا انت)

[ام جمانه]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

السلام عليكم اخواتي الحبيبات.بدايه انا بقول للاخت الحبيبه الله يتم نفاسك علي خير ووالله يا اختي هذا حالي ايضا فانا عضوه جديده ايضا وكانت اول مشاركتي هي انني اريد صحبه صالحه تعينني علي طاعه الله عز وجل واريد ان احكي لكم قصه التزامي وما بعدها (وهذه قصتي) اولا انا متزوجه منذ 6 سنوات وعندي جومانه ومهند نشات وتربيت في اسره بل عائله كلهم ملتزمين وكان والدي رحمه الله من الدعاه الي الله عز وجل وكنت اري كل من حولي ملتزمين الا انا وكان هذا الشيء ينغص علي حياتي خاصه عندما اري بنات لم ينشاو وسط اسره ملتزمه واري فيهم مثال للاخلاق وحب الله وطاعته كنت دائما اقول اشمعني انا وانا التي تربيت وسط اسره ملتزمه كنت البس الجيبه والبلوزه عكس بنات كتير ملتزمين بالزي الشرعي وكان والدي ووالدتي دائما ينصحوني بدون الضغط علي ولكن دون جدوي وتخرجت من الجامعه وتزوجت وانجبت طفلتي الاولي وجاءت اللحظه كنت عند والدتي مره وسمعت ان جارا لنا توفي وذهبت الي الشرفه لاري جنازته وعندما وقع بصري عليه وهو مكفن والناس يحملونه شعرت برعشه شديده جدا وبدات حياتي تنقلب 180 درجه بدا قلبي يذوب في حب الله والخوف من سوء الخاتمه ولبست الزي الشرعي بس بدون النقاب واخذت اقرا الفران كاني اقراه لاول مره مع العلم انني تخرجت من الازهر وحافظه القران كنت انتهز الوقت الذي تكون فيه ابنتي نائمه وزوجي نائم وارتل القران في خشوع تام واصلي واتذلل الي الله ان يرحمني في هذه الفتره توفي والدي وكان لجنازته منظرا مهيب فبدل ما احزن فلقد فرحت لانه كان من الصالحين ورزقه الله بحسن الخاتمه وبدات تغلبني فكره لبس النقاب واعانني زوجي علي لبسه فلبسته والحمد لله منذ سنتين والحمد لله من الله علينا وسافرنا الي المدينه المنوره للاقامه فيها ولكن اخواتي احس منذ ان سافرت وحالي وحال زوجي في النازل فلم اعد اقرا القران الا كل فتره واحاول جاهده ان احافظ علي النوافل وقيام الليل ولكني احيانا اتكاسل هذه قصتي اتمني ان نشد ازر بعض علي طاعه الله

[نور الايمان2]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

جزاكى الله الخير ام بسمله
وحشتينى اختى فى الله
هرد على موضوعك بس مش الوقتى
تقبلى مرورى

[nashwa24]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

جزاك الله خيرا اختى فى الله ....

نسال الله لنا وللجميع الهدايه ....اللهم انى اسالك حبك وحب من احبك وحب عملا صالحا يقربنى الى حبك
تنبيه:أرجوا من الأخوات عدم وضع الى بيانات او معلومات شخصية
المنتدى مرئي للجميع

[nor_islam]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

نسال الله لنا وللجميع الهدايه

[أمة الله85]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

السلام عليكم ورحمة الله تعالى وبركاته
جزاك الله خيرا أختي أم بسملة على هذا الموضوع الرائع
وكلنا نحتاج الى الرفقة الصالحة التي تعيننا على طاعة الله
لي رجاء منك أخيتي وهو نقل هذا الموضوع الى الخاص على نتحدث بطلاقة لان الفضفضة مرئية للجميع كما قالت أختي نشوة

[خديجة أحمد]

رد: اخوات اجمع فى اخت محتاجه مساعدتنا ها نمدلها ايد العون ولا ؟؟؟؟؟

و انا مع اختي امة الله اعجبني الموضوع يا ريت يتم نقله في القسم الخاص يكون احسن