@@@بقلمى ..ونبض قلبى@@@

[الدره العصماء]

السلام عليكم ورحمة الله وبركاته
أنقل لكم ما سطرته بيدى من كلمات ...لعلها تنال رضاكم ..ولعلها تصل الى قلوبكم لأنها خرجت من قلبى ..بالرغم من انها بسيطه للغايه ولكنى حقا كتبتها بنبض قلبى واذا قبلتموها منى فسأعدكم أنى سأكتب كل جديد لى هنا مع العلم بأنى اشتركت بكلماتى فى المنتدى الخاص وأحببت أن يشاهد كلماتى أكبر عدد هنا فى المنتدى العام ...دعواتكم معى ..:

1-ياخطانا لاتغيييبى

ياخطانا لاتغيبى ....نحو رب يدرى ما بى
فهو يسمع صوت نحيبى ...وأهاتى ولهيبى
أخشى يوما من عذابه ....
أخشى من ناره تشوينى.....
أخشى يوما من عقابه ......
أخشى قبرا يحتوينى .......
أخشى ظلمه ووحشه ......

أخشى كل شىء أخشى ................

ياخطانا لاتغيبى ...عن الهى وحبيبى
اعلمى انه يراكى ........
ارحمينى من خطاكى......
فغدا يوم احتراقى ........
ارحمى قلبى الضعيف.....
ارحمى جسدى النحيف....
كيف اتحمل عذابه......
كيف انجو من عقابه .....
نحن نحيا كى نغادر.......
فلما نحيا نكابر ..........
ياخطانا ....ادخلينى فى صروحى
قبل ان تنزف جروحى .......
جففى دمعى وخوفى ......
قبل ان أسلب ....روحى

_________________
2-سب الرسول

ازاى أسكت وأنا ربى جعلى صوت
أصرخ وأقول بيه النبى بيتسب ..... والأمه كلها العذاب فوق رؤسها بيتصب

ده محمد حبيبنا اللى جوه القلب

بدعى عليكم بأفظع الدعوات .....ما تفكروش ان محمد ا قد مات.............
محمد عايش فى قلوبنا ياشرذمات .....ومستحيل هنقبل له الاهانات.........
مش هو اللى تتهموه بأبشع اتهامات .....ده هو اللى على ايده بتنزل البركات

ازاى كده اتجرءتوا على ولى الله........ازاى ايديكو طاوعتكم تسبوا حبيب الله

مش خايفين من المولى جل فى علاه....يخسف بيكم ارضه وهو فوق فى سماه

واحد سفيه مجنون رسم بايده جنون ....وهما من جهلهم اعتبروها فنون ...
.عذرا نبينا ماهى الفنون دى جنون ....وصبرا جميلا .. فكل شىء بيهون ..........
كاتب سفيه مجنون شايلينه ع الأكتاف ....وشعبه من يومها ما بطل صياح وهتاف
حرام عليكم بقى .....ياشرار الناس ......وكفايه ظلم وكتم ف الأنفاس..........
بتقولو دى حريه ........ياجهله دى همجيه
............................................


فاكرين ان الحياه دايمه وليكم بتتفتح ........فاكرين يوم القيامه حد فيكم يفلح .......
ده انتم وقود النار .......يانمارده ياكفار.......ده احنا معانا كلمه تجعل حياتكوا دمار
ومعانا رب رحيم .........واسمه كمان جبار .........والليل اللى سائد بكره هايبقى نهار

احنا بايمانا كلامنا للاله واصل ........عرفتوا خلاص احنا مين .......ماهو ده الفاصل
وكفايه بقى مناهده .......هو احنا ها نفاصل ....؟؟؟؟

هاأفضل أدعى عليكم بالهموم والكرب .....وها أشن دايما فوق رؤسكوا الحرب ....
ما هو مش رسولنا حبيبنا هو اللى يتسب

------------------------------

3- رساله الى أمى

وأنا جالسه فى الفجريه ....سالت دموع عنيه
وسرحت بفكرى شويه .....أيام صبايا يامه
وأنا فى حضنك ياغاليه أنسى أنا ذاتى
وأنام وأمسح دموع غاضت فى وجناتى
وأنسى الهموم والكرب وكل أهاتى
ادعى لى يامه ياللى دعوتك تصعد بها الأملاك
ادعى لى دعوه يامه تسرى مع الأفلاك
وتزيل عن طريقى قضبان من الأشواك
ماأنتى صمام الأمان ودايبه فى الوجدان
أنتى واحه ياأمى مزينه البستان

عايزاكى بقى تسامحينى وف حضنك تضمينى
وتسامحى غفوه منى حدثت وانا صغيره
خلاص بقى ياأمى بنتك بقت كبيره
حسيت بحبك وحنانك وعواطفك الوفيره
واتمنيت لو رجعت طفله بضفيره
***************
مش بقولك أنا كنت سرحانه
وفى بحر حنانك بت غرقانه
وجه ابنى ينادينى ....دلوقتى أنا زعلانه

!!!!

-------------------------------

4-عندى كلام مكبووووت
عندى كلام مكبوت ............كاتم لى أنفاسى
وحاجات كتيير ف الدنيا .....جارحه لى أحساسى
صدرى ملىء بهموم.......... وكلام شديد قاسى

ليه الوفا فى الدنيا بقى .......عمره كده قصيير
لو فكرت يوم ليه أنت.......... تايهه ومتحير
ليه وجهك كده بقى........... شاحب ومتغير

لأنك فى دنيا .........أحوالها مقلوبه
الناس فيها حيارى.... وف الهم مسحوبه
ماشين يناطحوها .........بأراده مسلوبه
كانت زمان صافيه ...صبحت تلال سوده
صبح اللئيم فيها........ صفاته محموده
والناس بتهتف له ......وكأنها موضه

خلاص انا سيبتك ......هاأطلع أنا بره
هاأشوف مكان ملىء... بالدفىء والضله
وهاأسيب حلاوه شربتها ..من ايديك المره.
--------------------------------

5-رسائل الى أمى

امى الغاليه :

مش قادره اوفى لك اللى عليه
حمل **** رضاعه *** دمعه ****وفرحه
خصام ***ومصالحه **** تعليم وجهاز ****
وعروسه بطرحه ****قلب عطوف ****وعيون متسامحه
أيام وسنييين وأنا على ايدك مش قادره أسدد لك دينك
دورت كتيير على معنى وكلمه توفى لك حقك ده عليه
مالاقيتش كلام ولا فى الأحلام غير كلمه جميله تملأ فمى
وكفايه انها عايشه فى دمى الكلمه دى كلمة أمى
معناها جميل قوى ياحبيبتى وكفايه أقولها لك أنتى



**************************************
يابركه ياطاهره ياأجمل زهره
أنتى الضل وتحته بعيش
أنتى فى حنانك مالاقيش
خلينى ف حضنك ياحبيبتى
أرجوكى ما تحرمينيش
أنتى ياأمى ألحب الصافى
أنتى الأم الحضن الدافى
ياللى حنانك دايما وافى
عطفك حبك ...برضوه ده كافى



**************************
البوسه دى لمين...؟؟؟؟
لخدود ست الحلوين
والتانيه كمان عشان
حنان كل السنيين
عمرى اللى عشته معاكى
دايما أسمع دعاكى
ودايما أطلب ياأمى
انى أنول رضاكى
وأنا كبيره وأم
حضنك دافى ويضم
حبك وحنانك ليه
يملا الدنيا ويعم



**************************
أمى ياأجمل حب بتشفى ....وأغلى عطاء
أمى يانهر حنان بيكفى ....م الأرض للسماء
أمى ياقلب دايما يعفى ...ويبقى صفاء ...
أمى ياحضن حنان بيدفى ....ويحمل أحلى وفاء
أمى ومش بس أمى ....ده أنتى كل الأصدقاء
أمى لما بشوفك وأعيش فى نورك ...بيكون ده أحلى لقاء
ده أنتى ياأمى كل الدنيا ...حتى كمان الزاد والماء ***


*************************************************
أمى الغاليه :
أنا كنت جنين أشعر بحنيين
قلبك شافنى قبل العين
حسيتى بيه ياأمى ياغاليه
من قبل ما تعرفى أنا مين
أنا ياحبيبتى ماليش غيرك أنتى
مهما يا أمى عشت سنيين
مهما كبرت وطوفت وشوفت
ألقى حنان كده زيك فين
عمرى حياتى وأغلى ماليه
فداكى ياضى العين

*************************

6-رساله للتشجيع على النقاب
عايزين نعيد زمن الصحابيات ......وأمهات المؤمنين والمؤمنات ........
ونقول مليون مبرووووووووك .......لك---------------ل البنات........
مليون مبروووووك للى انتقبت جديد .......................................
مبارك عليها وعايزين المزيد ................................................
عايزين نفرح رسولنا ويكون ................بينا سعيد

سوف تعرف الغريبه وسطنا ...............................................
هى اللى هاتكون مش لابسه زيننا ..........................................
ربنا يكتر مننا .....................ونلبسه كلنا ..................................
ونقول للى مش معانا هنا ........تعالى شوفى فرحنا ..........................
مستورين بزينا ..................ومحدش أحسن مننا .........................
مبروك عليكم ياحبايبى أنا .......دى أحلى فرحه ف عمرنا ................
والأرض والسماء فرحانين بنا .................................................. .
ويارب يرضى عنى وعنكم ربنا ......ونفرح رسولنا كلنا ......................
ونفرح منتدانا هنا ....................ماهو كمان من أهلنا .......................
وأكيد هايفرح لفرحنا ................ ياللا بقى مش عايزين نسبقكم وحدنا ........



---------------------------------------

7-صرخه من أعماقى

ليه أحيا فى بيتى وأنا ذليله ...؟؟؟
ليه أحيا فى بيتى كده أسيره ...؟؟
مين قالك تتحكم فيه وتهينى وتسيبنى فى حيره ....؟؟؟
بقى بعد العمر ده وياك تلغينى ولا يبقى لى سيره ...؟؟
ليه أحيا فى بيتى كده ذليله...؟؟؟
ليه أحيا فى بيتى وأنا أسيره ...؟؟
ها تقولى بحبك ياحياتى وده كله من طبع الغيره
راح أقولك الحب ياعمرى مش طبعه يلغى كده ذاتى
جاى تشطب اسمى بطباشيره وتقولى ده من طبعى الغيره
ليه أحيا فى بيتى كده ذليله ...؟؟؟
ليه أحيا حياتى كده أسيره ...؟؟؟
ليه دايما أطاوعك ياحبيبى وأنت مش دارى بتعذيبى
ليه أرضى وأقولك ده نصيبى ....؟؟؟
مش ها أحيا حياتى كده أسيره
مش هاأحيا فى بيتى كده ذليله ...
أنا ثورت كتير وقولت لك لأ
ودايما كنت أنا على حق
وبسرعه نسيت ولك قلبى رق
مش معنى كده أبقى ذليله
مش معنى كده أحيا أسيره
حاسب على قلبى وقدرنى
صدقنى الآهه بتوجعنى
وكفايه عليه كده الليله
قلبى مش قادر يتحمل ...مش لاقيه بيدى حيله
مش هاأحيا حياتى تانى أسيره
مش هاأحيا حياتى كده ذليله .....
------------------------------
8-حوار مع نفسى
مالك يانفسى كده ....بتاخدى وبتدى
وأنا اللى ساكته أهو .....وبقولك بقى ردى

مين اللى قسى وحرك لك كوامنك
مين اللى نغص حياتك وكان سبب كربك
لا ...لا... مش ممكن يكون ده حته من لحمك
كفايه بقى يانفسى ده ربنا رحمك
وعرفتى مين اللى افترى كده وظلمك
مين اللى خان وبغى وقطع صلة رحمك


هم اللى كانوا وكنتى بيهم فرحانه
خانوا وباعوا وانتى ولا دريانه
جرحوا ونسيوا ولسه فى حبهم غرقانه


بس ربى ...عندى يقين ثابت
عندى أمل فى الله ولو الرؤوس شابت
حقى ها يرجع ولو حتى القيامه قامت
--------------------------------------
9-حجابك زانك

حبيبتى ليه سايبه شعرك على كتافك
طب لو حبيبنا محمد جه كده وشافك
هاتقولى .... ايه وليه خلعه لحجابك
ده اسمه حجاب علشان ربنا صانك
من العيون والناس.. اللى باصه لك
ها أقولك كلمه تخليها حلقه ف ودانك
حجابك ده نعمه بتزود جمالك ....
بتكونى ملكه والدنيا ...ضاحكه لك


بلاش تسمعى كلام ناس... مغشوشه
بيقولوا شكلك أحلى وأنتى.. مكشوفه
وبينصحوكى بكلمه بالسم.. مرشوشه
ده أنتى حجابك زانك حتى وأنتى فى الكوشه
ده أنتى غاليه ودره مكنونه وبحجابك جميله ومصونه


بدعيلك ربنا يهديكى ويارب فى الجنه تقبلينا ونلاقيكى
ونشوف حبيبنا ورسولنا يسلم علينا وعليكى .....


عارفه انه بكى عشانا زمان ....وقال لربه مش
ها يعرف ينام الا أما يرضيه خير الأنام
هو اللى اتحمل عشانك كتييير ولازم تردى الدين الكبييير
بأنك تكونى لدينه نصير ...عشان انتى غاليه وقلبك كبيير
محمد حبيبنا عليكى ...بيغيير... قوليله خلاص على نهجك هااسير

.
__________________

10-كلمات لتشجيع المرأه على المكوث فى بيتها

شوفتوا الست الغاليه الكامله ....عملت ايه... ؟؟؟؟؟؟؟؟
سابت شغل بألف جنيه ............عارفين ليه ....؟؟؟؟؟؟؟
علشان تفدى ولادها وبيتها ......وبعدين ايه ....؟؟؟؟؟؟؟
قالت مين ابقى لى ف الدنيا دى ....................؟؟؟؟؟؟
لازم أفوتوه عشان أولادى ...............................
لازم أقدم شىء لبلادى ......................................
لازم أخرج م السكه دى ...................................
وارمى ورايا كل عنادى .......................................
مش من بكره ..!!!! لا من الليله دى .....................
أنا وياكو ياضى عيونى ...............................
خلاص ياحبايبى خلاص سامحونى .........................


الدنيا صبحت غريبه مافيهاش حنان ولا طيبه .....
مين ها يراعى ولادك ....حتى لو كنتى طبيبه .....
ها تقولى أمى حبيبتى دى من قلبى قريبه .................
ها أسيب ولادى معاها وهى أقرب حبيبه .................
وليه تبعدى عنهم وتكونى زى الغريبه ....................


الدنيا يابنتى صبحت زحمة
وقعدتك فى بيتك رحمه
وطبق فول من ايديكى أحلى من طعم اللحمه
مش طبق بالفيروسات يكلوه من المحلات...بايدين ناس عملوه
مش بيراعوا النظافه ولا الخضار غسلوه ....................



عرفتى خلاص الغاليه هى مين ....؟؟؟؟هى اللى قاعده فى بيتها
حتى أسألوا الغالين ...والدتها وجدتها ..............................
بيقولوا الست زمان ....كانت عايشه براحتها......................
عايشه أحلى حياه ...ملكه فى مملكتها ................................
صاينه نفسها ...وأيمانها بربها ....رفيقها فى وحدتها ..............
وجم ولادها وكانوا أحلى ما فى دنيتها ..............وأنيسها فى وحشتها




ولادك عندك امانه .....أرجوكى حافظى عليهم .....والله ياغاليه ربك ها يسألك عليهم ...
-------------------------
11-دعوه الى مصيف جديد

دعوه الى مصيف جديد

مش عايزه أصيف فى مارينا
انا نفسى اروح عند نبينا
مش عايزه فسحه فى سفينه
ولا يخت رايح لأثينا
انا عايزه أروح عند نبينا
مشتاقه لمكه ومدينه
ده فى مكه زمزم تروينا
وبالنيه هى بتشفينا
وأكيد بنكيد بها أعادينا

بنطوف الكعبه سبع أشواط
والصفا والمروه سبع مرات
بنشوف هناك جبل عرفات
وبنسمع للتسبيح أصوات
وقلوبنا بتصعد للسموات

بحبها جدا جدا
وانا سامعه صوت الشيخ يدن

يامكه أنا سايبه عندك روحى
قوليلى ايه سرك بوحى
معاكى انا بنسى جروحى
وأنسى الآهات والتنهيده
وأرمى ورايا دنيا عنيده
واتوب هناك توبه جديده
واعيش حياتى بكى سعيده
وأتمنى اموت فيكى شهيده

12-حفره ضيقه
حفره ضيقه


أنا شوفت حفره ضيقه
وبالظلام متحوطه
قلبى ارتعش ..جسدى ارتجف
حسيت بنبضى أنه .. وقف
وإن الحياه أمامى فى لحظه بتنجرف
رحماك ربى يوم عمرى يتحذف
أواه من يوم أحتاج فيه وأستلف
من إبنى حسنه وأقوله إلحقنى جسدى بينحرف
للنار ياعمرى ..ياللى منى الحنان كان لك بيتغرف
إلحقنى يا ابنى بحسنه ..حقى عليك ياللا إعترف
خايفه لا يوم اتحط فيه وضلوعى تختلف

قبر عميق

متى سنفيق

لما تدخله ويحتويك
لما الملايكه بوحشه تعتريك
لما الديدان الصاحيه تتغذى بيك
والله خايفه عليا وعليك

يارب انا كنت فى الدنيا عايشه فى حالى
ارحمنى يارب وخفف سؤالى
وارزقنى نظرة رحمه توهبها لى

13-بحلم بالسلام

طول عمرى بحلم بالسلام ........
لما بشوف غصن الزتون ومعاه حمام.......
لما بشوف أطفال صغار فى أمان نيام.......
بفرح أوى وأتمنى حلمي يكون بجد ومش كلام.......
الأبرياء فى بلادهم ليه يتشردوا......?????
ليه للإهانه والدمار يتعرضوا........?????
لو يعرف الخاينين مين الإله ما إتنمردوا.....!!!!!!
ليه تموت البسمه ف عيون ناس بريئه......?????
ليه يموت الحق ف لسان الحقيقه.......???????
ليه إيد الجبان صبحت جريئه.......?????????
وأرجع أقول:

.......يادوله ظالمه بسألك ....ليه تعتدي??

لماأنتى بتحبي الحياه ليه تبتدى...???
بالظلم وانتي فى اديكي ف لحظه تسعدى..
شعبك وشعبى كفايه بلاش بقى تعندى
وسيبى صفحه صافيه للحياه ياللا بلاش تترددي
يابلادى نفسى أشوف السلام يرجع لكونك

نفسى أشوف الفرحه ساكنه ف عيونك...........
وأشوف حمام السلام زاين غصونك.....................
أنا بدعى ربى يحفظك م اللى يخونك..............

__________________

14-الزوجه الصالحه

ياللى بتبحث عن السعاده
عندى بنات شربات سكر زياده

دى بنات مداريه ...ع العفه متربيه
قاعده فى خدورها أهيه ...ولعريسها مستنيه
حافظه لكتاب الله ...ولفروضها مؤديه

سيبك بقى م الجينز والبدى
واللى تقولك هاى وأوريدى

سيبك م اللى شعرها مقصوص
واللى الشباب ليها مرصوص
ماهى ماشيه تلمع بزينه وفصوص
وأكيد جوازها من غير فلوس
صدقنى ياابنى دى خارجه م القاموس
مش دى اللى تنفع تبقى لك عروس

وإسمع نصيحتى :
خد بنت الأصول الصالحه
عفيفه ونقيه بطرحه... لو تزعل تكون متسامحه
تراعيك ومعاك متصالحه

وتقولك رضاك ده ياغالى
بالدنيا ياأهلى ومالى
دى الدنيا معاك تحلى لى
وما فيش غير رضاك على بالى

لو تتعب بروحها تشيلك
بحنانها وكمان تدعى لك
وعلى هم الحياه بتعينك
على رضا ربك وكمان على دينك

عشان هى بنت أصول
روح ياللا اطلبها على طول .

[الباقيات الصالحات]

رد: @@@بقلمى ..ونبض قلبى@@@

السلام عليكم ورحمة الله وبركاته

جزاكم الله خيرا ....قرات بعضه فقط ...بارك الله فيك

[حجابي زينتي]

رد: @@@بقلمى ..ونبض قلبى@@@

ماشاء الله تبارك الله
كلاتك جميله اوي لا حرمني الله من كتاباتك
بجد انتي مبدعه يا امي
انا شفت بعض منهم في الخاص بس بجد كلماتك من جمالها
بتبقي عايزه تقرائيها تاني وتاني
سلمت يداك واناملك

[ام نظام]

رد: @@@بقلمى ..ونبض قلبى@@@

جزاكِ الله خيراً اخيتى

[ام محمد المؤمن]

رد: @@@بقلمى ..ونبض قلبى@@@

جزاك الله خيراً
سلمت يمينك درتى
ربنا يعزك و يرفع قدرك دائماً

[رحيق العفة]

رد: @@@بقلمى ..ونبض قلبى@@@

بارك الله فيكِ اختنا الدرة و قتح الله عليكِ

جميلة ما شاء الله

قرات منهم ما شاء الله وعجبتني الزوجة الصالحة كانت اول ما قراتها وسأكمل بإذن الله

[nashwa24]

رد: @@@بقلمى ..ونبض قلبى@@@

بارك الله فيكِ اختنا الدرة
وأثابك خيرااا على هذة الكلمات
ننتظر المزيد اخيتى

[الدره العصماء]

رد: @@@بقلمى ..ونبض قلبى@@@

جزاكم الله خيرا أخواتي
الباقيات الصالحات وحجابى زينتى وام محمد المؤمن
ورحيق العفه وام نظام ونشوى ...شرفت بمروركم العطر .

[nahla-111]

رد: @@@بقلمى ..ونبض قلبى@@@

جزاكى الله خيرا ابيات ليس لها وصف مش عارفة اقوليك انهى ابيات احلى من التانية بس احلاهم الى عن الرسول و الزوجة الصالحة والحفرة الضيقة والنقاب و المصيف الجديد بس كلهم حلويييييييييييييييين

[لؤلؤة الإسلام]

رد: @@@بقلمى ..ونبض قلبى@@@

السلام عليكم ورحمة الله وبركاته
بارك الله فيكِ أختي أسلوبك رائع في الكتابة
لعظيم ما سطرتِ.. أقدم إعجابي
بانتظار جديد قلمك
في أمان الله

[الدره العصماء]

رد: @@@بقلمى ..ونبض قلبى@@@

ربنا يعزكم ويبارك فيكم
نهله ولؤلؤة ...أخجلتم تواضعى ..
وشرفت بمروركم العطر .

[الدره العصماء]

رد: @@@بقلمى ..ونبض قلبى@@@

طلب من ربى

(((((((((()))))))))))))

بطلبها وبكل جراءه
مش جهل منى ولا حماقه
ياربى انا لك تواقه
أنا طالبه م الدنيا براءه

(((((()))))))))))))))

نجينى منها وإرحمنى
ومن شرورها سلمنى
وللجنه عايزه توصلنى
من غير ياربى ما تسألنى
ومن رحمتك لا تحرمنى

(((((((())))))))))))))

مقدرش أنا اتحمل عتابك
ولا لحظه أقوى على عذابك
ما تردنيش من أعتابك

(((((((())))))))))))

أتعبنى ياربى المشوار
وطريقى جنه أم نار
وأنا حلمىجنه بأنهار
دى دنيا مليانه مرار
رفضاها وده منى قرار
وطالبه م الدنيا فرار

(((((((((()))))))))))))))))

[محبة الجنه]

رد: @@@بقلمى ..ونبض قلبى@@@

جزاكى الله كل خير
ما اجملها من كلمات رائعة وما اصدقه من احساس جميل
بارك الله لكى
فى رعاية الله

[الدره العصماء]

رد: @@@بقلمى ..ونبض قلبى@@@

وفيك بارك ربى
محبة الجنه
أسكننا الله واياك جناته
سعدت جدا بكلامك وشرفت بمرورك العطر.

[الدره العصماء]

رد: @@@بقلمى ..ونبض قلبى@@@

رحلة تائب
-----------

للجنه أنا حنييت
ولريحها كمان شميت
ولعزيمتى أهو شديت
روحت بسرعه إتوضيت
وع السجاده صلييت
ولكتاب الله قريت
ياربى لك انا جيت
-----------
ولقربك نويت ...وما إسنتيت
روحت وجيت ...نمت صحيت
ولصحاب السوء صديت وإنزويت
ومنهم إداريت
------------
ومش عايزه أقول ياريت
ما أنا عرفت البيت
ولطريقه كمان مشيت وابتديت
ولرسولى إقتديت ..ولسنته حييت
وبك وبه إرتضيت
----------
ومن كل الصعاب عديت
ولك إيدى مديت
ومن قلبى لك دعيت
------------
وأحلى عمرى قضيت
وبعد المَُر حلييت
وبك وحدك إكتفييييت
ولرضاك والجنه سعيت
وإتمنييت
تقبلنى يارب البيت.
-------------