@@@بقلمى ..ونبض قلبى@@@

[الدره العصماء]

رد: @@@بقلمى ..ونبض قلبى@@@

بجد كلامك اكثر من رائع وانا بحب الكلام المسجوع جدااااااااا

وانا احتفظ به بجهازي لادونه في حافظة خارجية واقراه علي طول وكمان هوريه لصحبتي علشان تشوف ابداعاتك بجد ربنا يحفظك ويجيزيكي بكل كلمة حسنة يارب ويجمعنا بيكي في الجنة يا امي
تقبلي مروري في صفحتك الغالية

وبجد لو تكتبي حاجة عن الوالدين والاصدقاء والمتحابين في الله بجد تبقي حاجة حلوة اوي
جزاك الله الجنة اللهم امين

ربنا يبارك فيك ابنتى الغاليه ..أشكرك جدا على تعليقك الذى أسعدنى جدا ..وان شاء الله قريبا
اكتب فى هذه الموضوعات التى إقترحتيها ...دعواتك..وأتمنى أراكِ فى قسم شبل الإسلام فالمشاركات فيه للصغار والكبار ..بوركتِ غاليتى . .

[الدره العصماء]

رد: @@@بقلمى ..ونبض قلبى@@@

والله يعجز كلامى عن التعبير
كلمات رقيقة جدااااااااااااااا
وخاصة رسائل الى امى جميلة جدا.......

والله انا اللى عاجزه عن شكركم ياغاليين ...شرفنى مرورك غاليتى نوران .

[الوحيده]

رد: @@@بقلمى ..ونبض قلبى@@@

جزاك الله خيرا امى الغاليه ..كلمات رائعه جدااا.. بارك الله فيك

[الدره العصماء]

رد: @@@بقلمى ..ونبض قلبى@@@

جزاك الله خيرا امى الغاليه ..كلمات رائعه جدااا.. بارك الله فيك

جزاكِ الله خيرا ابنتى الغاليه ...أسعدنى مرورك .

[الدره العصماء]

رد: @@@بقلمى ..ونبض قلبى@@@

نامى فى أمان
___

نامى فى أمان ياأمنا

.....

من سبك حتما لئيماَ
......

وسينتقم لكِ منه ربنا

......
بيدى أنا بل بيدانا كلنا

.....

فجرحك ياأمى هو جرحنا

......
لن يستباح عرضك فهو عرضنا

.......

أماه يارمز النقاء فى ديننا

.......

لاتحزنى ..ففداكِ عمرُُ يضاف لعمرنا

.......

أماه ياابنة الصديق

.......

من سبك فهو للكفار شقيق

......

أماه ياخير زوج وأغلى رفيق

.......

لاتجعلى صدرك منا يضيق

......

أماه فلابد من وقت فيه يفيق .

.......

هذا اللعين وهو من عنقه شنيق

........

أماه... نامى فى أمان ...

.......

ومهلا .سننتقم . فنحن أمة العدنان
........

يامن كنتِ هديته من الرحمن

.......

فكرامتك لا ولن أبدا تهان

.......

يامن تحملتى إفكاَ وإفتراءاَ وآثام

.......

فالنصر لنا ..على من خرقوا كل عهوداَ للسلام.


كلمات سكبت من نبض قلبى ودموعه على السباب الذى تعرضت له أمنا عائشه رضى الله عنها وأرضاها .

[الدره العصماء]

رد: @@@بقلمى ..ونبض قلبى@@@

..
ذكريااااااات

نظرت حولى والذكريات تشدنى

لحنين قلبى بماضٍٍ بعيدٍ يلفنى

وحار عقلى ...وبدا بشده يهزنى

قد ضاع عمرى ..وعادت دموعى تلومنى

وتذكرت ..

كنتِ أجمل من رأت عينى

كنتِ البراءه والنقاء

وابتسامتك بتحيينى

وأنسى معاها الشقاء

كنت فارده لك عمرى وساده

كنت نادره لك جهدى بسعاده
..

كنت قادره أمحى همك وأبدله بسكر زياده

شوفتك أمامى بتكبرى

شوفتك عروسه الله أكبر جمالك فاق تصورى

نبض قلبى كان بيرجف ...حسى بيه لو تقدرى

يوم ميلادك كان ميلادى حتى شبهى ...تخيلى !!!!

كنتِ ساكنه بين ضلوعى

مره نايمه ومره كنتى بتسهرى

نظره منك جوه روحك تلقى روحى

حاولى بس تفكرى

بصى لإبنك ..حته منك ..وإنتِ قاعده له تدللى

وإسأليه ياملاكى حاسس بإيه وهو معاكى

وإسأليه لما يكبر ممكن إنه يقدر ينساكى..؟؟

إسأليه ...

إسأليه وإرجعى.

ها تلاقى فى حضنى الوطن

حضن أمك ياحبيبه هو ملاذك فى المحن

إسأليه وإرجعى .

وساعتها قلبى ينسى إنه منك أنطعن

.دمتم في امان الله.
الدره

[الدره العصماء]

رد: @@@بقلمى ..ونبض قلبى@@@

أمنيات قلب حائر

عينى على قلب حاير

فى المساء والصباح

يسرح وبفكره طاير

وله مليون جناح

قلب للفضا ساير

نفسه يشعر بالبراح

قلب نفسه تبان له بشاير

لنسايم الأفراح

وآه لو يوم يشاور

لقدر يمحى الجراح

واللى على حقه جاير

يجى يطلب السماح

ولايجى ف يوم يحاور

فى اللى عدا و اللى راح

قلب خايف الحب يخلص

والقلوب يسكنها خوف

وللا إيمانها ينقص

ووقتها نشكى الظروف

خايف إن الدمع يحبس

والعيون ترفض تشوف

قلب موصول بالإله

نفسه يشعر بالنجاه


قلب حالم بالسعاده

تسكن الكون الكبير

وإسلامنا فى الزياده

ينتشر ويكون يسير

نفسه للدين الرياده

وقدسنا مايكون أسير .

[الدره العصماء]

رد: @@@بقلمى ..ونبض قلبى@@@

بس جرّّب

لو فى يوم ضاقت حياتك

والطيور دمعت عشانك

والحيتان سِمعت آهاتك

والغيوم حجبت هنائك

إفتكر ان الله أمامك

إشتكى له ..

واوعى تلجأ يوم لغيره

إبكى بالدمع ونادى له

إحيى ليله..

بالصلاه واشكر جِميله

إشتكى له ..

ده أنت أهو غرقان فى خِيره

بس جرب يوم تجيله

هاتلاقيه أقرب إليك

من وريدك اللى ساكن إيديك

حتى من حنان أمك عليك

يمحى همك

يمسح الدمع فى عنيك

لما تنده له يقولك عبدى لبيك

ويبشرك إن الجِنان مخلوقه ليك

بس جرب ..يوم تجيله هاتلاقيه أقرب إليك

من وريدك اللى ساكن إيديك ..

[الدره العصماء]

رد: @@@بقلمى ..ونبض قلبى@@@

دخان سيجاره

ليه لما تزورنى

بالدخان تضرنى

من غير ماتشورنى

حرام عليك تسمنى

دخان يحاصرنى

وبألوانه يلفنى

ليه وأنت عمرك غالى ويهمنى

بتضر نفسك وليه كمان تضرنى

ياابنى وابويا وزوجى وأخويا

رسمت ليه على وشك هم

كتبت ليه على عمرك غم

لوثت ليه دمك بالسم

بلاش تقلد خال أو عم

دى الصحه تاج وواجبك تهتم

أقسمت عليك تعاهد نفسك وتعاهدنى

تطهر صدرك م الألغام وتسعدنى

سيبها بقى ياللا بلاش تعاندنى

سيب السيجاره ...دى فى حلقك مراره

وفى عمرك شراره

صدقنى دى مش شطاره

دى سوسه بتنخر أساس العماره


إلحق نفسك قبل ماتنهار
وبين هوى نفسك ورضا الجبار
عليك فورررررا ولازم وحتما الآن تختار ...!!!!!

[الدره العصماء]

رد: @@@بقلمى ..ونبض قلبى@@@

أخيرا وجدتك ياقلبى

أخيرا وجدته ,,,ولكن ,,,,


كان هناك حواليها ساكن

شوفته زار أحلى الأماكن

وفى منامى ناديت عليه

رد قالى :ده مكانى ,,!!


جاى تاخدنى وللا إيه..؟

إسأل النبض اللى فيّه

واللى زاد من شوقى ليه

جاى تاخدنى وللا إيه ,,؟

روح بعيد وإنسى مكانى

عيش حياتك بالأمانى

وانسى نبضى إللى ملانى

قولت له هانت دموعى

ده أنت محمى بين ضلوعى

كان غذاك هو خضوعى

وسقياك كان ماء خشوعى

لما كنا فى يوم نصلى للإله

كنت تسبقنى وتسجد للملك جل علاه

لما كنت معايا بنرتل آياته

كنت بسمع صوت نحيبك بآهاته

ليه تفارقنى ..؟


حد فينا بالفراق هايخسر حياته

وللا أقولك خليك مكانك ,,


وأوعدك ها أرحل عشانك

ها اترك الدنيا اللى واقفه لى أمامك

ولما تسكن جوه روحى

ها ألقى روحى ,,رجعت لروحى

وانسى بوجودك جروحى

بس ارجع لى ,,رجوعك ده غاية طموحى


تصميم وكلمات
الدره العصماء

[لؤلؤ ومرجان]

رد: @@@بقلمى ..ونبض قلبى@@@

ما شاء الله
جزاكِ الله خيرا أمي
سلمت يداكِ

[الدره العصماء]

رد: @@@بقلمى ..ونبض قلبى@@@

ما شاء الله
جزاكِ الله خيرا أمي
سلمت يداكِ

جزانا الله وإياكِ ابنتى الغاليه ,,شرفنى مرورك الغالى .

[الـــ أم ـــزبير]

رد: @@@بقلمى ..ونبض قلبى@@@

ليه الهموم ...؟؟

*******
ليه الهموم

بتشق ليه جدار قلبنا

زى السموم

بتدخل تسمم جسمنا

يوم ورا يوم

وأيام بتضيع من عمرنا

نصحى ,نقوم

والذكريات بتهدنا

نلقى الدموع

انهار تسيل على خدنا

وليه نلوم

الهم وإحنا معانا ربنا

ماهو الرؤوم

وأحن علينا من أمنا

ندعيه نصوم

ونقوله قوى صبرنا

ولايوم نقول

الهم ده أصل غلبنا

وليه نلوم

الهم واحنا فى الرمال

دافنين رأسنا

والموج رحال

بيجى ويكشف أمرنا

يعطيك آمال

ويشبك اصدافه فى يدنا

شىء م الخيال

يقولك احكى وإرمى الهم ف بحرنا

وليه نلوم الهم

واحنا معانا ربنا

ماهو م المحال حد غيره يمحى همنا
****

جزاكِ الله يا أمى خيرا كثيرا

وفرج كرب المسلمين والمسلمات والمؤمنين والمؤمنات

اللهم ثبتنا على طاعتك فى السراء والضراء

[شيرين ابراهيم]

رد: @@@بقلمى ..ونبض قلبى@@@

جزاك الله خيرا يا امى بارك الله فيك
بوركت وسلمت يداك

[الدره العصماء]

رد: @@@بقلمى ..ونبض قلبى@@@

جزاكِ الله يا أمى خيرا كثيرا

وفرج كرب المسلمين والمسلمات والمؤمنين والمؤمنات

اللهم ثبتنا على طاعتك فى السراء والضراء

اللهم أمين ,,أسعدنى مرورك ابنتى الغاليه أم الزبير وان شاء الله أسمع عنك كل خير ,,أراح الله صدرك وفرج كربك غاليتى .

جزاك الله خيرا يا امى بارك الله فيك
بوركت وسلمت يداك

جزانا الله وإياكِ ابنتى الغاليه شيرين ,,أسعدتنى جدا زيارتك الأولى لموضوع من مواضيعى ,,لاحرمنى الله منك غاليتى .