كل منتقبة اية رأيك تكتبلنا حكاية لبسك للنقاب ؟

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

يا بنات انا جديدة فى المنتدى دة وشم عارفة اشارك ولا اتصل باحد يعنى عايزة اوصل بيمامة السمجد مش عارفة عشان انا نفسى البس النقاب بس محتاجة مساعدة معنوية عشان كل ما اجى البسة اتردد محتاجكم جدا تقفوا جنبى انا بدات اسمع الشيخ حازم شومان والحمد لله بس انا عايزيكم تقفوا جنبى فى الله لان كل صديقاتى متبرجات زى يعنى محجبات زى ما انتو عارفين كانت لى صديقة واحدة منتقبة بس سافرت للاسف بس هما بعدونى عنها
وانا الان مليش اصدقاء الا دول
بس عايزة اصدقاء زيكم يا يبنات اقبلونى صديقة وحد يضفنى على الهوت ميل ويعلمنى ازاى اتحرك فى المنتدى دة واكلم الاخوات وخصوصا الاخت يمامة المسجد ضرورىىىىىىىىىىىىىىىىىى
انا قرات موضعوها وعايزة اتواصل معاها ضرورى
حلفتكم بالله ساعدونى
فى حفظ الله

اهلا بيكي فاطمة حبيبتي
نورتينا والله
واهلا بكِ اخت عزيزة وحبيبة
وانا هضيف ايميلك عندي بس ياريت تحذفيه من المشاركة عشان قوانين المنتدي حفاظا ع امان كل اخت
وربنا يرزقك لبس العفاف (النقاب) عن قريب يارب
وربنا يكرمك ع اصرارك وعزيمتك
اثبتي حبيبتي في الله ع ما انتي عليه وخدي القرار بقوة ولا تترددي ابدا فوالله لن تندمي ابداااااااااااااا

وعاما احنا معكي اخواتك في الله
وبالنسبة لاختنا يمامة هي كانت مشغولة الايام دي بامتحانات كان الله في عونها وترجعلنا بالسلامة .
واهلا بكِ غاليتي معنا

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

ما شاء الله المنتقبات بتذيد رغم العقبات

اللهم احقنى بكم

اللهم اميـــــــــــــــــن
ربنا يرزقك النقاااااااااااااااااااااب عن قريب يااااااااااااااارب

وتفريحنا بيه قريب حبيبتي
واهلا بيكي معنا

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

اهلا بيكي غاليتي
منورة والله
ربنا يرزقك النقاب عن قريب
اللهم امين

[أحلام مفقودة]

رد: كل منتقبة اية رأيك تكتبلنا حكاية لبسك للنقاب ؟

الحمد لله اني انا لبست النقاب
هيا قصتي غريبه شويه بس انا هاحكي
البدايه انا كنت في سنه رابعه ابتدائي اختي الكبيره اتخطبت وانا حسيت بالغيره من جوزها ان هو يشوفني وفقررت سعاتها ان انا البسه والحمد لله لبسته وانا دلوقتي لبساه منبقالي 10سنين ربنا يثبتني انا واللي زيي
بالنيبه للعقبات اهالي ما اعترضوش لاننا عائله ملتزمه اما الاعتراض عندما جئت الى بلدي مصر وعندما دخلت المرسه في الصف الاول الاعدادي رفضو النقاب وقامت الدنيا وقعدت وادوني اجازه من المرسه علشان ما احضرش ولكن انا تمسكت بنقابي وكانت الطامه عندما لبست بنات اخرى في المدرسه النقاب
بالنسبه للاحساسي انا بحس وانا لبساه بالعزه وبمشي وانا رافعه راسي
كان في البدايه طرحه وعبايه لكن بعد كدا لما حضرت الدروس في المسجد في اخت كلمتني ومن بعدها لبست الازدال
ولما دخلت ثانوي لبست الملحفه وبعدين في سنه تانيه غطيت عيني خاالص وربنا يثبتني
اما المواقف كل اصحابي يتمسخرو عليا وبدعي ربنا انه ير زقني صاحبه صالحه

[شموخى بنقابى]

رد: كل منتقبة اية رأيك تكتبلنا حكاية لبسك للنقاب ؟

السلام عليكم اخواتى فى الله انا عندى مشكلة ومحتاجة افضفض مع حد على الخاص بس مش عارفة ازاى ادخل علية ارجو من اخواتى المساعدة اناعضوه جديده وجزاكم الله خيرا ورزقنا وياكم الفردوس الاعلى اامين

[مى ناصر]

رد: كل منتقبة اية رأيك تكتبلنا حكاية لبسك للنقاب ؟



انا عمري ماهنسي اليوم ده ابدا اجمل يوم في حياتى انا كنت خايفه من خطوة انى البس النقاب وبعدين عرضت الفكره علي 2 من اصحابي و بعدين اتفقنا نلبسه وبعد حوالي اسبوعين لقيت احت لبسته من اصحابي دول فاتفقنا انا والاحت التانيه ان نقابلها نبركلها وبعدين غيرت جدا ان هى اخذت الخطوة دى قبلي خرجت وانا لبسه النقاب وكانت مفاجاه بالنسبه لها كبيره اوووووووى
ومن اليوم ده وانا بحس بجد والله انى ملكه وربنا اراد لي العزه والشرف والعفاف
سبحان الذى بيده نفسي والله
اجمل شيء في حياتى
الحمد لله

[يمامة المسجد]

رد: كل منتقبة اية رأيك تكتبلنا حكاية لبسك للنقاب ؟

قصة للرد على كل أخت لا أستطيع إرتداء النقاب بسبب والدي ملكش حجة :

السلام عليكم ورحمة الله وبركاته

بمناسبة الحرب الفظيعه على النقاب حبيت اكتبلكم قصة التزامى وقصتى مع النقاب لعلها تكون سبب فى ثبات ولو اخت واحده على النقاب

ومعلش هكتب بالعاميه ومعلش هطول

اولا انا من مدينه من المدن الصغيره البعيده وهذه المدينه ليس بها ولا كليات ولا معاهد.. مفهاش غير مدرسه ثانويه واحده وطبعا مختلطه

وانا كنت الحمد لله من المتفوقين وكان حلم حياتى اطلع مهندسه واسافر بره والكلام ده "كلام المسلسلات العربى"

المهم من الله عليه بمجموع عالى وفعلا دخلت كلية الهندسه... بس كان لازم اتغرب "وده شئ عادى كل الطلبه كانت بتتغرب" رغم ان اقرب بلد لينا كانت المسافه بينا 5 ساعات

المهم روحت بورسعيد وبدأت الحكايه

اول سنه ليه فى الكليه كانت الغربه تعبانى جدا جدا جدا وبما ان بلدى تبعد عن بور سعيد 7 أو 8 ساعات فكنت دايما بسافر الشرقيه عند أهل أبويه وكنت ماشيه مع الاخوان المسلمين فى الشرقيه

وكنت فاكره نفسى التزمت خلاص وبقيت الاخت اللى محصلتش وخاصة انى كنت شغالة دعوه فى مساجد البلد وكان لبسى طبعا عبارة عن جيب جينز وطرح لف كبيرة وكنت متخيله كده ان انا فى شدة الالتزام وكنت دايما ماشيه بالمطويات والشرايط فى الشنطه اوزع منها فى كل حته

وكنت طول السنه دى مخططه انى احول هندسة الزقازيق عشان افضل مع اخواتى "اللى هم الاخوان"

وقدر الله انى شلت مادتين... فطبعا مينفعش احول

المهم فى اول السنه التانيه وانا راجعه من الزقازيق لبورسعيد كنت حزينه اوى اوى لفراق الاخوات وفضلت طول طريق السفر ابكى وادعى الله انى اعرف احول وانى اتعرف على اخوات فى بورسعيد "طبعا كنت مسافره بدون محرم" لانى مكنتش اعرف ان لا يجوز سفر المرأة الا مع ذى محرم

وصلت بورسعيد على المغرب وكان فى رمضان فطرت ونزلت اصلى التراويح

وانا فى المسجد خبطت فى واحده فزعقتلى جامد

فكنت على وشك البكاء

واحده تالته شافت اللى حصل فنادت عليه: اسمك ايه انتى منين والكلام ده

وفى اخر الكلام قالتلى انا عازمه اخوات على الفطار يوم الاتنين الجاى ياريت تيجى معاهم وبعد الصلاة قالتلى استنى لما اشاورلك على البيت

وروحت وانا مش فى دماغى انى اروحلها خااااااااالص لانى اكيد وانا مغتربه مش هروح بيت معرفوش

عدت الايام وجه يوم الاتنين ورجعت من الكليه صليت العصر وقلت انام.......

وبعدين افتكرت الاخت اياها... سبحان الله معرفش ايه اللى قومنى... صليت استخاره اروح ولا ﻷ

وبعد صلاة الاستخاره وبعد حيره شديده لقيت نفسى قمت ولبست ونزلت جرى عشان الحق اروح

وصلت العماره ووقفت تحت وانا خايفه اطلع وبعدين لقيت 3 اخوات والله كنت عمرى فى حياتى ما شوفت زيهم قبل كده

لابسين اسود فى اسود وهدوم واسعه قوى وبتجرجر فى الارض ومش باين منهم اى حاجه ولا حتى عنيهم

اول ما شفتهم حسيت بحاجه غريبه اوى اوى جوايا

المهم دخلنا للاخت وهى بتحط الفطار اتكلموا معايا

فأول حاجه قلتهالهم وكنت بقولها بكل فخر "على فكرة انا من الاخوان المسلمين"

يعنى بالبلدى كده محدش احسن من حد انا برضه ملتزمه زيكم

لقيتهم ابتسموا كلهم لكلامى وسكتوا

قعدت الح عليهم انتو ضحكتوا ليه انتو ضحكتوا ليه

فقالتلى واحده منهم بمنتهى البساطه : ضحكت عشان انتى فرحانه انك من الاخوان

قلتلها مش فاهمة قعدت بقه فهمتنى واتكلمت معايا كتييييييييييير عن الجماعات والسلفيه وووو

وسبحان الله كان اول مره برضه اعرف الكلام ده

وروحت وانا مصدومة...... وفضلت كذا يوم دماغى هتنفجر من كتر التفكير

وبعدها اتصلت بيه وقالتلى تعالى معانا الاعتكاف فى المسجد الفلانى

طبعا طبعا خوفت ومروحتش

وجريت على بلدى ومرجعتش غير بعد العيد

رجعت تكلمنى تانى وعزمتنى على الغدا وبعد الغدا قالتلى فى درس للشيخ فلان انهارده تيجى معايا

والشيخ ده كان من طلبة الشيخ مصطفى العدوى

روحت معاها ولما بدأ الشيخ لقيت كل الاخوات ماسكين اقلام وعمالين يكتبوا ورا الشيخ ومفيش ولا واحده رفعت عينها من على ورقها وبدأت اسمع الشيخ وكان درس فقة "فقة الحج"

وطبعا مفهمتش اى حاجه ومعرفتش اكتب ورا الشيخ اى حاجه

بس كنت مستغربه اوى اوى

ناس غير الناس ودنيا غير الدنيا ولقيت فرق كبييييييير وغريب بين اخوات الزقازيق واخوات بورسعيد

وتانى يوم روحت معاهم درس عقيده فى معهد اعداد الدعاه

وقعدت قارنت بين درس هنا ودرس هناك والحال هنا والحال هناك

ومن هنا كانت البداية

والحمد لله تركت الاخوان وسلكت طريق طلب العلم الشرعى

وبدأت طريق الاستقامه ولله الحمد




وبدأت معاناتى مع النقاب

ابويا وامى كانو زى كل الناس اياميها

كانوا متاثرين بالاعلام دا غير الجهل دا غير مشايخ التلفزيون والكلام ده

المهم حبيت البس الخمار "واخدين بالكم الخمار"

طبعا ابويه بهدل الدنيا وقطع الخمارات اللى اشتريتها وقلب البيت كله

نشفت دماغى ومسكتش غير لما لبست الخمار

بس كنت على قد ما اقدر احاول مظهرش فى وشه

اصله كان بيتعصب اوى اوى ويتحرق دمه لما يشوفنى لبساه

دا غير بقه التغيرات اللى جايه مع الخمار

مبسلمش على رجاله مبسمعش اغانى مبقعدش معاهم اتفرج على التلفزيون...... والكلام ده كله

كان جديد فى بيتنا... جديد فى بلدنا كلها

طبعا كنت فى نظر بابا اتحولت لارهابيه وانضميت لجماعه من الجماعات والكلام ده

طبعا كان نفسى البس النقاب بس كان مستحيل اعرض على بابا الكلام ده

وفى الوقت ده قدر الله انى سقطت فى الكليه

وطبعا بابا ربط ده بده على طول وفعلا كانت من اشد الايام فى عمرى

روحت محوله من قسم ميكانيكا دخلت سنه اولى من تانى بس بحريه

وساعتها خلاص عرفت ان النقاب فرض واتاكدت من كده وخلاص لا يجوز انى امشى سافرة الوجه

فقولت لبابا عايزه البس النقاب

متتخيلوش البهدله اللى اتبهدلتها عشان عايزه البس النقاب

بابا ضربنى ضرب غريب الشكل لدرجة ان جسمى كله كان معلم

وشال الشرايط كلها رماها فى الزباله والكتب كلها حرقها وكل الخمارات قصها بالمقص والجونتيات كمان وحبسنى فى البيت لحد معاد السفر

سافرت للكليه وان خلاص كأنى طالعة من المعتقل حبس وتعذيب وقهر نفسى

طب وبعدين لازم حل مينفعش اخرج فى الشارع بوشى اعمل ايه

توكلت على الله ولبست النقاب

بس من غير ما حد من اهلى يعرف طبعا

رجعت فى اجازه من الاجازات وكان لازم اخويا يعرف لانه هو اللى بيسافر معايا

وربنا يصلح حاله ويبارك فيه ويرزقه الفردوس الاعلى وقف معايا وساعدنى

كنا نسافر بليل متاخر ولما نوصل اخلع النقاب فى الشارع قدام البيت وارميه وسط الشجر وادخل البيت وافضل محبوسه او حابسه نفسى طول الأجازه لحد معاد السفر اخرج وانا شايله النقاب فى استك الجيبه تحت الخمار ولما ابعد عن البيت شويه اطلعه البسه فى الشارع

وفضلت لبساه على الحال ده 4 سنين

عارفين يعنى ايه اربع سنين

اربع سنين بدخل واخرج زى الحراميه

وطول الفتره دى طبعا بطلب العلم الشرعى وكمان فى الاجازات لما اروح عند بابا كنت اجيب المجموعات العلميه واقعد افرغها كتابه

وطبعا طول الأربع سنين دول كل فتره اطلب من بابا انى البس النقاب ويرفض

وقفشنى فى الاربع سنين كذا مره

وكنت لما بتقفش كان بيبهدلنى

والله مره من المرات فضل يضرب فيه لحد ما اغمى عليه من الضرب

وتعبت خالص واتنقلت المستشفى

واخواتى قالولى انه حتى بعد ما اغمى عليه فضل يضربنى لحد ماشالونى من قدامه

وطبعا هو كان فى الايام الاخيره حاسس انى لبساه بس مش عارف يعمل ايه

فكان منكد عليه لو لقى المطبخ مش نضيف يدخل يدينى 4 اقلام على وشى

لو حاجه اتكسرت يقوم يضربنى

كنا 6 اخوات محدش كان بيضرب غيرى

والله حتى لما حد من اخواتى يغلط انا اللى كنت بضرب

وسبحان الله بعد 4 سنوات مكن الله ليه




اه نسيت … طوال لالربع سنين غير بهدلة بابا دى كنت متبهدله برضه فى بور سعيد

اطردت من المدينه

وبعدها اطردت من دار المغتربات

وبهدلة الكلية والدكاتره

ومشاكل الامن

لدرجة مره مديرة الدار حكمت عليه مخرجش من اوضتى خالص غير للحمام بس

وبعدها كانت عايزه تمضينى على اقرارات عدم التحدث فى الدين مع طالبات الدار وبعدها طردتنى




واتبهدلت والله بهدله لدرجة ان فى ايام مكنش فى حته ابات فيها

وكنت خايفه اقول لبابا ﻷن سبب البهدله دى انى منتقبه وابى ميعرفش ومينفعش يعرف

بس الحمد لله فتح الله عليه "بس دى قصه تانيه خالص وطويله"




وعلى فكرة ده مش حالى لوحدى

والله انا واكتر من 10 اخوات غيرى كنا فى عذاب

واى عذاب.. بهدله واهانه وطرد

والله فى اخت كانت من الفلاحين وكان ابوها بيبيتها على السطوح "سطوح فاضى خالص"

وفى عز البرد ومكنش بيطلعلها اكل خالص

وفى الاخر تظاهرت بالاستسلام ولبسته فى السر برضه




واخت كان ابوها محامى وكان مبهدلها بجد وقالها لو مخلعتهوش شوفيلك حته تانيه عيشى فيها وهى راجعه من الكليه راملها شنطتها وطردها وقالها متجيش هنا تانى

وفى الاخر برده لبسته من غير ما يعرف




والله كان اشبه بكفاح

كنا اكتر من 10 كلنا لابسينه فى السر وكلنا كانت لينا قصص لو قعدت احكيها مش هيكفى

وكلنا شفنا ايام محدش شافها




المهم زهق بابا من اللى بيعمله فيه وفقد الامل فى انى اتغير وبقه يعمل نفسه مش عارف انى لابسه النقاب

وفضلت سنتين لبساه وهو عارف بس عامل نفسه مش عارف

وفى السنتين دول عرفت اطلع من بيت بابا واخرج وازور الاخوات والحمد لله فتح الله عليه باب الدعوه وفضلت السنتين دول اعلم الاخوات اللى اتعلمته فى بورسعيد

والحمد لله نشرت المنهج السلفى فى بلدى

ووضعت اقدامهن على الطريق

وشرحت لكثير من الاخوات كتاب الثمرات الزكيه فى العقائد السلفيه للشيخ احمد فريد

مع شوية فقه مع مصطلح واصول فقه




وده كان حاجه كبيره فى بلدنا لان بلدنا مفهاش علم شرعى خااااااااااااالص




والحمدلله بعد 6 سنين من النقاب من الله عليه بزوج صالح وتزوجت ورزقت ببنت

وفتح الله عليه والف بين قلبى وقلب ابى وفتح على ابى واهلى جميعا




سبحان الله 7 سنوات بالنقاب اولهن شدة واخرهن فرج....... وأى فرج والله

فعلا .. كلما ضاقت حلقاتها فرجت




وسبحان القائل

((الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))



وصدق تعالى حين قال

و من يتق الله يجعل له مخرجا و يرزقه من حيث لا يحتسب

معلش حاجة برة الموضوع

بالله اى واحد عنده بنت او اخت أوعى تغربها

ولو ايه الاسباب

خليها معاك احسن عشان وهى معاك هتعرف تحافظ عليها

[أحلام مفقودة]

رد: كل منتقبة اية رأيك تكتبلنا حكاية لبسك للنقاب ؟

ماشاء الله عليكي اختي
وثبتنا الله واياكي على طاعته حتى نلقاه

[أم المجاهدين]

رد: كل منتقبة اية رأيك تكتبلنا حكاية لبسك للنقاب ؟

ماشاء الله
ربنا يبارك فيكن أخواتى الحبيبات
وأدعو الله أن يمن بالنقاب على كل اخت لم ترتديه
اللهم آمين
...
جزاكِ الله خيرا يا يمامة على القصة دى
ماشاء الله هو ده الكفاح
المفروض كل أخت لها حجه تخلص وتكافح وربنا هيكرمها
...
فى قصة أخت شبيهه بالقصه اللى حكتيها يا يمامه
كانت أخت حبيبة جداً لقلبى أسال الله أن يحفظها أينما كانت
فلقد كان لها فضل كبير بعد الله فى لبسى للنقاب ومعرفة اخوات حبيباات لى فى المسجد
..
كانت أختنا أيضا مغتربة هنا فى الجامعه وتعرفت على أخوات سلفيات فى سنه اولى وربنا قدر انها ماتنجحشى فى سنه أولى
وطبعا كالعاده والدها ربط النجاح بمعرفة الأخوات دول والطريق اللى هى ماشيه فيه وكأنه طريق غلط
ولبست النقاب وأجبرها على خلعه
حولت كلية تانيه وكانت مختمره فقط .. وكانت شديدة الجمال والله يا أخوات كانت فعلا فتنه وأولى الناس بلبس النقاب
المهم مرت ثلاث سنوات وهى تحارب لأن تلبس النقاب ولكن دون جدوى
ويوم ان أخبرتها أننى أنتقبت ظلت تبكى كثيراً جدا لفرحتها بى اولا ثم لحزنها على عدم لبسها النقاب
وقررت ان تبدل الخمار بالملحفة وبالفعل ارتدت الملحفه طبعا بعد حرب مع والدها واعتراض شديد
المهم بدأنا سنه رابعه وكانت لها اختان معا واحده أكبر مننا بسنه والتانيه اصغر مننا بسنتين
لما بدات سنه رابعه قررت تلبس النقاب دون علم والدها ولبسته فعلا وماروحتش بيتهم ابدأ طول الترم الأول كانت أخواتها بتسافر وهى تتحجج باى شى كأبحاثها أو انها بتتعب من السفر والمواصلات
ولما خلص الترم كان لازم تروح وفعلا روحت واختارت ميعاد يكون والدها مش موجود فى البيت ودخلت وهو مش موجود وفضلت طول اجازه نصف السنه ماتخرجش الا لمقابلة محارمها فقط اما غيرهم فلا
ورجعنا الترم التانى وبرده خرجت ووالدها مش موجود وفضلت طول الترم ماتروحش بيتها وخلصت السنه وخلصت الدراسه خالص
طيب هتعمل ايه وفضلت أكثر من سنه لا تخرج من بيتهم نهائيا لأنها لا تستطيع أن تخرج بدون نقاب
كان طبعا والدتها واخواتها عارفين لكن والدها لا
وبعد سنه ربنا رزقها بانسان كويس اتقدم لها وقبل ما يروح يزورهم فى البيت قالت لوالدها انها انتقب وكانت حرب طبعا ولكن بفضل الله وكرمه اقتنع
وربنا رزقها بزوج صالح أسأل الله أن يبارك لها
اللهم آمين
...
فطبعا كل أخت بتقول والدى وبيتى وأهلى والكلام ده
بقولهم يا أخوات فيه كتير استحملوا واتضربوا واتهانوا عشان النقاب
يعنى اختنا دى حرمت من رؤية اهلها طول الدراسه عشان نقابها
وحرمت تخرج من بيتهم سنه كامله عشان نقابها
لحد ما ربنا بعت لها الرزق (( زوجها)) ليكون المنحه بعد المحنه
فجاهدى يا اختنا وتحملى
لعل فرصة تذهب فلا تعود

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

الحمد لله اني انا لبست النقاب
هيا قصتي غريبه شويه بس انا هاحكي
البدايه انا كنت في سنه رابعه ابتدائي اختي الكبيره اتخطبت وانا حسيت بالغيره من جوزها ان هو يشوفني وفقررت سعاتها ان انا البسه والحمد لله لبسته وانا دلوقتي لبساه منبقالي 10سنين ربنا يثبتني انا واللي زيي
بالنيبه للعقبات اهالي ما اعترضوش لاننا عائله ملتزمه اما الاعتراض عندما جئت الى بلدي مصر وعندما دخلت المرسه في الصف الاول الاعدادي رفضو النقاب وقامت الدنيا وقعدت وادوني اجازه من المرسه علشان ما احضرش ولكن انا تمسكت بنقابي وكانت الطامه عندما لبست بنات اخرى في المدرسه النقاب
بالنسبه للاحساسي انا بحس وانا لبساه بالعزه وبمشي وانا رافعه راسي
كان في البدايه طرحه وعبايه لكن بعد كدا لما حضرت الدروس في المسجد في اخت كلمتني ومن بعدها لبست الازدال
ولما دخلت ثانوي لبست الملحفه وبعدين في سنه تانيه غطيت عيني خاالص وربنا يثبتني
اما المواقف كل اصحابي يتمسخرو عليا وبدعي ربنا انه ير زقني صاحبه صالحه

ما شاء الله اختنا
ربنا يعزك يارب ويبارك فيكي وتبقي من المتفوقات في الدراسة
امين يارب
قصتك اكثر من رائعة
وياااااااااااااا والله حزنت لما قارنتك ببنات ابتدائي واعدادي وثانوي بتوع اليوم
ربنا يهديهم يارب ويهدينا ويثبتك غاليتي .

وسيبك من الصحابك دول
دول غيارنين منك ومن حيائك
ربنا يثبك يارب

السلام عليكم اخواتى فى الله انا عندى مشكلة ومحتاجة افضفض مع حد على الخاص بس مش عارفة ازاى ادخل علية ارجو من اخواتى المساعدة اناعضوه جديده وجزاكم الله خيرا ورزقنا وياكم الفردوس الاعلى اامين

اهلا بيكي اختنا الفاضلة _ شموخي بنقابي _ ما شاء الله لقب رائع
بالنسبة للخاص ممكن احدي المشرفات تساعدك باذن الله

انا عمري ماهنسي اليوم ده ابدا اجمل يوم في حياتى انا كنت خايفه من خطوة انى البس النقاب وبعدين عرضت الفكره علي 2 من اصحابي و بعدين اتفقنا نلبسه وبعد حوالي اسبوعين لقيت احت لبسته من اصحابي دول فاتفقنا انا والاحت التانيه ان نقابلها نبركلها وبعدين غيرت جدا ان هى اخذت الخطوة دى قبلي خرجت وانا لبسه النقاب وكانت مفاجاه بالنسبه لها كبيره اوووووووى
ومن اليوم ده وانا بحس بجد والله انى ملكه وربنا اراد لي العزه والشرف والعفاف
سبحان الذى بيده نفسي والله
اجمل شيء في حياتى
الحمد لله

الله اكبر
وما اجمل الغيرة لدين الله
هي دي الغيرة الصح المطلوبة
بارك الله فيكي اختي مي وثبتكي انتي وصحباتك يااااااارب
نورتي حبيبتي

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

قصة للرد على كل أخت لا أستطيع إرتداء النقاب بسبب والدي ملكش حجة :

السلام عليكم ورحمة الله وبركاته

بمناسبة الحرب الفظيعه على النقاب حبيت اكتبلكم قصة التزامى وقصتى مع النقاب لعلها تكون سبب فى ثبات ولو اخت واحده على النقاب

ومعلش هكتب بالعاميه ومعلش هطول

اولا انا من مدينه من المدن الصغيره البعيده وهذه المدينه ليس بها ولا كليات ولا معاهد.. مفهاش غير مدرسه ثانويه واحده وطبعا مختلطه

وانا كنت الحمد لله من المتفوقين وكان حلم حياتى اطلع مهندسه واسافر بره والكلام ده "كلام المسلسلات العربى"

المهم من الله عليه بمجموع عالى وفعلا دخلت كلية الهندسه... بس كان لازم اتغرب "وده شئ عادى كل الطلبه كانت بتتغرب" رغم ان اقرب بلد لينا كانت المسافه بينا 5 ساعات

المهم روحت بورسعيد وبدأت الحكايه

اول سنه ليه فى الكليه كانت الغربه تعبانى جدا جدا جدا وبما ان بلدى تبعد عن بور سعيد 7 أو 8 ساعات فكنت دايما بسافر الشرقيه عند أهل أبويه وكنت ماشيه مع الاخوان المسلمين فى الشرقيه

وكنت فاكره نفسى التزمت خلاص وبقيت الاخت اللى محصلتش وخاصة انى كنت شغالة دعوه فى مساجد البلد وكان لبسى طبعا عبارة عن جيب جينز وطرح لف كبيرة وكنت متخيله كده ان انا فى شدة الالتزام وكنت دايما ماشيه بالمطويات والشرايط فى الشنطه اوزع منها فى كل حته

وكنت طول السنه دى مخططه انى احول هندسة الزقازيق عشان افضل مع اخواتى "اللى هم الاخوان"

وقدر الله انى شلت مادتين... فطبعا مينفعش احول

المهم فى اول السنه التانيه وانا راجعه من الزقازيق لبورسعيد كنت حزينه اوى اوى لفراق الاخوات وفضلت طول طريق السفر ابكى وادعى الله انى اعرف احول وانى اتعرف على اخوات فى بورسعيد "طبعا كنت مسافره بدون محرم" لانى مكنتش اعرف ان لا يجوز سفر المرأة الا مع ذى محرم

وصلت بورسعيد على المغرب وكان فى رمضان فطرت ونزلت اصلى التراويح

وانا فى المسجد خبطت فى واحده فزعقتلى جامد

فكنت على وشك البكاء

واحده تالته شافت اللى حصل فنادت عليه: اسمك ايه انتى منين والكلام ده

وفى اخر الكلام قالتلى انا عازمه اخوات على الفطار يوم الاتنين الجاى ياريت تيجى معاهم وبعد الصلاة قالتلى استنى لما اشاورلك على البيت

وروحت وانا مش فى دماغى انى اروحلها خااااااااالص لانى اكيد وانا مغتربه مش هروح بيت معرفوش

عدت الايام وجه يوم الاتنين ورجعت من الكليه صليت العصر وقلت انام.......

وبعدين افتكرت الاخت اياها... سبحان الله معرفش ايه اللى قومنى... صليت استخاره اروح ولا ﻷ

وبعد صلاة الاستخاره وبعد حيره شديده لقيت نفسى قمت ولبست ونزلت جرى عشان الحق اروح

وصلت العماره ووقفت تحت وانا خايفه اطلع وبعدين لقيت 3 اخوات والله كنت عمرى فى حياتى ما شوفت زيهم قبل كده

لابسين اسود فى اسود وهدوم واسعه قوى وبتجرجر فى الارض ومش باين منهم اى حاجه ولا حتى عنيهم

اول ما شفتهم حسيت بحاجه غريبه اوى اوى جوايا

المهم دخلنا للاخت وهى بتحط الفطار اتكلموا معايا

فأول حاجه قلتهالهم وكنت بقولها بكل فخر "على فكرة انا من الاخوان المسلمين"

يعنى بالبلدى كده محدش احسن من حد انا برضه ملتزمه زيكم

لقيتهم ابتسموا كلهم لكلامى وسكتوا

قعدت الح عليهم انتو ضحكتوا ليه انتو ضحكتوا ليه

فقالتلى واحده منهم بمنتهى البساطه : ضحكت عشان انتى فرحانه انك من الاخوان

قلتلها مش فاهمة قعدت بقه فهمتنى واتكلمت معايا كتييييييييييير عن الجماعات والسلفيه وووو

وسبحان الله كان اول مره برضه اعرف الكلام ده

وروحت وانا مصدومة...... وفضلت كذا يوم دماغى هتنفجر من كتر التفكير

وبعدها اتصلت بيه وقالتلى تعالى معانا الاعتكاف فى المسجد الفلانى

طبعا طبعا خوفت ومروحتش

وجريت على بلدى ومرجعتش غير بعد العيد

رجعت تكلمنى تانى وعزمتنى على الغدا وبعد الغدا قالتلى فى درس للشيخ فلان انهارده تيجى معايا

والشيخ ده كان من طلبة الشيخ مصطفى العدوى

روحت معاها ولما بدأ الشيخ لقيت كل الاخوات ماسكين اقلام وعمالين يكتبوا ورا الشيخ ومفيش ولا واحده رفعت عينها من على ورقها وبدأت اسمع الشيخ وكان درس فقة "فقة الحج"

وطبعا مفهمتش اى حاجه ومعرفتش اكتب ورا الشيخ اى حاجه

بس كنت مستغربه اوى اوى

ناس غير الناس ودنيا غير الدنيا ولقيت فرق كبييييييير وغريب بين اخوات الزقازيق واخوات بورسعيد

وتانى يوم روحت معاهم درس عقيده فى معهد اعداد الدعاه

وقعدت قارنت بين درس هنا ودرس هناك والحال هنا والحال هناك

ومن هنا كانت البداية

والحمد لله تركت الاخوان وسلكت طريق طلب العلم الشرعى

وبدأت طريق الاستقامه ولله الحمد




وبدأت معاناتى مع النقاب

ابويا وامى كانو زى كل الناس اياميها

كانوا متاثرين بالاعلام دا غير الجهل دا غير مشايخ التلفزيون والكلام ده

المهم حبيت البس الخمار "واخدين بالكم الخمار"

طبعا ابويه بهدل الدنيا وقطع الخمارات اللى اشتريتها وقلب البيت كله

نشفت دماغى ومسكتش غير لما لبست الخمار

بس كنت على قد ما اقدر احاول مظهرش فى وشه

اصله كان بيتعصب اوى اوى ويتحرق دمه لما يشوفنى لبساه

دا غير بقه التغيرات اللى جايه مع الخمار

مبسلمش على رجاله مبسمعش اغانى مبقعدش معاهم اتفرج على التلفزيون...... والكلام ده كله

كان جديد فى بيتنا... جديد فى بلدنا كلها

طبعا كنت فى نظر بابا اتحولت لارهابيه وانضميت لجماعه من الجماعات والكلام ده

طبعا كان نفسى البس النقاب بس كان مستحيل اعرض على بابا الكلام ده

وفى الوقت ده قدر الله انى سقطت فى الكليه

وطبعا بابا ربط ده بده على طول وفعلا كانت من اشد الايام فى عمرى

روحت محوله من قسم ميكانيكا دخلت سنه اولى من تانى بس بحريه

وساعتها خلاص عرفت ان النقاب فرض واتاكدت من كده وخلاص لا يجوز انى امشى سافرة الوجه

فقولت لبابا عايزه البس النقاب

متتخيلوش البهدله اللى اتبهدلتها عشان عايزه البس النقاب

بابا ضربنى ضرب غريب الشكل لدرجة ان جسمى كله كان معلم

وشال الشرايط كلها رماها فى الزباله والكتب كلها حرقها وكل الخمارات قصها بالمقص والجونتيات كمان وحبسنى فى البيت لحد معاد السفر

سافرت للكليه وان خلاص كأنى طالعة من المعتقل حبس وتعذيب وقهر نفسى

طب وبعدين لازم حل مينفعش اخرج فى الشارع بوشى اعمل ايه

توكلت على الله ولبست النقاب

بس من غير ما حد من اهلى يعرف طبعا

رجعت فى اجازه من الاجازات وكان لازم اخويا يعرف لانه هو اللى بيسافر معايا

وربنا يصلح حاله ويبارك فيه ويرزقه الفردوس الاعلى وقف معايا وساعدنى

كنا نسافر بليل متاخر ولما نوصل اخلع النقاب فى الشارع قدام البيت وارميه وسط الشجر وادخل البيت وافضل محبوسه او حابسه نفسى طول الأجازه لحد معاد السفر اخرج وانا شايله النقاب فى استك الجيبه تحت الخمار ولما ابعد عن البيت شويه اطلعه البسه فى الشارع

وفضلت لبساه على الحال ده 4 سنين

عارفين يعنى ايه اربع سنين

اربع سنين بدخل واخرج زى الحراميه

وطول الفتره دى طبعا بطلب العلم الشرعى وكمان فى الاجازات لما اروح عند بابا كنت اجيب المجموعات العلميه واقعد افرغها كتابه

وطبعا طول الأربع سنين دول كل فتره اطلب من بابا انى البس النقاب ويرفض

وقفشنى فى الاربع سنين كذا مره

وكنت لما بتقفش كان بيبهدلنى

والله مره من المرات فضل يضرب فيه لحد ما اغمى عليه من الضرب

وتعبت خالص واتنقلت المستشفى

واخواتى قالولى انه حتى بعد ما اغمى عليه فضل يضربنى لحد ماشالونى من قدامه

وطبعا هو كان فى الايام الاخيره حاسس انى لبساه بس مش عارف يعمل ايه

فكان منكد عليه لو لقى المطبخ مش نضيف يدخل يدينى 4 اقلام على وشى

لو حاجه اتكسرت يقوم يضربنى

كنا 6 اخوات محدش كان بيضرب غيرى

والله حتى لما حد من اخواتى يغلط انا اللى كنت بضرب

وسبحان الله بعد 4 سنوات مكن الله ليه




اه نسيت … طوال لالربع سنين غير بهدلة بابا دى كنت متبهدله برضه فى بور سعيد

اطردت من المدينه

وبعدها اطردت من دار المغتربات

وبهدلة الكلية والدكاتره

ومشاكل الامن

لدرجة مره مديرة الدار حكمت عليه مخرجش من اوضتى خالص غير للحمام بس

وبعدها كانت عايزه تمضينى على اقرارات عدم التحدث فى الدين مع طالبات الدار وبعدها طردتنى




واتبهدلت والله بهدله لدرجة ان فى ايام مكنش فى حته ابات فيها

وكنت خايفه اقول لبابا ﻷن سبب البهدله دى انى منتقبه وابى ميعرفش ومينفعش يعرف

بس الحمد لله فتح الله عليه "بس دى قصه تانيه خالص وطويله"




وعلى فكرة ده مش حالى لوحدى

والله انا واكتر من 10 اخوات غيرى كنا فى عذاب

واى عذاب.. بهدله واهانه وطرد

والله فى اخت كانت من الفلاحين وكان ابوها بيبيتها على السطوح "سطوح فاضى خالص"

وفى عز البرد ومكنش بيطلعلها اكل خالص

وفى الاخر تظاهرت بالاستسلام ولبسته فى السر برضه




واخت كان ابوها محامى وكان مبهدلها بجد وقالها لو مخلعتهوش شوفيلك حته تانيه عيشى فيها وهى راجعه من الكليه راملها شنطتها وطردها وقالها متجيش هنا تانى

وفى الاخر برده لبسته من غير ما يعرف




والله كان اشبه بكفاح

كنا اكتر من 10 كلنا لابسينه فى السر وكلنا كانت لينا قصص لو قعدت احكيها مش هيكفى

وكلنا شفنا ايام محدش شافها




المهم زهق بابا من اللى بيعمله فيه وفقد الامل فى انى اتغير وبقه يعمل نفسه مش عارف انى لابسه النقاب

وفضلت سنتين لبساه وهو عارف بس عامل نفسه مش عارف

وفى السنتين دول عرفت اطلع من بيت بابا واخرج وازور الاخوات والحمد لله فتح الله عليه باب الدعوه وفضلت السنتين دول اعلم الاخوات اللى اتعلمته فى بورسعيد

والحمد لله نشرت المنهج السلفى فى بلدى

ووضعت اقدامهن على الطريق

وشرحت لكثير من الاخوات كتاب الثمرات الزكيه فى العقائد السلفيه للشيخ احمد فريد

مع شوية فقه مع مصطلح واصول فقه




وده كان حاجه كبيره فى بلدنا لان بلدنا مفهاش علم شرعى خااااااااااااالص




والحمدلله بعد 6 سنين من النقاب من الله عليه بزوج صالح وتزوجت ورزقت ببنت

وفتح الله عليه والف بين قلبى وقلب ابى وفتح على ابى واهلى جميعا




سبحان الله 7 سنوات بالنقاب اولهن شدة واخرهن فرج....... وأى فرج والله

فعلا .. كلما ضاقت حلقاتها فرجت




وسبحان القائل

((الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))



وصدق تعالى حين قال

و من يتق الله يجعل له مخرجا و يرزقه من حيث لا يحتسب

معلش حاجة برة الموضوع

بالله اى واحد عنده بنت او اخت أوعى تغربها

ولو ايه الاسباب

خليها معاك احسن عشان وهى معاك هتعرف تحافظ عليها

يااااااااااااااااااااااه يا يمامة
يا نهاااااااااااااااار
كل دا حصلك يا بنتي
دا انتي من الجبال بقي
سبحان الله
وفضلتي صابره علي كل دا !!!!!!!
بسم الله ما شاء الله
انا مش عارفة لو كنت مكانك كنت عملت ايه الصراحة
يااااااااااااا
ربنا يجعل كل دا ميزان حسناتك يارب
والله اثرتي فيا جداااااااااا يا بنتي
وفعلا قصتك والله تثبيت للناس
وتبين اد ايه النقاب دا حاجة غالية وقيّمة وعظيمة
ومش اي حد يقدّره ويعطيه حقه
سبحانك يارب
سبحان الله
اتصوري يا يمامة انك حسستيني بحقارة نفسي جدااااااا
لان لو كنتي قريتي قصتي كنت انا اللي مش مقتنعة بيه اقتناع تام واهلي كانوا عادي بيوافقوا والحمد لله ع اي خطوة كويسة

ربنا يكرمك اختي ويجازيكي كل خير
ويثبتنا واياكي علي زي العفاف والتقوي

اشكرك جزيلا ع سردك الرائع لقصتك
اتمني المزيد لو في اي قصص تاني لتثبيت اخواتك
جُزيتي الجنة

[الشاكره الى الله]

رد: كل منتقبة اية رأيك تكتبلنا حكاية لبسك للنقاب ؟

انا عوزه بقى احكى على اختى اول ما ابست النقاب حكايه غريبه
كان جيلها عريس من طرف احد الاقارب اللى مكنشيعرف انى اختى انتقبت من اسبوع والعريس جاى على اساس وحد مش منتقبه ولما العريس عرف انها منتقبه طلب يقبلها وحصل قبول الحمد لله وبعد يومين اتصل وقال اهلى مش موافقين على حكايه النقاب وطلب من بابا انه يقنعها تخلعه وطبعا ماما على اختى جدا لانها كانت اتاخرت فى سن الجوازوخبت النقاب منها بس اختى اصرت على عدم خلعه والعريس مشى
المهم سبحان الله عرفنه بعد كده حاجات سيئه عن اليس دهفقلنا الحمد لله النقاب حمانا منه ولولا النقاب كان زمان اختى فى حياه صعبه مع الراجل ده

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

ماشاء الله
ربنا يبارك فيكن أخواتى الحبيبات
وأدعو الله أن يمن بالنقاب على كل اخت لم ترتديه
اللهم آمين
...
جزاكِ الله خيرا يا يمامة على القصة دى
ماشاء الله هو ده الكفاح
المفروض كل أخت لها حجه تخلص وتكافح وربنا هيكرمها
...
فى قصة أخت شبيهه بالقصه اللى حكتيها يا يمامه
كانت أخت حبيبة جداً لقلبى أسال الله أن يحفظها أينما كانت
فلقد كان لها فضل كبير بعد الله فى لبسى للنقاب ومعرفة اخوات حبيباات لى فى المسجد
..
كانت أختنا أيضا مغتربة هنا فى الجامعه وتعرفت على أخوات سلفيات فى سنه اولى وربنا قدر انها ماتنجحشى فى سنه أولى
وطبعا كالعاده والدها ربط النجاح بمعرفة الأخوات دول والطريق اللى هى ماشيه فيه وكأنه طريق غلط
ولبست النقاب وأجبرها على خلعه
حولت كلية تانيه وكانت مختمره فقط .. وكانت شديدة الجمال والله يا أخوات كانت فعلا فتنه وأولى الناس بلبس النقاب
المهم مرت ثلاث سنوات وهى تحارب لأن تلبس النقاب ولكن دون جدوى
ويوم ان أخبرتها أننى أنتقبت ظلت تبكى كثيراً جدا لفرحتها بى اولا ثم لحزنها على عدم لبسها النقاب
وقررت ان تبدل الخمار بالملحفة وبالفعل ارتدت الملحفه طبعا بعد حرب مع والدها واعتراض شديد
المهم بدأنا سنه رابعه وكانت لها اختان معا واحده أكبر مننا بسنه والتانيه اصغر مننا بسنتين
لما بدات سنه رابعه قررت تلبس النقاب دون علم والدها ولبسته فعلا وماروحتش بيتهم ابدأ طول الترم الأول كانت أخواتها بتسافر وهى تتحجج باى شى كأبحاثها أو انها بتتعب من السفر والمواصلات
ولما خلص الترم كان لازم تروح وفعلا روحت واختارت ميعاد يكون والدها مش موجود فى البيت ودخلت وهو مش موجود وفضلت طول اجازه نصف السنه ماتخرجش الا لمقابلة محارمها فقط اما غيرهم فلا
ورجعنا الترم التانى وبرده خرجت ووالدها مش موجود وفضلت طول الترم ماتروحش بيتها وخلصت السنه وخلصت الدراسه خالص
طيب هتعمل ايه وفضلت أكثر من سنه لا تخرج من بيتهم نهائيا لأنها لا تستطيع أن تخرج بدون نقاب
كان طبعا والدتها واخواتها عارفين لكن والدها لا
وبعد سنه ربنا رزقها بانسان كويس اتقدم لها وقبل ما يروح يزورهم فى البيت قالت لوالدها انها انتقب وكانت حرب طبعا ولكن بفضل الله وكرمه اقتنع
وربنا رزقها بزوج صالح أسأل الله أن يبارك لها
اللهم آمين
...
فطبعا كل أخت بتقول والدى وبيتى وأهلى والكلام ده
بقولهم يا أخوات فيه كتير استحملوا واتضربوا واتهانوا عشان النقاب
يعنى اختنا دى حرمت من رؤية اهلها طول الدراسه عشان نقابها
وحرمت تخرج من بيتهم سنه كامله عشان نقابها
لحد ما ربنا بعت لها الرزق (( زوجها)) ليكون المنحه بعد المحنه
فجاهدى يا اختنا وتحملى
لعل فرصة تذهب فلا تعود

الله اكبر
والله قصص اكثر من رائعة وامثلة مُشرّفة والله العظيم
النماذج هي دي النصر بعينه ان شاء الله
والواحد والله لما بيسمع قصص زي دي بيزداد حماس وامل في النصر وعودة اسلامنا
وان في ناس رائعة كدة بتضحي التضحية دي عشان دينها وعفافها .

بارك الله فيكم جميعا وثبتكم وحفظكم
قصص عِبرة لمن يعتبر

فهل من مُعتبرة ؟؟؟؟

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

انا عوزه بقى احكى على اختى اول ما ابست النقاب حكايه غريبه
كان جيلها عريس من طرف احد الاقارب اللى مكنشيعرف انى اختى انتقبت من اسبوع والعريس جاى على اساس وحد مش منتقبه ولما العريس عرف انها منتقبه طلب يقبلها وحصل قبول الحمد لله وبعد يومين اتصل وقال اهلى مش موافقين على حكايه النقاب وطلب من بابا انه يقنعها تخلعه وطبعا ماما على اختى جدا لانها كانت اتاخرت فى سن الجوازوخبت النقاب منها بس اختى اصرت على عدم خلعه والعريس مشى
المهم سبحان الله عرفنه بعد كده حاجات سيئه عن اليس دهفقلنا الحمد لله النقاب حمانا منه ولولا النقاب كان زمان اختى فى حياه صعبه مع الراجل ده

سبحان الله يا اختي
الحمد لله والشكر لله
شوفتوا طاعة ربنا واصرارنا عليها كلها دُرر وجواهر وكرامات والله العظيم

ياااااااااااارب اعنا ع طاعتك وارزقنا محبتك
الهم امين
بارك الله فيكي اختي وحفظ الله اختك ورزقها الزوج الصالح عن قريب
وماذا عنكِ اختي ؟؟؟

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

بارك الله فيكم