كل منتقبة اية رأيك تكتبلنا حكاية لبسك للنقاب ؟

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

والان معادنا مع اختنا (( amat_allah))

اهلا بكِ اختي فلتتفضلي ع كرسي الاعتراف

ونقدم لكِ الورود :





فهل انتي مستعدة اختي ؟؟؟؟؟؟؟؟؟؟؟؟؟؟؟؟
نحن في انتظارك ؟؟؟؟؟؟؟؟

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

فين اختنا amat _ allah
اين انتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[e88sajedah_lellah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

جزاكي الله كل خير على موضوعك المميز ما شاء الله تبارك الله عليكي يا قمراية

ــــــــــــــــــــــــــــــــــــــــــــــــــ ـــــــــــــــــــــــــــــــــــ


فاية رأيك يا كل منتقبة تكتبلنا يوم نقابك _يوم فضل الله ومنه وكرمه علينا بنعمة النقاب _ عشان نحتفل بيه كلنا مع بعض ونستضيفك شوية تحكيلنا عن:

- سبب نقابك
الحمد لله رب العالمين انتقبت في شهر 8 صيف 2006
سبب نقابي اني جيت في فترة حسيت اني مش محجبة حجاب شرعي يرضي ربنا جل وجلاله ولم اشعر بارتياح في ضميري لمده لا تقل عن سنتين تلاتة قبل لبس النقاب مع اني كنت لبسه خمار بس لم اشعر يوما باني لابساه ارضاء لربي ولكن كنت مضطره البسه لانه فرض عليا من البيت عنند ا"وده لايعني تقليل للاخت المرتديه للخمار"لا بارك الله فيكي اذا كنتي اخترتيه انتي ولبستيه ارضاء لله تعالى فانتي حاجه تانيه غيرما كنت انا عليه وقتها فانا في حياتي لم احب اي شكل من اشكال الحجاب للاسف
المهم جيت في الصيف ده قررت قرار نهائي بارتداء النقاب لاني كنت على آخري كل مانمشي في الشارع تعليقات مش كويسة.!!

وكنت قبل ارتدائه بحوالي اسبوع كل ما انزل مالبيت احس كان وشي بيتقطعوكأن ده كان شعور ضميري بالعذاب انك ليه متلبسيش النقاب!ليه مترحميش نفسك وكل رجل بيشوفك فالشارع
هوه انتي مش فتنة خاف منها الرسول صلى الله عليه وسلم على الرجال!
المهم
الحمدلله ارتديته وكان البيت عندنا مش راضي وقلقانين مني احسن اخلعه تاني بس لبسته
وغيرت لبسي للاحشم بفضل الله
وحسيت بأجمل إحسااااااس حسيته في حياتي وبارتياح ضمير ورضا واطمئنان وعلو ايماني غير عادي
الحمد لله رب العالمين
يااااارب ارزق كل الاخوات ارتدائه يااارب
- وعقبات نقابك
رقم 1و2و 3هتتجوزي ازاااااااااااااااااااااااااااااااااااااااااي؟؟
وازاي اللي عايزين يخطبوكي هيشوفوكي ووووووووو

4 بعد مالبسته جالي حد من قرايبنا يقولي اخلعي النقاب لاني جايبلك دكتور فلان بس هوه طبعا مش عايز نقاب
5 جارنا الفلاني اللي في سن اكبر من جدي يعني؟؟(ربنا يحسن ختامنا جميعا يارب) يا بنتي النقاب ده بدعه والحجاب المطلوب حاجه كده وصفها زي الايشارب الاسبانيش اللي طالع اليومين دول
6 نظرك هيضعف يابنتي
7 يابنتي انتي لسه صغيره بتظلمي نفس بدري لييييييييييه؟؟؟؟؟؟؟؟
سبحان الله رضا الله وطاعته بأى ظلم للنفس!! والتبرج والسفور هوه قمة العدل ورحمة النفس!!
من إيه دي يا جنة يا نار
واحنا علينا نحاول على اد مانقدر نبحث عن طاعة الله

- ولو ينفع وصف نقابك
نقابي نجاتي
نقابي إيماني
نقابي راحتي وراحة ضميري من ناحية الحجاب الشرعي
نقابي التحدي اللي هقف بيه أمام أي حد يحاول يشكك في شرعيته

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

الله عليكي يا اختنا الساجدة لله
انتظري حفلتك

[moslma lillah]

اختنا amat_allah

اشكرك اختى مسلمة على موضوعك الطيب

بارك الله فيكي ورزقنا واياكي طاعته والالتزام بشرعه

واسمح لى ان اشارك معكن فى هذا الحفل الكريم الذى يعتبر

نقطة تحول كبيرة فى حياة كل من التزمت بارتداء النقاب

وجعلته عزة وفخر لها كونها ترتدى الزى الذى امرنا الله به

رغم الحملات الشرسة عليه وعلى من ترتضية لباس وكرامة

فانا رغم انى النقاب شئ ليس جديد علي لاننى مقيمة بالسعودية

منذ فترة طويلة وكنت ارتدى هذا الزى كعادة وطبيعة الحياة

هناك ورغم انى ملتزمة ولله الحمد بتعاليم ديني غير انى عندما

كنت انزل لمصر فى الاجازات كنت ارفع عن وجهى فقط ولكنى

كنت ملتزمة بالخمار والملابس المحتشمة الغير ملفته

وكنت اتمنى ان اتغلب على ضعفى هذا وان التزم باللباس

الشرعى بمصر كما بالسعودية ولكنى كنت التفت لاراء غيرى

وخاصة بمصر عندما ان النقاب ليس فرض

وان الدين يسر وان

مشايخ السعودية يتشددون بالدين نتيجة نقص بمجتماعتهم

وخوفا من تفشى الفساد كان يلزمن النساء هناك بارتدائه

ورغم انى اعرف ان هذا الكلام غير صحيح لانى درست هناك

وتعلمت كنت انقاض لارائهم وخاصة ان الاهل كان يشجعوننى

على كشف وجهى وذلك لتقاليد عائلية اذا كيف اقابل اهلى

واقاربي بعد سنه او سنتين من الغربه وانا منتقبة وبهذا قد

افرض عليهم التزمات هم بغنى عنها

ولكن عندما كنت اعود للسعودية بعد كل اجازة واعود لارتداء

غطاء الوجه كنت اكره نفسي واشعر اننى اخادع نفسي

بهذا التناقض

وفى مرة من المرات من الله عليا بالقوة انى اتغلب على ضعفى

واقرر ان ارحم حالى من هذا الشعور واقرر ان ارتدي النقاب

بمصر كما بالسعودية فدعوت الله ان يثبتنى حتى يجئ موعد

نزولى مصر على هذا الفضل

والحمد لله ارتديته عند نزولى مصر وتمسكت به

رغم الاراء المعارضة ...الا اننى التزمت به

وبعدها يعلم الله كم شعرت بالراحة والطمأنينة وانشراح الصدر

يكفى اننى عندما كنت امشى بالشارع اشعر اننى مطمئنة انى

لا ارتكب اثما بكشف وجهى او اننى محط انظار الشباب هذا

الاحساس لن تشعر به الا كل فتاه جربت سفور الوجه ومن

الله عليها بنعمته وثبتها على زى امهات المؤمنين والصحابيات

رضوان الله عليهن جميعا...

اسفة اختى ان كنت اطلت عليكم بحديثى

ولكنى بالنهاية انقل لكم كلمة قالتها اخت فى الله كانت

بالماضى فنانة مشهورة

هى الاخت حلا شيحة عندما سئلت عن النقاب بعد ان

انتقبت وابتعدت عن هذا الوسط اللعين

قالت النقاب هو عزتي وكرامتى وبه ازهو وافتخر انني مسلمه

بشكرك مرة اخرى وارجو ان تتقبلو اسفى ان كنت اطلت عليكم

ما شاء الله اختنا الفاضلة
قصتك جميلة وفعلا واقعية وانا كان لي اقارب مثلك , حتي انا عندما ذهبت السعودية مع اهلي من عدة سنوات لعمل عُمرة كنت الاقي كل الناس منتقبات فصراحة انبهرت بيهم ولكن سبحان الله كنت اتحدثت مع اخت من السعودية لاقيت العجب في كلامها اسأل الله ان يهديها لا داعي لذكر ما قالته لي .
ولكن فعلا يا اختي العبرة مش بالمكان اهم حاجة مدي تعلقك بخالق كل الاماكن سواء مصر او السعودية سبحانه وتعالي .

وفي الختام اشكرك اختي كل الشكر
ع سرد قصتك وكم كنت اتمني ان تكوني معنا دلوقت
المهم انتي نورتينا

[صاحبة القلادة]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ماشاء الله موضوع روعة وربنا يجعلوا في ميزان حسناتك انا بفضل الله لبست النقاب 29\شعبان\1429 بس مش فاكرة كام ميلادي وكان عندي 15 سنة 4 شهور تقريبا
- سبب نقابك؟

حكاوي أخوات المنتدى
- وعقبات نقابك؟

أهلي كلهم كانوا رافضين
- واحساسك مع النقاب؟

كنت حاسة ان في حاجه مكتفاني وفكيت منها وحياتي كلها اتغيرت
- ولو ينفع وصف نقابك؟

الملحفة والنقاب اسود وبنزل البيشة
- اي مواقف غريبة مع النقاب ؟
أول مره أحس اني محترمة بجد .. ومره كنت رايحة المدرسة في ميكوباص .. فكان في واحد قاعد فقاملي عشان معدش جنب حد

[زينة الأبرار]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ما شاء الله

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

بار ك الله فيكوا ع تفاعلكوا

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ماشاء الله


نسأل الله الثبات

اللهم امين
اشكرك اختنا ع مرورك الكريم

جزاكم الله خيرا

نسأل الله الثبات حتى الممات

جزانا واياكي اختنا
واللهم امين يارب
بارك الله فيكي

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

الله..والله فكروتنى باليوم ده..أقسم بالله كان اروع يوم عدى عليا من يوم ماتولدت للنهارده

انا لبست النقاب يوم 16 رمضان اللى فات بفضل الله
ومعلش لو طولت شويه بس نفسى اوصفلكم قد ايه ربنا كريم وجميل وعظيم..
يوم 15 رمضان اتعرفت على اخت فى المسجد وانا بصلى التراويح فى المسجد وكانت منتقبه وانا كنت بحب جدا شكل النقاب ونفسى فيه جدا بس مكنش لسه ربنا أذنلى بالمتعه دى
المهم البنت دى وانا بدردش معاها قلتلها ان نفسى البس النقاب فقالتلى انا هادعليك وانا بصلى دلوقتى وفعلا دعتلى وسلمت عليها ومتقابلناش تانى من يومها
المهم تانى يوم بقى اللى هو 16 رمضان..اتعرفت على اخوات ماشاء الله ربنا يابركلهم ويجازيهم خير لقيتهم لوحدهم بيتكلموا معايا فى النقاب ومن اول كلمه لقيتنى بقولهم (توكلت على الله انا خلاص هالبسه) والكلام ده كان فى التهجد ولبسته فعلا ووقفت صليت باقى التهجد والله العظيم بكيت بالساعات وانا بصلى وكل مااسجد اقول الحمد لله ..والله كانت اروع دموع بجد فى حياتى
حسيت يومها كانى رجعت طفله من غير ذنوب
ورجعت البيت وفجات اهلى بلبسى للنقاب ..هما بصراحه موافقوش بس معترضوش كمان زعلوا كده شويه بس الامر كان فرض نفسه
وكنت ايامها بلبس عبايات بقى بشغل دهبى وفضى وروز والوان الطيف
وكنت بحس ان البنات بتبص عليا ايه المنتقبه الغريبه دى
والحمد لله ظبطت لبسى بعدها ..وبقيت منتقبه بجد زى كتير من الاخوات الى كنت بشوفهم فى الشارع وكنت والله بحسدهم على شكلهم الجميل ده
وانا دلوقتى كده بقالى ااقل من سنه بس اقسم بالله ربنا اكرمنى جدااااااا فى حاجات كتير فى حياتى بعد لبس النقاب

وبجد انا سعيده جدا وبحب نقابى جدا ومعتزه بحجابى جدا..وبدعوا الله ان كل بنت متبرجه تدوق حلاوة الستر ..بجد نعمه عظيييييييمه

الله عليكي يا اختنا (( قلب خائف ))
ارحب بكي حبيبتي



ما شاء الله قصتك تشبهني تمام بس انا اتأخرت شوية عن رمضان لبسته بعديه بشهر تقريبا

ربنا يكرمك حبيبتي
اشكرك جزيلا

[NAHLA_111]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ماشاء الله عليكم جميعا ادعولى انى انتقب انا بحب النقاب اوي والله و نفسى البسة بس حاسة انى لو لبستة مش هثبت علية و اهلى نفس الحكاية مع الكل مش موافقين بس انتوا جاهدتوا اهلكوا جامد اوي و انا حاسة انى برضوا مش هاجاهدهم بقوة زيكوا كدة قلولى اعمل اية و برضوا انا حاسة انى كمان الموضوع هيقلب معايا رياء فعلشان كدة عمالة اقول لنفسى مش لازم البسوا انا كدة هعمل رياء وحجت تانية كتيييييييييييييييييييييييييييييييييييييييييييييير ادعولى وقولولى اعمل اية نفسى البسة قبل رمضان القادم بجد انتو فى نعمة لا يشعر بها الا الغير منتقبات ادعولى انى احبة اكتر و قولولى اعمل ايى ابوس ايديكو اعمل اية؟؟؟؟؟

[الـﭽُوري]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

السلام عليكم ورحمة الله وبركاته
ازيك أختنا نهلة ؟؟
إن شاء الله تكونى بخير حال
أولا استعينى بالله واخلصى النية فعلا إن لبسك دا لوجه الله
وليس لكسب رضا اى حد او التفاخر او التظاهر
ودائما استغفرى الله واستحضرى عظمته
وفكرى نفسك دايما انك لو لبستيه هتكونى خنقتى نفسك ومخدتيش ثواب وكل دا على الفاضى
إنما لو لله ف هتكونى مبسوطه بيه وبترضى ربنا سبحانه وتعالى وبتاخدى ثواب وبتعفى نفسك وبتعفى غيرك
وبترتقى بنفسك لمرتبة أعلى
دائما ادعى ربنا فى صلاتك وقولى " اللهم طهر نفسى من الرياء والكِبر "
واستغفرى كتير وسبحى وكدا
وإن شاء الله ربنا هيرزقك النقاب

بصى فى حركة انا دايما بعملها مع نفسى
بس معرفش انتى هتعرفى تعمليها او هتتقبليها ولا لأ
عاقبى نفسك كل ما تلاقى نفسك بتميلى لإنك تعملى حاجه غلط أو تاخدى عليها ذنب او يبئى غرضك من وراها مثلا إنك تجذبى انظار الناس او ان حد يقول عنك كلمة كويسه
مثلا مثلا انتى إن شاء الله دائمة الصيام الإثنين والخميس
وفى جلسه مع أخواتك بتتكلموا عن الصيام والكلام دا وانتى عايزه تتفاخرى بصيامك لغرض فى نفسك هو غلط وانتى عارفه كدا إنهم مثلا يقولوا عنك دى بتصوم
فى ساعتها متقوليش
ولو لقيتى نفسك عايزه تقولى احلفى مانتى قايله
او استغفرى او تعوذى من إبليس وهكذا

فاهمانى ولا لأ ؟؟
طبعاً دا مثال بسيط إنما النفس أمارة بالسوء ووسوسة الشيطان أعوذ بالله منه مبتسيبش حد فى حاله
ربنا يثبتك يا رب على الطاعة وتلبسى النقاب عن قريب ابتغاء مرضاة الله إن شاء الله

طبعا اطيعى والديك يا نهله دا أمر ضرورى جداااااااااااا عشان ربنا يكون راضى عنك لازم يكون والديكى راضيين عنك
وحاولى قدر الإمكان تقللى من ذنوبك بالإستغفار والإبتعاد عن أى شئ يكسبك ذنوب زى سماع الأغانى وخلافها
لان من الذنوب ما يمنع النعم ويحجب الدعاء

وربنا إن شاء الله يتقبل منك صالح أعمالك ويرزقك النقاب لوجهه الكريم

[نور الايمان2]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

جزاكي الله خيرا ختي في الله

تاريخ نقابي 20-5-2009

بعد اما كنت سبحان الله
كنت راحة اشتري فستان للسهرة في فرح بنت عمي في نفس اليوم هو يوم لبسي لللحجاب الشرعي وذهبت للفرح به
والحمدلله الحمدلله
ما اجمل الحياة في طاعة الله
وجزاكم الله خيرا

[NAHLA_111]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

جزاكى الله خيرا اختى منى على ردك الجميل انا كتيير بعمل زيك انى اعاقب نفسى يعنى بس برضوا جوايا انى بعمل كدة برضوا لشان رياء انا مبقولش حاجة لكن ممكن نيتى هيا الى متبقاش خالصة الله ورضى والدى شىء اكيد مهم طبعا بس لا طاعة لمخلوق فى معصية الخالق و خصوصا انى اخذ براى فرضية النقاب

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ان شاء الله هرد عليكم باذن الله قريبا

اختي NAHLA_111

ان شاء الله هرد هليكي باذن الله واشكر اختي مني ع ردها الجميل