كل منتقبة اية رأيك تكتبلنا حكاية لبسك للنقاب ؟

[عبير كيره]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته

انا بقى قصتى صغيرة جدا او اصلا متعتبرش قصة

بس هيا انى اختى اللى اكبر منى انا وهى لبسنا الحجاب مع بعض وانا عمرى 3 سنين وهيا4 سنين
ولبسنا العبايات مع بعض وكدهفهيا كان عندها 11 سنة ونص فطلبت من ابى وقرة عينى رحمه الله لبسه ففرح وقالها البسيه
الايام دى هيا كانت فى البيت واحنا مسافرين(اصل هيا مش شقيقتى)وابى بقى جه ياخدنا للبيت فقالى اختك انتقبت انا كنت فرحانة جدا وفى نفس الوقت زعلانة لانها لبسته بدونى
المهم لما شوفتها كنت فرحانه بيها وباركتلها وقلتلها انا مكسوفة اقول لابى البس النقاب قوليلو انتى فقالتلو ورجعت قالتلى ابى رضى انا من الفرحة كنت حصرخ ولبسته وكان عمرى 10 سنين ونص
بس امى قالتلى انتى لسة صغيرة اوى لما يكون عندك 11 البسيه قعدت اعيط بس ضيت علطول من كتر الزن
بس كان شكلى ايه مضحك جدا مش كنت باينة من الارض ولابسة نقاب كبير بس الحمدلله والله انا فرحانة جدا انى لبسته بدرى
ولحد دلوقتى منتقبة بدرى وافتخر معلش طولت عليك اختى مسلمة بس حبيت اشاركك ياريت تقبلى مشاركتى احبك فى الله
والسلام عليكم ورحمة الله وركاته

وعليكِ السلام ورحمة الله وبركاته
ماشاااااء الله عليك اختي أميره ربنا يبارك فيك وفي اختك ويرحم اباكِ رحمة واسعة من عنده انه ولي ذلك والقادر عليه
بوركت اختي اسأل الله لك السعاده في الدارين
اللهم آآميــــن

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

بوركتن اخواتي

[عزتى سرها اسلامى]

رد: كل منتقبة اية رأيك تكتبلنا حكاية لبسك للنقاب ؟

قصتى مع نقابى اللى مخلينى زى العروسة ده
على فكرة انا لبساه بقالى اسبوع ونص يوم 14/1
وادى قصتى

الجزء الاول
حياتى كانت عادية جدا لبست الحجاب مش وانا صغيرة اوى بصلى عادى وبحب ربنا العادى طول عمرى كنت فى نشاطات بغنى وبعزف جيتار وبخرج مسرحيات وكمان بكتب وكنت بلف مسارح الدولة وبقدم حفلات وبتكرم من قيادات الدولة وياما طلعت فى الجرنان اسمى او بصورتى
وقدرت اكون فى اتحاد الجمهورية وقابلت كل المستويات واتلعمت ازاى القيادة ومبادىء الحوار والنقاش لحد ماتدربت فى الصحافة وقدرت اكون صحفية فى سن صغير ونشرت مقالات وتحقيقات فى جرايد كتير لمدة 3 سنوات
ومع كل هذا انا مش بعمل حاجة مخالفة لمبادئى او اخلاقى ولا بصاحب ولا بتنازل ولا اى حاجة
ومع الوقت سبت من شهور بسيطة مجال الصحافة لانى رفضت التنازل عن افكارى ففضلت انا اكتب حر فى مدونتى حتى أصدر كتيب بكتاباتى باسمى لحفظ حقوقى
طبعا كل اللى قلته ده عشان أبين انى قد ايه مرتبطة بالشارع واجتماعية لاقصى درجة


الجزء الثانى

زى مالكل عارف انى مخطوبة بقالى شهر تقريبا
الخطوبة دى كانت المفروض تبقى 1/1/2011
ولكنها اتفشكلت قبل الموعد ب4 ايام لاسباب مش متذكراها من كتر ماهى بسيطة

ومن هنا كانت بداية
اه كان فى اسباب ملموسة ولكن بالنسبة ليا انا فهمت السبب

انا مش بحب الافراح المختلطة ولما كنت بروح لصديقة كنت بقعد بعيد عشان بتضايق من منظر الاختلاط الزيادة
ومع ذلك لما جت خطوبتى فرحت وحبيت اعمل زى كل البنات واصريت اصرار غريب انى اعمل خطوبة وقاعة واغانى
وفعلا حجزنا وحجزت فستان خطوبة وفى يوم وليلة ماتت الفرحة وكل ده راح وحصلت مشكلة كبيرة وبعدنا انا ومحمود
وبعد مده فهمت ربنا كان عايز يفهمنى ايه

وفضلت كاتمة فرحتى لمدة سنة واستغفرت ربنا انى فكرت فى حاجه تغضبه

وبعدها بمدة ابتدى يتصلح الامر ورجعنا والخطوبة كانت عائلية بفضل الله

بعد الخطوبة ماتمت رجعت تااااااااااانى افكر ان نفسى بقى اعمل فرح والدنيا كلها تشوفنى وبقيت اربت لفقرات كمان فى الفرح

الجزء الثالث
وبعدها لقيت نفسيتى وحشة اوى وحسانى متغيرة
وواجهت نفسى
ازاى انا افكر فى كده انا اللى كنت بدى دروس رقائق فى المسجد ومش بروح افراح اعمل انا الذنب الكبير ده؟؟؟
وكنت بس معجبة بنفسى وان وشى مقنع والناس بتحبنى علطول وكل الكلام اللى يزودنى اعجاب بالنفس للاسف
حقيقى بعدت عن ربنا جامد
حتى المسجد مبقتش اروحه حتى صلاة الفجر مبقتش اهتم بيها واصليها برهبة وخشوع
انا ايه اللى حصللى؟



الجزء الرابع

من فترة انا مشتاقة للنقاب ولكن قلت البسه بقى بعد الزواج اكون عشتلى يومين
وفجأة جه قدامى ومرة على مرة بقيت عايزة ارتديه ولكن كان جوايا حاجة بتمنعنى معرفش هى ايه

وجه اليوم اللى خلاص نويت انى هلبسه واشترى الحاجة

رحت فاتحت محمود فى الموضوع لقيته هلل وقالى ياريت انا نفسى تعملى كده من بدرى
وقلتله انت عارف انك كده مش هتشوفنى غير عالزواج
لقيته بيقولى يكفى احساس انك هتبقى ليا بس وضحكتك محدش هيشوفها غيرى
قلتله بس مش هنعمل فرح والعنب والحنططور هههههههه
يقولى نعمله اسلامى حتى عشان ولادنا لما يكبرو يعرفو اننا ابتدينا حياتنا صح وكمان ياستى عشان تلبسى براحتك
فحاول يشجعنى اوى


الجزء الخامس
وقررت ونزلت اشترى الزى وكنت فرحانة اوى وحسة انى بشترى فستان فرحى والناس كانو بيبصولى بفخر حتى الراجل اللى اشتريت من عنده نزلى الحاجة تمن النص وادانى هدية كمان من عنده
وروحت وقلت يومين كده وألبسه
ومكنتش قادرة امشى فى الشارع كده كل مانزل احس ان وشى هيتحرق مش قادرة ابينه ولاقادرة حد يبصلى حسة ان وشى واجعنى



فى اليومين دول ابتدى الشيطان يلعب ويشتغل

ابتدى يبعتلى ناس علشان يقولولى ده بيخنق وبيأيد
وجت واحدة عزيزة عليا اوى كلمتنى فى التليفون وبتقولى انا مش معاكى فى النقاب وقعدت تجيبلى قصص ناس قلعته وبيخنق وبيأيد وقفلت معاها مش غيرت رايي ولكنى احبطت




الجزء المهم

اسمعو بقى اللى حصل

بعد ماقفلت مفيش ب 5 دقايق بفتح النت لقيت رسالة من صديقتى الجميلة اللى بحبها اوى سهير بنت فلسطين
ومعلومة هى عارفة انى بحب النقاب ولكنى مقولتلهاش انى هلبسه ولا اى حاجة وبقالنا كتير اساسا مش اتكلمنا

وفجأة بفتح الرسالة لقيت التالى:

السلام عليكم
عزيتي دينا كيفك , شو اخبارك , ان شاء الله بالف خير, شو اخبار النقاب معك , بصراحة حلمت بك بالامس , يا رب خير, لا اعرف هل انا اتيت الى مصر او انت اتيت الى فلسطين طبعا بالحلم , لم اميز هذا من خلال الحلم , المهم انني رايتك طبعا لم ارى وجهك , يبدوا اننا اتفقنا على اللقاء من بعيد بدأت انادي عليك دينا محمود (بهذا الاسم ) والجميل بهذا الحلم انني رأيتك منقبة ) سبحان الله , لا اعرف تفسير لهذا الحلم , يا رب تقوليلي اخبارك , كل اليوم وانا اهدس بهذا الحلم , وانتذكرك , ان شاء الله امورك كلها بخير عزيزتي , احبك بالله
طبعا استأذنتها انى أنزل الرسالة زى ماهى


محستش بنفسى غير انى بقول الله اكبر وببكى وجسمى مقشعر
يااااااااااااااه ربنا وصللى رسالة عن طريقها عشان اثبت واعمل الخطوة دى وبكيت كتيييييييييييير اوى


غضب الشيطان
تانى يوم بليل حلمت حلم غريب جدا
حلمت بالشيطان وهو بيحاربنى عشان مش البسه وكل مااقول اعوذ بالله من الشيطان الرجيم يقطعلى وشى عشان ملبسوش

وطول الوقت ده وانا مش بخرج



كانت ماما فيرى وقتها بتثبتنى وبتقولى خلى بالك الشيطان هيخش من ناحية اللى حواليكى

وفععلا حصل وانا ومحمود كنا بنتخانق كتير اليوم ده من غير سبب

ووالدى بكلمه هو مش بيغصبنى على قرارى ومش هيرفض ولكنه بيقول كلام ممكن يصيبنى بالاحباط
فقعد يقولى يابنتى هو انتى بتحطى حاجة فى وشك اصلا ده انتى بتنزلى الطرحة لحد عينك حتى لبسك كله عبايات وواسع قلتله بس وشى باين
قالى وايه يعنى مانتى محترمة وباين عليكى ده وملتزمة قلتله بابا انا مش قادرة امشى بوشى حسة انه بيتحرق


ليلة السبت
كنت بقيس اللبس وبلف الطرحة لقيت وشى حلووووووو اوى وعمالة أعجب بنفسى رحت استغفرت ربنا وقلت للشيطان متحاولش خلاص انا قررت



الجزء الأخير
وبالفعل صباح السبت لبسته ونزلت


احساس غير عادى

وحسة انى بتزف وحسة انى وقورة ومميزة حسة انى جميلة اوى ورحت لجنة الامتحان لقيت الناس عارفانى ولقيت بعض صديقاتى بيدونى هدايا حتى اللى مش ملتزمين
وكل الناس تقولى ماشاء الله شكلك عسول وجميل ولقيت بنتين من صحباتى بيلبسو عادى وبنطلونات قالولى احنا كمان هنلبسه ان شاء الله رغم رفضهم للفكرة من قبل
كنت حسانى ملكة واميرة
وكل ماحكى لحد عن رؤية سهير يبكى ويقولى يابختك ربنا عايزك وبيحبك
مش عارفة حسة انى مولودة من جديد
ووالله انا من ساعة مانويت اصلا وانا حسة ان وشى بيتحرق عشان باين
وحسة انى بحب كل الناس حتى الناس الوحشة اللى اتكلمت عنى وحش من ورايا حسة انى حباهم وعندى حالة سماحة غريبة وعفو رغم انهم قالو عنى كلام فى اخلاقى وحش اوى لكن مش حسة باى حاجة اصلا سبحان الله رغم ضيقتى وغضبى وقتها



وحبة كل الناس وحباكم اوى اوى وحبة حتى اللى معرفهومش ربنا بعتلى رسايل كتير اوى عشان الخطوة دى
وانا مكنتش استاهل وكنت بعيدة اوى
ياااااااااااه فرحانة اوى

[عزتى سرها اسلامى]

رد: كل منتقبة اية رأيك تكتبلنا حكاية لبسك للنقاب ؟

الموضوع ده مهم اوى ياريت تشوفوه مش بتاعى

لماذا لا ترتدي الفتاة النقاب.....نقاش جاد

[عبير كيره]

رد: كل منتقبة اية رأيك تكتبلنا حكاية لبسك للنقاب ؟

ماشااااااااء الله تبااااارك الله
مباااااااااارك عليك اختي دينا لبس الطهر والعفاف
لباس امهات المؤمنين
بجد انا فرحااااااانه قوي علشانك
ربنا يرزقنا وإياك السعاده في الدارين
وعقبال كل البنات لما يجربوا الإحساس الراااااائع ده
بجد إحساس لا يوصف سبحان الله العظيم
وربنا يكملك على خير اخيتي ويرزقك بخيري الدنيا والأخره
وجزاكِ الله خيرااا كثيرااا
بوركت اختي وجزيتي الفردوس

[م ى]

رد: كل منتقبة اية رأيك تكتبلنا حكاية لبسك للنقاب ؟

وعليكم السلام ورحمة الله وبركاته
اولا جزاكى الله خيرا على مبادرتك بالموضوع ده
ثانيا احب كل بنات الطريق الى الله فى الله
- سبب نقابك
اول حاجة طبعا لبسته لله
تانى حاجة عشان انا مش عايزة اللى يتجوزنى او اللى يخطبنى يخطبنى عشان شكلى او اى حاجة عايزاه يخطبنى عشان دينى عشان اخلاقى مش عشان شكلى

- وعقبات نقابك
طبعا قابلتنى عقبات كتير اوووى منهم اول حاجة عيلتنا كلها كانت معارضة على النقاب واول واحدة ماما لان انا سنى صغير شوية فماما قالتلى على الاقل لما تخلصى الثانوية وكانت منعانى منه تماما المهم اخواتى الكبار اقنعوها بس برده كانت مش مقتنعة اووووى روحت حطتها فى الامر الواقع ولبسته ونزلت اجرى على السلم على طول
ومازلت لحد دلوقتى اللى يشوفنى يقولى الكلام اللى بقى معروف ده انتى لسه صغيرك انتى هتتخطبى ازاى انتى هتدراى معرفش ايه وايه وكنت خايفة من بابا جدا هو بابا مسافر مش قاعد معانا فكنت خايفة لما يعرف يقلعهونى بس الحمد لله كل ده بفضل ركعتين قيام ليل ودعيت فيهم بصدق بابا مكلمنيش خالص فى الموضوع ده وكمان تقريبا عرف بعديها بشهر
وتانى حاجة فى المدرسة فى بداية الدراسة المديرة مكنتش راضية تدخلنى بالنقاب وكنت كل مااجى ادخل المدرسة تهزءنى فى وسط المدرسة وتقولى ياتقلعيه ياتخرجى برة وطبعا اضطر اخرج برة المدرسة ومكنتش عارفة اعمل ايه حتى ماكنتش قادرة اقول لماما على اللى بيحصل عشان لو كنت قولت ماما كانت هتقولى اقلعيه وحتى اختى اللى كلمت ماما متجوزة فى السعودية يعنى حتى مش هتعرف تتصرف لحد برده ماصليت ركعيتن قيام ليل ودعيت بصدق الحمد لله ربنا سهلى الموضوع واختى ببعتلى صاحبتها وروحنا عاملنا شكوى فى الادارة والحمد لله دلوقتى بدخل المدرسة بالنقاب
بس مشكلتى الوحيدة دلوقتى كلام الناس واللى يشوفنى وبسمع تعليقات رخمة اوووى بتدايقنى اوووى بس الحمد لله

- واحساسك مع النقاب
طبعا اول مرة نزلت بيه والله العظيم بدون مبالغة كنت طايرة من الفرحة وماشية فى الشارع حاسة انى ملكة
- ولو ينفع وصف نقابك
اول حاجة بلبس الطرحة وفوقيها النقاب وبعدين البس عليهم الازدال واحطه فوق النقاب بس
ونقاب المدرسة العباية الكحلى مش بيرضو بالازدال والنقاب الابيض اللى هو مصرى اللى هو قطعتين قطعة خمار والقطعة التانية اللى هى على الوش اللى بتنزل لتحت
- اي مواقف غريبة مع النقاب
تعليقات الناس السخيفة بس يعنى ممكن اكون ماشية فى الشارع رايحة المدؤسة الاقى شاب بيقولى اللهم قوى ايمانك يابنتى بتريقة
ومرة تانى واحدة شاب برده صغير تقريبا كان 17سنة خوفنى وكان هيشدهولى
لان نقاب المدرسة اللى هو النقاب المصرى

جزاكم الله خيرا
احبكم فى الله اخواتى

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

ما شاء الله
أنرتم الصفحة اخواتنا الفاضلات
اختنا دينا : قصتك مؤثرة ما شاء الله وربنا يثبتك ياااااااااااارب زي التقوي والعفاف ,

----------------
اختنا م ي
اولا : برحب بيكي يا غالية
نورتي منتدانا وبيتك التاني
سعدت كتير باضمامك لنا
إن شاء الله تنبسطي وسطنا ,

بس مشكلتى الوحيدة دلوقتى كلام الناس واللى يشوفنى وبسمع تعليقات رخمة اوووى بتدايقنى اوووى بس الحمد لله

بصي يا اختنا سيبك خااااااااااااااالص من كلامك الناس
الواحد لو حط كلام الناس دول في اعتباره مش هيتقدم خطوة واحدة لا دينيا ولا دنيويا
فسيبك خالص منهم
ولا كأنك سمعاهم
والتعليقات اللي ذكرتيها فعادي جداا فعلي فكرة الشباب دول بيحترموكي جداااااااا من جواهم
فسيبك منهم خالص
وخليكي في نفسك
نفسك الغالية الجوهرة اللي غطتيها من ذئاب البشر

مبارك غاليتي الف مبارك

ومرة تانية سعدت كتير بكي
وإليكي هذه الهدية :

هدية

[عزتى سرها اسلامى]

رد: كل منتقبة اية رأيك تكتبلنا حكاية لبسك للنقاب ؟

اختنا دينا : قصتك مؤثرة ما شاء الله وربنا يثبتك ياااااااااااارب زي التقوي والعفاف ,


اللهم امين يارب ربنا يحفظك وشكرا لرد حضرتك
----------------

بالنسبة للاخت م ى
عايزة اقولك على حاجة انا فى مكان كله تريقة حتى اقرب الناس
ولكن اقسملك بالله سبحان الله بلاقى نفسى اخد الامر بتهريج ومش بيأثر فيا ولا كلمة تعرفى ليه؟
لانى حسة نفسى اكبر من التفاهات دى
ومستمتعة جدا انا اللى كان بيهمنى اوى منظرى وكمان معجبة بشكلى اوى سبحان الله بقيت احس انى اجمل بكتير
تعرفى لو الناس نفسها حست انك مقتنعة بحجابك ده صدقينى مش هيفكرو اصلا يضايقوكى ويوقروكى
واوعى تضايقى ولا تزعلى بل ابتسمى وقولى دعنا من الألسن طريقى اهم من اى شىء
ولو اى حاجة انا تحت امر حضرتك

[م ى]

رد: كل منتقبة اية رأيك تكتبلنا حكاية لبسك للنقاب ؟

ما شاء الله
أنرتم الصفحة اخواتنا الفاضلات
اختنا دينا : قصتك مؤثرة ما شاء الله وربنا يثبتك ياااااااااااارب زي التقوي والعفاف ,

----------------
اختنا م ي
اولا : برحب بيكي يا غالية
نورتي منتدانا وبيتك التاني
سعدت كتير باضمامك لنا
إن شاء الله تنبسطي وسطنا ,

بصي يا اختنا سيبك خااااااااااااااالص من كلامك الناس
الواحد لو حط كلام الناس دول في اعتباره مش هيتقدم خطوة واحدة لا دينيا ولا دنيويا
فسيبك خالص منهم
ولا كأنك سمعاهم
والتعليقات اللي ذكرتيها فعادي جداا فعلي فكرة الشباب دول بيحترموكي جداااااااا من جواهم
فسيبك منهم خالص
وخليكي في نفسك
نفسك الغالية الجوهرة اللي غطتيها من ذئاب البشر

مبارك غاليتي الف مبارك

ومرة تانية سعدت كتير بكي
وإليكي هذه الهدية :

هدية

جزاكى الله خيرا ده نوركم انتو
وانا سعيدة جدا وفرحانو جدا انى انضميت ليكم بجد
وجزاكى الله خيرا

[م ى]

رد: كل منتقبة اية رأيك تكتبلنا حكاية لبسك للنقاب ؟

ياااخت مسلمة لله جزاكى الله خيرا بجد الهدية ديه جميلة جدا
انا بصراحة كنت متوقعة تقدم الشاب للبنت المنتقبة وزواج فاطمة من اخو البنت المنتقبة
بجد جزاكى الله خيرا
وفعلا المسلسل ده واقعى جدا
وانا بصراحة خايفة جدا من قترة الكلية عشان كده
وخوفى من فترة الكلية مخلينى عندى دافع انى ارتبط قبل ماادخل الكلية وفى نفس الوقت مش عايزة اشغل نفسى عشان دراستى
انا ارتحتلك
احبك فى الله

[بنت ابى]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمة الله وبركاته
بارك الله فيك ويثبتك يارب
انا كمان لبسته بس هاكمل شهر بحاله وشوفت والى الان كل الاعترضات بس خلاص لا انسان ولا شيطان وربنا معانا يقوينا ويثبتنا جميعا ..

[أم_شهد]

رد: كل منتقبة اية رأيك تكتبلنا حكاية لبسك للنقاب ؟

السلام عليكم ورحمه الله
نحمد الله كثيرا على هذه النعمة ونسأله الثبات عليها
لقد ارتديت النقاب منذ اكثر من سنه وحدث ذلك بعد زواجى بسنه واحدة وكان الله قد رزقنى بأول ابنه لى شهد اللهم ارزقنا برزقها
ولكن قبل الزواج كان لدى احساس قوى على ارتدائه ولكن لم يحالفنى التوفيق
الى ان تزوجت ولكن عندما قررنا انا وزوجى على ارتدائه وجدت اعتراض كبير جدا من قبل والديه على ذلك تخوفا من سوء النظام ومن امن دولته ولكن كان الله معنا ووفقنا الى ان ارتديته والحمد لله
عندما ارتدى النقاب احس فعلا والله شاهد على مااقول انى ملكة . جوهرة مصونة لا يرانى احد حتى يجرحنىوارى فى وجه زوجى سعادة لانى ارتديه انعم الله على الفتيات بإرتدائه اللهم امين
ارتدى النقاب واغطى عينى ايضا مع الملحفة ثبتنا الله على ذلك
اغرب موقف حدس لى مع النقاب عندما ذهبنا الى المصيف ذهبنا الى السوق التجارى وكان هناك بعض السياح والسائحات وكنت انا من يلفت الانظار فمنهم من يرانى ويفزع ويجرى ومنهم من يصورنى كان هذا غريبا ومضحكا جدا
الحمد لله لم تواجهنى اى عقبات بعد ارتدائي النقاب
جزاكم الله خيرا على اثارة هذا الموضوع
وفقكم الله لما يحبه ويرضاه

[moslma lillah]

رد: كل منتقبة اية رأيك تكتبلنا حكاية لبسك للنقاب ؟

لي عودة بإذن الله

[راجية رضا الإله]

رد: كل منتقبة اية رأيك تكتبلنا حكاية لبسك للنقاب ؟

السلام عليكم و رحمة الله و بركاته
أنا لبست النقاب يوم 2012/3/12 يعني من ثلاثة أسابيع و أنا دوافع نقابي كتيرة اولها أن أهلي ليسو ملتزمين لا بحجاب و لا بنقاب و عندما تحجبت كان حجابي حجاب موضة و كنت كلما تجادلت معهم حول الملابس التي يحضرونها لي يقولون أنهم سوف يدعوني ألتزم بالحجاب و بعد ذلك يرجعون في كلامهم و أعود أنا للجدال معهم و ظللنا على هذه الحال ثلاث سنوات لذلك قررت ان أتنقب و أقطع كل السبل عليهم و كنت كلما فاتحتهم في الموضوع رفضوه و أصبحت كلما رأيت أختا منقبة أكاد أبكي من حزني و صرت أبحث في المنتديات عن اسباب النقاب حتى إقتنعت بأنه فرض في هذا الزمان و وفقني الله لأن قرأت موضوعكم الجميل مدرسة الحجاب الشرعي فقمت بإشتراء نقاب من دون علم أهلي و أصبحت ألح عليهم في هذا الأمر و عارضتني أختي و أمي [ أبي متوفي الله يرحمه]و تفهمني أخي الصغير و سافرت أختي و بقيت أمي معنا فظللت ألح عليها حتى ملت من إلحاحي و وافقت و كانت فرحتي عظيمة و حمدت الله و شكرته على هذه النعمة.
أما عن لبسي فأنا ألبس عباءات سوداء أو بنية على الكتف و ألبس معها خمار حتى الخصر لأني ليس لدي عباءات على الرأس و ليس من السهل إيجادها في بلدي [السودان]و إن شاء الله أعدل حجابي و من المواقف التي تصادفني ان الناس دائما ما يظنون أني أختي الكبرى عندما أذهب للسوق الصغير الذي يجاورنا و ختاما أدعو الله أن يثبتني و إياكم على طاعته و أن يجعلنا ممن يؤتون لذة النظر إلى وجهه الكريم و يجاورون النبي المصطفى محمد عليه أشرف الصلاة و أتم التسليم في جنات النعيم
اللهم آمين

[المشتاقة الى رحمة الله]

رد: كل منتقبة اية رأيك تكتبلنا حكاية لبسك للنقاب ؟

جزاكم الله خيرا