كل منتقبة اية رأيك تكتبلنا حكاية لبسك للنقاب ؟

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

والان سوف اقوم بالرد علي كل اخت فاضلة حكت لنا قصتها وسوف ولو في اي اسئلة نسئلها لها ياريت ترد علينا اوك ......

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

الأن معادنا مع اختنا ( asmm)

فلنرحب باختنا وبنقدم لها الورد




تعليق علي قصتك الجميلة :
صراحة قصتك مع النقاب جميلة ومشرفة

بس عايزاكي تقوللنا :

* اول يوم لبستي فيه النقاب كنتي عاملة ازاي ؟؟
قابلتي اصحابك ازاي ؟؟ هل استغربوا ولا شجعوكي وفرحولك ؟؟

* لما الناس سألتك من اصحابك واقاربك انتي لبستي النقاب ليـــــه رديتي عليهم وقولتي ايه ؟؟ وهل هم اقتنعوا بكلامك ؟؟

كفاية السؤالين دول عليكي في اول جلسة

الي اللقاء في تاني جلسة ع كرسي الاعتراف لاختنا (asmm)

[ام بسمله وبراءه]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

السلام عليكم اخواتى المنتقبات الفضليات ,الا تريدين اخت منتقبه اخرى تحكى لكن حكايتها مع النقاب (نقاب العزه والشرف)

[طريق الجنه]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

اختى فى الله جزاكى الله خيرا

على هذا الموضوع المميز

جعله الله فى ميزان حسناتكم

ان شاء الله تعالى

[asmm]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

الأن معادنا مع اختنا ( asmm)

فلنرحب باختنا وبنقدم لها الورد

جزااااااااااااااااااااااااك الله خيرا ياغاليه
والله كلك زوق واتفضلى كمان منى رد للتحيه

تعليق علي قصتك الجميلة :
صراحة قصتك مع النقاب جميلة ومشرفة

الله يبارك فيك ويعزك يارب

بس عايزاكي تقوللنا :

* اول يوم لبستي فيه النقاب كنتي عاملة ازاي ؟؟
انا اول مره البس فيها النقاب كنت فى البيت(لأنى زى لما قولتلك اول لما سمعت الشريط وعرفت انه واجب أقسمت ان مفيش حد يشوف وجهى مره تانيه من غير المحارم) وكان عمى جاى مع الى بيشوف عداد الغاز وفتحتلهم بالنقاب وكنت مرتبكه جدا
بس اول مره البسه وانزل به كان يوم امتحان تحريرى النسا فى البكالريوس فى عز الصيف بس كنت بقول وادعى يارب انا لبسته فى الحر والامتحان فى الدنيا يارب اعفو عنى ونجينى من حر القيامه والنار وخفف على الحساب فى الآخره
بس بجد كنت حاسه بهيبة الحجاب وبمتعه وانى بجد ولاول مره فى حياتى احس انى مستوووووره"الحمد لله"
بس الحق يتقال مكتملتش الفرحه الا لما لبسته زى ماوصفته لك؟؟
"عقبال كل المنتقبات"
قابلتي اصحابك ازاي ؟؟ هل استغربوا ولا شجعوكي وفرحولك ؟؟

قابلتهم بعزه وفخر بقرارى كنت حاسه مهما انتقدونى بُكره ربنا يهديهم ان شاء الله ويعرفو احساسى ويقدروه
وواحده صحبتى كانت هاتقابلنى عند بوابة الكليه ومعرفتنيش وقلتلى بالظبط كده(انت هزيتينى اوى من جوه بقرارك ده؟؟)
وفى ناس كانت فرحانه جدا وبتبارك وفى ناس انتقدتنى جدا

* لما الناس سألتك من اصحابك واقاربك انتي لبستي النقاب ليـــــه رديتي عليهم وقولتي ايه ؟؟ وهل هم اقتنعوا بكلامك ؟؟

دايما ولحد دلوقتى اقولهم انا ياجماعه نفسى قوى الاقى السيده فاطمه بتناديلى والسيده عائشه وزوجات النبى والصحابيات
الله الله بجد هما دول اللى بتشبه بيهم وعايزه اكون معاهم
بقولهم ان نقابى خلانى واثقه فى نفسى اكتر وبقولهم انى عرفت معنى العفه والحياء بجد بعد لما لبسته وانى بفرض على الناس انهم يحترمونى ويعملونى معامله خاصه
كلها احترام لحجابى ولدينى

كفاية السؤالين دول عليكي في اول جلسة

الي اللقاء في تاني جلسة ع كرسي الاعتراف لاختنا (asmm)
الله يبارك فيك ياحبيتى ويعزك
والله الأسئله جميله ربنا يُحسن نوايانا ويرزقنا الاخلاص ويزيدنا من فضله
وسبحانك اللهم وبحمدك اشهد أن لا الاه الا انت استغفرك واتوب اليك

["بنت الإسلام"]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

انا يوم نقا بى كان يوم الخميس الموافقبل يوم ميلادى حين اطعت امر الله
اخر شهر7/2006بعد صلاة العشاء

[حنيني]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ما شاء الله اخواتي في الله ادعوا لي بلبس الحجاب الشرعي و الله يتبتكم

أسأل الله عز وجل أن يرزقك حبيبتي زينة الأبرار الحجاب الشرعي و أن يثبتنا و المسلمين جميعاً على الحق

[صخرة الاسلام]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

السلام عليكم ورحمة الله وبركاته


انا هاحكي قصتي بسرعة في نقط

• اولا انا كنت غير ملتزمة وبعدين ربنا هداني عن طريق النت ثم عن طريق اخت طيبة وصديقة غالية وكنت قبل ما اروح الجامعة جبت كل لبس الجامعة بديهات وجينز زي اللي في السوق,وبعديندخلت الجامعة وانا لابسة الاسدالوكنت سعيدة جدا بلبسي الاسدال
  
  
  وبعد بدأ الدراسة بشهرين لبست النقاب,ومكنتش اعرف انه فرض او فضل او سنة
  بس حسيت اني مش محتاجةان الناس تشوفني ومحستش للحظة ان المعاكسة لاي بنت حلوة,وغير كدة جماعة كانت تناقش مشاكل العصر في ظل الاسلام وضحت الحقيقة ووضحت ان فعلا اللبس ده مضر جدا واي حاجة ملفته ووضحوا ازاي البنت المتبرجة دي بتتعاكس وايه اللي بيتقال عليها مش كلام كويس لا كله كلام وحش وكنت مبأحبش حد يبصلي ولا كنت باحب ابص لحد وكنت اجتماعية جدا بس مكنتش باعرف اتكلم مع المنتقبات خالص وكان نفسي اكلمهم وكنت باحس انهم مستوي تاني مينفعش اي حد يكلمهم الا اذا كان زيهم وكنت باحس انهم ناس سبيشيال وكان نفسي ابقي زيهم محدش يتجرأ انه يبص لي ونفسي احس بالعفة ,وبعدين ربنا كرمني بعد عيد الفطر اللي فات بأيام روحت جبته وفضلت ازن علي اهلي شهر اني البسه وبعدين روحت اشتريته ولبسته وفضلت والدتي زعلانة مني فترة ولكن بعد كدة صفيت جدا وعرفت اني صح وهي راضية جدا دلوقت وعلاقتي اتحسنت بيها جدا لان كانت علاقتي بها سيئة جدا جدا
  واتحسنت علاقاتي باقاربي وتأثر بي بعض اصدقائي وارتدوا الاسدال ورأوا مني تغير كبير في تصرفاتي واخلاقي وكأنه سحر
  
  
  وكان النقاب نقطة تحول رائعة في حياتي حيث جلبت لي الفرح كله
  
  
  والفضل كله لله جل وعلا
  سبحان الله ربنا بيحبنا جدا انه هدانا ولكنني مش مقدرين النعمة دي
  
  
  وجزاكي الله خيرا حبيبتي واختي في الله علي موضوعك الرائع الذي احيا الذكريات السعيدة
  
  
  

[maro18]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ماشاء الله
بجد موضوع جميل اوى
دعولى ربنا يهدينى والبس النقاب

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

والله انتو بنات زي العسل
معلش اعذروني ع التاخير ف الرد عليكوا ظروف

بس اهو انا جيت

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

وما زلنا مع اختنا ( asmm ) في الجلسة التانية لها علي كرسي الاعتراف

اولا : تعقيب علي اجابتها الرائعة علي السؤالين

بجد كلامك ما شاء الله من القلب فعلا باين عليه , وبالذات ردك ع السؤال الاخير كله عزة وفخر بالنقاب
ربنا يعزك يارب وينصر بيكي الاسلام ويجعلك ذخرا للاسلام اينما كنتي .

طيب انتي قولتي ف مشاركتك الاولي جملة جميلة جدااااااااااا احب اعلق عليها وأكد عليها وهي :

عدم وجود الصدق مع الله فلو صَدَقْتَه لصَدَقَنى ولكن من ذنوبنا سُلِّط علينا

عندك حق يا اختي والله انا يوم مصدقت بجد مع الله بفضل الله لبسته انما قبل كدة كنت بتحجج بماما ببابا والكلية واصحابي والكورسات وووووو
بس سبحان الله يوم مصدقت صدقني الله
بارك الله فيكي اختي الكريمة asmm
اسعدتيني والله بقصتك الرائعة المشرفة
وسعدت بتعرفي عليكي اخت فاضلة
ربنا يعزك
ويبقي لنا معكي عشان منطولش عليكي هو:

1) وعد الاحتفال بشهر 7/2007 , من كل سنة يعني الشهر الجاي باذن الله تكوني كملتي سنتين ( ابتسامة ) .
2) حاجة بسيطة كدة :

[moslma lillah]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

معادنا في المرة القادمة مع تاني اخت فاضلة حكت لنا قصتها الرائعة
انتظرونا
وبارك الله فيكم ويا اغلي اخوات

[زينة الأبرار]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

ربنا يحفظك على مجهودك انت والأخوات و بجد لو استمر موضوعك ستكون مفاجات وباتمنى من كل قلبي ان ينتبت موضوعك لاننا في امس الحاجة له والله العظيم

[asmm]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

بارك الله فيكي اختي الكريمة asmm
اسعدتيني والله بقصتك الرائعة المشرفة
وسعدت بتعرفي عليكي اخت فاضلة
ربنا يعزك
الله يكرمك يارب ويبارك فيك
انا بجد اللى سعيده بموضوعك وباشتراكى فيه
وشرفنى التعرف عليك من خلاله
وربنا يزيد حبنا لبعض فى الله ويربط بينا دايما برباط التعاون على البر



ويبقي لنا معكي عشان منطولش عليكي هو:

1) وعد الاحتفال بشهر 7/2007 , من كل سنة يعني الشهر الجاي باذن الله تكوني كملتي سنتين ( ابتسامة ) .
2) حاجة بسيطة كدة :

جزاك الله كل خير حبيبتى فى الله
بس انا عايزه هديه بالمناسبه دى..ما انا لازم استغل الموقف(ابتسامه)
.
.
.
.
.
.
"انا عايزاك تدعيلى ربنا يثبتى على الحق وينير بصرتى
ويرينى الحق حقا ويرزقنى اتباعه والباطل باطل ويرزقنا اجتنابه"
نحن واياكم وجميع المسلمين
وسبحانك اللهم وبحمدك أشهد أن لا الاه الاانت استغفرك واتوب اليك

[الله حاضني بقربه]

رد: كل منتقبة اية رأيك تكتبلنا يوم لبسك للنقاب عشان نحتفل بهذااليوم العظيم مع بعض مين هتبدأ معي الحف

امممم موضوع جمييييل جدا

ربنا يثبتنا جميييعا على النقاب

لي عوده لأحكي لكم قصتي مع النقاب