ابن اختى بيقول ان ربنا مش موجود

[روضـ الحياة ــة]

السلام عليكم ورحمة الله وبركاته

يا اخوتى لو سمحتوا ساعدونى ابن اختى عنده 6 سنين وبيقول ان ربنا مش موجود اتكلمت معاه انا واوالدته وجده بس برده مش مقتنع بيقولنا اننا لما نقول ان ربنا موجود وفى ملائكة وشيطان وجنة ونار يبقى ده من غباءنا مع ان اخته التوأم عارفة ان ربنا موجود وعارفة ان فى ملائكة وشيطان وجنة ونار ... حد يعرف يساعدنى ولا اقول تفاصيل اكتر هو باختصار ولد شقى جدااااااا ومدلع من صغره لانه اول حفيد فى العائلتين ومش بيسمع كلام حد
ساعدونى ربنا يجازيكم كل خير

[dr_karmen]

رد: ابن اختى بيقول ان ربنا مش موجود

جزاك الله خيرا أخيتي مبدأيا سينقل الموضوع لفضفضة وبعدين نرد

[dr_karmen]

رد: ابن اختى بيقول ان ربنا مش موجود

بصي أخيتي
أولا الطفل محتاج تركيز شديد معاه يعني الكلام يكون بهدوء لأنه ممكن يكون سامع كلام من مدرس ولا مدرسة ولا من حد من أصحابه
ومش بيعيد يكون بيتفرج على يوجي والكرتونات اللى فسدت ادمغة الأطفال ولا حول ولا قوة إلا بالله
تقعدي معاه
تقوليله
ليه بتقول ان ربنا مش موجود؟
هيقولك لأننا مثلا مبنشفهوش مبنسمعهوش أو الحاجات دي
اعملي معاه التجربة اللى عملها الطالب مع مدرسه العلماني
اذن انت مبتعرفش تفكر ومبتعرفش تفهم
لأنك مشفناش التفكير بتاعك يبأة انت مبتفكرش
ومتعرفش تسمع الفهم يبأة انت مبتفهمش

لو بيتفرج على مواد فاسدة من دي طبعا اقطعوها عنه
واكيد الأخوات هيفيدوكي أكتر مني
ربنا يهديه ويهدي كل ابناء المسلمين

[علياء سليمان]

رد: ابن اختى بيقول ان ربنا مش موجود

جزاكم الله خيرا
د كارمن أفادت ما شاء الله
بصي كمان أنا كنت سمعت الدكتور ياسر نصر بيقول
الأطفال في السن دا مش لازم نتكلم معاهم في الكلام دا
لأنهم مش هيفهموه
الكلام دا لو هو فعلا مسمعش كلام من مدرسة ولا كارتون ولا حاجة
وفيه نقطة تانية
الطفل في السن دا بيكون بطبيعته عنيييييد
عنيد
وهو شايفكم إنتم مصممين على حاجة هو بيخالف من باب العند إني أظهر شخصيتي عليكم
إني أنا الي صح
وبيعاند وبيجيب ردور
وإنت باستمراركم تناقشوه في النقطة دي هيزود العند عنده أكتر
هو مش معنى الكلام دا إنه كفر ولا لما يكبر هتكبر معاه
لا هو طفل لا يعيي ما هية الجملة
فأنا نصيحتي تنسوا الموضوع فترة من الزمن لا تناقشوه فيه
وبعد فترة تبدؤا تنزلوه يحفظ قرءان في المسجد يصلي مع والده في المسجد
إمام المسجد يعطي له هدية بالتفاق مع والده
وهكذا

[رحيق العفة]

رد: ابن اختى بيقول ان ربنا مش موجود

السلام عليكم أختي مبدأياً اقول لكِ ان هذا طفل انتي تقولي انه عنده ست سنوات فهو لا يزال صغيرا لا يعرف شئ وربما هي كانت في الاول مجرد كلمة سمعها من اي احد وبمجرد انه قالها لكم وجد الاهتمام والانتباه من الجميعازاي بتقول كده كده كده حرام الموضوع اخذ اكتر من وضعه لانه صغيرا لا يعرف معني كلمة الوجود

دورك يا حبيبتي انك تهتمي بالادلة على وجود الله فالطفل مثلا بيحب اللعبة هذه تقولي له شفت يا حبيبي الحمد لله ربنا هو اللي رزقنا المال لنشتري لك هذا

لكن الطفل في هذه المرحلة ما يمكن ان يستوعبه ان الله فين يا حبيبي اه انا عارفه انت عارف ان الله فوق العرش في السماء واحكي له قصص جميلة يمكن ان يستوعبها على قد سنه تنمي عنده العقيدة السليمة والاطفال يحبون القصص اقرأء هنا في قسم الاشبال قصص جميلة واحكيها له

لكن احذري من فتح هذا الموضوع لانه اظهر عند العناد وهو لا يفهم ما يقول لكن بكلامنا معه واهتمامنا بكلامه هو الخطأ في هذه النقطة


اتمني ان اكون اوضحت هذه النقطة ولو عايزة مثلا تتكلمي معاه في اي حاجه لازم تكون مناسبة لسنه

وانبه مرة اخري هو لا يعرف معنى الوجود

[يمامة المسجد]

رد: ابن اختى بيقول ان ربنا مش موجود

بالعكس انا رأي من رأي أم أبا جهاد

عارفة أخي وهو صغير كان عنده لازمة بتضايقنا كلنا

فكنا بنكرر كتير ما يقولهاش

وده كان بيزيده منها

احنا طنشنا الموضوع وهو شوية ونساها خالص

[يمامة المسجد]

رد: ابن اختى بيقول ان ربنا مش موجود

على فكرة 6 سنين مش هيفهم خالص إللي بتقولوه ده

ده اكبر من سنه