حمله للتغلب علي المراهقه

[امة المنان]

السلام عليكم ورحمة الله وبركاته
ان شاء الله انا مطلوب مني اعمل يوم للمراهقين
في المساجد للتغلب علي المراهقه
بس مش عارفه ايه الموضيع الي ممكن نتكلام فيها؟؟؟؟

يلا نساعد بعض ونشارك بعض

[حجابي زينتي]

رد: حمله للتغلب علي المراهقه

والله مش عارفه اقولك ايه ولا اساعدك ازاي
لاني اصلا في عمر المراهقه
ان شاء الله الاخوات ينفعوك ويقولولك مواضيع حلوه

[الـﭽُوري]

رد: حمله للتغلب علي المراهقه

السلام عليكم ورحمة الله وبركاته
إن شاء الله سن المراهقة دا بيكون سن حساس جداااااا
وهو من 13 سنه تقريبا لحد 20 سنه أو ما يقرب من ذلك
المهم إن فى السن دا بتكون الفتاة متقلبة فى المزاج - فى الأراء فى الأفكار
بتكون تربة خصبة جداااااااا لأى شئ يتربى فيها
ف أن شاء الله المفروض إننا نوجهها صح فى السن دا
فى السن دا تتعلق الفتيات بالأغانى وخاصة الرومانسية منها والتى تحكى قصص الحبيب والحبيبه
والفراق والكلام دا
تتعلق بالموسيقى
تتعلق بالأفلام
بالزينة والمغالاه فيها
اللباس الشرعى
عفة الفتاة والمحافظة على نقاءها وصفاء قلبها
تتاثر بالصحبة تأثر شديد جدااااااا
تختلط عليها الأمور فى كثير من الأشياء
تصبح مسئولة عن أمور دينها نظراً لأنها أصبحت أنثى مكتملة النمو
تحتاااااااااااااج جداااااااااا وتفتر إلى الحب والحبيب
فى السن دا بيكون لديها طاقه كبيره جدااااااااا وأفكار كثيرة
بدايات وميول لأشياء جديدة
قابلية للتعلم والمعرفة وقابلية لرؤية الجديد

من اللى فات دا لازم نوجه الرسالة بتاعتنا ليهم عن إنهن كيف يتغلبن على الامور السيئة السابق ذكرها
الأغانى وحرمانيتها ؟؟
العلاقات المحرمة
الفلانتين وحرمانيته
الموسيقى
قضاء وقت الفراغ أمام الأفلام الهابطة
كيف تستغل أوقات فراغها فيما يعود عليها بالمنافع ورضى الله
عدم الإفراط فيما لا يفيد
عدم التزين امام الرجال( السفر والتبرج )
لباسها الشرعى ما مواصفاته وشروطه
كيف تختار الصحبة الصالحة
كيف تبدأ طريق الإلتزام والقرب من الله
معرفتها ما هى مسئولة عنه من صلاة وصوم وخلافه
كيف تستغل طاقتها فى شئ مفيد
كيف يتم توجيه الشلال العاطفى بداخلها لوجهه صحيحه
كيف يتم توجيهها وفضولها وقابليتها للتعلم للوجهه الصحيحة
كيف تحسن إستغلال أفكارها وكيف تحولها لنتائج إيجابية ملموسة

أخيتى أعانك الله فى رسالتك وطمئنينا ماذا فعلتى
ولكن أوصيكى باللين فى الحديث معهم وتشويقهم ومحاولة إنجاز ما تستطيعينه قدر الإمكان
إن شاء الله هناك أمامك فرصة لإنقاذ الكثير من الفتيات من بحر الغرق

كإقتراح عليكى أختى الفاضلة
من الممكن أن تعطيهم إيميلك الخاص للتواصل معك عن طريقة
أو بعد عرضك للدرس الخاص بك عرض مشاريع عليهم للمشاركة معك فيها
لأنهم بأمر الله سيكونوا شديدى التاثر وقتها وعلى إستعداد القيام بشئ مفيد
ف يجب عليك حسن إستغلال تلك الفرصة بتحضير عدد من المشاريع ليعملوا بها وإن شاء الله تكون بداية خير لهم

من الممكن ايضا أن تعلميهم بأنه أثناء الحديث ستكون هناك أسئلة منك لهم وعن حاجات معروفة ومشهورة للفتاة فى مثل عمرهن
ومن تجيب عليك ستاخذ هدية ما
الهدايا بالطبع إن شاء الله ستكون كتيبات أو مطويات وهكذا


بارك الله فيك وأعانك

[امة المنان]

رد: حمله للتغلب علي المراهقه

السلام عليكم ورحمة الله وبركاته

جزاكي الله خير حجابي زيني
وجزاكي الله خير يا مني المشكله الي انا عندي 20سنه وهو ده كان سبب اختياريهم ليا في المسجد لاني انا هكون اقرب سن ليهم وانا حسه انها مسؤليه كبيره
عشان كده عايزه مساعده

[الـﭽُوري]

رد: حمله للتغلب علي المراهقه

السلام عليكم ورحمة الله وبركاته
اختى إن شاء الله متشيليش هم
واستعينى بالله كدا
وإن شاء الله ربنا هيعينك وهتقدرى توصليلهم
ولو عايزه مواد صوتيه او حاجه
إن شاء الله ممكن أساعدك ببعضها اللى سمعتهم وعجبونى

ربنا يبارك فيك ويكرمك