Tweet
حبيبتي في الله
كلنا عارفين إن الإمتحانات على الأبواب ؟
لكن , هل إنت ِ مستعدة ؟؟؟
كتير هيقول لأ .. بصراحة كان عندي ظروف ، وعندي مشاكل ... وأنا تقريبا ً مستوايا متدني ..
للأسف , هما دول الملتزمين ودول حالهم ... خايبين .. نموذج سئ للدين
دي الحقيقة .... كتير مننا كدة .. ويمكن أنا أولهم
عارفة كان فيه احد الطلبة المتفوقين لدينا في الكلية بيقول إن سبب عدم إلتزامه هو تأخر كثير من الملتزمين دراسيا ً ومن كان متفوق ، بعد إلتزامه تدنى مستواه
للأسف أصبحنا قدوة سيئة وده عكس إللي المفروض يحص
طيب ليه ... ليه هنذاكر ... شوفي ، إنت ِ لازم تذاكري وتتفوقي لأن المسلم متفوق ، نموذج ممتاز لكل من حوله
ويمكن تكوني سبب لإلتزام غيرك ، بتفوقك ...
مش بس كدة ... خدي بالك إن في يوم من الأيام هتتحطي في مكان ... لازم تثبت ِ نفسك فيه ... ومن هنا لازم تكوني على إستعداد لده بتحصيلك للعلم
إنوي تذاكري وتتفوقي ... وتنفعي المسلمين ... وتكوني قدوة ... وتثبت ِ نفسك في مكناك ... وننفي إن الملتزمين مش مجيدين ومفرطين
طيب اتفقنا إننا لازم نذاكر
طيب إزاي نذاكر ..
أولا ً : بصي أول حاجة لازم تعرفي إنك مسئولة ولازم تتحملي مسؤلية نفسك ... كونك أصبحت في المكان ده يبأه لازم تتألقي فيه ... وإذا لم تجد ِ ما تحبي ... فأحبي ما وجدت ِ
ثانيا ً : حطي في بالك كويس أوي إنك لازم تذاكري لأهداف كتيرة ... دينك ... دينك ولو قتلت أو قطعت ... ، والديك ليرضوا عنك ِ ، خدمة المسلمين ... نموذج متفوق خير داع بتفوقك
ثالثا ً : ركزي على الأوليات .. في الإمتحانات لازم تذاكري ... ممكن عايزة تعملي حاجة مهمة من وجهة نظرك ... المذاكرة أفضل لأنها لها وقت وستنتهي ... أما غيره قد ترجعين له ... الأولوية الآن في وقت الإمتحانات للمذاكرة ... مع العبادة وأنصحك لاتقللي عبادة كنت تفعليها في أيامك العادية أيام الإمتحانات واطلبي من الله التوفيق
رابعا ً :ابدأي بالمذاكرة ، لا تيأسي ، استعيني بالله ... ثم استعيني بما يدرس لك ِ .. واستعيني بذملائك
خامسا ً : وسائل للمذاكرة :
1 – أولا ً : نظرة عامة للموضوع ، قسمي الموضوع لنقاط أساسية ، ورتبيها : 1 - ، 2 - 3 - ، كدة عرفتي الموضوع بيكلم عن ايه ورتبتي أفكارك ، بحيث ان ده هيفكرك بالموضوع كله
ثانيا ً : ثم تحت العناوين الرئيسية ضعي عانوين فرعية ، واعرفي ان العناوين أهم شئ في الإمتحان حتى لو إللي تحته أي كلام فالمصحح بيعرف إنك فاهمة الموضوع من خلال وضع العناوين ،
ثالثا ً : ضعي خطوط او ألوان على النقاط المهمة ، بحيث تتذكريها
رابعا ً : اعملي رسم توضيحي ، او تجميعي للنقاط المهم إللي حطتيها فوق، زي رسمة بحيث ان العقل بيفتكر الرسم
2 – أهم شئ هو الحفظ ثم الحفظ بعد الفهم ، لأنك لازم تحفظي عشان تضعي اللي ذاكرتيه في ورقة الإجابة ،
قسمي الموضوع لأجزاء مترابطة بحيث كل جزء يفكرك بالآخر ، وأبدأي احفظي كل جزء وحده ، ممكن تستخدمي ورقة وقلم ، ممكن تفهمي نفسك ، ممكن بصوت عالي ، التكرار بوعي هو خير وسيلة للحفظ ، ولا تذاكري وانت مرهقة ولا تستطيعي الاستيعاب ، هذا يؤثر عليك ِ ويقلل من ثقتك بنفسك ِ
3 – سمعي ... لأن التسميع هو من يكشف لك ِ نقاط ضعفك ... ولربما يكون التسميع 90 % من وقت المذاكرة
4 – راجعي : لا تراجعي المادة كتلة واحدة ولكن , قسميها
5 – حلي الإمتحانات السابقة .
سادسا ً : حاولي ترتبي وقتك كويس ، الصلاة في مواعيدها ، لا تضيعي وقتك ، ولا حظي كيف تقضينه ، اعملي جدول ليومك
تعليق