يا ترى فرحك هتعمليه ازاى؟؟؟

[amna]

انا بقى النهاردة عاوزة اناقش معاكم موضوع مهم جدا
كتييييير من الناس عنده فكرة عن الفرح الاسلامى انه عبارة عن خطب والليله كلها دروس وحاجات من ده وبس ولا فيه فرحة ولا اى حاجة
بس اللى انا ابتديت اشوفه الفترة اللى فاتت انه بقى فيه تغيير جامد جدا فى الافراح الاسلامية وطبعا للاحسن
يعنى بيبقى فيه فرق وبتعمل فقرات حلوة جدا وكوميدية كمان وبتبسط كل الموجودين وبيبقى كمان معاهم الدى جى الخاص بيهم وبيشغلوا اغانى واناشيد كلها اسلامية وبيبقى كمان معاهم تصوير فيديو بنات بس وتحميض كمان بنات
والفرح بيتعمل عادى جدا فى قاعة شيك او اى مكان حسب امكانيات الشخص
عامة فى الموضوع ده عاوزين كل حد فينا يقول فكرة عنده او شافها فى فرح قبل كدة
والفكرة ترضى ربنا طبعا فى المقام الاول وفى نفس الوقت احنا نتبسط وتخلى الناس تفرح ويغيروا رايهم فى الافراح الاسلامية
ومستنية ردودكم بفاااارغ الصبر

[amna]

رد: يا ترى فرحك هتعمليه ازاى؟؟؟

طيب انا هبتدى بنفسى وهقول افكار من عندى يارب تعجبكوا


اولا مثلا الناس اللي عندها قدرة تعمل فرح طبعا ليه تأجر قاعتين ماهو ممكن تأجر جنينة بأي فيلا ودي ايجارتها ارخص من القاعتين وتعمل فاصل بين الرجال والنساء

ثانيا احب يوم فرحي اهدي المعزومين يعني بشريط عن الزواج قوي عن اداب العرس ممكن الشريط يكون عليه اسم العريس والعروسة بمنظر طبيعي مثلا ويطبع ورق زي اللي بيتحط في الشرايط و طبعا مش ننسي اسم الشريط والهدف منه

ثالثا يوم فرحك حاولو عند دخول العريس والعروسة يكون في دخله قوية تذكر الناس بالله وبلاش الحاجات التقليدية زي اسماء الله الحسني عاوزين ابتكار

رابعا انا في بالي يوم عقدي ان شاء الله تكون كل الناس صايمة للي يقدر واعتقد ان صحباتي وبعض المدعوين حيتقبلو الفكرة وانا ان شاء الله اولهم والعريس

ونعمل افطار يعني البوفيه بدل ما يبقي اكل وخلاص ناخد ثواب افطار صائم
وطبعا انا عارفة ان مش كل الناس تقدر تتقبل ده من المعازيم بس على الاقل اقرب الاصحاب ممكن يعملوا ده

مش كده وبس نكون متفقين مع طابور بنات وشباب او كمان دلوقتى فيه جمعيات ودارات متخصصة فى دة ومجانا بحيث ياخدوا الاكل الفايض ويتحط بعلب ويتفرق ع الفقراء بدل ما يترمي
يعني خير من كله زواج وافطار صائم واطعام فقير
ها فين اقتراحتكم وتعليقاتكم؟؟؟؟؟؟؟؟؟؟؟