ادخلى يمكن ربنا يجعلك سبب فى ارتدائى النقاب

[dr seraa]

انا حلم حياتى انى اكون منقبه لكن المشكله انى حاسه ان النقاب ده شرف عظيم اوى انا مش استحقه وان اى واحده تلبسه لازم تكون فى قمه التدين والتفقه فى الدين و طبعا حافظه القران والسنه وانا طبعا مش كده يعنى انا بحاول قدر الامكان اكون ملتزمه حتى من غير نقاب لكن انا بجد نفسى البسه اوووووووووووووووى وبجد هى دى الاسباب اللى منعانى ادعولى وحد يرد على الكلام ده يمكن اخد القرار اختكم فى الله اسراء

[تائبه الى مولاى]

رد: ادخلى يمكن ربنا يجعلك سبب فى ارتدائى النقاب

السلام عليكم ورحمه الله وبركاته.اختى الحبيبه والله ده شيطان انا حسيت بنفس الاحساس لما اقبلت على النقاب لان عاده لما الواحد يجى يلبس النقاب بيلاقى قدامه حاجتين اما معارضه من الاهل او من نفسه وتفضل تقولك بقى انا ما استحقش البسه وانا مش هبقى جديره بيه ولازم الاول ابقى حاجه كبيره عشان اقدر البسه لا ما تسمعيش كلامها ده شيطان.ولو انتى مقتنعه انه فرض متترديش خالص.وبصراحه النقاب بعد ما تلبسيه هو الى هيشجعه بقى على حفظ القران والسنه والالتزام الحقيقى لكن لو فضلتى تقولى لما استحقه هالبسه مش هتلبيس بل وهترجعى اكتر عنه.وبعدين احنا بنعمل حاجه ترضى ربنا يبقى ان شاء الله هيثبتك ويعينك بس اهم حاجه تخلصى النيه وتكونى على قد المسؤليه ومتسيئيش ليه باى حال.وربنا يهديكى الى ما يحبه ويرضاه وياريت تبقى تفرحينا بخبر لبسك النقاب.واسالكم الدعاء واللسلام عليكم ورحمه الله وبركاته

[dr seraa]

رد: ادخلى يمكن ربنا يجعلك سبب فى ارتدائى النقاب

جزاكم الله خيرا انا كلامك عجبنى وان شاء الله هفكر فيه بجد

[لؤلؤ ومرجان]

رد: ادخلى يمكن ربنا يجعلك سبب فى ارتدائى النقاب

ازيك يا اسراء

منورانا يا قمر

بالنسبة للنقاب بصي يا حبيبتي الجندي في الحرب أول حاجة بيعملها ايييييييييييييه ؟
.
.
.
.
.
ها فكرتي

أول حاجة بيعملها بيلبس البدلة " بدلة الجيش يعني " وبعدين بيبتدي يتدرب ويمر بمواجهات مع الأعداء لكن هو بيفضل يجاهد الى ان ينتصر بإذن الله صح يا قمر

إحنا كمان كدة بالظبط المفروض أول حاجة نعملها اننا نلبس واحنا طبعا هنلبس ايييييييييه ؟

ايوة بالظبط زي ما بتقولى " الحجاب الشرعي " اللى النقاب اساس فيه
وبعد كده هنجاهد نفسنا والشيطان والناس وكل حاجة
وبالتالي مش لازم نعرف كل حاجة علشان نلبس النقاب لأن الجندي كان ميعرفش حاجة لما لبس البدلة ودخل الجيش واسألي أي حد دخل الجيش هيقولك كدة

احنا بقى هنتدرب على اييييييييييييييييييييه ؟
صح برافو عليكى على حب الله والتقرب اليه بالعبادات والنوافل والعلم الشرعي وده مهم جدا لأنك بيه هتعرفي ايه اللي لازم تعمليه علشان توصلي للجنة وكلنا بنجتهد والله الموفق

انا مش هكلمك عن ثواب النقاب العظيييييم لأني حاسة انك عارفاه كويس جدا

اخيرا احب ان تكوني حبيبتي ممن قال " وعجلت اليك ربي لترضى "
فنحن لانعيش الا لطلب رضا الله صح

منتظرة يا اسراء انك تقوليلي انك لبست النقاب قريب جدا وانا هادعيلك في الثلث الأخير من الليل ان يرزقه الله لك لأنه رزق عظيم فعلا

أحبك في الله

[رضاك ربى مرادى]

رد: ادخلى يمكن ربنا يجعلك سبب فى ارتدائى النقاب

اختى فى الله اسراء
ارتداء النقاب من اسعد وافضل القرارات التى تتخذها الفتاه فى حياتها فهو يضفى عليها جمال ووقار ويجعل شخصيتها اقوى واثبت
انا ارتديت النقاب من عامين لم اكن اكملت 16 من عمرى وقد كنت فكرت فيه كثيرا وكانت تقابلنى نفس العقبات التى قابلتك ولكنى قررت ان ارتديه
طاعه لله...... خطوة كأى خطوة فى طريق الالتزام .... تفهمينى اختى .. ليس فرض ان يكون اعلى مرتبة من مراتب الايمان بل هو درجة من درجات سلم الايمان

ومن هنا لبسته وبعده بدأت التزم بجد فمنعت الاغانى والافلام والمسلسلات وطعت ربى قدر استطاعت ولكنى لم ابدأ فى حفظ القرآن الا هذا العام بعد ان انتهيت من الثانوية العامة ودخلت الكلية

فلا ترددى اختى فى لبس النقاب وابحثى على الصحبة الصالحة التى تعينك على ذلك
ولا تستشيرى ذوو القلوب الضعيفة فى امر النقاب فهم اهل ضلا ل سيقولون لكى ما زلتى صغيرة والعمر اما مك طويل و.... و.........
ولكن اتخذى القرار ونفذيه ثم فاجئيهم بذلك والله المستعان

والسلام عليكم ورحمة الله وبركاته....

[منال محمد]

رد: ادخلى يمكن ربنا يجعلك سبب فى ارتدائى النقاب

جزاكن الله خيرا اخواتى الحبيبات
ارجو ان تدعو لى ايضا بلبس النقاب
اللهم اهدنا واهدى بنا واجعلنا سببا لمن اهتدى

[sara2007]

رد: ادخلى يمكن ربنا يجعلك سبب فى ارتدائى النقاب

بسم الله الرحمن الرحيم
السلام عليكم ورحمة الله وبركاااااااااته

جزاكِ الله خيرا أختي الحبيبه
ارجو ان تدعو لي أنا كمان بلبس النقاب
يااااارب يسر لنا الخير ياااااااارب
اللهم اهدنا واهدى بنا واجعلنا سببا لمن اهتدى
وأنصحك بقراءة الموضوعات دي لأختنا الفاضله يمامة المسجد
ويااااارب تبشرينا قريب وتقوليلنا إنك أخذتي القرار
ويااااااارب أنا كمان أبشركوا قريب...
اللهم يسر لنا ارتداء النقاب..اللهم آمييييييين
---------
ايه رأيك تكوني منتقبة؟, لا للجدال ..ولكن ..ممكن اعرف آرائكم ؟؟
https://forums.way2allah.com/showthread.php?t=2265

لكل أخت لا تستطيع إرتداء النقاب
https://forums.way2allah.com/showthread.php?t=9525

ولو قامت الدنيا كلها على النقاب .....مقال رائع للشيخ يعقوب حفظه الله
https://forums.way2allah.com/showthread.php?t=2449

-------------------
سبحان الله..الحمد لله
لا إله إلا الله..الله أكبر
لا حول ولا قوة إلا بالله العلي العظيم
سبحان الله وبحمده عدد خلقه ورضا نفسه وزنة عرشه ومداد كلماته
اللهم أعنا علي ذكرك وشكرك وحسن عبادتك
اللهم وفقنا لكل ماتحب وترضي
اللهم استرنا فوق الأرض..واسترنا تحت الأرض..واسترنايوم العرض عليك
أسأل الله عز وجل أن يتقبل منا أعمالنا وأن يجعلنا من أهل الفردوس إنه على ما يشاء قدير
ياااااااااااارب

[dr seraa]

رد: ادخلى يمكن ربنا يجعلك سبب فى ارتدائى النقاب

جزاكم الله خيرا على الرد وانتو بجد شجعتونى خلاص انا فكرت مع نفسى واقتنعت الحمد لله بس فاضل اتخاذ اول خطوه وهى طبعا انى اقول لماما يا رب توافق

[غفرانك ربي]

رد: ادخلى يمكن ربنا يجعلك سبب فى ارتدائى النقاب

جزاكم الله خيرا على الرد وانتو بجد شجعتونى خلاص انا فكرت مع نفسى واقتنعت الحمد لله بس فاضل اتخاذ اول خطوه وهى طبعا انى اقول لماما يا رب توافق

إن شاء الله توافق اخيتي اصدقي مع الله وهيصدقك بإذن الله

والله اما هتلبسيه هتندمي علي كل لحظه عدت عليكِ وملبستيهوش

وهتحسي إنك ملكة وإنك مش ماشيه علي الأرض لا طاااايرة من علي الأرض

ربنا يرزقك وكل فتيات المسلمين يارب

هنستناكي تفرحينا بخبر لبسه قريباا إن شاء الله