انا مضايقه اوى

[حياتى اسلامى]

انا فى البدايه بحبكن كلكن فى الله
رقم 2 انا لا اجد اخت فى الله تعينى على حفظ القران وتاخذ بيدى على حفظ القران انا من المنصوره ونفسى احفظ القران ولكن بجد مش لاقيه نفسى الاقى اخت فى الله تخدنى معاها ونحفظ مع بعض ونمشى فى الطريق مع بعض لغايه لما اختم القران كله والله عندى استعداد بس نفسى فى اخت عندها همه وشيخه طيبه كده مبتغبش لانى استويت من الغياب وربنا يكرمكم كلكم

[dr_karmen]

رد: انا مضايقه اوى

ربنا يوفقك أخيتي وييسر لك كل أمر ويرزقك الصحبة الصالحة

[كفاح]

رد: انا مضايقه اوى

أهلا بكى حبيبتى فى المنتدى نووووووووورتى
جزاكى الله خيرا أختى على حرصك لحفظ كتاب الله
وحضرتك من المنصورة ان شاء الله هتلاقى أخوات هنا كتير من المنصورة يساعدوكى
لانى أنا قرأت ان فى كتير هنا من المنصورة
ربنا ييسر لكى الامر
وهيكلموكى ان شاء الله

[اميرة بنت الاسلام]

رد: انا مضايقه اوى

السلام عليكم اختى الفاضله
والله انا كانت زيك واستعنت بالله وذهبت الى دار لتحفيظ القران وهناك اتعرفت على بنات محترمة اوى واحبينا بعض فى الله واصبحنا نسال على بعض ونشارك بعض فى الخير والحمدلله حفظت جزء عم ودلوقتى فى البقره فارجوك اذهب على طول لقرب دار للتحفيظ وباذن الله حتحس بفراق ربنا يهديك وييسر ليك حفظ كتابه
واى شىء انا اختك فى الله
احبك فى الله

[sehamezzat3]

رد: انا مضايقه اوى

السلام عليكم اختى العزيزة جزاكى الله خيرا على حرصك على حفظ كتاب الله ان شاء الله ربنا هيعينك على حفظة طالما انتى ناوية بس افضل شىء تذهبى لاقرب دار تحفيظ وهناك هتلاقى كل ابواب الخير اتفتحت

[حياتى اسلامى]

رد: انا مضايقه اوى

جزاكن الله خيرا
وانا اسفه دكتوره ناريمان انا مكنتش لاقيه الموضوع وجزاكم الله خيرا والله المستعان

[غفرانك ربي]

رد: انا مضايقه اوى

السلام عليكِ ورحمة الله وبركاته

اولا اخيتي مرحبا بكِ في المنتدي وفي بيتك ووسط اخواتك في الله

وبعدين ازاي مش لاقيه اخوات كلنااااا اخواتك في الله

وبالنسبة لحفظ القرآن ايه رأيك تشتركي معانا هنا
https://forums.way2allah.com/forumdisplay.php?f=75

وبما إنك من المنصورة فهتلاقي هنا كل مواعيد التحفيظ لمسجد السلاب

•:*¨`*:•. إعلان لكل أخوات المنصورة .•:*¨`*:•

وهناك هتتعرفي علي اخوات كتير بإذن الله

وفقكِ الله اختنا

[حياتى اسلامى]

رد: انا مضايقه اوى

جزاكن الله خيرا ربنا يكرمك اختى غفرانك ربى وسهامواميره وكفاح ودكتوره ناريمان انا بحبكن فى الله وكلكم طبعا اخوتى فى الله والله انا كنت مضايقه لانى اه عارفه اخوات كتير فى الله بس مش بلاقيهم مهتمين انهم يخدوا بايدى طبعا انا مقدره ظروفهم وربنا يعينهم انا كنت اعرف اخوات فى الله زمان بجد كانوا ماشاء الله وكنا بنساعد بعض وكده جدا ووالله ماكناش نعرف بعض اد كده بس بجد وجدت فيهم حب الخير للناس والاهتمام والتشجيع والمتابعه ولكن للاسف انقطعت اخبارهم فجاه تقريبا اتجوزوا ومن بعدها كل الاخوات الى انا بعرفهم مش لاقيه فيهم الى انا كنت بحسه مع اصحاب زمان الحمد لله على كل شىء وجزاكم الله خيرا على الاهتمام

[حياتى اسلامى]

رد: انا مضايقه اوى

وكمان حاجه اغلبهم هيقفوا فى الايام دى عشان ايام امتحانات انا كمان لسه فى الكليه بس بجد نفسى احفظ وكل ماروح لحد يقولى شطبنا خلاص عشان الامتحانات والمشكله انى معنديش مايك عشان احفظ مع المنتدى انا ميهمنيش ايام امتحانات انا نفسى احفظ والله